Ice Puff

營業中

休息中

繼續旺中掃街篇啦 第二站就來到呢間雞蛋仔黃店💛 有好多款式 雞蛋仔格仔餅都有 仲可以配埋雪糕添 選擇困難🙈~~🧇阿華田雞蛋仔 (+$6 麻薯) $34全部order都係即叫即製 拎上手熱辣辣🔥不過食落有少少失望☹️ 雞蛋仔外皮好香脆 但咬開冇左內軟的感覺 中間比較空心但好彩加左麻薯 令整個質感更加煙靭🤩味道方面阿華田味重 每一粒都有麻薯 落足料👍🏻~~總結1）比預期中有少少失望 但都值得支持~~評分📈味道 6.5/10性價比 7/10—Rating 📈Taste 6.5/10Worthiness 7/10

阿華田脆脆格仔餅經過呢間舖頭已經聞到好香嘅雞蛋仔同格仔餅味, 所以忍唔住要買返件試下🤭 店舖出名賣唔同口味嘅雞蛋仔, 甜味同鹹味都有得揀, 有選擇困難症嘅小妹樣樣都想試😂 最後同行嘅"大佬"提議試另一個招牌菜, 超厚格仔餅🤤✾大概等左6-7分鐘, 一路等一路聞到好濃好香嘅格仔餅味, 越聞越肚餓🤣 老闆整完拎出嚟嘅時候, 我地見到都忍唔住嘩左聲, 因為真係好厚身, 而且大大件😆 即整嘅餅底熱辣辣又脆口, 中間夾左好多阿華田醬, 極度邪惡😈 好彩有"大佬"一齊share, 唔係小妹未必食得哂咁大件嘅格仔餅😂 但呢個格仔餅絕對係大件夾抵食!👍 唔知店舖嘅雞蛋仔好唔好食, 見唔少人都有幫襯過🤔 而且佢嘅雪糕雞蛋仔都好吸引, 下次再去試下先❤️

雞蛋仔食唔少，但高質嘅雞蛋仔唔係到到有，旺中呢間行過已經聞到好香，所以今次黎左試下～雞蛋仔有好多口味可以揀，連鹹嘅雞蛋仔都有，例如洋蔥鹹牛肉同埋黑松露味，有機會真係想試晒所有口味😝•🥢 阿華田脆脆雞蛋仔 $29以前試過喺其他店食過好求其嘅版本係整好個原味雞蛋仔，然後搽一pat阿華田脆脆醬喺面😥不過呢到係阿華田/朱古力味嘅漿，加埋大量阿華田脆脆醬喺雞蛋仔入面，食到每一啖都有脆脆🤩整體有少少甜，但都有淡淡嘅麥芽香～雖然加左脆脆醬喺中間，令到雞蛋仔嘅餡少左，不過雞蛋仔都有做到外脆內軟，再加埋脆脆，口感好豐富～😋•🥢 黃金咸蛋黃雞蛋仔 $32咸蛋黃份量好多，每粒都有，但食落唔會太膩，不過蛋黃會令到雞蛋仔本身冇咁脆，有啲可惜•🥢 原味超厚格仔餅 $23格仔餅係超級厚(可以碌去後面睇相)，外脆內軟，唔係得個面脆嘅空心格仔餅🤩夾係入面花生醬、煉奶、牛油都好足夠，唔會食到一半冇醬，但傳統格仔餅會咬到有明顯嘅砂糖，呢個就唔太覺有，可能比格仔餅本身嘅脆吸引左，冇留意到啦～

<超多人推介既極黃雞蛋仔💛 ɪᴄᴇ ᴘᴜғғ🌈>口味款式眾多～有鹹有甜(伯爵茶、鹹蛋黃、黑松露芝士等✨)阿華田麻糬雞蛋仔 $35 (6/10)外層烘得非常香脆！🤤內餡豐富 有華田脆脆醬同麻糬💕麻糬偏軟身 略欠煙韌口感 同想像有啲出入😳而且整體甜度偏甜 食到有啲膩😣有少少失望..我都係鍾意媽咪雞蛋仔多啲🙈...

之睇係youtude睇人介紹掃旺中野食，睇到利間 即刻心心眼想試🤪好多人都話足料 又外脆內軟 又可以加6蚊有麻薯超正😝一於今日黎試下🥳計我話食落係真心外脆內軟，但我厭有d甜，愈食愈甜禁🤔🤔🤔但佢有得加麻薯已經幫佢加返分！真心吾係到到有得架🥺❤️整體黎講 我比7.5/10分大家都可以一試🤟🏻😛

其實以前成日行旺中經過,，但係都無試過。因為要做到高質既雞蛋仔一D都唔易，所以好驚會中伏而無去試。我依家發覺呢個諗法其實唔係咁岩，因為會好容易錯過左一D好味高質既店。店面細細，本身唔起眼，但依家經過會被佢黃到金既光芒吸引。第一次試左佢既人氣之選「阿華田雞蛋仔」加$6要麻糬餡。第一口，真係驚為天人(好似浮誇左XD但事實真係有呢個感覺)。外脆內軟，脆到D碎跌哂落地，阿華田濃但唔會過甜。裡面加左麻糬更加軟糯。超好食呀~「點解可以咁好食架?」我真係咁樣問返收銀個呀姨XD老闆，你收唔收學徒呀?我真係好想學整雞蛋仔，將來萬一真係無路可逃要移民，都有一技旁身，將香港既雞蛋仔精神發揚光大!

阿華田脆脆雞蛋仔 $29 (麻糬 +$6）·10月有休市同埋店入邊有連儂牆嘅小黃店💛呢一間我之前見到其他人推介已經覺得勁正 佢俾我想像中好食超多😍😍一攞上手係超重阿華田味 而且佢個雞蛋仔口感好好 係真係熱辣辣 而且都幾脆🤤同埋佢中間個麻糬都幾好食 我自己覺得口感唔錯 不過佢啲麻糬分布得唔係咁平均 中間會比較多少少 但係我覺得都超值得一試🤤·📍Ice Puff(旺角彌敦道688號旺角中心一期1樓F51舖)·#rbyeat#rby小黃店#rby旺角#rby港式

Ice Puff 💛旺角💛-⭐️高質⭐️位於旺中極黃的一間雞蛋仔店😍 每次去到都會有好多人排隊，或者寫連儂牆💛 畀晒Memo紙你寫，亦都有postcard可以攞。-呢間店舖雞蛋仔有勁多種唔同嘅口味，其實每款都好吸引，但最鍾意食阿華田脆脆嘅我梗係諗都唔使諗： --🔍 阿華田脆脆雞蛋仔 $29.一咬落去超級驚喜🤤 真正嘅外脆內軟，外皮超級香脆可口，入面再有小小嘅阿華田脆脆，甜度適中又唔會太甜，食晒成個之後，仲想嗌多個🤤 極度推介！ --🔍 阿華田脆脆格仔餅 $39一攞到手就發現勁大份🤤 比起平時嘅格仔餅厚足一倍，雖然厚但亦都超脆，阿華田將超級足，入面每啖亦都食到脆脆😋 份量夠大，超級滿足👍🏻--由於全部雞蛋仔、格仔餅都係即叫即做，所以需要少少時間等待，有時間就可以寫下連儂牆💛--📍 Ice Puff (旺角)旺角彌敦道688號旺角中心一期1樓F51舖

車打芝士雞蛋仔 $26 （+$6 double cheese）中學放學嗰陣好鐘意拉埋啲朋友一齊食雞蛋仔🤩但上到大學之後就少食咗好多了😭嚟到旺中嚟遠都聞到好香雞蛋仔味即刻狗衝咗過去買🥳身為芝士控嘅我梗係唔夠喉要加double cheese啦❤等咗大約5分鐘就有得食咁啱到我嗰刻我擠緊酒精搓手液員工好好叫我慢慢搞掂埋先拎💕咬落去嗰下已經食到濃香芝士味啲邊邊先係重點呀！！咸咸香香又脆卜卜咁好好味😋食完一啖接一啖咁好邪惡😈雞蛋仔中心軟糯，雞蛋味都足唯一一樣係個蛋漿應該係所有味都用同一桶所以係甜的然後呢底雞蛋仔就咸咸甜甜咁🤣有少少少少唔夾不過都唔影響我覺得佢真係幾好食😍😍如果個蛋漿唔係甜嘅話就100分了💕美味度👅: 8/10性價比💕: 7/10環境🏠: 6.5/10服務🤵🏻: 7.5/10人均消費: 約$20-30

前日行過㕵角口痕想買啲小食 醒起之前朋友介紹過旺角中心嘅雞蛋仔店 決定去試下一去到已經比連儂牆吸引到 小店牆身痴滿咗memo紙 見到有唔少食客買完雞蛋仔都會喺牆上打卡雞蛋仔嘅口味種類好多 有鹹有甜 除咗雞蛋仔之外 亦都有格仔餅賣的 最吸引我除咗係口味種類多之外 就係可以額外加麻糬/流心蜂蜜做配料阿華田脆脆雞蛋仔(加麻糬)雞蛋仔等咗大約5分鐘就有 攞上手已經聞到好大陣嘅阿華田香味 食落去唔會太甜啱啱好 同埋加咗麻糬 所以會有煙韌嘅口感 有層次唔會好單調兩個人share當下午茶小食就啱啱好 下次會再幫襯試下其他口味

旺中一樓二樓都有美食區，入面仲有好多黃店，睇邊間多人流就知邊間係黃☺️ 而且仲有大大個連儂牆，你一定離遠就見到😂😂😂 呢間唔係喺美食區，而係近新之城連接旺中嗰邊～🥚 原味雞蛋仔 $19佢係好完整一份咁入袋，好靚😗 雞蛋仔好脆，但唔算重蛋味～ 佢似原始嘅雞蛋仔，入面唔會厚粉，唔會好飽肚，食完飯都食得落～～ 佢仲有唔同口味，特別d嘅有阿華田、伯爵茶，仲可以加麻糬🥰🥰🥰 最like呢d嘢下次試😗😘

旺中嘅黃店真係包羅萬有，小編睇住黃藍地圖想去一樓搵Ice Puff食超厚窩夫，點知搵咗陣都搵唔到個招牌，原來手足寫咗好多好多張memo紙，將個招牌都變埋連儂牆 🤣老闆好好人好細心，見我地兩個人食，就幫我地分埋兩份，以防交叉感染。超厚窩夫真係超厚！！小編個口都差啲唔夠大哈哈哈哈，淨係個窩夫就熱辣辣仲外脆內軟，啲醬就多到漏出嚟，花生醬加煉奶夾喺兩層厚窩夫真係好夾。除咗呢隻原味之外，佢地仲有黑松露、咸牛肉等等嘅味可以揀，真係千奇百趣 🤪

1. 阿華田脆脆雞蛋仔 （$29）呢間鋪有好多款唔同味既雞蛋仔，好多味都好想食，諗左好耐終於揀左呢隻！即叫即做，所以要等一陣先有架，唔想等既可以係附近行個圈，不過我想整好即食，所以冇行開了。外皮好脆好香好不得了，入面係有少少阿華田醬咁，唔多，不過我覺得比例幾好，因為如果再多個話會太甜，食成底就會好膩，所以依家剛剛好。食過好多其他店，岩岩整起就okay, 但食食下就變靱，又或者冇蛋味各樣，呢間真心好食，我食到最後一粒都仲係脆架！btw 係有少少貴既，不過好味又唔介意，劣食既$10兩底都唔要啦，怕貴又想懲罰可以揀原味，平d，我未食過，但雞蛋仔既質感我相信原味都一樣咁正。佢仲有其他甜品架！

打完邊爐個口好咸 突然好想食甜野但係又唔想食好大份既甜品所以就揀左黎呢到食甜點黎到門口有d驚訝 估唔到鋪頭細細可以有咁多文宣擺係到 仲係每一個角落都有Ice Puff係無好多位比顧客坐低慢慢食的不過黎既時候都好夜 所以咁岩有個位置坐下仲可以畫下連豬 寫下文宣講反我叫左既 原味雞蛋仔配雪糕($34)一直好鐘意冷熱交融既甜品雞蛋仔焗得好出色 外脆內軟蛋味夠濃而牛油香味仍然keep得到成個雞蛋仔唔會太過甜 甜味適中 值得推介店內仲有其他甜品可以試下次想試阿華田味

某日放工想食下格仔餅，去左呢間ICE PUFF，一去到就見到繽紛色彩既店面，仲有連豬同PEPE!!!💛 要懲罰下～雞蛋仔同格仔餅，我鍾意食格仔餅多d haha🧇 叫左榛子花生Nutella特厚窩夫格仔餅，即叫即製，新鮮熱辣。..窩夫格仔餅底超厚，好脆，榛子Nutella醬味濃又多，配埋花生碎好好口感🤤超滿足！食完都唔駛點食飯。我另外配左泰式奶茶，正啊，好好味，茶味香濃🍵之前試過銅鑼灣ChaTraMue既泰式奶茶，雖然都香濃但太甜，呢間反而甜度適中又ok喎。