Itamama (荃新天地2)

營業中

休息中

餐具有一大攤白色汁未洗，食物（香草鮮露筍螺絲粉）有酸宿味，所有嘢食都有芫荽，食物基本上只有蔥同蒜味⋯ 好似冇落鹽咁， 服務態度都同啲食物一樣咁低質，不過平心而論，雞翼係OK嘅。啲嘢食個樣係唔差嘅，餐牌上面啲相都幾吸引嘅，冇諗過一食落口全台人都真係覺得難食。食物安全係最重要嘅，我哋同侍應講，啲嘢食有酸宿味，佢竟然帶住個口罩聞一聞之後同我哋講OK，話冇問題。我哋堅持換其他嘢，佢就露出不悅嘅神情，仲要我哋補回食物差價。總之呢間嘢唔建議。

今日同阿媽二人世界行完街去嘆tea, 去左荃新天地二期的Itamama。 佢下午茶都幾抵食。所以都要排10分鐘先可以入座。-mama 手工pizza（香草腸、溫泉蛋、肉醬，煙肉）$38+$3 凍朱古力-漢堡扒煎焗流心蛋配香脆薯條 $40+$3 凍檸茶

係荃灣行商場行到餓😄入左去呢間餐廳食嘢，價錢中等但賣相唔錯💭黑蒜鮮蝦車厘茄天使麵($71)賣相幾好，份量適中，有4-5隻蝦🦐天使麵啖啖都有黑蒜香，配車厘茄整體幾開胃同新鮮😋另外呢度都有唔少飲品加配選擇，眼見店內唔少一家大細黎用餐，餐牌選擇都較多，可以一試👨‍👩‍👧‍👦

可以出來吃飯的第一個周末，太忙了，連夕陽西下也不知道，唯有去吃個簡單的，快的 ...可能今天是連水也沒喝過幾滴，坐下來後馬上點了杯特飲，“鮮乳奶蓋配香濃可可”，爽，朱古力味濃，又夠冷，醒了！這口餐湯卻有點失色，味道還可以的，一喝就知道是磨菇忌廉湯，但太稀，口感不夠醇厚。“三重芝士田園pizza”，在茶餐廳做出來的，當然不能和意大利餐廳的比較，在有限米煮有限粥的情況，這已算合格。“烤極黑豬鞍扒配烤野菜”，嘩，擺盤不錯，豬扒嫩滑，入味，是廚師的功架。

早餐有成十幾款，真係好多選擇呀！當中仲有bagel添，早餐有bagel又幾少見。多士烘得好脆，外脆內軟，搽上蒜蓉牛油非常香口，建議黎到就即刻食，隔左陣就會淋左無咁脆架喇！

撇低狗狗，出咗荃灣搵嘢食。本來好鐘意鱟地坊的一間拉麵店，但冇食一排竟然執咗，唯有隨便喺附近搵個地方開餐。商場入面，間間餐廳的消費都唔低，當我同狗狗爸爸經過Itamama，對比之下，呢間餐廳的食物價格就相宜得多，而且佢提供唔少餐飲選擇，咁就呢間啦！餐廳的裝潢幾有特色，工業風，餐檯之間距離闊落，仲有唔少卡位。不過，望落似曾相識，餐廳裝修同「鬍鬚佬餐廳」 意樂有幾分接近。點咗1個下午茶餐同1個午餐。下午茶餐係黑松露炒蛋Bagel配薯條，免費跟餐湯或熱飲，而我就揀咗蘑菇忌廉湯。午餐就嗌咗雞扒蛋蓋飯配黑椒汁，跟餐加$10點咗凍奶蓋朱古力。呢度的下午茶都幾抵食，一嚟有Bagel比較特別，而且價錢唔貴，只係$41，再者而家適逢農曆新年，餐廳依然提供下茶餐，仲要下晝2點已開始供應。我哋坐低之後都陸續見到唔少顧客入嚟幫襯。黑松露炒蛋Bagel配薯條：個Bagel外脆內軟，仲幾飽肚；食到炒蛋裡面的黑松露味道；薯條粗身，炸得香脆。呢個下午茶餐雖然唔算好大份，但就幾精緻！蘑菇忌廉湯細細碗，湯入面有攪拌後的蘑菇粒粒，味道唔錯。雞扒蛋蓋飯的黑椒汁有少少辣，黑胡椒味重，幾惹味。蛋的份量頗大，估計有2-3隻炒蛋，啲蛋

兩溝既珍珠米，黑椒汁有小小辣，蘿蔔微甜都可以中和到，一口牛柳粒有D 韌湯就一般，唔喊唔甜又冇蟲露味，又唔係味精湯，你當熱飲就好了非常欣賞依個柚子雞翼，唔只賣相好睇，炸到好脆，仲要塗上滿滿既柚子可惜今晚冇lasagnas ，店員推介食依個蕃茄芝士焗肉丸，話都係差唔多，頂住先😓丸子較濃味確實係唔差大啡姑今晚都賣哂，唯有叫肉醬意粉裡面都有草姑白姑又係頂住先，但清清地都幾好食，宜家做侍應真係好難做，小D 急才都唔得

每日的早餐,不斷巡迴於各間小食店,及街坊茶餐廳,而這間是我個人較為滿意的,除了是價錢大眾化,論環境和裝修也可以給早晨叉叉電,而且食物質素也很不錯,除了週一至週五的超抵早餐外,我今天假期行山前再選了這餐廳來充電。雞扒煙肉滑蛋和小薯仔伴沙律菜,再加上香香的蒜蓉多士,實在是大滿足,而另外愛人的健康麥皮配蕃茄蘑菇炒滑蛋,也是伴有沙律菜,除了健康份量也十足這個健康的早餐,坐得舒舒服服又寬敞,每人也不用40元,夫復何求。

平民價錢而又要有一般西餐廳的水準, 這裏也算是不錯的選擇, 今天叫了兩個下午茶餐,消費也不過是80多元, 首先龍蝦汁蕃茄焗豬扒珍珠飯, 分量也很多, 豬扒切件, 够淋身而又有肉味, 芝士和番茄醬都很多, 龍蝦汁就不怎麼覺得啦。這個餐是配埋野菌忌廉湯, 也是好美的。另一鮮蜆天使麵, 蜆和碎煙肉都很多, 而且很足味,天使麵雖然賣相像米粉, 但是很有咬口也不會太水汪汪, 水準不錯, 又可配餐飲, 它的冷壓鮮檸檬水很出名,而事實也真的不錯,不用加糖也可入口,就是這樣便過了一個快樂的下午茶時間嘞!

夜晚想食西餐，行到荃新天地，估唔到呢個商場都有啲平民西餐😍成個setting同環境都幾靚，但係menu嘅價錢完全係反比😂 仲要好多選擇，從steak到risotto, 到意粉同小食拼盤，樣樣都好吸引！米蘭肉醬溫泉蛋焗闊條麵 ($65)闊條麵煙煙韌韌，呢個價錢黎講，算係有驚喜到我🥰 但係醬就多過麵好多，個比例可以再調整下，不過呢個價錢算係高質👍🏻烤安格斯牛 ($159)個牛唔算好香牛味，不過唔會韌、易入口👍🏻 不過就會多少少肥肉 (唔會話好誇張，只係比平時西餐多😝) Overall都幾好食😍😍整體黎講，買單200幾蚊，食到呢個質素，已經好滿意，下次會再食😙😙

荃灣打波前，朋友叫食飯是但找間野見佢都多人食以為ok但不得了，好耐無食過咁難食的食物！三文魚包薄漿炸完唔知點解可以咁乾咁柴又唔香口！闊條麵似無誠意茶餐廳白烚意粉自己撈汁但這個無汁你撈，食完唔好話黑蒜味，連少少蒜味都冇！最後要搵待應拿兩野茄汁同芝士粉撈埋夾硬拍左佢！ 飲杯西柚特飲好sweet呀！一定sweet 到爛牙！最正常係兩份加配的柚子蜜雞翼同水牛雞翼！仲有舉手叫待應拿茄汁，舉左五分鐘都無人理！要用怒音大叫‘唔該’先有人望你，咁的服務真心一流！

自從Itamama出現響荃新天地之後，我嘅飯堂就改變咗……價錢非常經濟實惠，包飲品之餘仲要無加一，食物種類繁多，重點係有水準，座位都算舒服，不過呢度無得訂位，lunch time都要排隊等位。🍴煙肉卡邦尼扁意粉 $59 ⭐️⭐️⭐️呢個真係大整古，點解碟意粉有芫茜架！仲要煮埋一齊！本身意粉煙韌、creamy、足料，超好味架(經細心挑起芫茜後)，經查問後，原來可以走芫茜，但點解唔響menu註明呢？？？你估個個都係茜人咩！🍴龍蝦汁蕃茄豬扒焗珍珠飯 $62 ⭐️⭐️⭐️⭐️焗得好香好好味，汁又夠多，豬扒一大塊厚切但非常腍，一個焗飯我食淨半兜飯，份量太多適合男仕享用。🍴美國烤安格斯牛扒配煎焗流心蛋．珍珠飯．田園沙律 $76 ⭐️⭐️⭐️⭐️見menu個圖好吸引，但成品個飯賣相差啲，但整體味道都唔錯嘅，牛扒煮得香脆全熟，但一啲都唔韌，蘸蘑菇汁好食，珍珠飯好有飯味，加蛋一流，可以一試。三人共消費：$197

芝士肉醬千層麵🧀×超脆原皮薯條 🍟(熱量炸彈）極重罪惡感，超厚濃郁芝士，可拉絲😳4層麵皮🤣混合肉醬勁滿足🤤連皮製薯條特別香口，外脆內軟👍👍龍蝦茄汁焗豬扒珍珠飯又有無得頂芝士Party🧀加熱辣辣蕃茄，酸味勾起食慾，煙軔柔軟既芝士🥰但豬扒略有不足，肉質有啲偏乾，唔夠juicy。珍珠飯吸收龍蝦蕃茄汁，濃味又濕潤👍整體驚喜十足，外貌似普通餐廳，但原來野食高質，經驗實惠👍👍*******************⭐️味道 8/10 🉐⭐️性價比 9/10 🉐⭐️服務 7/10⭐️環境 7/10⭐️外貌 8/10 🉐

成日都經過呢間餐廳🍴我都只係買佢嘅麵包🥯佢嘅麵包都好好食，但係就未試過坐低☺️食見佢都好多人排隊❤所以見今日早咗起身🧸咁就去試吓😍餐廳樓底夠高👍所以環境好舒服☕️睇埋佢個餐牌❤️以咁嘅環境質素👍佢只係收茶餐廳嘅價錢💰性價比好高😋而且食物質素都唔錯👍早餐同茶餐廳一樣唔加一😍所以絕對值得推介😃有機會一定會試吓佢嘅午餐或者晚餐呢。🍳芝士炒蛋Bagel包 $35個蛋炒得好滑🍳個Bagel上枱仲係熱辣辣嘅Good👍Good👍Good👍🥯🥯🍳火腿通粉豬肉腸餐肉蛋多士 $37麵包果然係佢嘅強項🤤個多士好新鮮👍好脆口😋豬肉腸都好好食☺️但係個通粉因為係忌廉雞湯底，我自己就覺得就油咗少少🤏☕️包飲品❤我叫咗熱奶茶☕️我係奶茶控☕️雖然冇茶餐廳咁濃味，但係以佢呢個餐廳質素黎講，係絕對唔差同埋接受👌👌食物質素：⭐️⭐️⭐️⭐️⭐️環境質素：⭐️⭐️⭐️⭐️⭐️地點位置：⭐️⭐️⭐️⭐️⭐️💰早餐 ：$72 / 2 ppl 📍荃灣荃新天地2期UG樓 UG82-83

今晚叫咗個晚餐，星期三係「和美啖啖肉晚餐」，有安格斯牛扒、雞扒、煙肉、雞蛋同埋薯條。包埋蘑菇忌廉湯。再叫咗個水牛辣味烤雞翼，同埋芝士西蘭花。先講忌廉湯，個湯夠濃，有粒粒蘑菇，都幾好味。跟住上咗個主菜，牛扒夠淋，好有肉味，雞扒煎得好香，烟肉同雞蛋就冇乜特別啦，薯條比較乾，麻麻哋好味。不過個雞翼有驚喜，炸雞翼再淋個辣汁上面，熱辣辣食好好味。食得太多肉，所以叫咗個芝士西蘭花。兩個人食啱啱好，夠晒飽，都係$158，下次會再幫襯！