星期六做完gym之後諗住落去買啲一間外賣，平時見佢都好多人喺度排隊，有啲似以前班長嘅風格，諗住試吓啦，嗌咗甜不辣、炸蠔仔、台灣腸，一杯珍珠奶茶，全部都好難食，珍珠奶茶叫咗多冰，點知都冇冰！激死！台灣腸，冇乜味。炸蠔仔凍冰冰，但係我係啱啱買已經即刻食。甜不辣唔識講，總之就難食。 如果真係要搵野食，返返去對面1樓泰國嘢，墨西哥嘢好食好多，呢度又貴又難食，食三個小食咁細盒已經$155，好食嘅話都值得，唔好食真係唔會有下次。

自從上一次聖誕節黎過之後今日就到好朋友約左我黎Picoso食飯！我哋3大人1小朋友食咗好多野呀！不過值得一提餐廳多左個新嘅Dinner Set都好抵！$58+ 包埋野飲呢度係小朋友嘅天堂食滿$500 仲有禮物抽個巨型扭蛋機好正 店主哥哥好好人，我哋3款雞翼都好鍾意食，佢比我地Remix蜜糖雞翼、水牛城雞翼、香辣雞翼都係必食！喺香港真係搵唔到咁好食嘅雞翼 佢哋依家仲有打卡留言每人送「2隻」水牛城雞翼優惠真係會多咗黎，哈哈 我朋友話呢度D野好食左，原來係因為店主哥哥已經返嚟大㕑位坐鎮，之前黎都冇依家咁好食太好，其實我都覺得初初嚟嘅時候係好食啲嘅我都幫襯咗好幾年！加油

之前係YouTube見到KOL介紹話觀塘駱駝漆有好食嘅特色漢堡包🍔今日就諗住專登去試吓⋯ 好地地一間專門做Burger店，一座底又賣米線又泰式蝦餅，就已經心知不妙⋯⋯ 呢個有雪糕既Burger味道一般，其實都係九吾搭八又咸又甜，反而我覺得D辣拉麵加雪糕食就幾好，sorry呢個配搭真係唔好食 真心，Mos Burger好食好多薯條都係唔好食，冇味又淋 呢個安格斯牛肉漢堡⋯⋯返M記真係仲好食仲有西餐有米線食真心膠⋯⋯ 呢棟工廈其實都仲發現一樣野，我上個禮拜先去完吾知幾樓食一間耶子雞花膠米線又係D KOL介紹，都係好伏。叫做普通都算，直頭係難食！對呢坐工廈的食品徹底失望！

你完全想像唔到有幾咁差我寫呢篇文章係係廁所度寫⋯食完一個鐘之後立即肚餓肚痾⋯ 首先今日原本好開心咁去興祝食飯，可惜真係遇上天雨關係所以我揀咗喺屋企樓下食⋯ 之前一路都想試吓呢一度D燒肉，見到有買一送一，一心諗住試吓啦。不過本人係唔太鍾意食「任食」，開頭以為係散叫餐，聽到掃QR code可以不停下單就知道出事⋯ 首先所有食物都係冇任何味道，好似中左Covid咁，清酒煮蜆變咗「清水煮蜆」🫠 D牛肉全部都冇味，唔會好似牛角咁有醬 $7xx 買一送一 有啲取巧，因為門口係用$3xx 錢都唔係問題，只係想好食一啲，失敗！ 雞翼白色毫無味道 白飯凍的

好難食，杯野飲都超難飲⋯感覺地方好污糟⋯⋯唔會再黎成碗野求其到返公司叮杯麵好過，有啲似吉野家牛肉飯但撈湯咁杯凍檸茶從來未飲過咁恐怖嘅味，一黎沖定放係雪櫃，其實做餐廳咁冇Heart 做黎做乜？

10年以前係開聯工業中心返工，當時已經好鍾意去火煱仔，喜歡佢地D食物質素高、新鮮，湯底足料，又多選擇，有冬陰功湯底、椰子雞湯。。今次就叫左胡椒豬肚大蜆，濃味好正！ 我最鍾意呢度啲桶𧐢、本地手切牛肉、皇帝蟹柳、黑松露蝦滑、仲有新鮮雞子，最正嘅就係脆骨腩，sock sock聲，非常鮮甜嘅魚味～每次都係必叫食品，不過呢度舖頭仔仔小店經營，睇得出店主多年用心經營，食品10多年可以保持到呢個質素唔容易，雖然價錢偏高，總好過比錢任食垃圾⋯⋯會再幫襯！

旺角為食仔卜卜蜆真係幾乎一個月都幫襯兩、三次，鹹蛋嘅香味+上麻辣真係好惹味 通常都係食咗卜卜蜆先，鍾意食鹹蛋嘅你係必食推介其他打邊爐的菜式反而就普通啲，牛肉最好食係佢地嘅「近江牛」不過價錢就高啲，但係真係入口即溶的感覺，其他牛肉款式都可以嘅，不過冇近江牛咁好食，好大碟，2個人都食吾哂都係高度推介其他打邊爐都係個D雞子、皇帝菜、脆骨腩、桶𧐢就可以啦～不過有朋友都係成日去食，話冬陰功卜卜蜆也不錯值得推薦的火鍋店

疫情之下好耐都冇再黎Picoso食飯今日終於有朋友生日約食飯，可以順便再去食飯好掛住呢度嘅墨西哥燒雞同埋魔菇飯 喺香港已經食過吾少地方既墨西哥菜，好似尖沙咀、東涌、北角等，都係覺得Picoso係最抵食又大大件、又大碟，每次都飽到一個點 今次叫左墨西哥燒雞（必食推介）炸芝士辣椒、洋蔥圈（真係好脆好香口）燒雞有一種好特別嘅味道，真係只有Picoso先食到，以呢度嘅味道質素，每次黎每人$2-300真係飽到暈係出面食既西餐，真係差唔多價，但係完全係唔飽所以我先成日返黎呢度開餐，帶蛋糕又冇切餅費，又有Picoso既生日禮物、折扣優惠，每次有朋友生日，真係第一時間又想返黎再一次給Picoso好評同支持幫襯左幾年水準越來越好

新開幕的店，本身諗住試吓，買咗一個外賣日式吉列牛，圖片都睇落唔錯外賣要等20分鐘左右，即叫即做不過坦白講真係要改善無味吾太好食，太淡希望下次再食可以有所改善會再幫襯試吓其他野先

上年都係黎Hyatt Centric食生日飯，上年食Farmhouse 今年就試吓23/F Cruise 空中餐廳 真係好靚不過坦白講真係幾熱下，尤其係坐窗口位不過影相📸️拍攝真係一流，相信冬天會好正食物方面，我哋揀左set $440/位最少兩位起，我認為比自助晚餐好食，油甘魚刺身用泰式生蝦汁估唔到咁好食全晚至like這個，個餐包左好多野，比較好食嘅都影左相，生蠔🦪都好新鮮美味，去到最後階段見到太陽落山好靚 最後其實個甜品好好味朱古力雪糕真係正不錯