Goobne Chicken (荃新天地)

營業中

休息中

終於晚市開返堂食！始終外賣其實有好多野係唔同哂例如炸野既熱辣辣脆口會淋哂野飲既decoration 會變成單調既紙杯/膠杯根據政府既指引 基本上全部都係留為2人枱四人枱相對上少 但一張枱對2個人其實係有啲細唔知係太耐冇開晚市定真係全新menu即使係紙menu都好新淨 首先黎既係佢地signature 既飲品 鯊魚之淚嗱嗱嗱外賣真係做唔到 睇下佢條鯊魚再加上係沙冰 呢個天氣外賣就變水係有少少酸 多多甜 似有啲桃味藍色可能係藍檸因為得兩個人 所以嗌唔到好多款野食而佢每碟都好大碟。。第一類野食係沙律。。真係好大碟 份量好驚人有樣幾欣賞既係 佢沙律汁係另上 可以照顧到怕肥想食淨沙律既人沙律汁帶少酸 有橙 有西柚 成個沙律都偏酸 車厘茄都係酸大過甜係提子乾既啲啲甜 同蝦可以中和下不過係幾開胃既 但如果再兩個人黎就唔會嗌一黎前菜黎講真係太大碟 限聚令底下食左佢就真係好難再食其他二黎口感唔好 花生片/堅果類唔脆似食緊走左氣既梳打餅 第二碟係海鮮煎餅當好努力食緊沙律既時候佢黎左如果6個人黎食 就一人一份啱啱好但記住限聚令底下係兩個人食落 好多油。。。。。已經係上枱就即刻食但都唔算熱辣辣 似放左段時間

今晚約咗個fd，因為佢住得遠，所以就揀咗個中間位置喺荃灣度食，一邊行，一邊傾偈，開始肚餓，我哋就搵間店坐低食晚飯啦，我同佢同時都見到呢一間半開放式設計嘅韓式烤雞店，諗都冇諗就決定食佢啦😂😂🍗拎咗飛等咗大概20分鐘就入得去啦。我哋叫咗一碟蜜糖香滑烤雞，烤雞本身都有質素保證，但係個蜜糖醬真係唔夠啊🤣🤣🤣，好彩店員都肯再比多一碟醬我哋哈哈，都唔知係食將定係食雞🤣🤣鐵板泡菜煎餅，睇個樣紅卜卜，以為會好辣，點知真係幾辣㗎，水都係咁飲咗兩杯，但都好好食，醃蘿蔔食完可以無限添加，但係始終係醃嘢要適可而止囉

咁啱心血來潮想食韓國炸雞，就過左黎。見到新出嘅蜜糖烤雞，又唔想咁熱氣同咁濟，所以即刻就唔使諗咁叫左。雞肉都幾嫩滑，尚算juicy，甜甜地，都食到蜜糖味。但份量唔多，每人食左6-8舊雞左右，所以兩個人都好快咁清左碟雞😂。叫多左個小食：芝士蛋捲拉到絲嘅芝士，但啲蛋就熟左少少鋪喺面啲蟹子都算係唔少嘅。但啲olive就好似同個sauce唔係幾夾咁🤣兩個人叫左2樣野食+一杯野飲，要400幾蚊埋單。整體黎講：唔多抵食，呢個價錢喺其他地方可以食到更多好野🤫

心血來潮想食韓國嘢 於是同友人試下呢間炸雞店 由於係晚市 所以我哋都等咗九個字先至入到去😪我哋叫咗一客半半炸雞🍗 甜辣烤雞+果味醬油蒜香烤雞💕雖然係烤雞 但係表皮非常香脆 肉質鮮嫩 咬開更有肉汁流出嚟😋 甜辣烤雞係一般嘅韓式炸雞 用韓式辣醬包住烤雞 甜甜辣辣💁‍♀️ 果味醬油蒜香烤雞 比較新鮮特別 充滿果味 同時又有蒜香 甜甜鹹鹹 但又毫無違和感 值得一試👍另外仲叫咗一客鐵板芝士泡菜炒飯😋 原塊鐵板上 保持住熱度 而且芝士份量充足 可以keep住拉絲👍 佢所以使用嘅泡菜唔太辣 食唔到好辣嘅朋友都可以試💁‍♀️ 再配上紫菜絲同煎雞蛋 簡直一流😋

最近疫情影響都無咩客人可以休閒地食香港食炸雞暫時食過呢間最好味雞肉唔係一般冰鮮味 幾嫩醬汁都手唔錯 會有encore其實一盤兩人食經好夠 唔洗叫其他野但等嘅時間就相對耐啲服務態度上唔識分析 因為全店韓國人😂😂😂佢地都準咗力溝通的了感覺到但杯野飲就真係有啲失望😨😨😨88蚊都算貴 雖然揀咗酒精但好懷疑店員聽錯咗因為一啲酒味都無 除咗甜都係甜死甜個隻好似飲咗杯極甜味沙冰😨😨😨真係幾難飲。。。。絕對無下次呢方面

🔥C-U UFO 芝士火鍋 ($268)火鍋]自選兩款口味烤雞: 果味蒜香&Goobne麻辣烤雞第一款脆香烤雞既蒜蒜配以果味既甘甜 特別又滋味而麻辣烤雞 有川辣口感 包裹係中間熱辣辣既拉絲芝士入面口感一流!-🔥韓式雞蛋卷 ($148)好大分 餡料豐富 入面既蔬菜令蛋卷清新口感配搭完美中和烤雞芝士火鍋既熱辣辣

食開尖沙咀個間goobne,不嬲都好鍾意食佢個炸雞，近排去荃灣見到有分店，就食下…一開始入去，已經有個黑口黑面既長髮扎辮女仔，什麼歡迎說話唔講都由佢，叫餐搵人落單等十世，明明勁多員工勁少客!個個喱埋入廚房個邊，終於落到單，上菜，無黎到湯，沙律，羅白， 食到一半我就問係咪應該有以上3樣野會上，個女仔好似啞既咁唔講野，唔答轉身拎左碟羅白放低就走開左! 好!我當佢轉頭再拎比我，再等左15分鐘，無人打算拎比我，我再叫佢，問佢拎湯同沙律係咪咁難? 佢又係啞左咁!轉身好晦氣咁去拎比我! 我欠左你?咩態度?! 基本尊重!禮貌都無! 唔想做不如辭職啦！依間野唔會再有下次!

Goobne Chicken (4.5/5) 🌕🌕🌕🌕🌗推薦程度：🔥🔥🔥🔥 (5🔥為最高)啱啱食完就即刻跑返黎打呢個食評🤗，應該聽日先打完😜。今次帶大家食韓國🇰🇷烤雞，係呀，係韓國烤雞唔係炸雞。呢間唔洗多講大家應該好熟悉，Goobne Chicken 係韓國數一數二出名嘅烤雞店。雖然 Goobne Chicken 好出名，不過我同屋企人都係第一次食😅。Goobne Chicken 係荃灣都有分店✌️，一於過去試吓好唔好食先……荃灣分店係荃新天地嘅一期，平時成日都經開見到咖啦，我哋唔難搵到，荃新天地每層平面面積都好大，得一條路🔟分鐘左右都搵到。下午一點左右🕐過嚟食都無乜人，眼見店內十個人都無🤔，可能疫情關係，少咗人出街食嘢，黎到唔洗排隊就直接入得。照舊量完體溫同拎埋個餐牌就入得。店員安排我哋坐係出面嘅位置(有啲後悔😓坐依個位，後面再話你知)，即刻睇吓個餐牌有咩食先，其實黎之前已經係OpenRice睇過餐牌，所以諗都唔洗諗就可以叫。雖然見到個Lunch Set 好似好抵咁，不過今次都係試吓個UFO 芝士火鍋先，見到幅圖已經流曬口水🤤。UFO芝士火鍋有得揀有骨或者無骨，亦有6️⃣種口味比你揀2️⃣種，

平時食開Nene chicken食到厭晒，朋友介紹下終於有時間試下食呢間。大家都係食雞，究竟佢地有咩分別呢？？⭐️UFO芝士火鍋呢個芝士火鍋唔簡單，一上菜已好震撼，大家完全係搶住黎影相！我哋揀咗蒜味烤雞和蜜糖烤雞兩款味道，烤雞肉質鮮嫩，咬落好juicy一啲都柴。點埋芝士熱辣辣甘食，簡直邪惡又好食。⭐️韓國烤牛肉炒雜菜又食芝士又烤雞勁heavy 點都要叫下d蔬菜balance下。唔好以為炒粉絲好hea，但其實個醬汁都好惹味。烤牛肉的份量很足夠，粉絲亦好入味。食落味道很清爽，完全不油膩。⭐️韓式雞蛋卷呢個雞蛋捲都唔簡單，入邊材料豐富，加咗腌製蘿蔔，咬落好脆口味道清爽。我最鍾意係個蜜糖芥茉醬，食落甜甜地一啲都唔辣，好好食。總體來講呢間餐廳價錢合理，好適合一大班朋友聚餐。

今次再一次黎到呢間餐廳食炸雞，見到出咗個炸雞UFO，就決定試一試！我哋仲叫咗一個紫菜包飯。當UFO上碟嘅時候，係完全冇諗到個份量咁大，2個人絕對食唔晒😂😂可以選擇三隻口味，今次揀左原味，火山同甜辣（啱啱好三種有辣有唔辣🙈）中間嘅芝士令成個味道昇華，一啲都唔油膩。我地好努力挑戰，食都唔晒，呢個分量會建議去四個人去食😂個紫菜包飯外貌唔錯，味道就一般，唔太特別，但價錢合理！整體食左$400左右（分量太多）

今日（13-4-2020 Mon）復活節後星期一公眾假期,同老公喺屋企睇完炸雞特攻隊後,又好似舊年咁,嚟呢間食炸雞(嗰個食評: https://www.openrice.com/zh/hongkong/review/%E9%9B%BB%E5%BD%B1%E6%95%88%E6%87%89-e3362641).由於武漢肺炎疫情關係,攪到冇乜人唔使等位,睇完menu同兩個舊食評(上次食評: https://www.openrice.com/zh/hongkong/review/%E6%B0%B4%E6%BA%96%E4%B8%8D%E4%B8%80-e3414151)後,就決定要$188.00嘅黃金脆烤雞,$128.00嘅地中海檸檬沙律,同$50.00嘅檸檬特飲. 冇耐,檸檬特飲同地中海檸檬沙律到嚟,menu話地中海檸檬沙律有新鮮蔬菜,西柚,橙,蝦,葡萄乾同杏仁, 蔬菜真係好新鮮,蝦仁甜,配搭佢哋嘅檸檬醬,清新開胃,不過我好似食唔到西柚.味道:5分食咗一半,黃金脆烤雞到嚟,伴咗兩個醬嚟,睇到佢哋炸到顏色啱啱好,拎上手,好熱;食落,辣,呢個menu寫明散發隱約嘅咖哩香,不過我覺得幾辣.外皮係

由於疫情關係，無得去韓國旅行，為有留係香港食炸雞。 呢間嚟過幾次都覺得啲炸雞好好味，所以今次再encore。 今次兩個人就叫左1份烤雞同炒年糕已經可以食到好鬼飽。😂-果味醬油蒜香烤雞呢碟炸雞皮脆肉嫩仲好juicy，煮嘅時間控制得好好，真係食唔停口。 醬汁方面，甜甜酸酸嘅醬汁，食落幾開胃，唔會食多左覺得好滯。仲有佢個蒜味幾濃下，如果中意食蒜頭嘅朋友一定中意😍-香辣炒年糕平時啲炒年糕只係得啲年糕同啲配菜，但呢個除左年炒之外仲有韓式粉絲，魚糕同蛋 ，我覺得都幾多料下。 呢個有唔同辣度揀，我地已經揀左最少辣果個，但都辣到抽筋。如果唔食得辣嘅朋友一定唔好叫。 呢間個人幾滿意 特別佢地啲烤雞整得好好味。下次會再嚟試😋

平日晚餐時候，很多人排隊，星期六下午兩點，不用排隊。韓式香辣海鮮湯$178成碗湯紅彤彤，一睇就知好辣，我食唔到辣，飲左幾杯水，好多海鮮，包括魷魚、青口、蜆。海鮮煎餅 $ 118雖然啖啖海鮮，有魷魚、蔥、蘿蔔，但煎餅太厚粉，很油膩食一小塊已經好膩，味道較淡。韓式炒牛肉粉絲$128韓國粉絲口感煙韌，很足料，有好多牛肉，唯一缺點是調味太甜。雙拼韓式烤雞( 果味醬油蒜香+甜辣醬) $238一款有兩集味，烤雞冇炸雞熱氣，雞肉好嫩滑，一咬有肉汁，好juicy。果味醬油蒜香感覺食落只有甜豉油味，不太特別，甜辣醬惹味，好味。

前排朋友約食飯，無意中發現呢間野，又好耐無試韓式野，所以就決定呢間💘 但估唔到8點幾都仲滿坐，大概得左十零分鐘。本身想食好吸吸幾乎枱枱都有叫既UFO芝士火鍋 ， 但因為我朋友原來唔係特別好雞，一人食唔到8件雞槌，所以就冇嗌。我地叫左 招牌凱撒沙律$108，都幾大份，D菜都新手爽口，多人既話叫份食小小都唔錯。野飲分別叫左 芒果沙冰$58，朋友話唔錯。我叫左 藍橙沙冰$58，因為未試過藍橙，點知好好飲❤ 兩杯都算大杯，呢個價錢黎講CP值好高👍朋友唔食辣，所以點解呢個蜜糖香滑烤雞(無骨)$218，又係比想像中大份，我覺得佢D芝士麻麻，唔係我中意個D，無咩芝士味，硬身唔係軟身個隻，不過個雞好好味熱辣辣第一啖食落去有驚喜，皮脆肉嫩，蜜糖好'野'味👍我食左豬多，應該有3分2😂 朋友本身唔特別好雞，佢比較好牛，所以食幾舊姐。咁岩過左幾日，同另1個朋友去旺角分店，想再試，點知多人都爆炸!由搭lift滿哂人，無人禁其他樓層，一開門見D人坐椅子等位，我同朋友出都無出就落其他樓層食野😂😂因為好味還好味，未至於要得咁耐去食餐飯。

依間野既雞真係香港敢認頭二無人可以更好!其他既幾間質素參差又學唔到韓國精萃(･_･;;)雖然話餐廳既位置係先贏一半 但平日星期四加上疫症都好多人來食 等左半個鐘都唔少人走同轉餐廳 可見間野係有幾吸引( ´▽` )ﾉ服務同衛生好 一入門度體溫兼有消毒液 客人一走即執嘢清潔 門面細但員工有心❤️上餐唔慢 都教足曬程序 芝士雞又好食 唯獨是拎起個下少熱 如果手套轉厚身少少/比個好用啲既夾食雞就好!!唯獨是落單後可樂要自己催先有(T_________T)