Greyhound Café (海運大廈)

營業中

休息中

一早book咗枱留咗最大嘅圓枱，望住海景食泰國菜，大枱適合六至七人坐，人多可以點多幾樣食物，望住海景同三五知己一路食泰國嘢一路傾偈都幾好feel🥳海鮮冬陰功唔記得咗影相，個人覺得海鮮冬陰功湯幾好，同埋都好大份，適合多啲人一齊分享，點埋小食拼盤就可以一次過試到幾樣小食，另外覺得驚喜嘅係小食燒魷魚，所以燒魷魚同海鮮冬陰功都係推介但係朋友話今次嘅單骨雞翼好似比較乾身，朋友話單骨雞翼平時會好食啲，飛天通菜都一定要叫嘅😌

本訂了12月24暐下午12點吃午餐、去到時服務員態度全無歡容、口黑面黑、問他需要掃QR碼完全不理會、用手機下單後等了40分鐘沒有任何食品或飲品供；隔枱亦發生同樣問題，他們決定離座不等。待再問面黑的服務員，他說會跟進入廚房看看，但出來也不作任何回應，後跟經理說出情況，我們不能再等下去，經理說取消訂單。很是奇怪發生什麼事情，整間餐廳就只有一折枱客有東西上而且應該是船面、他們比我們更遲進入餐店。以前的Greyhoundl絕對不會發生這情況，沒切要不要再去此餐廳，十分失望。

我第一次食完飯食到成肚火。已經黑名單唔會再去食。本來已經要排隊等。咁等入到啦，坐落去心諗點解會痛，一攞起就見到係塊玻璃碎片，原來係入嚟之前就打爛左玻璃嘢。叫侍應去換凳清理幾次，換返新嘅都係有碎片。我同朋友嫌麻煩咪換咗張枱坐。去到嗌完野食，一共3様野（湯河，蚵仔煎蛋，菜包肉）我個湯河差唔多食完（等左廿分鐘）其餘兩樣都係未到，同侍應講咗。然後就見到個蚵仔煎蛋比咗隔離枱遲過我地入座對情侶（個對情侶重要坐喺我啱啱坐有玻璃碎個位，係呀，個侍應同人地清乾淨都冇幫我同我朋友清），我就問點解人地遲過我嚟有得食，我哋仲未有。之後上咗菜之後個碟野都冇人地個碟樣好靚仔，我哋個碟好似炒蛋咁。食完打算攞外賣盒裝食唔完嘅嘢同埋埋單走人。又等咗十分鐘。其間，我睇住出面排隊嘅人覺得佢地好慘，因為入面好多吉枱但係沒人清潔。有個就同客傾幾，門口就有一堆人等嘅。然後我又見到隔離枱情侶（係又係同一枱）嗌埋單即刻幫佢地搞。我真係嬲咗。叫住侍應，同佢講我唔要外賣盒，要即刻埋單，個侍應又叫我等。我忍不住講「我已經等左十分鐘」先至有人幫我搞。我唔知枱情侶係你地啲好熟嘅客定係朋友。如果你哋只打算做熟客生意，唔夠人做，你咪做全預約制囉，

一個品牌的沒落，對此餐廳的食物出品超級失望，不會再幫襯。大頭蝦雜錦海鮮冬陰功湯鍋😳個盤好大海鮮很少，只有兩隻”霉肉”的大頭蝦👎連主角都咁差，更何況其他所謂海鮮都似係超市急凍產品。印度煎餅🙄見餐牌寫印度煎餅，感覺有點奇怪，但係見到相片係印度油酥餅是我喜歡的，所以都order了。誰不知上枱時候，真係兩個「硬骨骨」的圓形煎餅🥴又係似超市的急凍產品。重要嘅嘢講三次………食物似超市急凍食品，中央工場預製好，然後急凍包裝，到餐廳。感覺廚房只是剪開膠袋加熱上菜罷了🤖

離曬譜，叫左海南雞飯外賣，它居然D醬唔係另外放，直接放飯盒四角，結果是個飯吸曬全部醬。個飯又油又濕。而且底1/3嘅飯吸曬全部汁，濃味到爆。完全吃唔到🥲！隻雞就因為沒左醬可以點。沒曬味仲有我企係門口等外賣是一直沒人理，沒人問你，明明企排隊位。然後我突然發現有個外賣，去揮手叫侍應，先有人過來問咩事。我外賣時間是2點幾，餐廳裡面得個三台客。一D都唔忙🤪而且我用App落單，正常是會收到你已經可以取餐提示。但是他they好似完全沒人使用app回覆提示

週末晚上在海港城搵嘢食，好多餐廳都大排長龍，由於唔想排隊，就擇左海運大廈呢一間Greyhound Café~入到餐廳整體環境還可以，擇好主食之後，本身想點佢地既甜品一試，但已經賣哂！令我有啲好奇，到底系好好食，定只系供應量少呢？而叫左既主食分別系泰式海南雞飯同埋泰式青咖哩雞配泰式薄餅，不過不失，個人評分3.5分，唔會太差~ 反而叫左一個appetizers薄切三文魚配泰式辣汁，覺得唔錯，亦系佢地既Recommendations之一，個人評分3.8分~薄切三文魚配泰式辣汁Salmon Carpaccio in Spicy Hot Sauce***SignatureSliced fresh salmon swims in special Thai spicy sauce泰式海南雞飯Hainanese Chicken RiceYour favorite chicken rice, only with Greyhound’s 3 kinds of sauce泰式青咖哩雞配泰式薄餅Thai green curry with Chicken, served with roti breadPassi

Pic. 1Beef Ball and Brisket Noodles in SoupThis is the perfect rich soup to get you at precise momentPic. 2Curry Noodles set ~ Noodles in Soup and Crispy NoodlesTo eat wet noodles or dried noodles first ?I was in a dilemma.

食物品質喺食客基本要求，不過服務人員態度會直接影響進餐意欲。星期五放低工嘅哩一餐，真係食完頂住頂，決定表達下不滿。更唔想再有其他人受到同樣對待。見到香港服務性進入惡性循環，旅行業本來喺要吸引遊客，遊客吸引唔到，本地人都趕走埋。哩個集團管理層應該檢討一下係咪仲聘用哩班害群之馬The service at this restaurant is awful. The service was terrible. The slim PR boy made me really angry, so I'm posting my story to all of you to be cautious.

今日由中環過開尖沙咀，於是順便喺尖沙咀搵食！12:45pm 餐廳入座率只有一半, 望望餐牌價錢，抵過中環好多，試吓質素如何！Lunch set 包主食加飲品，亦可以用半價加購小食，不過驚食唔晒所以下次先啦。✨鮮蝦炒金邊粉 Pad Thai $138有三隻蝦，金邊粉味道調得非常好，甜甜地，又有花生碎俾你撈，上枱熱辣辣！✨泰式凍咖啡 ice coffee叫咗少甜少冰，碎冰，咖啡濃，少甜之後甜度可以接受#greyhound #foodiehk #foodie_hkgirl #foodie_catling608 #泰國嘢 #padthai #金邊粉

以前聽同事講呢一間嘅千層蛋糕係一流，有一次經過，忍唔住買咗個椰子千層蛋糕，超足料。今次決定堂食睇吓佢咩料，叫咗一個咖喱大蝦，牛肉飯，炒通菜同泰式鳳爪，仲叫咗杯椰汁冰，出乎意料之外嘅好食。牛肉飯啲牛肉唔會全熟，又唔會好韌，配上好香嘅薑黃飯，食完都唔會覺得好油。炒通菜正常發揮。咖喱大蝦燒肉味，又新鮮，咖喱入邊仲加咗啲洋蔥，食落唔會覺得淨係食啲汁，點埋個薄餅一流。泰式鳳爪雖然預咗佢辣，估唔到呢一間係勁重手，一路食一路話好辣，好過癮。椰汁冰入邊仲會有椰子肉，性價比勁高。最後仲打包咗一個芒果千層蛋糕走。值得讚賞係呢一間餐廳嘅員工好有禮貌，特別有一個戴眼鏡嘅女仔，同埋一個企reception嘅後生男仔，我估計係店長之類，佢又要做埋水班嘅工作，雖然我覺得自己好多要求，不過佢哋都盡量滿足。

走進這家餐廳，氣氛優閒得嚟好有親切感，等埋，我試咗啲錦囊妙計㗎嘅美食，一啖豬頸肉入口，就知味道鮮美得嚟肉質又滑又嫩，真係行雲流水咁過喉，正！至於海鮮飯啦，魷魚一啲點都唔腥，飯粒每粒都包住海味，食落去齊齊整整，有滿滿嘅滿足感。🍛手工啤仲好玩，叫咗個cha la wan，微微甜味同啲菜式搭得咁好，飲一口，食一啖，開心到喊！點一份薯條，居然比我以前試過嘅都正，沙律醬青春得嚟醇厚得嚟又新鮮，食得我停唔到口。🍟🍺講返甜品，Crepe Cake真係夠晒口感層次分明，每件都係花藝師般精緻，呢個Matcha條滋味有點乾，但Pandan同Thai Milk Tea呢兩個就真係得意，配合微酥嘅薄薄餅皮，同嗰啲cream嘅香味，美妙！🍰總之，今次嘅食記就係一場味覺嘅慶典，你地唔試真係賠咗，每一樣嘢都值得細味，真係喺灣景之中享受到這場美好嘅食事。梗係會再嚟拜訪㗎囉！

好耐沒有來到這間泰國食店，不過海港城這一間還是第一次，趁着肚皮還有少少空檔，讓腳骨放鬆一下，就停一停步伐，入內堂試一試。。。由於午餐還未消化，所以揀選了兩份最輕的食品，一份是雞肉/蝦米紙卷HK$118.，內餡感覺冇調味之餘，米紙太黏，應該是關原材料米紙的問題，如果用三個字來形容（不好吃）⭐️⭐️另一個應該係怎樣都不可以說不好吃，便是芒果糯米飯HK$88.，芒果採用了泰國青芒，甜中帶輕微酸度，是自己喜愛的青芒果，糯米飯加上椰汁絕對是匹配的化學作用，不過這裏的索價真是有點離地☆☆☆經過這一次，我相信近期或者在遠期都不會再來嘗試。此店有加一服務！

呢間應該係我最經常食嘅泰國菜，因為好啱我口味之餘亦都性價比好高🫶🏻⭐️ 泰式河蝦冬陰功湯河粉呢個係咁多間之中我最鍾意嘅冬陰功，沒有之一，真係好正！湯底極之濃郁，辣味同埋酸味好平衡，而且係屬於小辣，唔會流鼻涕🤣 ，加上新鮮嘅河蝦，真係耐唔耐就會想回頭！⭐️ 泰式燴牛肉及牛丸湯米粉：唔食辣嘅朋友好like，牛肉燴得好腍，加上彈牙嘅牛丸同米粉，都係一碗簡單而令人滿足而嘅麵。⭐️ 啖啖蟹肉配黃咖喱虎蝦+印度煎餅：呢道又係一個經常回頭嘅選擇！每一啖都係滿滿嘅咖哩蟹，配合印度煎餅薄脆鬆化，係一個比較獨特嘅組合。蟹肉好鮮甜，配上濃郁嘅黃咖喱同虎蝦，味道好濃厚。而且呢個咖喱係甜嘅一啲都唔辣。⭐️ 特色小食拼盤：拼盤上有各種唔同嘅小食，例如肉丸、泰式魚餅，肉腸同串燒。呢個絕對係一個適合分享嘅選擇。

好多大型商場都有呢間特色泰國菜餐廳🍴因為價錢比較高檔所以今次海港城有dining coupon就帶埋媽咪嚟試下泰國菜☺️紙米卷雖然睇落係切成9份但其實係3粒3粒咁黏實晒用叉分唔開，整多兩整啲餡料都散晒味道就偏淡，蝦、肉呢啲餡冇乜味比想像中嘅泰式紙米卷都頗有分別🤔我地又嗌咗雞翼同冬陰公湯🥘兩道菜都偏鹹，特別係個冬陰公湯應有嘅辣味唔太足夠，但鹹味又太多兩個人都冇辦法飲太多🫠至於牛肉粒就係全餐最好味嘅菜式熟度剛剛好，牛味夠濃，個sauce配得好夾份量亦都足夠，對得住個價錢👍🏻只係一邊食一邊有隻烏蠅飛嚟碟邊知道唔係餐廳可以控制嘅事，但亦令人大打折扣職員方面，除咗可能因為係週末所以帶位嘅職員對我地嘅招手愛理不理同埋係咁唔小心將隔籬枱嘅餐點送到我地枱之外大致都冇問題，上菜速度亦都快對帶住老人家、小朋友嘅客人都好nice不過因為食物冇咩驚喜，價錢亦都唔算親民所以應該唔會再特別再光顧luuu

今日又是素食日，食得多中式素食都想轉下口味，朋友介紹試下尖沙咀呢間連鎖泰菜店，都有無肉餐廳。餐廳環境寬敞舒適，幾適合坐低慢慢食。先點了杯泰式奶茶，店員記得幫我哋走飲管，抵讚👍🏻我們3人點了磨菇奄列，粟米餅，炒金邊粉及2件千層蛋糕。磨菇奄列真係好有驚喜，做法類似烘蛋，好有蛋香，而且餡料豐富啖啖都食到磨菇。粟米餅，配搭甜酸醬，味道香甜，口感軟淋，感覺唔太熱氣。炒河粉粉，河粉是闊身嘅，配料有芥蘭，豆腐等，食落幾有鑊氣。最後點了這裡的招牌甜品，椰子千層蛋糕及粟子千層蛋糕，果然無令我哋失望！尤其是椰子千層，食落啖啖椰子肉，好清新唔會太甜。