Greyhound Café Galleria (K11 Musea)

營業中

休息中

環境爆分 不過⋯不可一不可再 超級難食過個wagyu牛肉薑黃飯 硬過鞋底 啲飯勁油 香草蜆肉意粉 個意大利粉發脹晒 冇蜆味 清淡到爆 個招牌雞翼係乾到 非常失望 食完要去隔離嗰間The Coffee Academics 再食過

尖沙嘴望住維港食TEA勁CHILL餐廳推介 - Greyhound Café Galleria好開心同姐妹黎到位於K11 Musea 既Greyhound Café Galleria食下午茶😋餐廳係Gaia集團旗下全新摩登泰菜店，今次好好彩我地坐到最後一台既無敵大海景位🌊可望到180度維港靚景，而且日光豐富，極光猛醒神，自然光透過窗邊滲入， 心情特別輕鬆🥰室內則有色彩斑斕的設計，感覺更有活力和輕鬆 ! 呢度D食物水準超高質🤩，打卡一流 ! 📸️❣️簡單介紹一下我地叫左咩野食啦 :粟米蟹肉湯 $108 粟米濃湯唔單止鮮甜濃厚，蟹肉羹充滿香味 ! 自選椰子雪糕 $88 由新鮮椰漿同其他材料如糯米製作而成，啖啖都係椰子嘅原汁原味，好食到停唔到口！芒果奶昔 $58 用新鮮芒果汁及沙冰調製，令口感擁有如奶油般絲滑口感，香甜平衡恰到好處 !冰凍美式咖啡 $42 呢款經典深度烘焙咖啡帶著香甜既焦糖風味，口感醇厚而細膩，加入冰粒後享用，帶來奇妙既變奏，非常適合熱情的夏天飲用 !又有靚景睇，野食質素又OK，確實係一個值得推薦同朋友黎聚舊既地方 ! 特別一提係餐廳設左每位最低消費$100，而且餐廳係收加一服務

朋友生日聚會，訂位時要求坐近窗口位，感謝餐廳也能安排，還能在高空看到 Doraemon 展👍🏻食物質素和飲料也能保持一向高水準，沒令人失望。但可惜是限時進餐😔當時餐廳還有空枱，外面也沒有人排隊等位，但不明白為何waiter 常催促我們結賬🤨如多人等位，食客都會明白和體諒按時還枱，但在這情況下，waiter 們有這樣的表現，就令食客覺得有被趕的感覺😔 如果侍應們不是這樣死板的安排，我相信這次在 greyhound 的聚餐應該可以畫上完美的句號😊

今天和朋友午餐，點了兩份午市套餐，其他一份要了湯，期間崔了兩三次都沒有上湯，最後全部吃完了，再催，服務員才端來一碗湯，湯一股燶味，叫服務員換，服務員還強調是這樣的，強烈說明是燶味，服務員才說 要不要換成沙律，然後又開始等，最終問午餐都吃完了，沙律可不可以換成飲品？服務員說不行，才端來一份沙律，前菜變成最後一道菜，問服務員要一杯水，服務員說沒有免費的水，要叫飲品，第一次遇到在香港吃飯沒有免費的水，沒有任何服務，還收10%服務費。並且以前光顧好幾次，都可以提供水，這次非常失望，服務很差，有好幾個服務員，都要招手好久才會有人過來。

味道好差，果汁甚至是臭馊的，水果切开之后在冰箱放很久的味非常不新鲜，不推荐点果汁！窗边位一定要提前定卡座位而且要天气好，否則影出來好難看。k11有其他店更加舒服的選擇！特地帶朋友去，結果体验太差劲。非常不推荐

走累了看到这家餐厅就进来了。整体环境还好，窗边可以看到星光大道和海港。视觉感很舒适。服务很差，对话都是冷冰冰的，进店就被问到有没有预约，如果没有，用餐需要每人150元低消。点了蟹肉粟米，味道不错。不会再光顾了。

今日同朋友約咗睇K11食午餐，本身係諗住去4樓食越南嘢，不過發覺間越南嘢已經執咗笠⋯⋯咁就經過咗呢一間餐廳，其實K11嘅餐廳都好少人，唯獨見到呢一間比較人多，就嚟試吓～我哋兩個人一人嗌咗一份set lunch ，開頭以為係食西餐，坐低之後先發現Menu入面好多都係泰式嘢，都係冬陰功，炒粉麵飯（泰國）～我就嗌咗個香葉肉碎飯（少少辣）味道都唔錯，但係又唔係話真係好特別朋友就嗌咗個和牛飯，都幾精緻嘅，佢都話幾好食～不過最靚係有個無敵嘅大海景！喺呢度食午餐個人真係開心啲！

平時成日去K11行街，但入面嘅嘢食對學生銀包頗不友好，呢次嘅餐廳睇落好fancy，嘢食仲要比我預期平！呢間餐廳主打泰式fusion菜，好彩嘅話仲可以睇住無敵大海景嘆美食！我哋喺閒日夜晚去食，座位坐得唔滿，咁啱有得坐海景位，是日小確幸✓～ ➵ 香紅咖喱鴨煲｜$218 ♥︎♥︎♥︎♥︎♥︎➵ 泰式雞肉意大利麵｜$148 ♥︎♥︎♥︎♥︎♡➵ 泰式珍珠凍奶茶｜$48 ♥︎♥︎♡♡♡➵ 泰式凍奶茶｜$42 ♥︎♥︎♡♡♡ 咖喱鴨煲好好食！香料味好足，配埋印度薄餅非常滿足，不過比一般咖喱稀，如果可以稠啲就更完美；雞肉意大利麵都唔錯，份量有啲細，我幾鍾意呢個意粉嘅味道，用香料將西式同東南亞風味融合得好好！不過兩杯泰式凍奶茶都好難飲，味道有啲苦，但好水，好似飲緊稀釋咗十倍嘅啡色茶味水，珍珠甚至硬到咬唔開，非常唔推薦！以一間 ’cafe’ 而言，呢間嘅飲品真係伏出天際⋯⋯ 同埋我哋都遇到網友們提及嘅服務態度問題，其實唔算太猖狂，但會令人輕微不爽，作為旗鑑店嘅尖沙咀店都係咁嘅服務，難以想像其他分店係咩景況⋯⋯大家去食嘅話，專注喺食物上就好，其他就以平常心看待啦～ ౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ

為要看多啦A夢無人機滙演, 所以提早去了 K11泊低車,   中午大約 5 點. 唸住搵間店食下嘢食陣. 再落去星光大道剛剛好.   那就望一望水牌. 試下呢一間, 知道不同區都有分店, 亦見身邊朋友好多人都常來.   感覺應該幾有保證 可惜...... 我不認同 :-)1700入座,  門口已清楚. 90分鐘用餐 , 每人要有 $200消費.   - 這點我明白. 亦同意, 無所謂的昨天應該服務員不夠, 常常都很難找到人幫忙, 不過都能理解,  等下就可昨天點了. 特式小食拼盤蝦餅 - 一D 都唔似蝦餅, 林PAT PAT的, 似魚餅多D 春卷 - UN 硬既雞翼 - 炸得太乾, 求其在我雪櫃拎一款焗都好食過佢帕能咖喱羊扒 - 過熟 UN既隨咖喱跟薄餅 - 一D都唔鬆唔熱唔脆, 林實既泰式炸豬頸肉 - 有渣UN既飲品: PINK COOLER - 西瓜, 橙, 波蘿汁MIX另外:  或且我見識少, 竟然店內係無水提供 😅 要買佢地樽裝水/飲品, OMG  其實我真不介意比錢叫飲品,  不過試過上面一堆食物都係得個樣, 無質數 , 連飲品都唔想叫了.   呢餐 $799 - 3  人用

今日落大雨老公開車去左k11 musea,本身商場都冇咩平價嘅餐廳，food court 超多人，所以情願比貴少少坐得舒服啲，係餐廳門口排左5-10分鐘就有位，門口已寫明人均消費要150蚊，呢間餐廳環境ok,坐窗嘅位望維港景，不過服務真係麻麻，叫左3次都冇人過嚟落單，明明waiter見到我，仲同我示意會行過嚟，但佢最後都係走去做其他嘢或者幫左另一枱客落單，仲要係3個唔同嘅waiter都係咁，食物味道唔錯，但其中嘅炒金邊粉份量好少，價錢唔算平，男士食一定唔夠飽，另一個冬陰功螺絲粉就好好食，入面仲幾種海鮮，值返個價錢。另外，我見旁邊果枱客叫左個carbonara，等左30分鐘，佢哋提左waiter5次，但waiter次次都話整緊，明明佢早過我哋叫嘢食，好明顯係漏單。最後埋單個陣，waiter 掉張單過嚟我哋枱面，心諗你哋連水都要比錢，應該都算係高級餐廳，點解服務仲衰過出面茶記？好難怪啲人唔北上去搵食

景觀一流，但服務態度奇差！平生第一次寫食評就寫個差的，真的是無奈兼無言。食物還可以，但餐具及茶壺好像沒洗一樣，黐立立的。以價格及服務態度對比，性價比就不了！不會再來！

入座後才知沒有set menu, 只有A la carte, 價錢偏中高檔價錢, 心諗只要餐廳質素好都無咩所謂, 所以對餐廳有少少expectation。用QR code order了食物及飲品, 找侍應叫杯水, 女接待員兼侍應冷淡回答沒有水提供,只有sparkling 同still water! 人手亦看似十分不足,全場只有三位服務員。其中一位男服務員態度十分差劣,沒有基本禮貌,埋單時客人雙手比信用咭,此侍應碌完咭就求其放枱上走人! 不期望你說多謝,但都要識基本禮貌尊重人吧！

神推鬼㧬又來到K11的Greyhound Cafe再次感受到地獄式的工作人員態度下午茶時間只得五枱客人，仍然offer你坐窄窄的雙人位當麗晶大酒店同埋半島酒店都會給你免費的暖水的時候，他堅持要你叫熱檸水我已經叫了兩杯飲品，但係仲未嚟。所以先諗住嗌杯水潤吓喉。下午茶兩位叫了食物600多元，都唔算平有這樣的服務態度，下次都係去返茶餐廳食最低限度有杯茶飲下😡😡到啲食物嚟到，全部送晒去隔籬枱。但隔籬枱的人剛剛坐下餐牌還未有。而這位waiter就係帶隔籬枱食客坐低的接待員。食物其實幾好味，但係前線工作人員態度十年如一差👎🏾

同男友同男友媽咪一行三人係尖沙咀食完晚飯。男友媽咪話想食蛋糕。所以我就建議去greyhound cafe 食我最鐘意既千層蛋糕🍰。八點左右去到，平日都要排隊。其實入邊有位，不過人手唔夠，入邊啲職員都超級繁忙。最後我哋都要等咗20分鐘左右先入到去。餐廳環境舒服，又對住維港。男友媽咪都好鍾意。我哋最後嗌咗三個蛋糕。包括有招牌椰子千層蛋糕、栗子千層蛋糕及鮮果千層蛋糕share 黎食。每件$78。我自己就最鍾意招牌椰子🥥千層蛋糕。表面一粒粒既係白朱古力🍫，中間有很多椰子肉，好足料。唔太甜。而栗子🌰千層蛋糕味道比較濃郁，好重栗子既甜味，比較岩嗜甜嘅朋友仔。最後，鮮果千層蛋糕好有驚喜。好超多生果。士多啤梨🍓、藍莓🫐、奇異果🥝、橙🍊同芒果🥭。忌廉不會太多，好啱老人家食。最後注意，呢間餐廳唔提供免費水的。三件蛋糕連加一埋單$257。

点了下午茶的套餐，看看窗外海景，不错。蛋糕味道还可以，食材新鲜。饮品点了香茅茶和柠檬茶，都还可以。和朋友一起来的，前几天吃过那个下午茶套餐，所以今天还是想点（今天2023.12.30）那个套餐，询问其中一位服务员，告诉我们没有套餐点不了，态度也不好，沟通交流得不愉快（我们和她都讲普通话），然后叫来店长，改用英文沟通，我正陈述事情原委，店长没等我话说完就打断我直截了当问：what do you want now？那你现在想要什么？我说：我就想点那个套餐！（也可以理解店长吧，真得忙到飞起，店里人满了，但是打断人不礼貌毕竟我很客气地在沟通❤️）后来服务员Pizza接手，她人很好，很nice很耐心，地帮我们解决了问题。吃上了本来就在售卖的下午茶套餐😊下午茶时间来的，大概3-4点左右，不需要等位。下午5点多开始门口就很多人开始等位了。