HASH CAFE (已結業)

環境不錯飲品也是可以接受但食物就真係不能接受了。其中點左risotto，就係鐘意佢既質感先order 但要搞清楚唔熟同本來既質感係比較硬係有分別。明顯個飯係未煮透而唔係waitress所講既原本質感係咁，試過一次就夠啦，唔會再有興趣食！

屋村商場入面新開左呢間cafe，由出面望入去都見到一個又高又大既鳥籠，裝修行文青系，清新吸引！一於試下個早餐先自選早餐係最抵食既，價錢同連鎖快餐店差唔多，三十幾蚊有熱飲、炒蛋、肉、多士及湯粉，算合理！由多士轉牛角包既話要+$3，牛角包睇落又干又扁，同期待中既有D出入，雖然個樣唔討好，好在食落算酥脆啫！香菇濃湯既湯底清得黎都有菇味既，入面仲有幾條雞肉絲添！整體味道不過不失，勝在環境高雅，坐得舒服啫！

聽講頌富商場開左間Cafe，就打算同朋友去試下，點知一試就知中左伏衛生我想講，間Cafe嘅衛生問題仲衰過其求一間街邊茶記。食餐飯，坐咗45分鐘，全程隻腳都不斷比蚊騷擾，食完飯出嚟隻腳比啲蚊咬到變咗豬腳。仲有，樓面啲烏蠅仲多過街市，餐具不斷比烏蠅嬲，個雀籠上面全部都係一隻隻嘅烏蠅同蚊。坐唔安，食唔落， 十分污糟食物全部嘢食都係死咸，食完係feel到成口味精。叫咗個蛋汁卡邦尼意粉，啲麵條硬到咬唔落，而且又係乾真真，一啲汁都無。仲有呀！ 見佢哋咁有創意整咗個紫薯湯，就嗌咗三碗嚟試下，點知三碗都係酸嘅，嘔都嘔吾切。仲啱抵食就係個刀片牛，比百幾蚊食幾塊味精牛肉，薯條又refill得耐，如果真係要食排，完全係呃錢。我地仲加左一碗薯蓉同一碟印度薄餅，真係搵笨實， 薯蓉無味，薄餅無汁。總之成餐飯都係乾真真。飲品一間cafe，跟餐送杯普通咖啡好合情合理，精品咖啡要加錢都可以接受，點知到落order先知全部咖啡都要加錢，「Cafe」？？？仲有我發現，原來檸檬蜂蜜同檸檬特飲係同一樣野，味道一樣，差別在於檸檬特飲隻杯大啲，搞到我啲朋友比佢呃錢希望睇到依編食評嘅朋友，唔好再比個名呃到，文字偽術，可恥總結總括嚟講

難得天水圍竟然也開了這類精緻風格的cafe，這天便與家人來吃早餐。Cafe的裝潢以Tiffany blue為主色調，中央擺放了大大的金色鳥籠，配上大理石紋的桌子和金色餐具，整體風格都十分精美，漂亮程度在天水圍裡數一數二。早餐選擇頗多的，多以西式輕食類為主。這天我點了蕃茄炒蛋配腸仔多士。炒蛋口感頗滑身，但味道不夠鹹，要另外加鹽才比較好吃。而煎蕃茄和腸仔味道也不錯；飲品方面，我本來想點咖啡，但原來這裡沒有普通咖啡，全是須加錢的精品咖啡，最後我只點了杯奶茶，味道跟外面餐廳差不多吧。這間的食物質素整體中上，但以早餐廿幾三十多元的價錢來說，性價比算是挺高了。加上環境漂亮，感覺像去了外面的cafe一樣，值得再來試試早餐以外的食物。

叫左一個卡邦尼意粉同兩個燒春雞意大利飯。卡邦尼意粉味道好淡，好似冇落鹽咁，而且完全冇忌廉味，第一次食咁難食既卡邦尼意粉；燒春雞味道就okay，意大利飯就有啲酸。另外我地前一晚經過店鋪，當面向店員查詢收唔收切餅費，當時兩位職員表示佢地暫時「未有呢樣野」，仲確認我地係咪想帶蛋糕黎，我地話係之後店員就叫我地「可以帶蛋糕黎自己切」；但到今日我地食完去埋單，店員就問我地知唔知佢地有切餅費，佢地等到我地去埋單先無啦啦問我地知唔知都好奇怪，之後我地講番俾店員聽前一晚向另外兩位店員查詢既事，佢就話今次就唔收我地錢，下次就要收番，我亦同佢地講佢地要做既係通知番佢地既員工。本身去之前有朋友見到openrice呢間餐廳多負評而唔太想去，但因為我以前曾經去過一次覺得嗰次食物質素都ok，所以最後都去番呢間，但經過今日之後，以後都唔會再去，食物難食，價錢唔係話平，店員對於餐廳規則唔清晰，希望佢地真係會統一番口徑。

今日叫左2個午餐，賣相唔差，不過一食落口，嘩。。。呢D真係食物春雞好乾，唔知仲以為自己咬緊香口膠。意大利飯，完全唔覺得自己食緊飯，我咁大個都未食過咁硬嘅飯。雞肉長通粉，D味好怪，d通粉都係好硬。仲有個印度薄餅，無味，完全凍，又乾又硬成個午餐得忌廉湯同杯飲品係正常，其他食物都唔熱。平時教小朋友唔好浪費食物，但係今次真係唔得喇！難食到要投降！難食到連我都忍受唔到食完之後亞囡就肚痛，而我就咬到嘴都軟埋。

同家姐。媽咪。舅母一心想去Hash試早餐。。order了一客茄汁通粉。toast and 煎反旦。腸仔。。但個反旦煎到非常燶。。於是要求更換。。然後個黑面四眼經理好冇禮貌話: 個反旦係咁。。要全熟一定係咁嘅顏色嘅。。我話反旦都可以煎得好靚。。吾會咁well done囉。。個黑面manager仲死口話煎出泥一定會係咁黑嘅。。。當我第一次食咩？佢不斷同我爭論反旦係一定全熟嘅。。。我心諗:佢究竟知不知道煎旦嘅煮法有幾多款？吾好以為我地幾個C9係井底之蛙，乜都吾識啦。。咬贏過客對公司有著數嗎？希望Hash嘅管理層會正視用人嘅標準。。服務態度咁差劣竟然做到經理。。佩服佩服！overeasy fried egg 吾係一定係well done...希望Hash 高層可以作出適的training比分店經理。。不過咁差嘅service我都係第一次遇到！一次過算了！

今日學校放早，再去Hase Cafe 食lunch.開頭cafe 開張時有d 混亂，單都有d 甩漏，但新開張在所難免。第二次是食早餐，又係調亂d單，塊雞扒酥‘到’食唔到。 跟餐有奶茶檸茶揀，但無咖啡的，如想飲咖啡，可半價揀餐牌上的飲品。今次係第三次嚟。我地選擇煙肉卡邦尼扁意粉和泰式青咖哩豬頸肉。湯是紫薯忌廉湯，幾好味。青咖哩微辣，但太稀，質感似湯，豬頸肉只有3.5 片 （0.5片是真的細細片⋯⋯）但味道幾好。煙肉卡邦尼扁意粉來到是不熱的，味道普通，其實呢個意粉係無難道，因為醬汁一早已調好或醬汁材料份量來來去去都係一樣。大約1點食飯時間，餐廳都多客人，外面已無人排隊，但侍應態度麻麻，呢樣真係有待改善。

新餐廳新嘗試近來台灣水果茶類大熱，四周也可以找到不同的飲品店，但T-town附近則沒有一所相似的飲品店。因此餐廳開業以來令人注目的莫過於它是帶有外帶飲品店及有售賣甜品的經營模式以後買飲品及甜品宵夜不用走太遠了！午市的時間，餐廳主打西式餐品，然而裝修佈局以鳥籠為光眼點。但是由於開放式的環境，加上商場內人來人往，嘈吵是少不免的..假若愛安靜，也許坐到最入面是較好的選擇。當天入內，點了兩個午餐set，配送西湯或沙拉，飲品轉外帶沙冰類/茶類則半價。西湯是蘑菇湯，只見湯內有大量蘑菇蓉，只嘗到蘑菇味，個人不太喜愛，假若能添加一點忌廉口味，相信會更能迎合大眾口味吧！而沙拉亦一般...主菜分別點了長通粉及雞肉薯蓉，上菜速度尚可，但食物送上時並不是熱呼呼的，可能餐廳只專注食物的擺碟，而忽略了溫度吧！魷魚長通粉與雞肉薯蓉 的份量略小，味道尚可，雞肉薯蓉的雞肉數量略少，我倆吃了一半才驚醒還沒有吃到雞肉呢！最後是飲品，原來的飲品略小杯，但是餐廳提供加錢升級飲品容量的選擇，也挺貼心的！另外，由於夏日炎炎，亦以半價轉了沙冰，芒果xxx茶（？）味道有點像果x系的芒果蘋果茶，但以半價的價錢，個人認為是不錯的最後..雖

到 T town 一遊，已到下午茶時間，便隨意選擇食店，最後就決定了“井茶“。一看 menu 簡直愛不釋手，因相片嘅食物見到已經太愛了最終挑選了4份自選下午茶，湯底有两款：蕃茄及蘑菇粉類選擇了： 螺絲粉及蜆殼粉另外可配搭厚多士，或加錢轉牛角飽飲品除了一般飲品外：如凍檸茶，奶茶外，也可以半價飲他們特飲：如芝士芒芒，水果四季春茶等……而環境我俾安排坐了雀籠坐位，位置寬敞，影相也一流。故下一次會再去食他們其他食品的……yummy

工作中午餐，住天水圍的同事介紹呢間新餐廳比我哋，去到唔使等位，商場地下，樓底高唔壓迫，他一，裝修好靚，灰白簡約主色，有個蘋果綠大鳥籠卡位好搶眼，仲比我哋坐到大鳥籠，午餐選擇不多，食物西式為主，飲品係台式！蘑菇忌廉湯（餐湯）蘑菇有好多蘑菇粒粒，飲落有質感又香滑！好味！英式菠菜雞肉焗薯蓉（$56）黑鐵盤好熱，薯蓉打得滑，焗得少少金黃，菠菜淋及香，除了菠菜，仲有生菜，雞肉嫩滑，味道係好嘅，但太少！HASH檸檬特飲（跟餐半價$13）有柄玻璃杯，無叫少甜，檸檬酸味好淡，係唔夠味嘅淡（同清爽不同！）頗失望！同事食：柚子汁厚砌（切？）雞扒漢堡（$63）魷魚圈菠菜汁長通粉印度香部牛肉薄餅（$52）凍檸檬蜂蜜（跟餐）凍檸茶（跟餐$3）凍薄荷朱古力（跟餐半價加$17）食物幾好味但好細份，我女人都唔夠飽！呢個份量下午茶餐就差不多！以呢個價錢唔抵食！店員有禮斯文！會留意住食客嘅進度！定時來清枱！店員會提醒鐵盤熱唔夠飽

最近新開的西式餐廳🍴一開始還以為左邊跟右邊是不一樣 原來是同一間😂竟然意想不到有傳說中 喜茶 的背影❤️雖然有啲仲未有得飲 但係水果茶確係唔錯🙊三個人叫咗五個餸 分別有燒春雞，海蝦紫米卷，蒜香焗蘑菇，海膽天使麵配軟殼蟹，香草三文魚🍴燒春雞出乎意料地夠滑 點埋個汁 仲有少少辣😅 可能我唔喜歡 所以即刻覺得一般個紫米卷就普普通通 ，個焗蘑菇 一嚟到就聞到陣香味😆 ，個天使麵我覺得就有啲普通 雖然個軟殼蟹係唔錯 。❤️❤️呢個唔可以唔介紹 。香草三文魚😍😍真係未試過咁好味 咬落去一嚿嚿 而係好柔軟 好香濃😚😚 下次黎應該要叫兩個先夠食如果唔知食乜就食呢個啦🤤🤤講起都想食。。。 今日我就坐左個鳥籠 好似俾人困住咁😆但係 又好似好高級 😆。見到門口有五六個人排隊但係又得隔離嗰個四人位 搞到唔好意思😅😅食完都快啲走 。(我哋三個人坐咗六人位。仲要係我哋自己要求😆😆 真係唔好意思啦)期待已久 尚算不錯 但是上菜時間有待改善。

大約3個星期前見新開同女朋友去試下，因為已經夜晚9點，所以唔係好多人好快就入得。我地一共叫左一個意粉、湯、扒餐任添薯條 加一杯野飲。意粉同個湯同野飲好快就上左大概20分鐘。問題黎啦 我地咩都食晒但個扒未到，個扒我地問個職員1次等左15分鐘完左都未上，再問多次仲話黎緊，個一刻已經等左45分鐘都未上。 最後等到60分鐘先上菜，上左既菜仲要係得一塊扒仲要涼左既同埋冇任添薯條 個職員同我地講冇薯條淨係可以係個Menu 到揀一個前菜或小食，我地話ok揀左雞翼開始食緊個扒，轉個頭又話唔可以揀小食淨係可以揀35-40蚊內既甜品或前菜。我心諗你地冇薯條點解唔可以一早講 至多我地咪取消唔要個扒 但係可唔可以唔好浪費我地時間 ，我地同意冇薯條轉個陣又話呢樣唔得個樣唔得 即係逼我地要左塊扒啫再加上職員服務態度好差 放低碟野上黎就感覺係‘要唔要唔要就算’ ，最後我地冇要到個甜品同前菜，心諗野都食曬仲食咩前菜呀？最後話個野飲20-30蚊免費左比我地，但其實個薯條都值40-50蚊無限refill都唔只呢個價啦，只係佢想free唔free比我地姐！ black list this restaurant foreve

九點幾去食，被告知last order 10:30,點左燒春雞拼印度薄餅同卡邦尼意粉，前者128，後者68。卡邦尼意粉醬汁好食，推薦。燒春雞偏淡都滑既，但配上醬汁都ok既，薯條都脆。餐具環境好精美，坐得舒服，但系餐具有好明顯既污蹟。原本點左既系有印度薄餅既餐，點知上到黎俾左春雞拼薯條，問侍應系咪俾錯，佢話薄餅無曬，其實我系特登唔揀薯條怕熱氣，我覺得無唔緊要，但系應該先問聲客人介唔介意轉第二樣野囉。睇到之前既評論原來都吾系第一次，作為一間新開張既食肆可以做得更好。其實同間商場有更抵食既餐廳，黎間價錢唔太值

新開張裝修都幾靚，但見到餐牌都有啲貴，買咗杯外賣芝士四季春，比起一般奶蓋飲品都算貴。見到飲品餐牌都冇乜芝士奶蓋嘅選擇，除咗四季春都冇其他芝士奶蓋茶類飲品。奶蓋都算係挺身，不過要求走冰嘅時候，店員話不設走冰，否則奶蓋會塌下，最後只好要求少冰。茶底見到店員有加糖漿，所以略帶甜味，奶蓋帶濃芝士味，亦帶甜味。整體來說，都算好飲，若然可以走冰就更好，飲起試黎唔會飲到大大舊冰塊，價錢偏貴，偶然飲一杯都可以接受。