Greyhound Café Galleria (K11 Musea)

營業中

休息中

今日大約3:15落單叫左碟香葉煎蛋肉碎飯，一隻燜猪手同2杯飲品，碟飯$138勁普通，衰過茶餐廳，食完好耐，一直等隻$298猪手……等足45分鐘，去到4點，問個侍應佢話就快到，等多一陣到左，以為咩咁巴閉要煮咁耐，點知一食係凍既……又難食，中哂伏……等緊猪手途中叫左侍應2次比2杯水，一直冇人理，唯有等……到第三次叫個高瘦男經理，佢先同我講話冇免費水，只有收費水，真無語……第一，一早唔講，要個客人一直等……問到第3次先講。第二，當自己高級法國餐廳？比杯水招呼客人都要咁計較？究竟呢種係咩服務態度？當客人完全冇到，自己做自己野，同你講多句都費事。我自問都叫左2杯飲品，唔係齋坐飲水，當然員工有問題，餐廳老闆都有問題，咁做生意一定唔會有回頭客，我一定唔會再去，兼會唱衰佢。又貴又難食，仲要食到一肚氣

「脆脆雙響」連埋呢張圖片我expect係有兩款脆餅，但係嚟到剩係得蝦片😦 服務員完全冇任何解釋，雖然佢圖片下面寫咗只係參考 the menu remark photo for reference only , the description clearly texted with RICE & Shrimp Crackers , but there is no RICE Cracker at all 🤬 all are shrimp crackers only ! 餐牌寫明係米餅加蝦餅 ！冇理由完全冇咗米餅😤 仲有個汁都好唔啱我口味，我寧願佢用普通青或紅咖喱汁，佢呢個白咖喱汁味道古怪，唔香唔辣，總之唔好食，永遠不會再叫 ! The white curry sauce tasted strange, I rather they use normal green or red curry. Overall is a bad dish and I will not order it again. 跟住呢$118的碗鴨腿湯河💸隻鴨髀又乾又嚡👎🏻完全唔香兼無味，十八座狗仔粉$26/$33 的鴨髀

Came here for dinner with friends. Very disappointed with the food and drinks for the money we paid. We got drinks that were mostly ice water. So much ice in each drink that there was barely anything else.The main course was small. Over 300 dollars for two shrimp, a sour bad tasting salad and a few over done pieces of meat that were hard to chew. Finally the ice cream we had was mostly ice again served in a coconut. It also came before the main course at first… we had to request it sent later. I

點了餐後半天不見拿水來，就問了下一男生服務員：唔該、可唔可以羅杯溫水？、他原地站著望了望我、端著盤子走了。等第二個美女服務員到我邊上收拾餐具時我就問她：溫水是不是要收費？下單才有呀？她說她們這沒有溫水只有開水，我說好、那麻煩拿杯開水、謝謝。結果吃完晚飯水也沒拿上來！！！！真心是無語😑！如果要錢大可直接說、沒事的嘛，問了兩個人都不拿來、你們說是幾個意思？？！！！祝老闆關門大吉吧！！！！花錢吃飯都不爽

In gist:7點半入到餐廳服務員指示我哋掃QR Code 落單我哋照跟7點43分落完單，等到8點20分食物都未嚟問咗幾次職員，職員都愛理不理，膚衍我最後忍唔住衝去水吧、廚房問，先知原來個QR Code 冇連接個電腦系統好啦，廚房10分鐘內出個牛扒結果，係完全生的個經理急急腳收返碟牛扒，話呢碟唔計我錢佢可能驚我影相不過我都係影咗唔好話我屈佢，自己睇相最後埋單，連服務費$360幾蚊我上深圳食從來都唔會遇到呢啲事

咁啱同朋友有K11嘅coupon，就諗住搵吓K11 Musea餐廳嚟食吓啦，咁啱見到Greyhound個境幾靚就提前book咗枱去食lunch。點知我哋去嗰日就唔係咁好天，所以大家見到啲相都係灰灰的。本身我哋都係諗住去食吓景同埋打吓卡，都冇諗過佢嘅食物質素會好好，但竟然！！！ 和牛金麵: 個面係非常之彈牙啦，再配上個湯係好有泰式風情。仲有個湯底係甜甜酸酸，非常之開胃！搭配返個凍奶茶之後又覺得中和個酸味。第二個呢我哋就嗌咗個set，但係呢就唔記得咗佢全名叫啲乜嘢嘢啦，只係記得喺炸雞扒，比較香口啦，配埋檸檬呢就覺得會比較出味。

服務員態度超差,只識送餐同拾台,完全冇service,好明顯老闆對啲員工好差人工又好差,所以有人肯返工就算好嘅餐廳,你會响高級嘅K11享用廟街service同聽粗口嗎？ 試下Greyhound k11吧！

難得星期二下午茶時間經過Greyhound，見到無乜人，就入去食個下午茶嘆杯啤酒。 每次到Greyhound都必點那個泰汁三文魚，好好味😋 Greyhound好似多咗好多嘢食，個Menu真的睇到人眼花撩亂，樣樣都想食，由於真係唔肚餓，只是想享受下個無敵海景，兩個人，只叫了兩份小食，一杯珍珠泰奶茶，同三杯啤酒。 除了必點三文魚，仲點錯了炸粟米（本身想點蟹肉粟米） 炸得夠脆，但真的只有粟米，感覺就唔係太豐富。 珍珠泰奶茶OK，唔泰甜😝 埋單$600+ 抵在對住那個令人忘憂既超級無敵海景。 👀👀👀

食完之後我個朋友話：「我地係黎食海景嘅🌌，所以野食好唔好味唔重要」笑死🤣🤣，講真個海景真係無敵靚，黑夜裏面泛著紫藍嘅光彩，即使我哋喺角落頭都影到個景幾靚。🎆🎇🌌🌃嘢食：其實金邊粉🍝同泰茶蛋糕🍰都唔錯，野食同蛋糕有好多款口味，好多選擇，有泰式奶茶味非常獨特吸引，味道不錯，但沒有非常令人驚艷，金邊粉我覺得不過不失啦，但軟殼蟹沙律真係🥗麻麻🥺，刪咗上面有寫嘅形狀係度，但畢竟係軟殼蟹唔適合打卡，然後佢唔係好脆，成個沙律冇乜特別。

我哋平時間中都會嚟k11呢間greyhound食飯，但每次都好好彩，都係開開心心咁品嘗美食。不過今次勁黑仔，遇到一位服務奇差嘅中間分界馬尾帶位女職員，完全唔知係我哋樣衰得罪佢定係佢心情唔好搵我哋出氣，搞到我哋成餐飯都係谷住氣咁食，嬲到我十年無寫openrice評論都要搵返個account出嚟寫下感受！一開始我哋好好禮貌問佢有無窗口位，無嘅話我哋諗住等，點知佢勁惡咁話：「無呀！無窗口位呀！」嗰時我其實俾佢嚇到已經想走，不過阿女想食唯有忍下，但我認真驚咗佢，所以諗住等好人高男瘦男經理得閒我再講話我哋等窗口位。（嗰時係閒日3-4點，大半間餐廳都係無人，職員眼見都有好多個，唔會忙到要發我脾氣啩？）等男經理做完手頭上工作就同我哋講窗口位要等最少半小時，一係安排近啲窗口嘅位俾我哋，咁我哋話好，就坐低咗。嚟過好多次都知道呢個男經理非常好人有禮貌。因為嗰個馬尾女員工實在太惡，我哋都費事搵佢落單，盡量避開佢，點知不幸地，兩次擺低嘢食嘅都係佢！佢勁大力擺喺我哋張檯，真係茶餐廳阿叔都無佢咁大力！然後每次經過仲要勁惡睥住我哋！！！可能佢聽到我哋講咗一句：「個男經理好人好多」而老羞成怒啦，但我哋都係講事實！其實

姐妹生日當然要慶祝一下！三個人就點了：泰式甜酸明爐魚👍甜甜酸酸少少辣👍雜菜吸收甜酸汁、特別惹味😋菠蘿雞肉炒飯👍肉鬆同菠蘿份量頗多！好滿足！泰式甜醬豬肋骨👍豬肋骨好入味！加埋泰式甜醬味道絕配👍生日少不免招牌椰子千層蛋糕🎂入口陣陣揶子香味😋又香又正👍賣相又好👍推介👍超大夜景、環境氣氛好正👍

打算同朋友慶祝生日，就揀咗有海景，適合打卡既呢間餐廳！果然海景同餐廳燈光都好適合打卡，但食物質素比較一般😂✨特色小食拼盤各款炸物都唔脆，感覺放凍咗先拎出嚟，令人失望🥲✨蟹肉黃咖喱蝦咖喱質地比較水，咖喱味唔重，不過不失😅✨印度薄餅薄餅都係唔脆，同埋比較厚身，食完會好飽😂✨coconut shake椰子味重，味道普通，但有其他食物比較下，算係唔錯既選擇😂埋單$845 兩位，整體性價比不高，因為呢個價錢係比個海景😂😂

第一次因為一間嘢服務態度差而留言事源：本身book 嗰tea set 都唔係貴，唔期望有咩服務，但都唔係想去受氣。本身嗰幾禮拜前openrice 度book 已經講到明要窗邊位置，但係去到先同我講冇得book，成嗰幾禮拜時間，完全冇通知過我係冇得book，然後帶位紮馬尾中分女士，塊面極黑咁同我地講，窗邊位置要打電話book，咁如果係咁，點解你地唔喺openrice寫清楚，如果要人打電話book，點解提供openrice俾人book？同埋我嗰幾禮拜時間前book咗，你地有嗰幾禮拜通知我，冇得book窗邊位，而唔係我黎到先知會我。好啦，咁冇得book窗邊位，咁我地未話等陣有窗邊位再安排我地入座啦，呢個高傲嘅侍應話俾我地知坐低咗冇得轉檯，連嘢食都未上，連杯水都冇嘅情況下，話冇得轉檯？直至我地強烈要求嘅情況下先知會我地，窗邊位置先到先得，要再排隊。咁呢個高傲嘅侍應，完全可以一開頭就告知我地，叫我地喺門口排隊等候，而唔係直接帶我地入座，然後話坐低冇得轉檯，明明有解決嘅方法，而專登刁難我地。雖然呢個侍應服務態度差，但其他侍應雖然較冷淡，但唔會係態度差。仲要我地入座嘅時候，呢個侍應仲要將餐牌好大力咁

剛進餐廳，環境優美，有無敵大海景，邊食泰式美食，邊欣賞海景。嗌咗份泰式肉碎飯，太陽蛋覆蓋着肉粒同白飯，味道不錯但略鹹。而蟹黃炒飯，卻平平無奇，推介熱情果特飲，酸酸甜甜，喺夏天可以解到渴。

男員工瘦瘦地身材似掃把位或經理，經常黑面及態度惡劣，點餐時眼神極不耐煩問多少少野就語氣有悔氣，用walkie同同事講其他客人，永遠唔會再去⋯食物一般環境一流去比錢食野仲要受氣.