Greyhound Café (海運大廈)

營業中

休息中

在海港城吃完晚餐想找個地點吃甜品是真的不容易，大多的餐廳都關很早…而那時候是大概夜晚九點多？本想從尖東走去厚福街吃甜品，可是天氣實在太熱了…所以就經 OPENRICE 搜了這家店出來，因為只有這家還沒有關而且有位置就坐。這家的位置真的太遠了，海港城多大就不用說了，而且本來已經是從尖沙咀站走路過來，在這炎熱的天氣本已經很難受，這家店還近柯士甸站的附近，真的是遠得很。待我們終於走到的時候，明明並不是全場爆滿，可是完全沒有侍應理會過我們，最後我們等了十分鐘以後，自己入座。入座後，侍應第一句就是「我地廚房仲有半粒鐘就＂山＂啦喎，你地真係要食呀？」如此態度真的讓人不敢恭維，可我們走了很久，而且其實只是想找個位置坐坐跟朋友聊天。所以就照樣坐下來。食物賣相是不錯，可是真的甜得要命。非常非常的甜，要比喻有多甜的話，大概就是貢茶的珍珠奶茶還要額外再加糖的感覺。太甜以外，味道還不好吃，因為非常的膩。本來香蕉已經很甜，還加上糖漿，讓人感覺想灌大口大口的水。這兩件食物非常的貴，我都明白在海港城食飯也不能便宜到哪兒去，可我比這個價錢是吃這樣的食物，這樣的質素和服務，實在難以讓人接受。太後悔選了這家店跟朋友聊天吹

一直被呢間嘅千層椰子蛋糕吸引住，所以專程約左朋友嚟食晚飯。食親泰國野都一定會嗌炒金邊粉，今次都不例外～ 果然係佢地嘅招牌菜！好夠鑊氣，層次豐富。每啖食落都夾住不同配菜，有口感之餘材料仲非常新鮮，蝦夠彈牙，撈埋側邊嘅花生碎同堆辣椒碎食，好香口。另外都嗌左好多人會點嘅帶子蘆筍香草寬麵。綠色嘅汁味道有啲似薩利亞已經無出嘅青醬，但呢度無咁油，重忌廉味。睇落好似平平無奇，但食埋帶子同堆蘆荀會覺得佢呢個價錢係值架。帶子輕輕煎過，但仍保住佢嘅鮮味，同埋唔會乾爭爭～蘆荀都幾多條，愈食呢碟意粉會覺得愈好味！（下次嚟食一定會encore）最後係泰國菜好出名嘅炸單骨雞翼。但呢個就有點舜色，唔知係咪吹捧得太勁太高奇望呢？！雞翼炸到好乾身，無肉汁又無乜肉，份量係唔少嘅，但$68就唔係太抵食。我地最後因為太飽無食到專程要嚟食嘅千層蛋糕，下次再嚟食一定要嗌嚟試試佢！！

前幾天和朋友慶祝生日！食食飯之餘有隻曱甴就上嚟我哋住張枱！然後爬上長！職員完全冇反應！之後投訴佢哋都不接受！易啲今時今日嘅服務態度絕對未見過！他的GM麥先生!收到我的投訴後叫我去食環署投訴！請問這間係乜嘢公司嚟㗎！冇服務冇質素！仲叫我自己打去食環署投訴大家請勿再去這間餐廳晚餐及午餐！他們的客戶服務不嬲都係很差！之前我都去過他們的旺角分店食飯！當我地食飯嗰時聞到很六點濃烈的垃圾味道！一來當我們進食的時候他用一個大垃圾在餐廳中拿出來！當時是一個八點鐘的時間！成間餐廳都錯門人！他繼續倒垃圾

這家餐廳位於尖沙咀的海港城，裝修摩登有型,以黑色同皮革作主調，感覺好chill.今天沒有lunch set提供，只有散點：炒粉意粉$98-$128、三文治$88-$108、湯$65-$98，沙律$88-$158，小食$78-$128，湯粉98至108，飯$108-$168，而肉類$188-$248，中等價位。由於近日食多左，一於食清D，食下湯粉。泰式牛肉牛丸湯米粉$98這湯粉的碗很大，有三顆小型牛丸及幾件牛腩。牛丸細細粒，有肉味又幾彈牙；牛腩也是一件一口，牛腩炆得軟稔入味，一點也不韌；湯底很清，但不會淡淡的，反而味道十足，很惹味但又不口渴。若怕唔夠味，還有四款調味料可以自由配撘。由於湯粉用上幼身米粉，所以米粉索囇湯汁，真的light 得嚟幾好味。一百元食泰式粉麵的確唔平，但質數不錯，有空還是會encore.

尖沙咀 Greyhound當日 lunch 見可即時有位, 所以和同事入座, 午餐很久前食過一次, ok 的, 沒特別, 今次 order 鴨湯麵 都 ok, keep 到水準.   但最特別係今次叫了 "泰式冰咖啡", 咖啡味有些特別, 不太濃, 但又沒有被冰水溝淡.  與茶餐廳不同.   之後去過其他泰式菜館飲 "泰式冰咖啡", 但味道有被冰水溝淡的感覺.

海港城嘅餐廳一向俾人感覺質素都唔差..今日下晝五點就😓不幸遇上枯枝GreyHound Cafe豬頸肉糯米飯..豬頸肉係甩色咁既..🙅🏻🔥完全冇燒過..就連用火槍辣下都無.. 糯米飯係用個藤盒載住..只有兩舊壽司嘅份量🍣史上最難食嘅Carbonara.. 上枱嘅時已經唔靚仲要係濕到有湯㗎.. 應該係一浸完啲粉仔未隔水就落鑊炒...啲粉係冇味㗎... 當時個場有幾枱客但係唔係忙囉... 點解可以魚一碟咁嘅嘢出嚟嘅呢🤦🏻‍♀️收百幾蚊一碟意粉絕對唔應該係咁樣囉問侍應生有冇生牛肉湯河🍜佢話有咁就要叫咗一碗.. 跟住出現嘅係一碗牛肉牛丸湯米.. 再問侍應生牛河係咁樣㗎... 佢答我係😓錯在自己冇睇Menu咩咁唯有照食啦.. 唉😖一碗唔熱嘅湯米係永遠都唔會好食嘅最後係一件hea到7️⃣個點朱古力蛋糕... S算係最正常呢樣其實食物唔好食中伏只是覺得自己唔好彩🤷🏻‍♀️但係遇到冇禮貌同黑口黑面嘅侍應生仲要成間餐廳都係咁...真係激死呀😡😡

好朋友請食生日飯原本其實就係要去旺角嗰間分店嘅~不過呢我自己就懵下懵下咁去咗尖沙咀嗰邊~所以呢朋友就索性改咗喺尖沙咀嗰間分店食啦~我哋去到嘅時候大概六點半左右~咁都唔係好多人嘅~不過都有前面有D喺度排隊啦~感覺上個接待員呢態度就麻麻哋囉,有少少黑面，不過啲食物都ok嘅~朋友就嗌咗一個炒金邊粉喇~事關佢真係好鍾意食炒金邊粉咁佢就話佢呢間呢食過兩次㗎啦~佢就覺得呢間嘅金邊粉係最好食嘅~聽完我都試咗少少~~感覺上其實都幾好嘅唔會太鹹同埋乾身d~而我就叫一個豬肉丸河粉~啲味都好夠嘅~不過呢間餐廳啲份量都好少~所以呢其實一定要再嗌多一兩碟小食先夠飽家~對我哋女仔嚟講都唔夠咁！何況係啲男士呢~所以我哋都嗌咗一個海鮮餡餅加埋呢個就啱啱好飽肚啦

祝大家新年快樂！新年年頭，澄子小姐拿咗幾日假陪下媽媽行街食飯。雖然估唔到海港城夜晚無咩人，我地慢慢行街，行到greyhound就二話不說入咗去。時間尚早，但仍然有客人系入面。但入到去服務態度確實欠佳，唔知以為我求佢比位我地咁🙄食物質素大不如前，量細份唔講，蜆有沙，椰子雞湯得個酸字，春捲附送個生菜杯入面d菜已經開始脫水，變曬啡色。系個炸單骨雞翼保持水準。一句，唔飽不單止仲要貴貴。收到得$600幾2個人，食物同服务質素可唔可以進步d……

出去尖沙咀睇燈飾，睇完影完8點幾，一心打算去食開咗唔係好耐的度小月，點知8:30pm去到，有好多人等緊位，拎飛後發覺要等廿張檯，因為太肚餓所以就放棄，去睇下邊間無咁多人，竟然greyhound 無人等位！即入去啦！記得2年前嚟呢間食，令我印象最深就係海鮮冬陰公炒螺絲粉 $138 ，今次都有叫，第一次食時覺得好特別，fusion 意粉，濃冬陰公味，今次食，冬陰公味依然十分濃郁，酸酸甜甜辣辣，真係十分開胃，只可惜今次係咸咗d，一路食要一路飲水先得，海鮮方面有好大隻蝦，肉質都幾爽口彈牙，其餘仲有魷魚，帶子等，都不錯馬沙文甜咖哩配泰式薄餅 $98 - 薄餅有2款，一隻係酥油薄d，大多數平時食咖哩配嘅，另一隻係白色果d烤餅，酥油嘅較香同好味，咖哩味道都不錯，可惜係無咩料，真係只有咖汁咁，有少量肉碎同薯仔粒

Grey Hound cafe 其實都食過幾次，泰式fusion 西式，幾特別。之前食過中環同太古分店，都係幾好味。今次試左尖沙咀店，但係就有少少失望。今次因為比輕夜先去食，我地只叫左兩款菜。第一味係海鮮冬陰功炒螺絲粉，第二味就係馬沙文甜咖哩配泰式薄餅。先講海鮮冬陰功炒螺絲粉，本身其實佢調得好夠味，但係今次係唔單止夠，仲有d 過左火。如果你食一兩啖，重味d 都ok 。但係佢今次味道係比較重同咸。要食晒成碟其實有d 難頂。隻蝦就幾生鮮幾好食。馬沙文甜咖哩配泰式薄餅就ok , 佢咖哩甜甜地，夾個薄餅食就幾好。咖哩入面係有少量肉碎，薄餅就有比得包同印度薄餅兩種，我個人比較鐘意印度薄餅。Overall 其實唔差，但係尖沙咀分店冇其他分店咁好

從來未去過呢間食午餐， 今日冬至經過見唔使等位，就走入去試下,，點知 reception冇人， 不過等咗一陣可以安排入座 。跟住侍應就畀張白紙叫我哋自己揀完食物寫低個number畀番佢哋入單，食物份量比想像中細， 成餐飯冇人幫我哋加過水， 想搵個侍應叫佢畀牙籤都冇人會行過， 人手嚴重不足， 咁嘅價錢得d咁嘅服務， 都唔明白點解仲會有人等位食，尖沙咀都仲有好多嘢食可以揀。希望呢間餐廳嘅老闆可以檢討下人手不足嘅問題， 要客比service charge 真係好唔抵！

Greyhound係一間泰國fusion菜餐廳，menu種類非常多，每次我都會花多眼亂，樣樣都想試，好在呢度份量唔會好大碟，可以叫多幾樣一齊食。薄切三文魚配泰式醬三文魚新鮮好味，配埋個泰式辣醬，個感覺好似食泰式生蝦，有驚喜，好食單骨雞翼炸得剛剛好，簡單美味，香脆可口。泰式魷魚圈呢個一般般，可以不試。感覺只是普通的魷魚圈，炸得麻麻。黎到泰國餐廳一定要食泰式炒金邊粉，幾好，炒得乾身，撈埋d花生同辣粉，好味道。炸豬手配糯米飯好有特色，我都係第一次食呢個配搭，豬手外脆內較，唔點汁都好好食，配糯米飯都幾夾。泰式拉茶甜，好甜，但都好滑身，夠茶味。必叫皇牌甜品每次黎Greyhound都係衝著佢而黎，實在非常好食，鐘意食椰子椰皇都一定要試。

今天有義大利同事到香港，午餐帶她去Ocean Greyhound，好耐無去，lunch menu改咗，有好嘅改變，選擇多咗，有三文治、湯麵、飯及沙拉等，not bad!

今晚兩位閨蜜同我補祝生日黎左呢間朋友推薦的餐廳，食fusion菜？掛住傾計，無影到食物的大頭，只好用呢張相頂檔我地三個女仔叫左一個炒金邊粉（右手邊）甜甜地終於食甜嘅朋友仔應該鍾意食但我就麻麻地鍾意甜的但佢入面有花生碎亦交左個豬肉碎飯（相片中間）呢個非常好食！有少少辣，好送飯我地三個食曬D飯仲走去問侍應有無得加飯仲叫左一個菠菜麵無影到相無咩特別整體呢間舖頭唔錯我相信我會再黎幫襯（當日人好多，所以侍應服務一般）

今日去左呢間餐廳食cake，雖然賣相不錯，但是味道比想象中還遠，有點失望。而且餐廳侍應唔知係咪人手不足，一時成個場都係侍應，一係成個場想搵個侍應都冇。食物上得慢，我地只叫甜品都得到眼訓，隔離枱為左得一件甜品上都追左2次單。 Chocolate Cake 係4件之中最差既一件，蛋糕乾到不得了，完全失望。Mixed Berries Cake 啲莓過多，搶晒啲味Thai Tea Crepe Cake 味道還可以，沒有特別驚喜的味道/口感。呢件cheese cake 既芝士唔夠濃同香，味道一般。