Greyhound Café (海運大廈)

營業中

休息中

我一向去開IFC果一間食開，都知道一向都唔係大碟但係味道同埋甜品都ok！但係今次去尖沙咀呢一間，服務差同埋海南雞飯($140)得三舊半雞，實在太少買賣相都不佳，然後我哋詢問侍應佢話係咁架啦，整好曬一份份都係咁嘅大細，根本冇理過我嘅感受同埋冇處理我嘅問題⋯⋯柚子沙律ok, 但係蜆肉意粉就好失望，佢用啲蜆殼圍住晒個意粉，但係十個殻得六粒肉我以為喺個意粉裏面但係我發覺加埋意粉裏面果兩隻都係得八粒，點解我用粒去形容因為佢仲細過我手指尾嗰塊手指甲。咁你擺咁多個殼圍住個但係又冇肉我冇嘢好講☹️我好失望但係並唔代表中環同埋太古城果兩間，希望可以檢討同埋教導侍應點樣回答客人問題！

school mates are celebrating 2 girls ' birthdaysThis month I am introduced to the Greyhounds All the way I thought it was a western steak and meat restaurant in fact Greyhounds is a Thai fusion cafe to my surprise since ladies are first always The beauties are fond of sweet stuff for everfrom 38-68/ piece I have a dinner half baked first lady loves the coconut thousand layers Ok With fresh green coconut meat and cream layers But taste just ok A little too plain my favourite is the classic cheese

下午茶時段想食千層蛋糕，一如往常，海港城果間出名嘅排隊長到見唔到龍尾。諗起呢間都有千層蛋糕，叫左茫果味（$68），賣相幾吸引，但一入口就太多茫果醬，同超級甜，蛋糕皮白白的硬硬的，冇一般千層蛋皮的香軟蛋香。茫果肉倒是不少。cream 也是香的。過多的甜醬和硬的蛋皮或者係泰式特色？但我不懂欣賞。仲叫左單骨雞亦，有13件半邊雞亦，炸得很香口入味，但亦因爲太脆口肉質有點乾。鮮橙汁$40， 冇得挑剔。雞亦食唔晒有個哥仔侍應仲有禮貌俾有個盒我裝走，值得讚。座位係坐喺幾級樓梯上，水吧隔壁，同隔離枱貼住，幾逼。個半鐘要交枱，三樣野200，真係同high tea 差唔多。原本都中等，但最後俾我見到個類似經理嘅女士企喺食客枱隔離破口大罵遠處做錯事嘅伙計，真係嚇親人。呢度雖不是五星飯店，說話唔洗太拘謹，但都唔洗好似大排檔隔咁遠咁大聲吧。賣完單後步出餐廳經過水吧時，原本面向吧台嘅經理突然拎住杯水轉身衝出嚟，一野撞落我膀頭度，杯水整濕佢自己，佢即刻嬲爆爆入左去後面，完全冇禮貌性地sorry。大佬，你喺度返工，應該知道呢條出入通道有人行，你拎住啲飲品係咪應該慢慢轉身行睇清楚有冇人呢。如果係熱水淋到人你就大件事啦。

星期六既海港城真係好多人～周圍都無位食野，今次經過呢間個門口好多人排隊就試埋一份！星期六既晏晝，我地2個人加埋嗌左 三文魚配香草醬、軟殼蟹配墨汁意粉同埋越式粉捲+生菜三文魚配上香草醬係較小見既食法，醬料減低左三文魚魚油既飽濟既感覺，做前菜小食一流。酥炸既軟殼蟹岩岩炸起，黎到時出哂煙，咬完去卜卜脆既同時充滿蟹汁，蟹亦到夠大食，2人share都唔會兩啖食哂，意粉有咬口，用墨汁去炒，食完成口黑色呀！值得讚既係伴碟既三色椒微微烤過先上碟，有心思粉捲撈埋醬汁同肉醬一齊食，醬汁加埋生菜令菜式減低左油膩既感覺，可惜啲醬太稀，好難包。可能太多人既關係，待應都唔太得閒招呼我地，不過唔係重點，食身好食就得！

菜單選擇種類多！當晩選擇羊肉串，非常好味，洋蔥湯麻麻，而帶子意粉非常好味！當然亦有我每次必食椰子蛋糕都係我致喜歡好味！環境舒適！不過限時一個半小時太少！價錢如果計地點合理！

有日放工同朋友去左TST 食甜品, 不嬲都好想試下~不過試左呢個芒果燸米磁, d 芒果係酸既..下次唔會再黎!!!!!!!!!!!!!!!!!!!!!!!!!!!!

香葉肉碎飯 好味但係無咩特別呢個蛋糕就真心不得了喇 椰子蛋糕 咬落真係有椰子肉 口感一流 仲有新鮮椰子既香氣 真係一定要試好味到放多張相蛋糕份量都唔小 細食既女仔可以同朋友share一個飯要食蛋糕～

之前有黎食過甜品，好好食。今次黎食午餐，午餐有前菜，沙拉或湯，叫左個波菜帶子寬條麵。賣相100分，可惜醬汁好濃，由於好重香料味，食到一半已經覺口乾，份量唔算多，價錢偏貴，下次都係食佢的甜品。

We would like to have tea set and a piece of cake as dessert here, but my friend suddenly ordered too much, so finally we could not have anything sweet here. The bread and butter was served with soup. The bread was extremely hot, caution! Lucky, Bread was tasty. Onion soup was with clear texture, tasted a bit salty, but good.Ham and cheese sandwiches, cheese melted, very good, just the bread too thick.

本來打算黎食度小月，但拎左飛後竟然要等成150張先到😱，於是決定去其他餐廳到睇下～最後係greyhound cafe落腳🤤～其實之前係太古城都食過一次，但果次嗌既野食都唔好食😵，今次醒水喇🤣。食物估唔多份量都幾多！食落好入味🤣好食好食！有機會食一定會再嗌。意粉不錯！食落不會太辣😸一直都唔知呢個其實要點食🤣🤣食果陣好似當正係壽司咁食...Haaa..但食落冇咩特別...

星期五晚，度求度都真係喪多人，唯有搵間無咩人排隊既餐廳搵餐飯仔食下…..咁就出事了…….排隊果陣睇見個午餐餐牌都有素食，而且仲幾抵食添、百幾蚊有曬頭盤、主菜甜品等等。其實我留意到入面都有好多枱係吉、而且係無留座牌，但係又要人排隊…智會唔會係想製造「好多人等位」既現象呢？入到去坐定定、等我個靚靚朋友黎。個環境同擺位查實都幾簡約幾有品味，特別欣賞牆角位d燈光同壁畫，都幾cool幾chill!人齊！叫餸！先整個頭盤沙律先，牛油果蟹籽沙律。牛油果都幾新鮮，但要配火箭菜，個味係極唔襯。一個係鮮甜、一個係稍有甘味，不但唔可以互相中和、反而搶曬味……poor!最頂癮係火箭菜底充滿左「好好好好咸既豉油膏」。一道菜有曬咁多種味、鮮、甘、咸…但零個match,食到好down!之後同朋友一人一個湯：鮮蝦湯同洋蔥湯。原來有一個餐包送既，都算不幸中大幸。我朋友話鮮蝦湯基本上同龍蝦個味完全無分別，而且又係咸到無朋友，搞到佢要不停加水。最後佢加加加水先無咁咸，但加完水個texture已經相當肉酸，令佢唔想再飲。而我個洋蔥湯入面無咩洋蔥絲，只係有一塊淋左煮滿湯既包，不單無洋蔥既鮮甜，而且仲好淡….點解鮮蝦湯就會咸成咁

初初認識 Greyhound 係幾年前既生日，朋友買左朱古力香蕉千層 crepe 比我，自此就愛上左呢間泰 fushion 既餐廳。主菜到甜品，每次食都唔會失望！岩岩又去食，係因為本身想行書展，但條隊一路行越行越遠行到鷹君中心，又熱又攰，就放棄做偽文青，離隊去搭船過海。海港城想搵野食，除左 Greyhound 其他都排好長隊。 Greyhound 都有條隊，但等左唔到 10 分鐘就入得喇雖然第一樣尼既係鹹牛肉意粉，但因為佢本身乾身，2 個人分唔會覺得太飽/滯。個鹹牛肉鹹度適中，唔會太鹹驚腎虧然後就到我心目中既前菜 手包粉卷。包起上尼會有少少狼狽，因為辣肉醬有汁，會流出尼，但係個肉醬好好味。綠色個個汁就比較"青"既感覺。基本上我都只係包肉醬，都食哂泰式牛肉湯米 - 好有我之前係清邁食既牛肉粉感覺！好中意個湯，少少濃味，粉都好多。如果我唔係食左意粉打底，我一個人可以 KO 成碗。仲有幾隻調味料比你加落去，我當然係加辣啦每次都一定要食既主角 - 單骨雞翼！單骨方便食就唔在講啦，佢真係炸係香口得尼，又保留到肉汁，調味又剛好。2 個人分一碟其實都有少少唔夠。

今個月，好姊妹慶祝我的生日，多謝她那麼有心！她建議最近她公司的 Greyhound Cafe，她一直很想試試！於是，相約我來慶祝我的生日！況且適合大家口味真是最好不過！之前，我到訪過又一城及中環 IFC 分店，首次來到尖沙咀海港城分店，充滿新鮮感！ 這裡比預期大，而且地方闊落，空間感充裕！ 桌上的碟子設計獨特是 Kiss Kiss 圖案！ 供應：泰式及西式美食！招牌脆炸單骨雞翼 $68屬於招牌菜之一的單骨雞翼，香脆惹味！略嫌份量不多，大家也食不夠喉！泰式炸魚柳炸魚柳熱辣辣，表面泰式炸魚柳炸至金黃香脆！略嫌重口味一點！蘸上泰式酸辣醬，增添風味！鮮蝦炒金邊粉 $128金邊粉幼身又炒得夠乾身！鑊氣十足！配料包括：香脆的花生、清爽的新鮮芽菜、爽口的鮮蝦、豆卜…，香口又開胃！色香味俱全，食得津津有味！早在 5年前，我已得知店方供應這款天然兼特色的飲品，卻是很少機會飲用！現時，廣受坊間的 cafe、小店、西餐廳…選用！混合不同飲品，可做出變化多端又色彩繽紛的特飲！令人一試愛上！藍蝶花茶 Butterfly Pea & Stevia Tea $32 其獨特之處是本身呈藍色，加入蜜糖後，出奇地變了紫藍

芝士香蕉朱古力waffles, 一開始無抱太大期望, 不過黎到又有驚喜bor芝士唔係好濃味, 唔會搶曬其他野D味, D芝士浦滿到成座山一樣, 啖啖芝士waffle落左可可粉黎成, 濃郁得來又唔會太甜, 甜味主要來自於香蕉so far唔會好甜, 不過又唔會無味, 份量又大大份兩個人食都得

行到攰攰地，咁緊係食個Tea 醫下個肚。本來想去Lady M，但因為實在太多人，所以唔等。行行下黎到呢間餐廳，之前晚飯已經食過，知道安全就入佐去。一坐低就叫佐三樣食物，生菜包、Burger 同雞翼。個Burger 外表幾吸引，有我喜歡的芝士，味道也算合格，但可惜欠缺佐豐富的肉汁。薯條夠粗，啱我口味。接著，我要讚一讚佢呢個生菜包，個個肉碎同個醬汁好夾，有少少辣，夠晒惹味，值得推介。食到咁上下，呢雞翼就黎啦，原本以為壓續出場，點知個雞翼令我好失望。個雞翼賣相一般，無咩味道，得個咸字，我想立即食"後悔藥"。總括而言，餐廳環境普普通通，食物質素不過不失，服務也正正常常，這餐廳可以一試。