Italian Tomato Café (創紀之城五期(apm))

營業中

休息中

下午茶,主要同朋友一齊吹吹水APM行得太多,其實都唔知食D咩好結果揀左D無甘飽既talian Tomato Café之前佢係MTR Floor,依家搬左上去5/F叫小食,炸魷魚圈,炸芝士條價格上我覺得偏貴,加上分量好少好少炸魷魚圈正常要有沙律醬結果經理一句無就算但最後仲要有人講我唔記得左俾你地服務差左好多,人手又唔多夠TEA SET跟杯飲品,吞拿魚三文治普通,不特別~我覺得我自己之後唔會再食因為又貴又唔好食,唔值得服務上又唔好~

此連鎖日式西餐店，水準連茶餐廳都比不上。食一次都嫌多⋯⋯但出街食飯的人真的太多，多次路過都有不小人輪候。食物跟餐有三種價錢可加：+ $29 : 湯及飲品+ $48 : 蛋糕及飲品+ $56：湯、蛋糕及飲品出得街食飯預左消費，但亦希望物有所值，而此餐廳係完全唔值。我揀左+$48要湯同蛋糕忌廉湯味道不像忌廉湯，唔熱，質地較稀好似加多左水，而且仲有凝固物在湯中點呀⋯⋯芝士卡邦尼意粉（廚師推介）$65我真心唔推介囉，上枱見到濃左既煙肉，如果佢全部都係燶我可以當佢係煎得香口，但有幾塊係正常色既！除左煙肉仲有極少量既菇，個汁食到有蛋黃味，整體唔出色，希望廚師推介第二樣⋯⋯馬蘇尼拉芝士煙肉蕃茄忌廉意式燴飯 $68配料有芝士、煙肉、蕃茄同菇。好多芝士，好heavy，千萬不能獨食。味道ok~日本栗子撻滿心期待的甜品，係蛋糕，唔係撻，蛋糕很實淨！有吉士有栗子蓉，都無咩野。但上面粒栗子浸左糖水，無晒栗子味，唔好食⋯服務一般，大多處於浮游狀態。Bye~

今日同老公去左觀塘行街街，行行下見到呢一間cafe,咁咪試下囉，都等左大約30min😅,人到去環境都不太差，但服務員就冇咩禮貌🤦🏻‍♀️，叫左2個餐，1）芝士蛋糕，呢一個都可以既，因為本人都幾鐘意食芝士蛋糕😂，2）沙律，普通左d囉，都講唔上好唔好食，因為只係菜😂，可以試試，但服務就真係麻麻地😝

係The wave比完賽忙裏偷閑就黎到呢間餐廳去同朋友輕鬆下餐廳嘅服務同埋環境都唔錯好適合一班人去敘舊談天.但今餐食得太匆忙有好多相都唔記得影 唯有講下我有影嘅幾個菜式啦牛扒佢冇問我幾多成熟 就自動同我上五成熟嘅牛扒肉質幾鮮嫩而且食得出係高質牛扒我落口雖然un但係咬落有少少肉嘅甘香味 口感都幾豐富而且佢上枱嘅牛扒算大 適合同朋友一齊分享以佢嘅薯條係新鮮即炸 非常之香軟脆口豬肋骨佢嘅豬肋骨醬汁偏甜 如果一啲外號係食甜野嘅朋友一定好鍾意依個菜式佢濃厚甜甜嘅醬汁之下 就係好林嘅豬肉一咬就係咀入邊差唔多溶化咁滯但略嫌有少少濟.芝士薄餅佢個芝士有一個薄餅基本有嘅條件 就係拉絲佢做到但係冇咩特別嘅驚喜佢同時都上咗一盤 類似糖漿嘅嘢但我冇淋到上去 大家下次可以試吓伴糖漿食.整體來講唔錯 服務質素亦都非常之好推介嘅係卡邦尼意粉因為一上台就好濃嘅芝士味同埋奶香味可惜嘅係我冇影到相 如果大家有機會去可以一試

叫咗外賣，打包返去左餐廳度食。（成日覺得可以一階階咁買實在太方便，味道又超好。）上次朋友生日我都有見到藍莓但無買，睇嚟藍莓係長期都會有嘅款式，唔伏啊，可以揀黎食！藍莓好新鮮，一啲都唔酸啊。跟住我試試朋友呢一個期間限定（唔係成日有，比較貴嘅，好味過我的藍莓好多😱😱😱😱）大家見到期間限定，建議先買期間限定既，真係正好多！）

同朋友嚟觀塘行街，朋友好想食蛋糕，就決定食呢間。(´▽｀)好多嘢都想食，結果我地叫到成枱嘢食。依家做緊東亞有優惠，我地就要咗滿250元送小食。咁啱俾咗我地卡位小角落坐，又俾我地坐到最後。頭盤要食啲菜落肚，凱薩沙律，40元，算大碟，配料唔多，味道偏淡，可以接受(^_^)滿250元送嘅就係佢啦，忌廉粟米，有三條，剛剛好一人一條，味道ok，加左忌廉一齊整，差極有限。當我地想再點，職員好快就收走左。。。（原諒我影嘅角度，其實我已經好肚餓）再嚟三重芝士煙肉雞肉焗長通粉，75元，圖片只供參考，出到嚟長通粉係大圈。芝士還好，比我想像中少咗啲。肉都夠嘅。整體味道都ok嘅(^-^)再叫左一客雞翼（$48），口感還好，肉少左啲，油似再炸過，略微唔夠。。加左個自選套餐C，有蛋糕，有飲品同湯。朋友話湯一般。朋友就揀咗法國海鹽焦糖純米蛋糕。食落去唔講以為係普通咖啡蛋糕，咖啡味濃，唔係好食到黑糖，海鹽同焦糖味。cream係滑嘅，加左啲焦脆粒，ok啦。( ̀⌄ ́)整體嚟講都可以嘅，不過態度麻麻，食物亦唔特別好食。apm無乜選擇，就算。

假日去apm真係無咩岩食周圍都要排隊… 好肚餓原本去左排茶木 但太多人轉戰左italian tomato不過都要等半個鐘以上原來入面都幾細間 即使有限用餐時間但啲人都坐係到傾計叫左個芝士焗西蘭花不過無論芝士定忌廉汁都係好少同埋淡而且西蘭花太淋身 浸埋D汁無哂口感主食叫左個鮮茄海鮮天使面八十幾蚊一個意粉都中價 份量都幾多主要係天使面份量好多 D茄汁有唔少鮮茄蓉 唔會淨係得D茄汁不過味道明顯唔夠甜 偏酸同埋淡口海鮮主要係蝦 青口 蜆肉等蝦最爽口 但其他都唔算好新鮮 係用黎飽肚既選擇 但味道就一般般 臨走左叫多件蛋糕 差唔多枱枱都有叫蛋糕食果然呢到最出名都係蛋糕

2017年6月30日 (星期五) 4:00pm 提供多款蛋糕西餅及餐飲。 店員十分貼心，主動提供膠叉子。 人數：2人 HK$148 燈光昏黃，環境整潔乾淨，各款蛋糕賣相精緻，擺放齊整，一目了然。 法國海鹽焦糖純米蛋糕 - 法國海鹽的焦糖忌廉配以日本沖繩的黑糖，再以日本米粉製成咖啡海綿蛋糕，口感綿密，咖啡味香濃。面層的慕斯很幼滑，朱古力塊芳香美味，而紅桑子和藍莓酸酸甜甜，開胃醒神。加上以焦糖脆粒圍邊，極具咬口。整體來說，質素屬高水準！【推介之選】❤❤❤ 紐約芝士蛋糕 - 芝士味非常濃郁，質感厚實，甜而不膩。整體來說，厚切大件，甚為抵食，質素亦屬高水準！【推介之選】❤❤❤

之前來食過佢嘅蛋糕覺得好正，所以就來食下正餐，順道加錢食cake。結論係，蛋糕店都係食返蛋糕算。今次點了煙三文魚pizza（$70），大蝦茄汁繪飯（$65），加$56跟餐湯、飲品和cake。Pizza太乾身，沒有Juicy的感覺，感覺上薩莉亞較為好吃！Pizza底也太硬了。茄汁燴飯很稀，感覺有點像濃縮了的茄汁湯飯，講真我覺得繪飯應該是濃郁杰身，但唔係咁樣囉，味道好一般。宇治抹時蛋糕好好吃，cream很濃的抹茶香，蛋糕鬆軟，最值就是這個了！

佢d蛋糕係吾錯 但服務生只有三成係有禮貌之前訂蛋糕 幫我落訂既服務員表達不清還要客人提係邊一日拎 都算 佢連當時有95折都吾知 吾係睇清楚就俾左正價錢今次第一次入去食 公道甘講都仲有少數服務員服務係OK 只能說有d咩經理就教到d咩服務素質既員工出黎!平價快餐既服務比佢地好得倍多

我雖然吾係特別鍾意飲咖啡, 但係呢度出名飲咖啡, 所以我都會入鄉隨族 叫番杯咖啡飲下~我幾乎都係叫例牌㗎啦~南瓜菠菜意粉 . 餐湯 . 熱咖啡 . 蛋糕 我鍾意食呢個意粉, 忌廉香滑 又多蔬菜 啱曬我心意~佢就會每次都唔一樣嘅~今次佢叫咗肉醬千層面 . 餐湯 . 熱咖啡 . 蛋糕 ~熱辣辣 入口感覺好滿足~我都忍唔住就食咗兩啖~ XD 食完正餐 攞返張單出去 簡番自己鍾意嘅蛋糕就得架啦~佢知我中意粉紅色 又鍾意櫻花~所以叫咗尼個期間限定嘅櫻吹雪俾我食~而我呢 想佢食多啲生果 所以就叫左雜莓啤梨蛋糕俾佢食啦~

與男友下午興致勃勃的山長水遠去到青衣，夜晚就打算係屋企附近搵食，下就已經行左好多路既我地就決定係APM入面搵食(´▽｀)黎到門口男朋友已經拎上次食過既劣食黎做比較話同上次果間既感覺差唔多，但由於之前有係其他分店食過佢既蛋糕，所以看在佢蛋糕既份上，而且餐單既食物進落都ok，所以決定一試😊。環境黎講算普通，空間可能會比較狹窄，服務就差左D，個人服務費比黎唔知做咩。食物1.烤雞凱薩沙律本身想點焗西蘭花，但點知冇哂西蘭花，迫於無奈只好點左個沙律，因為男友日日都要食菜。但食落唔太好食，菜太凍，雞肉比較冇味，唔似係烤雞，唯一好食係沙律上熱辣辣的蒜蓉包吧。2.馬穌里拉芝士茄汁忌廉意粉聽個名同睇個餐牌真係幾吸引，但你就真係上檔了。真正黎到，賣相同味道都好普通，就係茄汁味重既意粉，芝士方面都算啦到絲，但未能完全溶透，忌廉味就冇咩喇。3.忌廉三文魚蘑菇焗飯呢個係男朋友叫既，但我食左一啖覺得唔錯呢！很有味，飯底有炒過咁。4.抹茶蛋糕加48蚊晚餐可以加配蛋糕同餐飲，為左蛋糕就加左。但呢個蛋糕真係好失望！本身呢間野既蛋糕，個人認為貴得黎都值，因為真係好食。但今次食呢既呢件真係。首先，佢頂到粒栗子應該浸過糖水，超

琴晚去食飯，拎左飛，為免阻住途人睇餐牌或者拎飛，我就挨係reception對面既欄杆等。等候期間，d人拎完飛依然圍住個reception，堆滿人。15分鐘後終於叫到我個number,我5秒內已到達reception,但個4眼侍應已經叫下一個number...我俾飛佢既時候，佢"jit"左一聲,仲黑口黑面，下一個number既人到左，佢睥左我一眼之後叫下一pair人等等！佢咩事！叫左一聲我個number就即刻飛，我仲要係5秒內已經俾飛佢，佢咩態度！全餐飯都冇心情！都唔知d野乜味！服務態度差到負100分！唔會再幫襯！2017年2月

等一張三四人位既枱等左45分鐘，想落單D 員工扮睇唔到，等一件唔使後加工既蛋糕都等左15分鐘係15分鐘只係由蛋糕櫃拎出黎。雖然食物味道唔差，但服務態度同速度真係好有問題。

放工想食小小嘢，本來一心諗住食越南嘢，點知長龍到嚇親人。。。行到Italian Tomato門口望一望餐牌，意外發現唔貴喎，又夠開揚，決定試一試佢。兩個人叫到成枱嘢，款款都要推介下先！首先係個芝士薯條，已經唔講佢價錢，佢個醬係拉絲芝士，唔「溜」小小creamy，食到我地勁讚！之後叫左沙律，意外地大碟，可以食多啲菜係好事😂😂😂跟住係白酒蜆，佢4x元超多，一半都材料錢，而且無乜沙，煮得啱啱好！最後最後真心推介呢個78元紅酒牛肉螺絲粉，我地係門外睇餐牌係無嘅，入到黎先見咋！唔係講笑，多大大粒牛肉粒之餘，夠入味，唔太咸，薯仔又係好入味，食到我地心情由麻麻，到開心番哂！當然個個都知佢蛋糕又係一流，不過夜晚食太肥，放棄啦。。。真心會encore一次，睇下會唔會食到正嘢再推介😁