Greyhound Café (又一城)

營業中

休息中

已經好耐冇食Greyhound,之前係ifc分店食過印象中都係幾有特別，同埋幾地道嘅泰國菜，見到又一城分店坐得幾闊落同埋方便泊車，所以係幾年冇食之後就再試吓。 但今次竟然係我幾年裏面食過最差嘅泰國菜，又一城Greyhound竟然係又細份又唔好食。 最過分嘅係我哋叫咗一份海南雞飯，佢竟然同我哋講瞓街上住先個飯仲叮緊。而今日嘅海南雞我人生中食過最難食嘅海南雞，個雞都係好老。而其他菜式都係冇特別同埋偏清淡。另外樓面嚴重唔夠人手，想叫嘢都冇工作人員得閒。 總括而言，今次嘅體驗係十分之差，希望可以改善一下，唔好影響到Greyhound呢一個Brand。

今日去又一城，諗住食茶木，但見佢係商場門口附近，一定熱死，所以轉食其他餐廳，最後決定食泰國菜。冬陰功炒螺絲粉。推介必食螺絲粉每一粒都有濃濃冬陰功味道，而且唔會太辣，好適合我食。生菜🥬包河粉。推介必食生菜同河粉冇什麼特別，但是肉碎和醬十分好味。其他菜式沒有特別，價錢偏貴。

本人本身對泰國菜興趣不大，但見到餐廳的lunch menu款式繁多，環境又不錯，就即管試吓。朋友叫了一個海南金麵餐，而我就散叫了一個海南雞飯，因為猶記得幾年前食過水準是不錯的，沒想過現在的服務質素和食物水準也大不如前。首先，講一講服務，嚴重人手不足，每次想下單也很難才找到侍應，而且侍應年紀偏大，好像不太有禮貌和有朝氣。另外，兩款食物的海南雞都不是太滑，有別於以前，不知是換了廚師還是其他原因。雖然金麵味道不錯，但略嫌麵質太淋。海南雞飯買可以，不過都是一般。反而，跟餐可以加$48選一件蛋糕，蛋糕有栗子千層蛋糕，非常好吃。

上星期去又一城睇戲，睇戲前諗住食個飯，呢間都食過幾次都唔錯，不過係其他分店，諗住連鎖冇死，環境都唔錯既，夠大，又有得揀坐入面定出面。但係需要改善的是，首先，員工大部份年紀偏大，做野比較慢都唔細心，唔講以為自己去左譚仔，唔係歧視老人家，而係唔配合brand image。叫左冬陰公螺絲粉，一個小食，一個鴨腿河，螺絲粉落單唔夠5分鐘到左，令人有懷疑係之前整好左既，食左一啖，咸到high high. 同職員講叫佢換，佢肯換既冇問題，但換完出黎一樣咁咸，可能廚師今日心情麻麻，但我又唔記得個日係唔係星期三，鴨河就純粹一隻鴨脾，有d 湯，有d 河粉咁，食少少野都4百幾埋單。唔抵

假日路過又一城再次到訪泰國餐廳，同之前水準差不多🤔味道OK❤️只能夠講不過不失😅不過勝在坐得舒服三五知己聚一聚普通午餐🥣 ～Fresh Viet Roils ～Phad Thai Prawn ～Mango Shake有進步空間呀👋

以前嚟呢度侖lunch,會有set lunch 比你揀，但宜家只有逢星期一至四，先有set lunch,我上星期五去，要散嗌，即刻好唔抵，叫個海南雞飯都$148，飲品都$50+ 杯，最後我求其叫左碗$98 泰式豬肉丸湯河粉，味道正宗，但性價比低😅

用餐時間本來要求90分鐘，冇問題，60分鐘已經攞張單要我哋埋單，75分鐘衝過來收晒枱上物品，然後竟然話：訂枱嘅客人已經到咗；示意我哋離開。唔係普通表達，係趕客嘅態度。😡😡😡

食物水準依然保持，有新加餐牌，但星期五晚上蛋糕已賣得七七八八，所剩款式不多，最怕是餐廳人手不足，沒法叫菜，沒人收碟及收拾桌面，用餐心情自會大打折扣；還是懂正鄰座是一枱野蠻客，一家大小食完埋單時投訴這投訴那，硬要經理打折，一貫異地作風，經理部長阿姐見狀當然更加繞路走。

又一次來到多年冇幫襯的連鎖店，別來無恙、由於年近歲晚已沒有套餐供應，乾脆單點好了。。。當日選擇了一個海南雞配油酥餅HK$118.海南雞份量比較少，但拆骨方面做得較為足，很多時外間的雞翼位沒有去骨，但這一處就連這個小細節都做得到，係應該但唔係必然（抵讚）雞味亦都有～至於油酥餅暖笠笠沾上咖喱汁覺得剛剛好～至於另外單點了一杯latte HK$42.就由點餐的姨姨落單後跟手走入水吧中調配，是人手不足，又或是一人多用？沖出來的咖啡在呈上的一刻已經表露無遺，由外觀的氣泡以至到刻在口中的味道和口感，相信還是請一位專業人士會好一點～★整個用餐體驗由於當日是平日而時間亦都尚早，所以感覺不錯，不過價錢相信應該在農曆年過後有（套餐）形式會更為吸引。★

📍Greyhound Café (又一城) (九龍塘)九龍塘達之路80號又一城2樓L2-42號舖🔹鮮蝦牛油果沙律用料新鮮，配上火箭沙律菜，好好味🔹泰式炸蒜魷魚🦑（掛住食又無影到🤣）魷魚太細粒，如果可以食返大舊啲會好啲，不過佢個醬汁幾好食🔹脆炸粟米蟹肉餅配甜酸醬有四件大大件，粟米配上蟹肉餅唔錯👍🏻🔹海鮮，冬陰功炒螺絲粉🍝冬陰功味道都唔錯，算幾大碟👏🔹特色拼盤份量都唔少，每樣都有啲share食最開心

個人認為蛋糕真係好味真心會回頭再食"蛋糕"，食物味道有一般泰國菜正常味道，但食物跟餐牌好有違和感，軟殼蟹同魷魚筒好似未發育還是我要求太高，食物份量偏少，只有炸豬手份量正常，拼盤沒有串燒春卷等傳統小食，可能是我們疏忽沒看清楚餐牌，魚餅及蝦餅得一件，而魚餅過咸偏韌，蝦餅正常，沒有魷魚鬚，只有發育不良的魷魚圈，泰式金邊粉口味正常份量精緻，越式鮮蝦肉雞肉米紙卷屬正常。服務可以，員工很有禮貌，眼見入座率不足八成可能是假日人手不足，要主動要求才幫我們加水。

泰式辣汁青木瓜沙律🥗配軟殼蟹🦀️⋯⋯，辣👍👍非常好味❤️,軟殼蟹🦀️炸得好香脆，熱辣辣，唔會油淋淋，仲幾大隻下👍👍，青木瓜沙律🥗配上酸酸甜甜嘅泰式辣汁，好開胃，如果份量可以多番少少就好啦，歎埋杯冰凍泰式檸檬🍋茶，很滿足的午餐❤️❤️❤️

一向也是greyhound 的忠實客戶，第一次試的時候是在曼谷，之後香港開了，間中也會到哪兒吃phat thai ；喝我至愛的奶茶☕️ 今日到又一城分店，實在失望而回！叫了客菠蘿海鮮炒飯$158及牛筋粗麵 $108 。炒飯過軟，亦沒有菠蘿香味，除了賣相還可以，整體味道比一些泰國小店差很遠。牛筋粗麵更令我生氣，因為粗麵淡口兼乾身，亦一點也不彈牙🤨牛筋更加又乾又硬，似是已經放了很久，吃了兩塊已放棄！旺角街上麵檔也好吃過它很多，還要平一半😤吃了之後,覺得一定要寫食評，因為水準實在慘不忍睹，CP 值只有⭐️不知道是因為又一城那分店，還是其他分店都是一樣🧐但作為一個忠實的客戶，覺得有需要反映，極需要盡快改善🤨

朋友們住係唔同區份，所以揀中間站九龍塘的又一城食飯。這這間餐廳可能位置較偏，所以不用等位。等齊人開始點餐，餐牌好像很豐富，有東南亞及西式美食選擇，頭盤點了雞肉串燒配印度烤餅，串燒味道可以，但薄餅略嫌硬身。另點了蟹肉意粉，及菠蘿海鮮炒飯，掛住傾偈冇乜特別留意味道，應該不是太差或好好味😂😂好似唔係太夠喉，再點了燒魷魚筒，上枱已經不太熱，可以改善下。最後點了抹茶及椰子千層蛋糕各一個，甜品做得不錯👍👍侍應們都很有禮，環境開揚，又唔太嘈吵，朋友傾計一流👏🏻👏🏻

前排八號風球突襲，放學嗱嗱臨搵下又一城有咩食🌪 呢間泰式fusion餐廳係唔同地方都有分店，但每次經過都無入去食！嗰日見環境幾cozy、加上望到陽光從玻璃幕牆打入餐廳，彷彿有種悠閒放鬆嘅感覺，於是就決定同屋企人試下 👩🏻‍🌾➤ 沙嗲豬頸肉 ($88)豬頸肉份量不多不少，賣相十分吸引。上菜時已經芬香撲鼻，然後豬頸肉軟嫩可口，肥瘦均勻。肉汁完全被鎖住，沒有乾身問題！沙嗲醬帶花生甜甜香味，不過略為稀，感覺可以更濃稠。雖然不用沾醬已經夠惹味，但醬汁確實能令味道得以昇華。➤ 紅咖喱鴨肉飯($138)鴨肉細嫩入口即化，有濃厚醇香味。咖喱汁厚身甜而不辣，超級多醬，而且有足夠椰汁及配料的紅椒味也十分突出。但帶甜的醬則不太適合個人口味了( ´͈ ᵕ `͈ )。➤ 越式鮮蝦雞肉米紙卷 ($88)質感與想像中不同，坊間米紙卷多數外皮薄滑。而呢度特別之處在於皮較厚身，但卻能煙煙韌韌更加口感。咬後蝦米香味明顯湧出，生菜爽脆、加上滿滿雞肉碎，覺得係幸福的味道 .ᐟ.ᐟ.ᐟ 不過相比出面大大件的米紙卷，呢度就分得好細一舊，可能食落口會無咁滿足 😬因為打風日子，所以當日沒有Lunch set .ᐟ.ᐟ 整體環境舒適寧靜