Itamama (荃新天地2)

營業中

休息中

這間餐廳平日都有很多人來吃早餐，今日來商場看戲，在這裡吃個早餐後才入場。看餐牌有一款看來都很健康的早餐，芝士焗流心蛋多士，無糖高纖鮮奶麥片，田園沙律。上檯的食物與餐牌圖片一樣，一大片厚方包，面層有香濃芝士覆蓋，流心蛋置中央，蛋黃鮮紅。一啖咬下去，蛋汁充滿口腔，非常美味。一絲一絲的綿密芝士與方包難分難捨，分量十足，滿口芝士味，方包軟熟帶溫暖。高纖鮮奶麥片不是很稠密，但有鮮奶的滑溜，入口不錯，可以作為飲品飲用。田園沙律用的疏菜很新鮮，以日式芝麻醬伴吃很開胃。吃完這份早餐已夠飽，還包一杯餐飲，我要了咖啡，飲完咖啡就更飽了。總的來說，這份早餐很美味又經濟。

想食餐平平哋嘅西餐，又唔想食蕯利亞，可以試吓依間itamama，港九新界都有幾間分店㗎！.龍蝦湯海鮮天使麵 $72雖然寫住龍蝦湯，但都唔好對個龍蝦湯抱太大期望，以為會有文華嘅質素。不過，👩🏻喺兩間分店都試過，第一次喺北角分店中午食嘅，味道相當濃郁，唔會有劣質龍蝦湯嘅腥味，仲有大量海鮮，青口、蜆、蝦🦐都有，好足料，只係食完有些少口渴。最近試依次就喺荃灣分店嘅晚市，其實都接近九點，味道對比起北角分店嗰次就淡味好多，唔知關唔關就快關門事啦。.松露野菌白汁雞扒焗珍珠飯 $63另外👨🏽就叫咗個焗飯，白汁無乜黑松露味，就係普通嘅白汁。雞扒煎得幾岀色，外皮煎得金黃色，雞肉嫩滑，每嚿雞扒都切得細細嚿，方便入口。而且份量都幾多，一個女仔絕對唔會食得晒。.香脆薯條 配黑松露滋味醬 (原價) $38叫咗主食仲可以加少少錢加小食，我哋就揀咗香脆薯條🍟。當時有個小插曲，見到入面有頭髮，第一次我哋就由佢啦，食多幾條又見到有，我哋就同侍應講，侍應就即刻換過份俾我哋（底嘅薯條係熱嘅，所以應該係全新一份掛🤔）。講返味道啦，炸得好香脆，個醬都唔錯嘅。.其實itamama嘅味道係絕對對得起價錢，性價比高，不過衞生情況就要多

落雨濕濕，行唔成山，踩唔成單車，同老婆嘅最佳節目喺睇場戲，晌荃新天地二期嘅「英皇」睇完早場（平啲嘛），剛好夾到午飯時間，當然，食埋先返屋企。呢頭自從「海之戀」、「如心二期」嘅商場相繼開業，連帶幾個之前已有嘅商場就更旺，晌度真喺搵食無憂。單喺呢度「荃新二期」已有唔少食肆，啱啱落咗扶手電梯，就見到一家「Itamama」餐廳，感覺個名，望入去嘅環境都好面熟，原來喺「Itamomo」（意樂）嘅姊妹店，「意樂」本身我哋就幾鍾意，不時晌美孚店食早餐，所以，對呢間「Itamama」都幾有信心。 環境跟「意樂」真喺九乘幾似，一睇都喺工業風嘅裝修，，水泥地、鐵窗框、昏暗燈光、木枱木櫈，加上無乜修飾嘅天花，帶出一種粗獷原始味（呢段照抄自己以前「意樂」嘅食評，真喺完全啱用，哈哈）。  枱上除放咗餐具、少少調味料之外，仲擺咗支嚟自意大利嘅礦泉水（需付款），真喺想知，有幾多人會開嚟飲呢？ 午餐而言，選擇嘅種類都算多，雖然再次睇睇官網，就話過Itamomo就經營大眾化嘅意日融和菜，而Itamama則用上較高級嘅食材嚟做歐陸菜，不過，細閱話午餐餐牌一次，感覺Itamomo同Itamama賣嘅嘢好似差唔多。而揀任何主

行到去荃新天地，發現而家多咗好多餐廳。唔知食乜好嗰陣，見到間餐廳好多人食，睇完個餐牌 覺得下午茶都幾好咁，所以就入去試下啦入到去覺得啲位比較窄，但樓底比較高都唔會好焗促。叫咗一個意粉同一個 pizza，下午茶仲有嘢飲，每人四十零蚊都幾抵。個青醬意粉感覺同出面嘅唔同，唔cream，但勝在好多蜆肉，感覺都好抵食個pizza就真係好好食，有埋個流心蛋好正。可能因為有開埋麵包舖，所以個餅底好香好軟因為地方夠大所以坐多陣都唔會畀人趕，唔錯。

本人惠顧於21:00 坐低叫完嘢食之後嘢食都未叫，仲喺度睇緊食咩嘅時候，已經同我哋講話last order，問我哋有冇啲咩要加，但係明明我哋連第一轉都未叫。可見員工之間冇好好溝通影響客人。喺連嘢食都未嚟嘅時候，店員已經催我哋埋單，叫我哋快啲俾錢，服務態度極差，當中並沒有講唔該、請呢啲嘅禮貌字眼。我哋叫咗炸魚薯條同埋煙三文魚燉飯，炸魚薯條係叫完之後已經好快嚟咗，但係個飯去到9:30都未嚟，同行嘅友人已經好唔耐煩，於是我就望住廚房出餐嗰個位，一直望住睇吓個餐幾時先會出。突然，有個員工走過來，話見到我一直望住佢，問有冇嘢需要幫到我，佢嘅語氣「係呢你係咁望住我」講到好似望住佢哋有錯咁，咁我就同佢講個餐到而家都未到，問佢幾時先會到。佢就話同我跟下。過咗5分鐘個飯終於到，但係好熱出晒煙，根本完全擺唔落口，於是就擺喺度攤左5分鐘先食。喺食到一半嘅時候，店員就走過來同我哋講話舖頭仲有5分鐘就閂門，叫我哋食快啲。你個餐咁遲先出，仲要咁熱，點樣食快啲？咁我就同催埋單催我哋快啲走嘅女員工講話個飯好熱仲出緊煙，食唔到快，佢完全冇理我。食物質素方面，煙三文魚燉飯當中煙三文魚有好大浸雪藏味，整體味道一般。店員服務

今午奴才隨娘娘Shopping，不知不覺連午餐時間也過了，但路過荃新天地二期，發覺有新店開張，裏面是金碧輝煌的茶餐廳，外面有精美包點，這怎擋得住！這個“鮮蜆青醬天使麵”，雖然有點亂，但材料、味道絕不欺場，作為一個只41元的下午茶餐，性價比超班！娘娘的“黑松露炒蛋bagel+沙律”，有滿瀉的黑松露蛋，加上香軟的麵包，魅力無法擋。若有所失，追加了一小份“柚子蜜芝麻雞翼”，熱辣辣，味美，加多一張假報紙墊底，多了一份英國街頭小食的味道！

🌿🌿環境：西餐廳裝修佈置、餐廳乾淨企理、多卡位，而且座位闊落🍽🍽食物：呢間係一間意大利餐廳，主打西餐今次食嘅下午茶係超值👍🏻👍🏻👍🏻✅✅意大利軟芝士蕃茄🍅沙律配牛角包🥐$35車厘茄同蕃茄好新鮮、軟芝士有淡淡芝士香、加埋黑醋同酸酸甜甜嘅汁，感覺好清新，牛角包唔細，有手掌咁大✅✅牛肝菌汁烤雞🐤焗珍珠飯$44牛肝菌汁係白汁，上面覆蓋咗芝士去焗，令個飯更加香，亦係好足料，好多雞肉，另外珍珠米亦較一般米好食✅✅凍奶茶/套餐加$3x2奶茶好大杯，偏甜，似台式飲品，好味😋🛎🛎服務：要大讚服務員十分有禮、行動迅速，甚至推介菜式和詢問食後感👍🏻👍🏻

為左無米飯黎試呢間 見到都多人排隊不過唔係等好耐 就有位水牛城辣味雞翼（少辣唔錯嘅）香草滑蛋蓋飯（味道叫正常 冇乜太驚喜）煙三文魚煙肉炒菜無米飯（真係太心急食飯點知竟然唔記得咗影相😂😂）（少咸）（不過整體感覺唔錯好啱呢啲唔想食澱粉質嘅人）叫咗杯朱古力咖啡 我有講要凍 佢比左熱都算我另外再嗌多杯凍嘅佢先同我講原來冇凍嘅真係有d搞笑朱古力叫佢走冰 一樣係冇走到餐廳地方大但係待應唔夠有時候叫極都冇人理 唯有自己攞餐具

本來對依啲七十幾八十幾一個菜餐廳冇乜期望好食，但服務態度認真差。昨晚去，叫了其中一個火箭菜Pizza，上到嚟，塊pizza十足十鐘無艷咁，一半圓黑一半圓白，明顯係放咗係焗爐邊位焗燶曬變碳，甚至夠膽講係燒過嚟。我即刻話換，上菜位職員，中年肥胖女士，立即對我黑臉！！過咗一陣她粒聲唔岀，中間有吉位唔放，突然成塊Pizza隊過嚟我用餐位，我唔理佢，先死死地氣放係中間。仲要塊Pizza係冇火箭菜。真係離譜！請問貴餐廳是這樣做飲食？要人客吃碳？

Staff was very rude and just cared about getting off work early. They urged us to order fast and throw the plate on the table. Food wasn’t good. Soup was not even warm. The cutlery container inside was very dirty. Won’t go next time

叫咗個煙三文魚煙肉炒菜無米飯龍蝦湯海鮮天使麵配芝士白汁煙肉焗西蘭花最驚喜就係個煙三文魚煙肉炒菜 「無米飯」雖然個樣同炒飯個樣似到十足十，但係其實係用椰菜花做的。好味得來好健康。入面亦都有d 蟹子，每一啖都卜卜趣咁，真係驚喜！佢個西蘭花上面嘅芝士，都焗得好滋味，但係又唔算好肥膩。好食得黎，好抵食！午餐 147 only! 兩個人。抵！餐飲就一般般，咖啡麻麻哋。下次可以試吓佢啲特色飲品！嘢食可能唔夠熱，可能唔夠人手。最好用返啲QR code 落單服務。

惠顧了很多次，一來店舖面積較大，坐得舒服，二來食物質素很好，只是，略嫌款式不算太多，份量也比較少，唔夠飽，有時要叫多份。這天，就叫了一份午餐及一份下午茶，份量沒有太大分別。帕瑪森乾酪肉醬闊條麵：賣相不錯，芝士🧀味濃，肉醬算多，反而闊條麵份量比較少鮮蜆青醬天使麵：味道濃厚，幸好蜆肉沒有夾雜沙石，一口咬落既天使麵好入味，熱騰騰，只是芡汁比較多水，有點似湯，收乾少少會較好整體上算抵食，味道不錯👍🏻

今朝有個半鐘時間食早餐，叫左個豐富早餐，入面有香煎豬扒，午餐肉，炒蛋，薯蓉，沙律菜，蒜蓉牛油多士，仲有black coffee，豬扒上面有炸蔥頭絲，好香好味，估唔到早餐都咁有誠意

因為肚餓，經過買咗蛋撻、叉燒包、三重芝士包、咖啡、奶茶各一枝。蛋撻都算OK，不過撻底比較腍，唔夠脆叉燒包好得，可能因為啱啱焗起，個酥皮勁脆，餡唔算太多，不過因為個酥皮好脆，已經贏晒個包好大，本身以為餡會好多，所以咬落去得中間有餡嘅時候，係有少少失望嘅如果冇咁大對比，可能呢一個包會係100分滿分三重芝士包叫做不過不失，一般發揮啦咖啡奶茶都算正常，總共買咗$60 ，又唔算貴最有驚喜就係個叉燒包，經過可以買黎試吓下次會試埋牛角酥，睇落去好吸引不過怕佢唔係傳統牛角酥，因為個飽面一啲都唔似

朋友飲酒飯娶，諗住叫西餐配酒叫了外賣平台外賣，牛扒，大啡菇，雞翼，署條，大啡菇岀色，多汁，中間薯蓉，芝士配合得好好，好食至於雞翼就不過不失，水牛好食啲署條都係，不過個牛扒真係忍唔住要負評我未食過一塊全塊都係筋的安格斯牛扒賣相就好好，但當我地切個時，跟本完全切唔到用到剪刀都唔得，最後只好一人半份咁食但都完全咬唔到，中間全是筋，最後只能食佢啲汁價錢唔係平，但點可能成塊都係筋希望餐廳正視問題，品質同價錢不成正比