Hungry Korean (新都城中心二期)

營業中

休息中

在用餐的過程中，甜雞肉飯所帶來的愉悅感不僅來自於味道，更是視覺與嗅覺的雙重享受。與雞肉搭配的米飯松軟而香氣四溢，恰到好處地吸收了醬汁的風味，讓整體的口感更為豐富。每一口米飯都帶著甜醬的餘韻，讓人感受到美味的層次感。青菜的清脆口感則為整道菜增添了清新感，平衡了甜腻的味道，讓人不會感到油膩。這種搭配不僅滿足了味蕾，還讓人感受到健康的飲食理念。色彩鮮豔的菜肴讓人一見就有食慾，而香氣四溢的雞肉更是讓人忍不住想要立刻品嚐。

這間店已經開咗好多年, 亦都食過好多次, 今日一個人行過又坐低食個方便飯 食物 : 石鍋魷魚飯 $54 ~ 今次揀食魷魚拌飯, 魷魚有D辣幾惹味, 有菜有飯加點辣椒醬拌在一起, 簡簡單單就一餐, 鍋底夠熱有飯焦 飲品 : 無糖可樂 $12 ~ 味道正常 環境 : 店內環境都算OK, 當天人不太多, 坐得舒服 服務 : 店員有禮貌 費用 : $66 (無服務費)

在新都城中心找到這道韓式牛肉石頭鍋飯，真是太正了👏🏻☺️這道菜的牛肉煮得恰到好處，鮮嫩多汁，散發著誘人的香氣😍 搭配的米飯在熱石鍋中微微焦脆，口感特別，讓人越吃越上癮👍🏻 菜色豐富，色拉、胡蘿蔔🥕和菠菜等新鮮蔬菜，為整道菜增添了清新的口感😳 特別是那顆半熟蛋🍳，蛋黃流心，與米飯和牛肉完美融合，讓每一口都充滿層次感🤭 整體味道平衡，既有鹹香又帶有微微的甜味，令人感到十分滿足😋 這道牛肉石頭鍋飯絕對值得一試，推薦給喜愛韓式料理的朋友們！💖推介指數：⭐️⭐️⭐️⭐️⭐️

第一次喺香港餐廳聽到凍檸茶冇得少甜因為係沖定雖然好小事但係我覺得幾得意唔知沖一杯有幾難呢係員工唔想整定係公司policy?🧐食物就一般啦但係沖杯檸檬茶少甜咁少事都做唔到唔會再返嚟食

多次食過佢嘅豆腐辣豬肉飯，甜雞飯，同埋辣炒豬肉飯，好鍾意佢嘅豆腐上面會加麻油落去令到口感更提升。另外會再加$7薯仔沙律，酸酸地好開胃。然後會叫埋抹茶牛奶，一杯先十零蚊性價比高。會繼續支持

有時天口凍，好想食啲熱嘢又唔想煮，通常都想出街食啲熱飯。今晚就快快脆脆去咗新都城食個韓式快餐。其實Hungry Korean喺香港都開咗好耐，都食咗好多年，當然唔同分店有唔同質素啦。但每次嚟其實我都係會好鍾意食呢個辣豬肉豆腐飯。有鐵板上永遠都keep到熱辣辣而且碗飯永遠都係咁大碗，一個女仔其實真係食唔晒有餘。雖然我好唔明點解佢哋有個泡菜湯，豆腐湯，但係就係冇豬肉泡菜湯飯。成日都搞到我又想飲湯又想食辣泡菜豬肉，次次都要喺當中揀。但其實次次都會揀返辣豬肉豆腐飯。因為始終佢個泡菜湯嘅豬肉好少好薄唔夠食。當然快餐店其實你唔好expect佢有啲咩勁高質素，勁先勁靚嘅肉，但快餐店嘅價錢食到熱辣辣，又足份量嘅餸其實都冇好投訴。可能今日撞啱天氣凍，而佢唔係太多人上菜好快又熱辣辣食嗰下，其實真係好開心。同埋佢啲豆腐次次都好滑，撈埋啲泡菜豬肉，其實好好餸飯，所以都成日成為咗我外賣嘅頭號option。

通常叫外賣！因為其實佢地都無咩服務可言，咁就不如買返屋企食算🙈但點餐嘅服務員，真係服務可以好返少少！篤住手機落單都算，你唔錯我都無咁嬲！指住都可以睇錯🤦🏻‍♀️返到屋企先發現係落錯單

Dinner set for two $698 沖繩風沙律(海葡萄、生苦瓜)蟹膏豆腐辣酒凍東風螺明太子廣島蠔香蔥牛肉薄燒波士頓龍蝦A5和牛坑腩炒飯鐵板疏乎厘Additional order:港島燒 HKD98黑啤HKD68芝士旦奄列HKD58海葡萄好fresh, 口感得意；龍蝦大件牛肉薄燒好濃味，但我們已經好飽呢個二人set, 我地三個人都食唔晒，份量足秤，味道亦唔錯，呢個市道算性價比高但座位較迫，可以改善一下就perfect

自從重開之後，都有繼續堂食或外賣，但係味道同服務質素真係同之前差好遠，感覺味精比以前重手咗好多。堂食都還好，但外賣就間唔中都會比漏或比錯🤷🏿‍♀️ 例如泡菜湯可以加錢加多兜粉絲，但就漏咗碗白飯；叫豆腐湯又比錯大醬湯⋯⋯所以真係check少眼都唔得😌不過要讚下最近嘅豆腐湯雖然比以前少咗隻蝦，不過就加多咗豬肉，醃到甜甜哋但係又OK；大醬湯同泡菜湯就冇咩點變，但以上嘅嘢都係變得好味精。韓國嘢嚟講呢度真係算平，可惜今非昔比🥲

Hungry Korean既飯捲(Gimbap)好似成日好早賣哂，夜晚去到通常都係得返芝士/泡菜gimbap，甚至賣哂，見今日仲有吞拿魚味，就買返條當晚餐啦！✌️吞拿魚飯捲(Gimbap) ($44)講真，其實佢既gimbap幾好食，好多菜係爽既、甜既蛋同吞拿魚又match，但係！佢份量嚴重唔夠，本身佢既size對比其他韓國餐廳已經幼啲，我數過仲要得8舊，真係一啖都冇左兩舊，所以買一條係唔會夠 (對我黎講 🤪)，而我淨係買左一條……同埋餐廳都多人，所以都等得耐，要再重新等我寧願再買其他店既野食。結論🫰Gimbap好味道🫰多人叫熱食的話就預左要等一等⚡️一條係唔夠喉的，但一條已經$44了🥲CP值：7/10餐廳資料餐廳名稱：Hungry Korean餐廳地址：將軍澳寶琳欣景路8號新都城中心二期UG樓UG005號舖營業時間：星期一至日 11:30-22:00

去到寶琳諗左好諗食咩，本身打算食沙嗲王，但要等位，結果去左去一間經過好多次都無入過去食既Hungry Korean. 我錯了😭我應該堅持等沙嗲王， 唔應該見有位就入去試。嗌左個都唔平既鐵板牛小排，要成$94，連泡菜或前菜都無。最緊要係，d 牛仔骨好濃係超市買到既「韓國清靜園牛骨醃肉汁」味道，好似倒左好多落去醃咁，攪到牛仔骨超甜，同埋只有醃料味，原全無牛肉味。仲有，d 牛骨好似煎左好耐又或者放左好耐咁，一d 厚度&彈性都無。望住個餐，姊真係好後悔。還我韓國美食～📍Hungry Korean (新都城中心二期) (將軍澳)將軍澳寶琳欣景路8號新都城中心二期UG樓UG005號舖

新開嘅韓國食堂黎咗一次，感覺真係靚仔過圖紙！開頭已經用咗嗰碟韓式辣年糕嚟開鑼，啖啖彈牙嘅年糕包住辣醬，微辣得嚟味美，真係正到彈啊！旁邊嗰隻炒蛋，啫啫滑滑，溜進口中滋味正好。再講下嗰炸紫菜卷，外皮炸到金黃又鬆脆，裡面嘅粉絲Q彈得嚟吸滿咗調味，個味道完全係掂到無朋友！接住，辣豬肉鐵板飯就更正野啦，豬肉幼嫩帶點辣味，既唔會太油又唔會膩，搭埋白飯簡直係絕配。語言唔多講，如果要形容食物嘅話，就只可以講句'平靚正'。從辣年糕到鐵板飯，每一味都令我嘅味蕾黎咗個360度大翻轉，幾撚欣賞呢次嘅體驗！回味無窮而家心諗，仲想再黎幾轉，試吓其他嘅料理！🍲🥢👍

又辣又惹味嘅晚市，仲要試到幾款正宗韓式小食，真係賞心樂事！首先被石鍋拌飯吸引住，D飯粒底部略帶啲酥脆，揉合咗花生醬嘅芳香，真係香到不得了，加埋滑順韓國辣醬後更加提味，啱晒我哋呢啲鐘意味道濃郁嘅食客。呢碟豬肉紫菜飯卷，滋味多多，D豬肉煙韌得嚟又唔乾，同新鮮蔬菜嘅爽脆感相得益彰。辣炒年糕就更加出彩，D年糕啖啖肉，Q彈得黎又夠辣，伴隨住每一啖嘅雞蛋與魚糕，簡直係完美嘅口感組合👌。話哂嚟個人最愛呢碟辣冷麵，冷冷地一吸，爽口又解辣，餐廳內嗰陣陣酸甜辣香，真係惹味到讓人停唔到口，每條麵都包裹住足夠嘅醬汁，令人一試難忘。嘅環境呢，就簡潔舒服，唔使太花哨，重點係食物質素咁好啦。喂，親民嘅餐廳仲要做到嘢食咁好，係香港都算係搵到寶啊！下次一於叫埋啲朋友一齊黎食佢，撐撐正！🍜🍱👍

韓國壽司飯卷(牛肉)雖然一夾被起就散開晒，但味道其實都唔差嘅。熱湯麵味道唔會太過鹹，會較為適合小朋友食。大人嘅我喜歡辣豬肉飯，如果覺得辣味唔夠，呢度仲會有支韓國辣椒醬可以俾你加！

幫襯左好多年，今日買左魷魚壽司卷，一夾起就散，每一件都散，啲紫菜是林的，非常失望。諗住打電話去反映下，營業時間打極都冇人聽，睇返OpenRice comments都有人話壽司散，希望管理層跟進一下新都城分店表現。