Hungry Korean (新都城中心二期)

營業中

休息中

真係唔係買廣告。之前食過幾次，食過辣炒豬肉，韓式豬肉，我覺得普通，另外都食過韓式肥牛，有啲唔同韓式牛肉片呢款。今次唔知係因為我又凍又肚餓嘅關係定係佢真係咁好食，一路食一路覺得好開心，好耐未試過有咁開心嘅感覺，有啲感動落淚。😭韓式肥牛啲醬汁甜甜地，有蔥花，甜洋蔥，紅蘿蔔片，另外佢隔離果兩堆芽菜同酸蘿蔔絲物體，其實唔係好清楚係乜，真係好好食，本身韓式肥牛嗰款都好食可能就係缺少咗隔離果兩堆配菜爭好遠😭我嚟到嘅時候已經差唔多九點半，原來已經埋數，不過佢仲比我埋落單，做完運動咁夜食真係好肥😥

一直都覺得這間韓國菜餐廳賣的東西很貼地。平價的韓國菜。這間餐廳分店開幕時日日都很多人排隊。我都試過幾次。今日突然想寫食評，因為發覺原來佢地有午餐優惠套餐。其實都唔算平好多。只係包左杯飲品。但我都覺得幾好。因為星期日都有。很多商場餐廳多數星期六、日、假期都會暫停特價優惠。三款選一款，掙扎了一段時間，我最後選了石頭鍋飯。因為平日都唔平的。最可惜壽司飯沒有午餐優惠。我很喜歡這間餐廳的韓式壽司。簡簡單單。比日本手卷大，但價錢比日本壽司更抵。當午餐食都唔會覺得唔夠。女仕食就剛剛好。我怕自己唔夠飽，因為未試過午餐優惠。唔知會唔會因為係優惠價就會減少份量。所以加了三個小食。老實說我勁後悔，因為真係好夠⋯真抵食㗎。所以大家點時要認真考慮。唔係浪費錢。講返食物，豆頭鍋飯夠熱。醬汁又唔算很辣。加多些都不用擔心。點了汽水，凍飲唔駛加錢。那三個小食都幾好食。特別推介薯蓉。不過佢都無咩選擇。因為一加就要加曬三個。普通食材，但價錢親民。其實簡單食餐飯，又唔需要太名貴食材。我好推介大家午市時間試。因為很抵。不過今日雖然唔駛排隊，但其實大家都坐得好迫。一大班人就唔見議去這間。但單人食又想食韓國料理，這間是一個很好的選

因為趕住睇戲，所以係戲院附近搵餐廳，見到Hungry Korean無咩人，即刻坐低，快快食個晚餐。七點半入座，店內人唔多，得一半full。睇menu見到晚飯套餐都好貴，郁d八十幾九十蚊，於是平平地叫左個甜雞肉飯，我不嬲叫開甜雞肉、炒牛肉，同埋石窩飯，都係質素保證。無幾耐就上菜，份量一如以往好大份，配一碗珍珠米飯，甜雞肉同椰菜絲保持水準，甜醬汁好開胃，好岩撈飯食，所以好快食曬。55蚊既價錢係新都城食到咁飽既晚餐，都算係咁啦，唯一就挑剔晚就係地方比較窄，唔太舒服。

星期五晚上同老公去左新都城搵食，出奇地8點左右新都城大部分餐廳都係唔使排隊，之前假期行過依間餐廳都好長龍，今日唔使排隊就決定試一試依間餐廳係快餐店，自己去收銀處買完嘢食坐低就會有店員拎食物比你。我同老公點左辣豬肉鐵板飯，韓式辣年糕加紫菜卷，等左5分鐘左右就有得食呀辣年糕只係小小辣好惹味，仲有隻雞蛋，隻雞蛋都好好味。最有驚喜就係個炸紫菜卷，好脆！入邊仲係粉絲！好好味辣豬肉鐵板飯，之前食過嘅韓式餐廳鐵板飯都比較多油，但依個就唔會，但那地好惹味配白飯一流咁嘅價錢可以食到韓國嘢質素又唔差，真係平靚正

今日午餐時間倉卒，於是就試一試呢間韓式快餐，由點餐到上菜時間都只不過係兩分鐘。因為餐廳空間比較細，座位設定比較密集，不過坐落就唔覺太逼狹。午餐嘅價錢其實同正常時段冇分別，但就送多一杯飲品。朋友叫了一碗雞肉豆瓣湯韓式拉麵，雖然店舖標榜無味精，但拉麵食落似平時即食麵煮出嚟咁嘅，特別係麵豉湯底同即食麵湯底基本上冇分別，但個人覺得幾好味。我就叫咗一客韓式豬肉石頭鍋飯，石鍋熱辣辣，飯味有焦香，辣味就由自己調較，生蛋攪勻再食，我覺得都幾惹味，不過美食就算唔上。不過就勝在快靚正。

星期五，又到了將軍澳的每週聚會。這星期氣溫驟降，上班開始忙，沒有暖的東西下胃，今天晚上想要吃點熱的，友人提議吃韓食，有飯有拉麵，應該適合我。店面偏小，先付錢點菜，做好以後然後有服務員拿給我們，所以這裡是沒有服務的，半自助。友人點了石鍋秘制炒泡菜飯，生雞蛋鋪面。試了一下他們家的泡菜，辣度夠，味道就是鹹跟辣，沒有韓味的連鎖泡菜。我點的辛辣醬湯拉麵隨即送上，店員放盤子力度強勁，放下的時候湯在搖來搖去，差一點沒濺到衣服上，嚇了一跳。拉麵上放了四片薄魚片，底下有些生菜條，朋友幫我要了辣度最強的，所以夠辣，味道就是連鎖的所謂韓味，普通的不能再普通。凍綠茶牛奶還不錯喝，不過杯子也太茶餐廳了。

以前都有食開依間既豆腐湯小辣但因為有一次不愉快既經歷之後已經無再食好耐今日經過心血來潮入去叫碗豆腐湯小辣黎食下等左10分鐘左右都算快一黎到碗野係紅色 我都心知不妙 因爲我唔係好食得辣 食都未食都聞到好辣之後我真係食唔到同店員講我叫左小辣架依個好似唔係小辣我食唔到啊店員已經好無禮貌咁話咁你係咪要換一碗啊？之後我話係啊唔好意思啊真係食唔到啊之後佢已經好不耐煩咁拎走個湯等左5分鐘左右又黎反碗一樣顏色一樣樣既湯我一飲 完全係變左辣椒水一飲就知佢地係原本個湯到加左熱水又辣又難飲辣到我完全食唔到連杯飲品都唔夠飲最後淨係食完個白飯就走左之後聽反朋友講落單時前面有個人叫左碗”中辣既”可能佢地一齊煮 所以我依碗先咁辣聽完之後真係好嬲 我叫得小辣都真係唔係好食得辣先叫小辣佢地做左咁耐無理由睇唔出我個碗唔係小辣仲要話幫我換之後只係加反d熱水比我敷衍下就算令到碗湯又辣又淡又難飲補反一張小辣既豆腐湯既相再望反我個碗紅色既湯真係不知所謂以後唔會再幫襯咁既鋪

今日約左朋友睇戲，所以就出街食啦！要搵間唔洗排隊又送餐快既真的有少少難度。經過見到hungry korean 唔洗排隊，所以立即入左去。上次食過牛肉飯都幾好味，所以今次都點了。另外再試新野，炸醬麵！成日睇running man見到主持門都好鍾意食炸醬麵，所以我都想試下。牛肉飯水準依舊，甜甜地，多肉多椰菜，係健康之選。一個人食真係好飽。加上這裡既白飯係軟熟既，唔錯！而炸醬麵就⋯不是我喜歡的味道。甜甜鹹鹹，怪怪的。而且只有幾片洋蔥同青瓜，不化算哦！不過麵底有咬口，也不錯。

喺新都城做facial，順道買野食返屋企做晚飯。行過見到Hungry Korean ，店面細細，但出邊有人排隊，於是就叫咗外賣返屋企食。叫咗鐵板泡菜豬肉豆腐（$52），泡菜食落唔會太酸，豬肉調味得宜，而豆腐亦都非常滑嫩，拎嚟配飯， 非常開胃，我同媽媽瞬間鯨吞左個飯。韓式粉絲（ $36 ），咪睇佢嘅色澤好淡，但調味係夠ge，帶點微甜，配以蔬菜去炒，媽媽都話幾好食。魷魚壽司（ $36 ），同日式壽司嘅做法有點不一樣，佢嘅壽司係暖暖地嘅，而佢哋嘅紫菜會再掃上一層麻油，入邊有好多嘅配菜，有菜、紅蘿蔔、魷魚、蛋等等，食落口感非常之豐富，媽媽話雖然日式同韓式壽司個樣差唔多，但佢鍾意食韓式嘅多啲。晚上食hungry korean，性價比都幾高，難怪快餐店都要排隊。

店舖提供一般韓國傳統主食：石鍋飯、泡菜湯、拉麵、紫菜包飯。一眾女店員以紅色頭巾包夥著頭，猶如cooking mama 造型。環境：裝修簡潔，以綠色白色為主，店內座位有限，只有三張長枱及少量2人枱。可能因為是星期五晚的緣固，晚上九點到達餐廳，入座率也達七成。服務：半自助式餐廳，客人先在收銀處點單及付款，然後店員會安排座位，之後坐低等送餐。味道：泡菜湯連白飯以豆腐和泡菜為主，只有少許豚肉片碎，湯底比較鹹。食物等候時間約15分鐘，比較慢。

難得入將軍澳睇戲，就嚟開場去咗間韓式快餐店食啲野。原來快餐除左西式麥當勞之外，韓國亦都會有佢嘅快餐，都係以快，平價為本！員工親切和善嘅服務態度非常抵讚，好有耐性！由落單到送餐唔洗5分鐘，堅係快！全店大概45蚊至50蚊一客韓式餐，先買單後坐，店員攞到埋你個位，唔使又排隊，又攞嘢甘麻煩。 我叫左甜雞炒椰菜配白飯，佢白飯用咗珍珠米，好軟。雞係雞扒切件，雞肉都算滑，食落去甜味重，再配埋個椰菜炒。仲有叫左抹茶牛奶但太重奶味，麻麻地另外果個辣炒豬肉都算好食 本身以為好辣 點知又唔係wo 其實味道偏甜 如果追求好辣感覺既朋友就應該唔啱食啦 不過我自己就幾中意d醬 調得啱啱好咁講得係快餐店，咁當然係快餐店嘅環境啦，呢度嘅環境其實同其他快餐店係差唔多嘅，位置會比較窄小小，坐得可能冇咁舒服，迫d，但係就一份價錢一份貨呢。  

韓式料理 一向都好好好鍾意食 但係價錢相對比較貴 ！！今次朋友就推介左呢間 “HUNGRY KOREAN” 平價韓式餐廳 過去食食。。。 呢間韓國餐廳 連 筷子 🥢匙羹 🥄 碗 都同韓國用既一樣 有置身於韓國嘅感覺 鐵板辣魷魚 🦑 $53份量都幾多架 ，選用左新鮮嘅魷魚食落口感彈牙爽脆，椰菜份量都好多架，不過就五算好辣 但好開胃 ，一個餐食哂好飽好滿足 牛肉壽司 $36配料有好多種可以揀 : 牛 , 豬 , 魷魚 , 吞拿魚 , 泡菜 ......等等 揀左牛肉 味道五錯 包得又五會好鬆散

好想食韓國菜行完街就過黎食，好快餐店既形式，搵左位睇岩食咩就要先出去收銀個到落單，但野食會有人黎去你位。石鍋牛肉飯$46 菠菜，泡菜，芽菜就唔少得啦，仲有一隻蛋蛋係上面🤤牛肉都唔錯，係肥牛黎唔會肥到得肥膏撈撈撈，我覺得味道偏淡，可以自行加辣醬，不過一d都唔辣鐵板辣味雞肉 配白飯$52 都係唔辣既，仲有少少甜甜地，椰菜好多雞肉就少少辣年糕$36 食落乾身少少，有魚糕仲有隻熟蛋係上面，追加紫菜卷$25 一食就知係炸左好耐，淋哂麻麻地

Hungry Korean 要等位嘅情況越嚟越少，喺有限時間嘅lunch之選，其實佢哋個Menu 咁多年都無乜好大變化，雖無驚喜都無特別，不過認為水準依然。魷魚sushi份量唔細，都唔會好辣，魷魚嘅含量都好足，不過賣相可以更好，因為都真係太鬆散。粉絲雖然係小食但係都好大碟，好乾身，唔會好濕好淋，其實細食嘅話，當主菜都足夠份量。雞肉石鍋飯賣相唔錯，份量幾大，配料都幾足，味道偏淡，喜歡咸少少辣啲嘅話可以加多啲辣椒醬。

偶然想食一餐韓國午飯， Hungry Korean 是一個不錯的選擇。雖然餐牌選擇不算多，但每款菜食的味道都能保持水準，價錢也相當合宜。以一個快餐式的韓式小店來説，這是一個不錯的選擇。首選係炸醬麵，炸醬雖然外表不吸引，但跟拉麵撈埋一起之後，味道很清甜爽口，拉麵本身也彈牙。也叫了甜雞肉餐，雞肉很甜，雖不算特別，但菜連雞肉和飯一起吃也很OK。再加上這個小辣豆腐湯，湯撈飯也很野味，不過蝦肉就有點淋，只有辣味，缺乏鮮味。對怕辣的我來說，小辣就剛剛好。整體來說OK，價錢也不貴。適合簡單快食一餐韓流菜色。