Hungry Korean (新都城中心二期)

營業中

休息中

啱啱去完韓國返嚟，突然之間又好懷念韓國嘅美食，於是上網搜尋一下邊間韓國餐廳係比較多好評。經過搜尋之後，就決定嚟Hungry Korean試下。餐廳嘅裝修比較簡單，但仍然比到我一種潔淨嘅感覺；另外餐廳有明確嘅指示教我地成個用餐嘅流程，咁就唔會造成排隊上嘅混亂情況至於係食物方面，韓式食物基本上都大致齊全，我就選擇左個雞肉石鍋飯。雞肉石鍋飯上枱嘅時候依然好熱，食嘅時候一定要好小心，隻手唔好掂到個石鍋；鍋裏面嘅配菜同飯嘅比例可以話係啱啱好，再加埋一隻生蛋，自己鍾意幾時戳穿佢撈飯食都得另外，食到底嘅時候，你會發現一d飯已經變成飯焦，格外香脆再點少少蛋汁，實在係滋味滿分

Hungry Korean!! Relatively cheap but good taste korean good! Went to mongkok and tst before, it's the first time to have it in TKO. I had this set lunch, with free lemon tea/ coke. The portion is large and the ingredients are fresh! I prefer more spicy so I added lots of chili sources hahahahahaha!

我點左吞拿魚sushi！但係味道似乎唔係太夾，同成個壽司嗰啲其他配菜。我諗住轉食牛肉或者豬肉sushi會好好多。啲蘿蔔絲呀好鮮甜！玉子甜甜地幾好味☺️☺️整體都唔錯嘅👍🏻👍🏻

是日行完山走到新都城. 都唔知食咩之際, 發覺呢個商場都幾多韓式食店. 一間門口堆滿人. 呢間大把位. 聽朋友介紹話呢間都唔錯. 反正都未試過兼有唔辣的食品, 好吧. 就試下先.問朋友佢話個粉絲唔錯的. 唔會辣. 不過比較細碟驚我會唔夠. 心諗$36唔會好細呱. 都差不多一個飯的價錢. 點知一黎到真係有點細(怪不得叫"小食").  講下味道先, 味道絕對唔差, 夠味之餘都有d料. 唔辣. 怕食辣的朋友, 呢個絕對無問題. 只不過當一個lunch食就份量少左dd.係唔夠食的前提下. 又再走出去買多個壽司. 佢的壽司都有好多款式, 有泡菜有辣亦有唔辣的選擇.要左個唔辣的吞拿魚壽司, 一落單轉個頭就到. 心諗應該係整定. 叫時先切.. 唔似韓國即叫即整.但上碟都排得幾靚. 同樣係$36. 呢個有飯落肚. 點都飽肚d.  雖然有點乾身亦無咩味. 但簡簡單就夠. 剛才個粉絲有點油. 食返呢個就中和返.雖然間鋪裝修簡單. 食品亦唔算多選擇. 但勝在快及唔難食. 趕時間的話呢度就好0岩. 唯一係價錢唔算平. 份量唔算多. 一個人食兩樣野已經$72. 出去都有可能食到一個有湯有野飲的午餐.  不過人生

肚餓了～經過寶琳Hungry Korean睇下出面個餐牌，款式雖然吾多，但價錢實惠，而且吾洗加一一於試下韓式料理既快餐店韓國壽司 魷魚 $34還有多種口味給我們選擇，牛肉、雞肉、豬肉、呑拿魚、芝士。魷魚是事先醃好的，因此不能走辣辣度是帶點甘，還可以接受店員即點即卷，一卷切開10件壽司勝在麻油味香，配料也豐富美味指數: 🌟🌟🌟🌟抵食指數: 🌟🌟🌟🌟推薦指數: 🌟🌟🌟🌟韓式炒粉絲 $34在韓國，炒粉絲算是小食嗎？份量也不少呢～材料非常豐富，有雞蛋、牛肉、香菇、紅蘿蔔等粉絲煙韌而且夠惹味，但略嫌炒得過油美味指數: 🌟🌟🌟🌟抵食指數: 🌟🌟🌟🌟推薦指數: 🌟🌟🌟🌟豬肉石頭鍋飯 $44石頭鍋飯在韓國餐館應該不會陌生～來到基本上都會點的一道菜來到熱騰騰馬上把它拌好想更惹味的可以加旁邊的甜辣醬韓國的甜辣醬味道不錯，加一點試試也不妨美味指數: 🌟🌟🌟🌟抵食指數: 🌟🌟🌟🌟推薦指數: 🌟🌟🌟🌟豆腐湯 $44辣辣泡菜湯配豆腐和一碗白飯還有少量海鮮簡單健康的一個選擇但感覺有點普通美味指數: 🌟🌟🌟抵食指數: 🌟🌟🌟推薦指數: 🌟🌟鐵板燒韓國牛肉 $50鐵板類的全部都會配一碗白飯甜甜的牛肉汁炒椰菜簡直一流牛肉

叫左個牛肉石頭飯，飲梅實汁(味道似酸梅湯，偏甜，飲汽水正常d…)牛肉飯好食，有芝麻香，紅羅白，茄子，芽菜，菠菜，洋蔥，加一隻蛋自己加辣醬，唔辣偏甜另叫炸雞，一般，粉太厚雞肉枚枚地醬就幾好有3種味平民價錢，飯好食因為多菜食得好舒服，炸雞唔推介，飲品就揀翻汽水正常d

去開將軍澳探朋友，朋友介紹樓下間韓式餐廳Hungry Korean都幾好食，就去試下，鋪頭裝修比較簡單，但食物方面都好幾款式選擇!幾個人叫左牛肉韓國壽司，泡菜豬肉豆腐鐵板飯，韓式鐵板牛小排! 牛肉韓國壽司-個人都幾鍾意食韓式壽司，唔會凍冰冰，通常都係微暖或者室溫又唔驚遲左食變壞，呢個壽司味道都唔錯，少少肉味加多少少泡菜一齊食仲正!泡菜豬肉豆腐鐵板飯-鋪頭自家醃製既泡菜味道好好味，同豬肉煮埋一齊，嬾滑既豬肉完全吸收晒d泡菜香味，甜甜地辣辣地好惹味，不過韓式野始終比較濃味配埋軟棉棉既豆腐一齊食同飯一齊食比較夾d!韓式鐵板小牛排-去親韓式鋪頭必點呢款，呢度都整得好好食，牛仔骨好淋好入味，甜甜地既醬汁，令人愈食愈想食，伴碟既年糕都好煙煙韌韌，好有咬口!最鍾意就係呢度鐵板餐，上枱熱辣辣，唔會咁快凍左食得慢都唔怕!飲品凍梅實茶味道好特別，酸酸甜甜，飲落醒神開胃! 凍綠茶牛奶，不過不失奶味重左d，但味道唔錯!

總結: 店鋪面積細，座位不多，但人很多所以要等一陣先入到去。上菜時間好快，約5分鐘就開始黎了。食物都幾“韓式”，味道ok啦，始終快餐店唔好期望好似名店級享受。推介梅實茶酸酸甜甜幾好飲。炒粉絲唔會好油。不過係屬於小食所以份量唔多。牛肉壽司令我諗返起係韓國街頭既紫菜卷梅實茶酸酸甜甜正!雞肉全州拌飯都幾足料架。韓式辣醬。落多多都唔辣

行過見到有間平價韓國快餐，就食下喇叫左個平平地既拌飯魷魚拌飯 $46其實撈埋一齊之後，吾會食到d魷魚味，純粹食魷魚既口感。拌料有雞蛋，茄子，芽菜等，味道就不過不失咁喇冇咩特別但個人認為d服務態度幾好，員工幾有禮貌。

前日在將軍澳新都城買了戲票看電影，電影晚上七點半開場。心想看完電影才出來吃飯，餐廳可能大多已經打烊休息，但是太早吃晚飯，散場後肚子感到空虛又怎麼辦？看見戲院旁邊有間韓國菜餐廳「Hungry Korean」，不如進去吃個晚飯，連同點菜等候上菜在內的程序，應該可以消磨打發一點時間吧。「Hungry Korean」有很多之前我在韓國菜餐廳吃過的食物，如韓國壽司、韓式紫菜卷、韓式炸雞跟辣炒年糕。我本來想吃韓式鐵板燒，但最後被旁邊的石鍋飯套餐引開了注意。因為石鍋飯的外表，實在有點很像全州拌飯，看過「running man」令我對全州的事物特別好奇，特別想試試全州拌飯的味道。「Hungry Korean」雖然說是韓國菜，但它經營模式更像快餐店。「Hungry Korean」沒有漢堡包賣，但它們的食品即叫即做，上菜速度快到超出我的想像，名副其實是韓式快餐店。由點菜後直到石鍋飯上檯那一刻，始料未及整個過程只需要三分鐘左右，真正是韓式快餐啊！整個韓式石鍋飯餐，包括石鍋雞肉飯、三碟前菜和一杯抹茶牛奶，價錢約$69。三碟前菜分別是泡菜、薯蓉跟韓式魚餅。另外有一支韓國辣椒醬放在旁邊，方便之後為石鍋飯調味。三碟

快餐店格局，位好窄，坐得不舒服，本來唔想幫襯，女友話幾地道韓食，咁就試下。店員友善，讚辣雞套餐，只跟一碗白飯，$50，都好味既，但好少好少好少肉，全部都係菜，甜雞套餐，一樣$50，這款肉菜適中，好味既加10元有凍咩梅茶，oK。牛肉壽司卷，$34，唔掂。2人晚餐$154，ok既

快餐除左西式麥當勞之外，韓國亦都會有佢嘅快餐，都係以快，平價為本。為大家增添唔同口味的快餐。唔太肚餓，口痕嘅時候，除咗食燒賣同埋魚蛋之外都可以試吓食紫菜包飯，有d新意。45蚊至50蚊一客韓式餐，先買單後坐，店員攞到埋你個位，唔使又排隊，又攞嘢甘麻煩。甜辣雞炒椰菜配白飯--白飯用咗珍珠米，好林，啱我口味。雞類似雞扒切件，雞肉都尚算滑，食落去甜味重，再配埋個椰菜炒。雖然配搭有少少似中式，但口味的確係韓式口味。泡菜湯--泡菜湯入邊嘅材料除咗有泡菜，仲有洋蔥，少少肉片同埋有豆腐。湯嘅味道好不好濃嘅泡菜味，唔算係辣。另外在配埋一個白飯可以分開食又得，撈埋落去個湯食都得。唔同食法唔同味道。另外仲叫咗個小食，即係蜜糖芥末雞翼。佢呢個雞翼係炸嘅，炸完之後本身隻雞翼係冇乜味，佢另外會配上一個蜜糖芥茉醬，呢個蜜糖芥茉醬個味道就正正係麥當勞點雞仔嘅味道。跟餐加多＄10就可以有幾款飲品選擇，正常嘅凍檸茶，凍奶茶都會有，特別少少就可以飲佢個梅茶，個味道酸酸甜甜咁樣，都幾好。咁講得係快餐店，咁當然係快餐店嘅環境啦，呢度嘅環境其實同其他快餐店係差唔多嘅，位置會比較窄小小，坐得可能冇咁舒服，迫d，但係就一份價錢一份貨

因為正餐成日都食，一個人想食年糕但驚唔夠飽，見Order年糕加$24可以要份韓式紫菜卷，咁就試下啦韓式紫菜卷味道不過不失，不過$24得果4件仲要連年糕上，加$15既3碟小食都分開上啦，都有DD失望，畢竟$34一碟既紫菜卷都有十幾舊炒年糕比上次係尖咀食份量少左，同埋年糕煮得過耐，斷開左同黏碟，不過味道ok下次都係食番正餐啦!!!!!

行開新都城到食飯時間諗起未試過呢間韓國快餐，難得見唔係好多人排隊，又排隊試吓。排隊時職員已送上餐牌，見到餐廳標榜冇落味精即叫即煮。石鍋牛肉飯望落對板，起碼隻雞蛋仲係生可以撈到。石鍋好熱，雞蛋一撈就熟，加啲韓國辣椒醬好冶味。食到底有少少飯焦。泡菜湯跟飯個泡菜湯夠咸夠辣，食落好開胃。呢間餐廳果然比一般同價錢快餐做得要好。

晏晝去開新都城順便食埋午餐，經過Hungry Korean見平平地就入去食。 叫左一個石鍋牛肉飯同牛肉壽司，石鍋牛肉飯($44)餐牌上影出嚟賣相唔錯，但係煮出黎加左蛋黃同其他配料後，成個飯就變得好濕，食落淡而無味。雖然餐廳有提供辣醬，但由於唔係好食得辣，於是唯有照食。 另外叫左牛肉紫菜卷($34) ，紫菜卷有淡淡的麻油味，但略嫌牛肉太乾同味太淡。 雖然價錢唔算太貴，但係整體感覺一般，食物質素平平，類似價錢坊間會有更多選擇。