Holam Bakery

營業中

休息中

happy birthday to my sister💕今日係妹妹生日，早2日專登幫襯主打千層蛋糕既Holam Bakery 訂✨8味拼圓蛋糕✨$259（朱古力生日牌另加$10）。貪佢可以有8款口味，每人可以揀返自己鍾意食嘅味道🥳🥳 而且訂時係唔知當日會係邊8口味，而係於取貨前一天先係ig內公布🙊 今次既口味係：🔸原味牛乳🔹伯爵茶🔸香芋🔹朱古力🔸抹茶🔹玫瑰🔸吉士焦糖燉蛋🔹紫薯粒粒我就揀左伯爵茶口味，食落蛋糕口感軟綿綿，每層皮唔會太厚，茶味出，但唔會太甜❣️其實仲有好多口味，絕對抵食過lady M。下次去開駱駝漆大廈要再試下其他味道先🤤 不過假日就要預時間排隊搭電梯喇…😂====================推介度：❤️4.5/5CP值：👍🏻4.5/5好味指數：👅4/5====================

Holam Bakery💕觀塘駱駝漆必食蛋糕6’黑糖奶蓋牛乳千層蛋糕🎂除左lady 🌝..其實都有好多良心小店有賣千層蛋糕🍰周庭都有推介過🤭同埋真係整得好好食～性價比又高👍🏻👍🏻絕對贏過lady 🤩因為無提前訂～所以無得寫字✍🏻但幸好當日都有d現貨,可以買到😌老闆有提我地拎左要快d食/雪住🙈唔好帶佢行咁耐街🤣蛋糕唔會好甜,食到淡淡黑糖味👍🏻d皮好薄～每層都有cream~好幼滑！絕對唔係連鎖個d 「鞋口」既肥膩cream🤣🤣切餅都係$3x/件！真係好平靚正～仲要好多口味😋朋友都讚好味😌😌🥰下次會再試其他味🤘🏻

吉士焦糖燉蛋千層蛋糕 ($38)賣相：🐧🐧味道：🥚賣相方面，焦糖燉蛋最吸引的地方是其燒焦的焦糖面，但這個蛋糕卻欠奉，令人失望。味道方面，第一次吃焦糖燉蛋相關產品，卻完全嘗不出焦糖燉蛋的味道，蛋糕跟原味毫無分別，簡直荒謬。蛋糕鮮奶油過多過膩，蛋皮與鮮奶油已混為一體完全吃不出層次，劣作。曲奇流心千層蛋糕 ($38)賣相：🐧味道：🐧賣相方面，馬馬虎虎放2塊oreo 碎在蛋糕上當裝飾，感覺敷衍。蛋糕因流心關係，整體倒塌向一邊，頗不美觀。味道方面，這次總算能嘗出曲奇味道，但味道極淡必須細嘗。另外，極濃厚的奶油加上流心，十級厚重，怕肥膩者絕不推薦。朱古力千層蛋糕($38)賣相：🐧🐧🐧味道：🐧🐧🐧賣相方面，表面朱古力唧cream 造型中規中舉。側面可見蛋皮奶油層次尚算分明。味道方面，朱古力味淡，略甜，蛋糕依舊偏膩，但奶油沒有前兩款蛋糕多，尚可接受。好立克流心千層蛋糕($38)賣相：🐧味道：🐧評價跟曲奇流心蛋糕相若。賣相方面，因流心使蛋糕向側面傾斜塌陷。味道方面，好立克味淡，奶油流心肥厚膩重。總括而言，此店的千層蛋糕適合口味偏淡，喜好重奶油的人士。

📍香港📍觀塘📍Holam_bakery📍觀塘駱駝漆三座4樓i室📍星期三至一 12:00~19:30🦄 6吋曲奇流心 $230🦄 評分: 7.5/10性價比勁高嘅抵食生日蛋糕😝😝 不得不讚係生日牌寫得好靚!! Orea愛好者一定會好鐘意😍 拎住個蛋糕已經聞到濃郁嘅Oreo味 曲奇預咗偏甜少少 呢個甜度可以接受😋 餅皮夠薄層次分明 幼滑既忌廉唔會過膩😁 6個人分岩岩好🤘🏻可惜食嘅時候已經唔流心😢😢#foodieschu觀塘 #foodieschu蛋糕~~~~~~~~~~~~~~~~~~~~~

媽咪生日再嚟Encore Holam Bakery 嘅千層蛋糕，嗰日仲遇到細心嘅店主介紹緊唔同味道嘅千層蛋糕比客人，唔怪之得有咁多人慕名而來🤪，服務態度值得俾Like啦😎❣️8件拼圓個蛋糕+生日牌 $269推介伯爵茶味，我覺得係咁多隻味裏面最好食嘅，如果下次有機會可以試吓原個嘅伯爵茶千層蛋糕👍🏻👅好味度：8.5（10分滿分）服務好，價錢平，絕對係會再次回頭嘅小店，而且千層蛋糕嘅選擇都多，仲有流心嘅千層蛋糕，相當吸引😎

呢度既千層蛋糕口味款式超多，超過廿款（？）。你話要試哂既話，真係要黎多幾轉。朋友外賣送到，話買時有人龍。今次我哋一家share, 可以試多啲唔同口味, 真係開心share。買左五件cake中，有大熱既伯爵茶，焙茶，朱古力流心；另外，仲有薄荷朱古力，同香芋牛乳。焙茶夠味濃 - 出色 （比伯爵茶個味仲出）；薄荷朱古力 - 好薄荷既cream，一啖食落令我個腦好confuse, 但係係得意同特別既。香芋牛乳既紫色好夢幻，個味同細個食既香芋雪糕一樣味lol其他就正正常常，無特別野。

呢間位於觀塘嘅小店好岀名，主打既就係千層蛋糕，店主由網店做到實體店仍不斷創新，推出左好多款式，今次就試左佢兩款千層蛋糕。🍵抹茶流心千層蛋糕 ($38)呢款蛋糕口感唔錯，非常軟綿綿，而且抹茶味唔會太甜仲有回甘，可惜流心效果唔足夠，感覺有小小似食緊忌廉咁，可能因為擺得太耐返到屋企已經流晒落個蛋糕度，希望下次試其他味可以比到多啲驚喜，又或者可以堂食就好啦。🟣香芋牛乳千層蛋糕 ($35)呢個食到香芋味不過唔係非常濃，甜度亦適中唔會過甜，所以唔會食到好膩。整體嚟講，呢個價錢好合理，蛋糕有一定水準而且味道選擇都唔少，下次經過觀塘一定會再encore🥰

一直風聞有間千層蛋糕黃店好好食之前食過同事散水餅 抹茶流心 一試難忘❤️男朋友生日party要訂蛋糕 🎂即刻決定揀佢！💛 揀邊間蛋糕店就易揀邊隻味先最難🤣皆因太多選擇成個menu望落去 款款都好食咁真係選擇困難症😂最後睇完大家食評揀左伯爵茶味千層蛋糕🍰果然冇揀錯！茶味香濃 忌廉幼滑 食落完全唔會覺膩當日party出席一半以上都係男生本來怕太甜d男仔會唔鐘意但結果甜度完美💛值得一讚$480 十吋 （生日牌另加$10）兩日前透過whatsapp就可以預訂到本來係現金到付 上門市拎先比錢但我係拜托朋友幫手拎蛋糕唔想佢地幫手拎仲要比埋錢所以就問店家可否提早比定錢先結果好爽快地回覆我可以轉數快/過數服務態度非常好👍🏻

講到千層蛋糕，好多人都會諗起Lady M，但今次發現觀塘駱駝漆都有一間賣千層蛋糕嘅小店，相當出名，而且每件嘅價錢係Lady M嘅一半，相當抵食🤓❣️8件拼圓個蛋糕+生日牌 $269每日都有指定口味拼成原個蛋糕，攞嚟做生日蛋糕真係唔錯，而且外型非常靚，味道拍得住Lady M，甜度我覺得適中，千層皮都做得非常薄，用呢個價錢食到呢個質素，已經係超水準🤩👅好味度：8.5（10分滿分）Whatsapp落單，回覆好快，而且當日到店時仲有好多其他口味一件件咁賣，選擇多，真係花多眼亂🤪，不過禮拜六日去駱駝漆真係要預留時間，因為搭客lift都要等成半個鐘🤣🤣

甘岩去開駱駝漆食飯，食飽飯又想食甜品，見到呢間千層蛋糕店一定係緣份😋。印象中呢間千層蛋糕店係由ig shop做起，宜家開埋實體店真係西利。口味有好多選擇，樣樣都好吸引，好想食，搞到我有選擇困難症。最後揀左玄米茶味，打包番office做下午茶，慢慢嘆。打開盒，件蛋糕反哂車，我盡力救一救先影相。餅皮以人手煎黎講算厚薄適中，個人黎講會鐘意再薄d既餅皮，但呢個價錢黎講絕對收貨。餅皮中間既忌廉有淡淡玄米茶既焦香味，另外仲有忌廉本身既奶香味，私心會想玄米茶味再重手d。仲有好多味都想試，經過開應該會再買！

知道呢間開左好耐一直都好想試下佢既千層蛋糕！買左件開心果味, 蛋皮一層層疊起口感分明但開心果味唔夠出, cream味有的重, 但呢個價錢勝價比高！而且佢地仲有好多特色牙纖可以免費提供👍🏾

已經食過榴槤味同流心款：朱古力,好立克,阿華田,曲奇,綠茶基本上六點幾已經得返好少款,有d得返一件..今次試曲奇流心,cream味比較重,曲奇味得好少下次都係試返其他

😁識得佢原本係因為佢嘅千層平民版ladym但今次得登黎買個麻薯毛巾卷因為怕即場買會無貨所以特登預早訂好多味揀同事服務又好雖然中間要改期，亦都好好態度當天仲會有whatsapp message 黎提你拎蛋糕拎蛋糕當日落雨，仲比左個膠袋拎，好細心個蛋糕麻薯好煙un蛋糕亦好軟熟唔甜，我買earl grey 味淡淡茶香我自己覺得唔錯但朋友都有嫌有d 太淡，什至食唔出咩味我諗好睇個人味蕾啦,價錢我覺得抵，只係180，仲有免費cakepop拎加油💛💛💛

講到千層蛋糕，除咗貴價嘅Lady M之外，應該上網一搵就會搵到呢一間Holam Bakery🤩🤩平時佢舖頭都會得切件現貨買，如果想訂原個生日蛋糕，就要早少少訂喇🥰-我哋今次就訂咗抹茶流心千層蛋糕🤩🤩佢嘅千層皮真係做得好薄，而且啲忌廉唔會話太膩😋所以我會形容成個蛋糕都係好鬆化嘅感覺～同埋綠茶味道好濃郁，但係又唔會太苦😌基本上唔食綠茶嘅人都會接受到😆-上去拎蛋糕嘅時候仲見到其他好特別嘅口味，遲啲一定要買晒黎試😋

今日生日，自己最愛千層蛋糕，聽過朋友推薦觀塘呢間蛋糕店，即刻落訂整個八個口味自己爽下先。印象最好係伯爵茶味道，微微茶香帶有小小cream既甜味，抹茶就真係好抹茶，正宗抹茶口味苦澀得來無甜味。咖啡味道就過甜，其他口味不過不失，如果再食都係買伯爵茶