Holam Bakery

營業中

休息中

飲食記錄：Tiramisu麻薯毛巾卷按指示攤凍咗蛋糕半個鐘先食，毛山卷好棉，都幾滑🤍麻薯好煙韌🤍連埋夾心濕軟嘅Tiramisù 味海棉蛋糕（好似溝咗啲餅乾碎，有顆粒口感）食，口感豐富又滋味😋🤎千層蛋糕食過幾款口味，分別係紫薯粒粒千層（款式應該讓好多女士心心眼，特附圖片1張，見上圖）、香芋千層、蜂蜜千層、抹茶千層、曲奇流心千層同埋抹茶流心千層🍰性價比幾高👍🏻如果原隻蛋糕買記得要按指示攤一攤蛋糕半個鐘先食，唔係會好硬🙈 喺我試過嘅口味之中，我會推介香芋千層💜及蜂蜜千層蛋糕💛

Holam bakery 聽就聽得多，食就真係第一次。去開觀塘做facial，難得做完之後又即係返屋企，所以就去咗買蛋糕。鋪頭喺四樓，如果有腳力，我就建議行上去喇，等𨋢有排等😂本身諗住淨係買兩嚿，見到佢寫住買四舊嘅有冰包，由於我要入去大西北，咁就梗係買四舊啦！仲可以試埋其他口味，唔啱食下次唔買～口味眾多，睇到我舊舊都想食，最後買咗最多人推介嘅抹茶同芒果流心，加上特濃焙茶，同焦糖咖啡！$36-39一舊嘅千層蛋糕，性價比高！老實講，比lady X 更好食，cream 清甜不膩，皮有咬口有蛋香，而不厚；有時食千層蛋糕食完之後好有罪惡感，因為太多cream，但係食完呢個會覺得啱啱好，（不過，始終甜品都唔好成日食）抹茶控一定好中意抹茶流心，超超超濃但不澀，非抹茶控嘅老公就愛上芒果流心，芒果唔酸而果肉多。去到第二日，先食焙茶同埋焦糖咖啡，口感都冇變到。焙茶比起抹茶冇咁濃，都好食但係冇抹茶咁令我印象深刻；反而焦糖咖啡有驚喜，本身都擔心有焦糖會甜，原來粒焦糖並唔係融入咗喺蛋糕入面，係放喺上面，特濃咖啡再點少少沙沙嘅焦糖，絕配～

Holam 切餅獨立包裝幾企理同衛生，好方便派餅，holam仲好細心咁俾埋膠叉方便大家食。呢件係紫薯抹茶千層蛋糕，一次過滿足兩個願望😂 小編本身好鐘意食紫薯，但覺得呢隻紫薯蛋糕略甜，唔算太濃紫薯味。反而抹茶有驚喜，唔太甜，好濃抹茶味。其實一啖食晒兩隻味的話個甜度會比較balance, 不過紫薯味就會被抹茶蓋過。整體黎講，cream 同crepe既比例幾好，唔會過份多cream, 食晒一件都唔會好漏，而且個size岩岩好，切餅長度大概係一隻手掌，做下午茶食得晒之餘又會食得落晚餐。

芒果流心千層 $38 (一件)佢嘅芒果係真芒果甜味同有果肉🥭唔係出面溝出黎果d芒果味🙈食落好fresh之餘皮薄cream唔會太甜🤪但中間流心就唔係幾多海鹽檸檬千層 $38 (一件)如果唔係咁鍾意食甜野可以揀呢一款海鹽檸檬🍋少少酸酸地嘅清新檸檬味 幾特別嘅一款千層蛋糕特濃榴槤千層 $36 (一件)榴槤份量一啲都唔馬虎☺️打開陣陣濃厚榴槤香味，每層榴槤果肉都好平均🌟暫時試過咁多榴連千層蛋糕，呢個最留得我心💛最貼心嘅係榴槤千層額外有盒裝住，令榴槤味唔會影響到其他蛋糕👍🏻🍰蜂蜜千層蛋糕 $210 (6吋)佢地訂蛋糕可以最遲三日之前訂 到時拎先俾錢😆真心覺得係一個親民價嘅千層蛋糕🎂一打開已經聞到蜂蜜味🐝 賣相唔差 甜度啱啱好 班戟皮同cream層次分明 如果要我地係呢4隻味度揀一款我地應該會揀蜂蜜千層🍯🐝另外要讚下佢地CS態度超級好+超快reply🌟🤙🏻

𓌉◯𓇋【價錢相宜千層蛋糕🍰】久仰大名既holam bakery 終於食到了率先試咗抹茶麻薯同埋伯爵茶味先 喺咁熱天氣底下 建議用保冷袋會比較好 如果唔係有機會會歪咗🤧▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 抹茶麻薯味（$35）本身首選係抹茶流心可惜賣晒🥹🥺 唯有試吓呢款 抹茶味都算濃郁 食得出唔係好平嗰啲抹茶粉 中間夾住麻薯口感豐富 呢個配搭好唔錯❀伯爵茶 （$35）味道較淡而且冇乜甜味 如果先食抹茶味 再食呢個 就顯得佢更淡 呢款嘅餅皮厚左少少🤏🏻 冇入口即溶嗰種感覺 麻麻哋 $35的確係幾抵食 不過整體餅皮都係厚左少少🤧可以一試但唔會特登去買 差唔多價錢嘅有其他更好選擇🫣

雖然男朋友唔係食家，但他知我鍾意食千層蛋糕，他就馬上去OPENRICE搜尋一下，真係好感動。他今次揀了這間賣千層蛋糕賣出名的工廈CAFE買了兩件給我，仲要兩件都係茶味，簡直想得周到。兩件SIZE相若，清楚見到一層一層，都好靚，而每層餅皮厚薄適中，柔軟而不乾身，忌廉亦好香滑。伯爵茶千層蛋糕($38)頂層有一層甜忌廉，灑上伯爵茶茶葉碎，令伯爵茶香更突出。啖啖伯爵茶幽香，濃郁的茶味，味道唔甜，好吃!抺茶流心千層蛋糕($38)頂層用了抹茶忌廉唧花，而中間就有一堆更濃的抹茶忌廉，雖好香滑，但略為挺身，不夠流心狀。啖啖抹茶的甘香，茶味香濃，最喜歡當然是中間的抹茶忌廉，茶味久久留在口中。這間的千層蛋糕雖然好食但個人覺得位於旺角嗰間更好食，哈!

真係唔可以睇少佢既魅力, 4點幾去攞蛋糕既時候佢既件裝蛋糕已經賣得7788, 亦都有好多人黎拎訂左既蛋糕, 聽親個個都係都訂左伯爵茶味🎂 今次我就貪心啲想一次試多啲味, 所以就訂左8味盒子🤩8味盒子🎂($259)8件唔同味既千層蛋糕既口味係冇得揀, 每次既口味都會有少少唔同, 買之前留意下佢地既IG就會知道有咩口味嫁喇, 如果想自己揀味就要買10件裝😉 今期呢8隻口味都係一啲長青款式, 分別係朱古力🍫 紫薯粒粒🍠 抹茶 🍵 伯爵茶🫖 原味牛乳🥛阿華田☕️ 香芋 🍠 黑糖牛奶🍬 味道方面我最鐘意茶味超濃既伯爵茶同好似食緊芋頭味雪糕既香芋, 其他果啲都好食, 不過呢兩隻味最深刻😌 質感方面餅皮厚薄適中, 忌廉滑得黎又唔會太甜, 食完一件會忍唔住繼續食落去😂 如果想加朱古力牌既可以加$10或者去到現場揀插牌都得🙃整體黎講呢間性價比高, 絕對可以媲美Lady M, 最緊要價錢夠貼地又真材實料😊 蛋糕店仲有好多唔同特別既口味, 大家黎開觀塘可以黎試下🤓 如果想食到想要既口味, 我建議大家最好都係whatsapp問下店家有冇得訂先☎️

Ho Lam Bakery榴槤千層蛋糕（1.5磅）$230好出名嘅一間餅店，有買好多唔同口味嘅千層蛋糕😚！ 今次好好彩竟然係母親節正日都可以買到佢哋嘅千層蛋糕！今次試咗佢哋嘅榴槤口味，比較特別！ 店員一攞個蛋糕出嚟俾我哋check嘅時候，已經聞到濃郁嘅榴槤香味😍，啱晒鍾意食榴槤嘅朋友們！ 食落亦唔會好甜，亦都有榴槤果肉，口感一流！佢哋嘅千層蛋糕亦都有好多layer～ 所以呢個價錢嚟講真係幾抵食！上次去嘅時候只可以支付現金，所以要注意喔😳！

呢一間又平民版Lady M之稱嘅千層蛋糕🍰每一次經過觀塘都一定會買！千層蛋糕嘅戟皮同埋忌廉嘅比例做得好好 層次感好豐富！超鍾意佢哋嘅玄米抹茶千層蛋糕 茶味真係好濃香 食到抹茶味之餘 仲食到玄米茶嘅香味🍵

呢一間觀塘嘅人氣千層蛋糕食過好多次 價錢抵食又高質！戟皮同埋忌廉嘅厚度啱啱好 兩者口感層次分明🤤最鍾意就係佢哋嘅流心款千層蛋糕🍰抹茶味最推介！茶味濃苦 仲好有回甘味🍵

如果係出面一啲連鎖店食一件千層蛋糕，至少都要$60-$70 ，但位於觀塘嘅呢一間千層蛋糕個價錢都比較親民又唔會太貴，🤤🤤重點係唔難食，而且口味選擇都比較多！今次揀咗四個口味，分別係⭐️伯爵茶千層蛋糕⭐️烏龍茶千層蛋糕⭐️吉士焦糖燉蛋千層蛋糕⭐️海鹽檸檬千層蛋糕💰$38/ for one每一個蛋糕我都覺得好好食，特別係⭐️烏龍茶千層蛋糕，可能我都比較喜歡烏龍茶，食落去有好濃郁嘅烏龍茶味，再加上有奶蓋，所以感覺上就好似飲緊烏龍奶茶😋😋⭐️吉士焦糖蛋糕都令我好意外，蛋糕上面有一層厚厚嘅吉士醬，然後吉士醬上面有一層簿簿的焦糖，當千層蛋糕遇上吉士醬，是意外地的配搭，都值得去試一試👍🏻每一層都夾住檸檬味嘅cream的⭐️海鹽檸檬千層蛋糕，一食落去有濃厚嘅檸檬味，成個感覺都好fruity好開胃，😋最後就要介紹一下佢哋嘅⭐️伯爵茶千層蛋糕，香濃嘅伯爵奶茶味道，同時佢哋嘅皮都唔會好硬，Cream嘅厚實度都啱啱好☺️ 性價比高， 30幾蚊就可以食到一件蛋糕同出面嘅70幾蚊嘅蛋糕有得比👍🏻👍🏻🏪店名：Holam Bakery📍地址: 觀塘開源道60號駱駝漆大廈3座4樓I室

🍋 海鹽檸檬檸檬味可以再酸啲 唔似洗潔精/香精味 🏠人食到有🧀味🧐🧐食落唔算好甜⋯蛋皮算薄身 都幾滑口有輕微🥚香🥰🥰💜香芋牛乳好輕微香芋味 估計落咗芋頭粉但反而幾重牛乳味 如果加多啲芋泥就💯🍫 Nutella 榛子朱古力似繽紛樂 但唔夠濃味 勝在唔甜可以一啖接一啖咁食👍🏻👍🏻🥜奶醬千層🫶🏻最濃味 最鐘意食呢隻重奶 重花生味 重口味人士必食但同時都係最heavy 細食嘅建議可以share😂😂

❣️ 千層蛋糕 Tiramisu $240 6吋

好耐之前食過呢間嘅千層蛋糕 個時候係仲係ig店 未開實體店隔咗好耐 同朋友去咗觀塘買嚟食🤣千層蛋糕有好多口味 今次買咗幾款試下.✨玄米抹茶/海鹽檸檬/開心果(💰各$38)✨蛋糕每層厚薄都幾均勻 食落都幾有層次😙啲cream都幾平均咁放 而入口幾幼滑👍🏼.🍵玄米抹茶 : 原來抹茶同玄米茶都幾夾😋食落唔會太甜 有少少回甘 唔會覺得好膩😌.🍋海鹽檸檬 : 第一啖好鹹 可能因為太多海鹽😂不過後尾就冇咩事😝酸甜適中再帶啲鹹味咁整體覺得呢個口味都幾清新 幾特別咁🤣.🍰開心果 : 幾香開心果味 但食咗啲就覺得膩😚.整體覺得呢間千層蛋糕性價比都幾高口味選擇多 總有一款啱自己口味嘅🤣🤣去開觀塘嘅 可以去買嚟試下💛💛

💛✨烏龍茶千層蛋糕 6‘’ $230 好味、抵食又多選擇嘅蛋糕店餅皮夠薄，cream夠綿密，超多層疊加，每啖都係爆cream嘅口感，偏偏淡淡嘅烏龍茶香，完全唔覺得膩。尤其適合想食甜品但又唔好太甜嘅人！.💯10/10Holam Bakery (觀塘)📍觀塘開源道60號駱駝漆大廈3座4樓I室#觀塘 #觀塘美食 #觀塘黃店 #蛋糕 #千層蛋糕 #烏龍茶 #KwunTong #KwunTongFood #KwunTongYellow #Cake #LayerCake #Oolong