叫咗小食既避風塘魷魚好食，惹味唔太辣，推薦，唔係剩係得魷魚鬚 而特濃朱古力就失望，味道似雀巢朱古力雪糕溶咗後混合朱古力奶，朱古力味濃，但係有啲奇怪，因為似溶咗嘅雪糕味，唔會想encore，唔推薦，有啲濟，一個人飲一樽就太多 炸蝦日式蛋包飯係炒滑蛋，唔係日式嗰種蛋包飯，唔辣嘅，但係唔太好味，咖喱似係普通速食開出嚟嗰種，無咩特別，炸蝦感覺都麻麻，炸粉都厚過隻蝦 整體性價比唔高，因為味道一般，可以考慮吓幫唔服務OK ，職員有禮

我叫招牌檸檬茶一杯，問可唔可以少冰，佢話會變8成份量，我ok，但估唔到佢係成杯都係杯，每粒立方體冰塊都好大粒同完整，我唸d茶係最盡得五份一杯。28蚊一杯買杯冰係完全唔值！同埋少冰都滿到頂，咁好似好呃人，仲要少咗茶底，兩啖飲完。 茶味唔濃，有香茅檸檬味，以招牌黎講覺得真係完全唔推薦！唔知其他分店係咪都係咁既冰量，但airside呢間係咁 飲唔出佢係茶底味係咩，味道好奇怪，不過我叫咗一分甜，理論上係茶味會比較出，但完全失望

叫咗一個自選小食拼盤，入面有兩串牛肉但好乾同無咩味，無牛肉味，好彩無散叫，唔推薦 。 然後叫咗個牛肉檬粉，好普通，牛肉唔硬唔鞋，呢間餐廳價位偏高但質素係正常發揮，令人覺得唔值得去食。 豬肉春卷係唔錯，但無咩令人驚喜既地方，叫好食d，米粉卷包既似係一d素菜，但無咩味，普通 班蘭咖啡都香咖啡味，有甜味，唔可以走甜，可以一試，而柑桔仔蔗汁，佢係一枝蔗汁另上，然後俾一杯有粒柑桔仔既冰你，勁甜，要拮爛柑桔仔中和番d甜味，但都係相對上好甜既飲品 服務態度唔錯，只係性價比唔高 我本身訂座時寫了慶生，去到餐廳職員建議我可以加98蚊佢會有蠟燭同刀同好似生日字俾你係個甜品度，甜品價錢係分開計，我就覺得唔值，所以我無加錢，只係普通食咗就算

光顧兩次，都係慶生，因為佢會唱生日歌同一張即影即有，仲會有生日牌同蠟燭係甜品度， 兩次都係叫佢tasting menu，性價比好高，因為佢starter兩款，main係意粉類三款，最後甜品，仲有餐包 水牛芝士同tuna tartare必食，好好味😋 意粉方面 千層面第一次食好正，第二次食就反而好似焗得唔夠耐，無咁好食 黑松露意粉就好大份但係無咩配菜就淡口味d 鴨肉雲吞都ok 貝殼意粉少少辣，有dd肉粒做配菜 tiramisu好食 超推薦

超推薦去食佢地既疏乎厘，今次叫喳開心果味，佢空氣感好夠同熱熱地出爐好正，如果加多球雪糕就真係更好，有少少開心果碎一齊食 至於咸點就普通d，海鮮泡飯，我覺得麻麻地，雖然無急凍海鮮味，但感覺味道淡淡地唔算好吸引 蕃茄辣意粉可以少辣，d菇好食，但就無咩配菜係素一點既菜式，不過不失 小食拼盤好食，推薦，炸魷魚有dd紫菜味，個人好中意，因為夠味，炸蝦可以沾泰式辣醬，炸雞翼都好味，本身有好少dd辣味 飲品方面就正常發揮 服務態度友善，都有簡單既打卡位置

店面唔算大，唔算多位，但係都整潔嘅 豚肉壽喜燒配白飯 豚肉得幾塊，同埋唔大塊，我覺得唔夠食，要快少少拎起，如果唔係會煲到好熟唔好食，但係食落去冇臭味，有壽喜燒嘅湯底味道，但係冇咩配料得少少菜，一舊菇，同埋兩舊烏絲，好似冇咩嘢食咁 有個少少沙律菜，做前菜都可以嘅，同埋麵豉湯就正常發揮，冇咩特別 白飯加咗少少好似牛角咁樣嘅調味粉，就好食咗好多，可以揀配白飯定係配烏冬，但係配烏冬要加錢 整體上性價比唔算高，但係服務態度很好

佢有兩種牛肉嘅喺嗰個海陸空拼盤度，但係肉質就麻麻哋，唔會話好好味囉，但係價錢都唔平 海鮮就一般啦都有少少腥味，但係鮑魚會幫你𠝹開，有少少細心，等你容易熟 蝦滑必食好食，炸魚皮都必食好食 台式飲品好飲，同埋好大杯 台灣啤酒都好唔錯 椰子雞湯個湯底好好飲同埋啲椰子肉好好食， 仲有幾舊雞肉喺入面 出面可以食滷肉飯同埋一啲小菜同埋一啲水果我覺得唔錯，其實好好食 有啲好似中華沙律都好味，仲有個炸芋頭丸 仲有圍裙俾你，防止整污糟你件衫 廁所就唔方便，因為要借鎖匙而且得一條鎖匙

menu嘅選擇多到花多眼亂，係有啲泰式fusion 冬陰功大蝦嘅螺絲粉好好食而且好有驚喜，好有新鮮感，螺絲粉係有冬陰功嘅辣味嘅，大蝦油好大條黑色嘅蝦腸，略為扣分，另外仲有啲魷魚同埋帶子都正常嘅 咖喱牛配印度薄餅都好好味，呢一個仲可以叫多個白飯去一齊食，佢個咖喱汁係甜啲嘅，有啲好似薯條形狀嘅薯仔，唔會好林，牛肉都好林。印度薄餅都好食嘅，不過不失 泰式鳳爪就偏辣，蝦片好好食好脆，芒果都係甜嘅，生菜都好新鮮，個辣味係慢慢越食越辣 但係份量唔算好大，所以相對唔算抵食

鬆餅scone係半島最出名既食物，但係今次去食好失望，唔肯定係咪淨係我地個枱係咁，佢麵粉味好重，而且唔香脆，佢係好似麵包咁。個牛油同jam一d麵唔香，唔好食 個開胃小食係ham包著空心既脆脆，不過不失 三文治好普通，青瓜味，鵝肝唔錯，唔會太腥錯，蝦包唔錯，夾埋入面泰式既配料幾好食，煙三文魚麵唔錯，總結咸點唔錯 甜點方面唔錯朱古力mouse cake唔會太甜但就有d漏，但係好香既，好食既 橙型既mouse cake好清新，係好味既 raspberry mouse cake都唔錯，唔會太甜，略帶少少玉桂味 白色嗰個係一啲都唔甜入面係有驚喜嘅，亦都唔會有陣假味 最尾送嘅朱古力就麻麻哋喇 熱泡沫咖啡竟然冇拉花，好失望，半島下午茶就配埋鮮奶俾你，但係茶味唔特別香 安排最唔好嘅就係要人企喺門口度等好耐，唔俾人book位，其實根本唔使提早去排隊，就算入面有晒空枱，佢都唔會俾你入去坐，一定要等到兩點先開始慢慢逐個人放入去

餐包好食，好香，熱熱地食最好，牛油味香濃，一款軟身一款硬身 芝士ham拼盤就好一般，而且擺盤上都係最求奇，唔吸引 兩個前菜都好食，係調味剛好，雖然係健康元素，但係會令你有點上癮同埋唔會太乏味。一個有雞肉成份，一個係新鮮既菜為主 個牛肉rib同炸薯都好推薦，佢係BBQ醬，本身已有味，唔需要點extra沾個辣汁，佢炸薯十分有誠意，香脆，但無茄汁醬或鹽就失色番dd 牛rib好軟滑，勁好食 千層拿破崙就失色d ，因為無特別，中間夾心又唔香，不過配番raspberry個雪芭就成件事好番d，唔會太酸太甜 最後上既朱古力，一個黑朱配拖肥，但佢一d唔甜唔漏，唔錯，另一個白朱係甜的 但好飽唔想食朱古力 建議唔好卜2點，因為食唔切，佢又趕著3點落場，會有點禮貌地催趕成份 但set係相對上貴價但好食既