Italian Tomato Café (創紀之城五期(apm))

營業中

休息中

今日去試左兩款切餅蛋糕覺得幾好食開心果草莓巧克力蛋糕 (Pistachio Strawberry Chocolate Cake)這款蛋糕以開心果和草莓為主題，色彩鮮豔，視覺上非常吸引。蛋糕底部是巧克力海綿蛋糕，輕盈而濕潤，與豐富的開心果奶油層相得益彰。開心果的香氣濃厚，為蛋糕增添了獨特的風味。草莓的清甜與酸味則為整體口感帶來平衡，讓人每一口都充滿驚喜。蛋糕上方撒上的開心果碎，口感的層次豐富伯爵茶焦糖香蕉蛋糕 (Earl Grey Caramel Banana Cake)這款蛋糕的特色在於其獨特的風味結合。蛋糕基底是柔軟的香蕉蛋糕，香甜的香蕉味與伯爵茶的淡雅香氣完美融合。焦糖的加入為蛋糕增添了一層豐富的甜味，讓人感受到深度的滿足感。上面的核桃裝飾不僅增添了口感的脆度，更提升了整體的風味層次。每一口都能品味到茶香、香蕉的清新，以及焦糖的濃郁，讓人回味無窮。這款蛋糕適合喜愛創新風味的食客，特別是茶香愛好者

今日星期日，我嚟買咗一個"日本士多啤梨法式燉蛋芝士蛋糕"送比朋友生日。門口長頭髮穿灰色衫女接待員工非常友善及幫忙。因為要拎個蛋糕 大約1.5小時車程先到達目的地，所以我加$25買咗1個保溫袋(單買原價要$50)，個保溫袋好耐用，而且保溫能力非常好。店員細心幫我包裝蛋糕及加冰入袋保溫，她非常貼心！蛋糕忌廉好幼滑，內裡夾層蛋糕好鬆軟，甜度剛剛好(大眾喜歡嘅甜度)，整體好好食。Highly recommended!

今日行去APM諗住食個意粉，入到去見到冇乜人已經覺得唔妥，所以我哋只係叫咗個肉醬意粉和焗白汁海鮮飯，兩樣嘢都冇乜味啲汁溝到好稀好似水咁，真係好難食。其他茶餐廳一定好味10倍。啲蛋糕係OK嘅，不過比較甜同埋士多啤梨有點酸，好彩冇叫套餐，如果唔係真係抌心口。叫咗餐所以有個湯，個白汁忌廉湯又係水汪汪，唔怪得知咁少人入去食整嘢。商場有好多新餐廳有更多好嘅選擇, 大家樂和pizza Hut仲好食過佢😖😖😖

一碟意粉其實我唔介意你收$78我入得去就預左比😂😂😂叫左個七色野菜蒜香意粉點知得沙律菜仔幾條 即係撈兩撈就搞店個隻食落仲要係凍口🙄🙄🙄🙄個意粉幾啖食晒 份量勁少 食完好似冇食過嘢🤣🤣🤣仲要咸到鹽膽咁………仲好意思收+1…….本身諗住唔夠食，諗住睇吓會唔會再加錢叫其他嘢食完之後一蚊都唔想再俾佢賺已經係得一個鐘用餐時間食完都唔夠10分鐘就已經走得O晒咀而家唔夠飽，仲要落咗樓下食其他嘢🫤成件事有啲戇X😂

[ Italian Tomato ]夏天來臨又係白桃當造季節，日本人氣店Italian Tomato推出一系列白桃甜品，等我都買嚟同屋企人分享吓甜蜜💕&快樂味道😋😋。✿ 日本鮮白桃慕斯蛋糕 12cm $208✿ 白桃黃桃慕斯杯🧁 $29/杯蛋糕採用100%日本新鮮白桃而製成，表層有口感清涼又晶瑩剔透既白桃啫喱，再配搭果香濃郁既白桃果肉🍑🍑，咬落爽口爆汁💦 而外層有白桃慕絲包裹住，入口好幼滑，整個蛋糕🎂非常清甜❕總結🫦喜歡白桃既朋友千祈唔好錯過🩷🩷。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿全線Italian Tomato✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

呢間餐廳長期都好多人幫襯，特別好適合一家大細。同朋友點咗個煙三文魚蘑菇蒜香意粉，焗肉醬芝士千層麵。個意粉真係好香蒜香味，三文魚有好好食，好想再食多啲😂😂😂兩樣嘢都好好食，不過份量就比較少。

今午和妹妹到APM找吃，自太古城分店結業後，也很久沒去，便入去試試😄，地方不大，座位較密，但裝修予人舒適感，侍應服務ok。二人套餐$288👉沙律×1，湯+意粉+飲品+甜品各×2💥風乾火腿田園沙律~~新鲜，味道酸酸很開胃。💥羅宋湯~~正常💥明太子魷魚忌廉意粉~~明太子味濃，魷魚軟腍，意粉有口感。💥南瓜菠菜忌廉意粉~~調味適中，南瓜菠菜很夾口味。💥Hot coffee~~正常💥芒果焦糖千層酥朱古力蛋糕~~千層酥鬆化，不太甜。💥熊本不知火柑忌廉蛋糕~~有濕潤口感😂，過甜。

Italian Tomato 成日都會經過俾我印象淨係得cake食，原來apm有間加多左Cafe個字，唔止有cake食仲有意粉，Pizza。今日lunch就同朋友去試，我地叫左兩個set lunch. 兩個午餐都跟餐湯＋餐飲都係八十幾蚊。蕃茄雜菜湯飲落酸酸maymay, 好開胃。主食：香煎豬扒雜菌柏士圖意粉豬扒煎得好香口，肉質唔鞋，意粉軟硬適中而柏士圖係香草汁黎另一個叫左個莎樂美Pizza, 雖然貌相唔多靚🤣但味道唔錯，餅底好鬆軟又唔會太厚

士多啤梨蛋糕🍰、係我試過之中最好食架、甜而不膩、入口即化、而且又不是太甜、食完都冇罪惡感、因為食完不會太飽、可以進食其他野🤣、而且佢最出色都是士多啤梨蛋糕🍰、不錯不錯

星期六可以一家出街去食晚餐。決定去apm 的Italian Tomato 食。大家都是想食件cake。今次不講cake，而是講個沙律 - Smoked Salmon Caesar Salad。我個人是鍾意食Caesar Salad的，不過在香港很難食到新鮮的，所以多數都是等到去外國才食。今次的沙律菜中間都開始有鐵鏽色，有點可惜。而意粉中間有一點硬，可以放在熱水長一點時間。有一點失望，日本公司應該品質管理會好過本地公司。。。

第一次去觀塘Apm呢間Italian Tomato. 之前我買過Italian Tomato嘅蛋糕，不過坐低食嘢，都係第一次。今次叫咗肉醬意粉🍝，另外可以加自選套餐。套餐🅰️+$32配餐湯及咖啡或茶套餐🅱️+48配餐湯、沙律及咖啡或茶套餐C +$58配蛋糕、餐湯及咖啡或茶今次我選擇咗套餐C，蛋糕套餐🍰餐湯有雜菜湯/忌廉湯。我揀咗雜菜湯。我覺得個湯咸咗少少。意粉好似硬身左少少。Cake我就揀咗黑森林蛋糕。都幾好味👍我覺得呢間餐廳最好味嘅都係蛋糕。其他食物都係一般。

上星期六去左Italian Tomato Cafe食飯，整體味道真係好好味，服務亦都好好！首先，講下佢哋嘅明太子墨魚意粉。意粉煮得剛剛好，彈牙又有嚼勁，墨魚味道鮮美，味道少辣。再講下Carbonara，麵條煮得恰到好處，夠軟夠彈牙。醬汁濃郁奶香，加埋煙肉同芝士，味道濃郁。最後，要講下兩件跟餐蛋糕。巧克力蛋糕味道香濃，一個餐有兩件蛋糕，性價比高。值得一提嘅係佢哋嘅服務，服務員態度親切又細心，迅速幫我哋上菜同埋送上飲品。總括而言，Italian Tomato Cafe係一間非常值得推薦嘅餐廳。明太子墨魚意粉、Carbonara同跟餐蛋糕都好好味。下次再去，一定會再試其他美食！

周末除了要吃下午茶、brunch，all day breakfast 外，當然要找个靚蛋糕吃，巧克力蛋糕就是我鍾情的西式糕點呢！長時間為了減膽固醇沒敢多吃蛋糕，這次香濃巧克力蛋糕必須嘗一嘗。巧克力mouses 軟滑香濃，配搭巧克力松軟蛋糕，每口都能流露出巧克力魅力值！喜出望外的有意大利式西多士，西多士外脆內軟，香氣撲鼻，西多士又配上芝士醬和蜜糖香味，感覺不是一般的滿足。下午茶的糕點美味之餘，喝个熱檸茶，周末過得一百分😄

👨🏻‍🍳Italian Tomato Café (觀塘APM) (觀塘)📍觀塘觀塘道418號創紀之城五期(apm)5樓L5-6號舖 「成日經過，原來都幾抵食同吾差🙈」 🍽️二人餐 $280包意式風乾火腿田園沙律x1、餐湯x2、蛋糕x2、意粉x2另外升級左飲品+$18，同加左香脆雞翼+$25，雙重芝士煙肉薯條+$25 🍽️意式風乾火腿田園沙律正常🤣 🍽️紅白湯 (羅宋湯、忌廉湯)味道okay，略嫌凍左🥲 👍🏻🍽️特製肉醬意粉意粉吾會太腍，軟硬適中🤤肉醬有自家製味道😝見到蕃茄粒、肉粒，味道不咸不淡，不會太酸😋 👍🏻🍽️日本南瓜菠菜忌廉意粉會食吾停😳👍🏻調味、食材比例都岩岩好，食得出好足料😳👍🏻 🍽️香脆雞翼普普通通，吾系幾夠味🙈 🍽️雙重芝士煙肉薯條普普通通，薯條好腍吾夠脆🙈上到黎好似吾系幾似雙重芝士煙肉薯條🙈無煙肉既🤣？cream cheese都無乜味🙈🤣 🍹凍檸茶偏西式個種🤣吾系港式 🥲🍹香蕉奶昔無乜奶味，可能真系鮮榨香蕉🥲飲慣韓國香蕉奶，會飲吾慣🙈🤣 👍🏻🍽️特濃朱古力蛋糕吾太苦吾太甜，岩岩好🤤 🍽️白桃蛋糕 (好似限定？)飽到無乜印象🙈記得白桃甜的🤣 記得中學食過一兩次，無乜印象，不過意粉真系幾好食

經過APM，見呢間啲蛋糕好似幾好味，就入去試吓，叫左個二人餐$288 ，（包一個沙律，兩個湯，兩個意粉，兩杯飲品，再包兩件自選蛋糕），超抵食！薯條，意粉都唔錯，不個雞翼就淡味左d，整體上都唔差既！美味指數：😋😋😋😋環境指數：⭐️⭐️⭐️回頭指數：👍👍👍👍地址：Italian Tomato Café (觀塘APM) (觀塘)觀塘觀塘道418號創紀之城五期(apm)5樓L5-6號舖