Ice Puff

營業中

休息中

😁好食好食。有圖有真相，啲芝士金黃色架💛 仲好香添同咸咸地（因為係車打芝士），佢有好多好多味選擇，當選擇困難了，揀芝士試下基本功力就無錯啦！中間啲蛋糕仔都係晒度，傳統雞蛋仔滿足不到了🙈小店位置唔係一堆立食區果邊， 希望多啲人試下呢個先啦

本身係去隔離個鋪位買野飲，但行過見到呢間店既餐牌，覺得雞蛋仔同格仔餅個樣好好食，仲有好多選擇，所以就各買一個試下啦！呢度有張細細既圓枱同兩張椅，仲有埋酒精搓手液提供，咁岩有位，所以我地就坐左係度食，佢仲好好咁提供左個架比我放雞蛋仔，好貼心～講番野食，我地揀左朱古力（加麻薯）雞蛋仔同埋阿華田脆脆格仔餅～全部都係即叫即做，熱辣辣香噴噴！雞蛋仔加咗麻薯煙煙韌韌，比平時食開既更加特別同好味，朱古力甜甜地。阿華田脆脆格仔餅夠厚，好香好脆，不過因為我地兩個都揀左朱古力類既野，所以食到好漏，決定下次再黎試下其他味道～另外，佢做緊推廣優惠，每個雞蛋仔或格仔餅都有一個印仔，儲滿十個就可以當二十蚊用！

之前網上見人推薦已經一直想黎食，今日終於都可以一嚐佢地既雞蛋仔 佢間鋪唔係好大，但出面都放左張枱同櫈比人可以坐係度食，同埋仲有大大個pepe既打卡位～今次叫左個NUTELLA 榛子花生味既雞蛋仔，佢係即叫即整，不過咁岩個日唔多人，所以叫完好快就有。一拎上手已經feel到佢好脆身，而入面係軟身得黎又唔會整到成個蛋糕仔咁既質地，個榛子味道雖然唔係話超濃郁，但個人覺得佢香得黎味道適中，而中間亦食到花生碎粒，整體黎講係一個好唔錯既雞蛋仔！

每次嚟到旺中掃街都忍唔住食呢一間雞蛋仔，真係好喜歡呢間雞蛋仔嘅口感同味道！好欣賞呢度好多唔同特色口味配搭，每次嚟嘅時候我會一邊食一邊望住佢嘅餐牌諗定下次食咩，但係每次來到幫襯嘅時候又會無啦啦有選擇困難症，每一隻味都好想試😻順帶一提，今次我哋帶唔夠𝚌𝚊𝚜𝚑，老闆同老闆娘都好好人話幾蚊唔緊要😭😭有一種食緊人情味嘅感覺🥺𝚝𝚑𝚊𝚗𝚔 𝚢𝚘𝚞 𝚜𝚘 𝚖𝚞𝚌𝚑(*´ω`*).everytime i come to mk i always crave this egg puff place 😆 so many different flavours to choose from 😮 ordered the nutella peanut egg puff 😋 very strong peanut and hazelnut flavor! their egg puff is on the crunchier side which is what i like 🤤 highly recommed u check out this egg puff place!.《𝙽𝚞𝚝𝚎𝚕𝚕𝚊榛子花生雞蛋仔》$29🌟7.8

自己對雞蛋仔有好大嘅興趣，而旺中依間嘅雞蛋仔更係令我食上癮嘅一間！係眾多口味中，暫時最推薦嘅係比利時70%黑朱古力，依隻係好食到我去親都係嗌依個。作為一間小店，好欣賞佢好足料，好記得第一次食嘅時候係哇一聲，因為每一粒雞蛋仔都有濃濃嘅朱古力餡！絕對冇偷工減料嘅情況。而且佢係即叫即整，仲可以做到好脆口，外脆內軟而又有一陣淡淡嘅蛋香味！推推推！作為一間小店，價錢實惠，仲要即叫即整又好嘅服務，真係唔可以錯過！！

去旺角掃街掃完一堆主食，尾站以甜品作結，聞到雞蛋仔味就流口水，決定叫一個食。叫左榛子花生味，等左一陣就有，即叫即整，佢唔係出面果d原味加榛子同花生就算，係本身個面漿就係榛子同花生味，好香，兩種料味都食到，配合得好好；口感暫時最好食係佢，外脆內軟，但真係要食快d，凍左就唔脆會減分。會再食！

不知大家是否和我一樣，雪櫃裡總是放滿形形式式的果醬、花生醬、抺茶牛奶醬等等，每一樣開封後用過三兩次，然後由它長眠至過期。唯獨早年興起的阿華田脆脆醬甚得我歡心，罕有能吃到見底仍覺意猶未盡。一早有留意這家小店，最吸引我的是其創意雞蛋仔加雪糕組合，店由天后搬到旺角對我來說更就腳，今天終能一試。小店位於新之城和旺角中心的接合點，門外掛滿諷刺時弊的吊飾，頗為顯眼。阿華田脆脆雞蛋仔 $29雞蛋仔即叫即做，大約等候八分鐘；雞蛋仔外層脆而鬆化，中間沒有太多雞蛋糕口感，而熱力溶化了脆脆，只餘少許阿華田味，不算突出，和期望有落差。下次也許會叫同一口味的格仔餅，才能細嚐我愛醬的味道。

如果大家有留意開🐽小編post，可能都會記得小編其中一樣最鍾意食嘅掃街小食就係雞蛋仔‼️ 今次喺呢一間小店睇唔到有阿華田口味！當然唔可以放過！仲要加配麻薯一齊食啦😝.#阿華田脆脆雞蛋仔➕麻糬 🤤雞蛋仔一到手，熱辣辣！🔥 味道非常之香！真係唔夠小編食慾大增🙊 面頭可以見到唔少嘅阿華田脆脆，食落口有濃郁嘅阿華田味～但味道偏甜，食多幾粒嘅話可能真係有啲膩🤭 而麻糬方面呢，就有可能未必粒粒都有啦，始終雞蛋仔有太多粒啦，店主唔小心放少咗某啲位都唔出奇🙈 不過口感煙煙韌韌，配搭埋雞蛋仔食非常滿足👍🏻😘 大家真係要試試喱個口味啊😉🙌🏻.🏆 「豬」味指數：7.5/10📌 溫馨提示：一個人要食晒成份雞蛋仔既話有d難道，因為始終有啲甜膩，夾埋兩三個朋友仔開心share就啱啱好啦🥳

原本都唔覺有呢檔口，竟然行下行下就畀我睇到，鐘意食雞蛋仔嘅朋友一定唔可以錯過呢間雞蛋仔。。。雞蛋仔好爽脆，朱古力係75%嘅black chocolate 味道好似食緊Godiva雪糕咁，我老公一直以來都係唔係咁仲意食雞蛋仔，呢個佢竟然同我搶食，所以掂都試下喇，試一試你一定好仲意。。。NUTELLA格仔餅太好食忘記影相。。。哈哈

呢間雞蛋仔專門店位置旺中一樓，連接旺中同新之城個邊邊位～ 每次行過都聞到香噴噴😋ICE PUFF呢底係阿華田脆脆+麻糬雞蛋仔🤤 仲有好多款架！有甜有鹹，仲可以加雪糕添🍦雞蛋仔都幾大底！好足料！外皮超級脆身，唔會好似有啲雞蛋仔咁，過一陣就淋晒，呢底咬落好有口感！😋 不過阿華田味就唔係好重～ 最正嘅就係佢加錢就有可以加麻糬！層次感豐富，食落又煙煙韌韌咁。超好味呀！你睇吓圖中嘅麻糬幾多😏 佔咗粒雞蛋仔嘅一半😋

we took dark chocolate, Nutella peanut, original with vanilla ice cream, he has told me that it will be peanut inside,if that ok? I guess there are some people allergy of peanut. 3 puffs, we didn't wait a long time, the best it was dark chocolate,just we didn't ask clearly everything, so actually Nutella was mixed inside the egg puff not on the surface of the egg puff, maybe next time we should ask like we used to eat in France to put the Nutella on the surface,the guy who makes the egg puff is

黎到旺中就梗係掃街喇，聽過幾個朋友大力介紹哩間雞蛋仔🌟，我就一於黎試下喇。買左一底格仔餅現埸食，兩底雞蛋仔打包返去同屋企人分享👩‍👩‍👧‍👧。原味格仔餅🧇 $23真係超厚身，足足有兩節手指厚度👆🏻，醬汁爆哂出黎，如果嘴仔比較細既朋友真係未必一啖咬到。入口外皮好脆，入面呈蛋糕狀軟熟，外脆內軟，有蛋香既味道🍳。而且厚身既口感好好，醬汁亦好足料，花生醬係比較稀身🥜，一路食啲醬一路流出黎。食完半件都非常飽肚，比一般薄身更加滿足。伯爵茶雞蛋仔 $25經歷大半小時既車程，仲有少少脆身，但我就放哂入焗爐翻熱✅。同樣都係外脆內軟，我好鐘意哩種口感。坊間都好多雞蛋仔店做到脆身，但可能得外皮空心或者個心太滿好似蛋糕仔咁🧁，而佢個比例係岩岩好。聞落去已經好香，食落去伯爵茶味算濃郁，但偏甜而且有少少苦澀味。Nutella榛子花生雞蛋仔 $29加入左好多花生🥜粒粒，令到個雞蛋仔個口感有層次。而質地同樣做得好好，但榛子味就唔係好出，反而有種死甜既感覺。以為會好重Nutella味😣，結果哩隻口味有啲失望，不過仍然無阻我下次試埋其他口味架！😚

70%黑朱古力麻糬雞蛋仔💛記得細細個街邊嘅雞蛋仔都係十幾蚊到但係宜家普通一底都要二十幾蚊🥺（所以好耐冇食過lu~）見到ice puff係黃店又有得加麻糬，就決定懲罰一下🥰.嗌左70%朱古力雞蛋仔加麻糬係好濃嘅朱古力味，外脆內軟加左麻糬令到雞蛋仔嘅口感更加豐富，煙煙韌韌咁(⁎⁍̴̛ᴗ⁍̴̛⁎)而且麻糬本身帶少少甜味，唔係一舊粉咁普通😍一人一啖好快就食晒( ´▽｀).ps 舖頭位置係一樓近新之城個條走廊～pps 二樓個間雞蛋仔唔係黃嫁！要優先支持黃店，因為每一蚊都係投緊票💛.70%黑朱古力麻糬雞蛋仔 $32———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍Ice Puff (旺角)旺角彌敦道688號旺角中心一期1樓F51舖@icepuff_icepuff———#ewhk旺角 #ewhk掃街 #ewhk甜品 #ewhk黃店 #黃色經濟圈

之前經過呢間💛小店聞到好香既雞蛋仔味已經好想試，月頭咁岩有日去開旺角就順便去幫襯下💪🏻兩次去到都總會見到門口有5-6個人等緊，等候期間keep住有人幫襯，見到咁既人潮已經好想快d食到👅.呢間小店同 #13Thirteen 一樣又係賣雞蛋🥚賣到黃到出汁😏 舖頭都係亮眼既黃色💛，牆上貼滿雞蛋仔既相仲有客人手寫/繪memo紙，另外仲有個pepe影相打卡位📸.呢度比較有創意既口味有咸蛋黃、洋蔥咸牛肉、黑松露、黑松露芝士，而阿華田同榛子花生呢兩款更係小店大熱之選，要解決選擇困難症既最好辦法就係wнy noт вoтн?😜******************************✨Nutella榛子花生雞蛋仔🥜($29)幫襯之前未食過Nutella醬，估唔到配上外脆內軟既雞蛋仔又唔錯喎🤔 雞蛋仔食起上黎帶有花生脆粒幾有口感，榛子味就唔太突出🤨 另外Nutella醬本身味道偏濃，蓋過左雞蛋仔原本既味道就難以食得出蛋香味個人認為雞蛋仔內裡唔夠實心，比較偏好#媽咪雞蛋仔 既質感多d -✨阿華田脆脆雞蛋仔 加麻糬($29+$6)細個最鐘意飲阿華田，雖然而家去餐廳少嗌左，不過佢係我心中依然佔有一席位🙊無諗

喺隔離買完飲品，就係依間朋友推介嘅雞蛋仔店試雞蛋仔！雞蛋仔味道有好多款，佢標榜係用日本麵粉的（雖然口感唔覺有分別），當食個安心吧。朋友本來想點阿華田脆脆的，但本人較喜愛鹹點，所以食左車打芝士雞蛋仔（$26）。首先覺得好嘅地方係佢個包裝係三角錐狀，比紙袋方便摵黎食所以值得一讚。雞蛋仔賣相亦好靚仔， 芝士味都有。不過之前其他芝士雞蛋仔會食到烘乾了的芝士絲，這間就唔夠多了。而個人覺得不夠外脆內軟，亦較快冧，質素覺得一般吧！