Goobne Chicken (瓊華中心)

營業中

休息中

好耐冇食韓國野😍😍呢間係朋友encore左好多次嘅舖～叫左碟halfxhalf嘅甜辣x果味醬油蒜香烤雞🔥🐥肉質唔錯 味道就甜辣果個較香同惹味反而蒜香🧄果隻冇咩特別🤣我地後期都係攞住佢嚟點甜辣醬🤣鐵板芝士泡菜炒飯🧀都好正！！！成碟食曬！！芝士味好濃😍但有少少蓋過啲泡菜味 唔食得辣嘅朋友就岩曬啦🤣同埋口感好正 軟綿綿derr🥺🌼另外叫左jar柚子蜜cocktail🍻2條友食左$6xx 真心貴左啲🤣🤣

Goobne Chicken的韓式炸雞有唔同味道，今次叫了甜辣炸雞、蜜糖咖喱，每個炸雞set都有半隻雞，可揀有骨或無骨，也有一碗飯、酸蘿蔔、薯條及飲品，二至三個人食都好夠。無骨炸雞啖啖肉，肉上淋有香濃醬料，但又不會令雞皮軟化，仍然香脆可口！甜辣炸雞真的甜甜少少辣，惹味非常！蜜糖咖喱唔太特別，有咖喱味但失了蜜糖味！除了炸雞，也叫了炸醬年糕、海鮮煎餅。炸醬年糕不單有韓式年糕，也有麵，雙重享受，又唔油膩。海鮮煎餅香口，有魚、尤魚、蝦等海鮮，雖然唔脆口，但軟綿綿仲好食！

今日星期日，約咗個friend出嚟食晚餐，因為太耐無食韓國菜🇰🇷，我哋好快就決定食呢間。餐廳好大，好多坐位，今次即使walk in都好快有枱🤣。-🍴Goobne 芝加哥薄餅🍕($188) - 有成5️⃣種芝士形成，加埋香辣番茄醬做底，唔使講都知好味！再加上其實外皮烤得好香脆🤩，口感好似餅乾一樣！新鮮熱辣送上枱，每一舊都可以拉絲，拉絲芝士控🧀一定要試！-🍴甜辣烤雞🌶+果味醬油蒜香烤雞($238) - 半半烤雞🐥就可以試曬兩款味道，甜辣烤雞無咩特別，正正常常，而果味醬油食落甜甜地又鹹鹹地🙈，烤雞會將雞嘅外皮烤到好香脆，即使有醬沾上都唔會淋咗🤤！

同男朋友去食韓式炸雞，之前一路都好想食因為有個frd介紹有好多款揀，又好食，今日收工終於食到好開心😹我地叫左佢地新出既蜜糖蒜香烤雞，客人仲可以揀有骨定無骨，識食一定無骨啖啖肉，外皮烤到香脆啱啱好，成塊雞肉質非常嫩滑，蜜糖烤成焦糖十分惹味，份量仲要好多，2個人食夠曬，另外我地再叫左個主菜，凍凍地都係想食啲飯暖胃，所以叫左鐵板芝士泡菜炒飯，好大碟都只係盛惠$128，鐵板芝士有拉芝效果，而且芝味濃郁好正，用芝士包住泡菜紫菜炒飯，辣得黎又好好食，泡菜炒飯夠曬入味，讚讚👍男朋友個asahi生啤都好好飲，一啖烤雞一啖啤酒好正👍

呢間韓國餐廳越來越多分店，食物質素都依然有保證，見到餐單上有更新，即刻嚟試一試佢嘅全新烤雞口味！蜜糖蒜香烤雞呢款係全新推出嘅口味，烤雞既處理有別於炸雞，食落有肉汁得多、肉質更為嫩滑，醬油香濃而不咸身，搭配起香甜既蜜糖，兩者中和得不俗。雞件嘅上面仲有適量嘅蒜片，分外香口，餐廳仲可以揀選有骨或無骨！鐵板海鮮煎餅熱辣辣上枱，海鮮配料充足：有魷魚、蝦仁、蛤蜊。煎餅薄脆得嚟唔多粉，帶點煙煙銀銀嘅口感。韓式雞蛋捲好出色，裏面包着好多嘅配料：青瓜粒、蟹柳、午餐、紫菜、蘿蔔、魚榚。同時間地卷蛋非常厚實，唔易鬆散，加上茄汁、芥茉、芝士醬，淡淡滋味。食落蛋香味好重，好滑身！餐廳而家已經有晒聖誕裝飾嘅佈置，10分應節！

呢間炸雞相當出名，算係香港食過數一數二性價比高嘅韓國炸雞專門店！地中海檸檬沙律沙律裏面有車厘茄、橙同西柚嘅果肉，淋上左檸檬汁後成個沙律入口都非常清新，但唔會太酸，果肉亦十分新鮮😋成個沙律配搭都超級開胃，味道仲好夾添！值得一試啊～無骨雞（蜜糖香滑+韓式bbq)呢到嘅炸雞都好高水準，肉汁豐富，雞肉嫩滑，一啲都唔會鞋口🤤蜜糖汁嘅味道同一般嘅蜜糖芥末醬好似，但唔會太甜；而韓式bbq醬味道十分惹味，亦唔會太濃，同炸雞非常夾🤤二人分享就啱啱好啦！ 下次會想試埋其他味道～

今日出去旺角，朋友帶咗我去瓊華中心樓上的一間韓式炸雞店晚餐🐔🍗🥣首先點左個韓式蜜糖烤雞拼BBQ味烤雞，雞肉juice非常有口感，好味。海鮮煎餅但海鮮就唔係好覺，只係得少少魷魚，但口感都可以。藍苺沙冰的細膩香滑口感，值得一試。

又黎到呢間我最愛既韓國烤雞店😋😋就快到十二月了，餐廳已經加左少少聖誕節裝飾🎄，都幾有氣氛～～🍗蜜糖蒜香烤雞(無骨) $205✨呢款係最近新推出既口味，叫左黎試試～醬汁味道濃郁，好重蜜糖香🍯🍯雞肉十分嫩滑，醃得好入味！蒜片都烤得好脆，好香口🤤🤤整體份量好多，推介大家試試❤️❤️🍳韓式雞蛋卷 $148✨每次黎到都要order呢個雞蛋卷🤣🤣雞蛋卷煎得好厚實，軟綿得黎好重蛋香～～裡頭包住青瓜、醃蘿蔔、餐肉、紫菜同芝士等，好足料！！口感好豐富，蘸少少千島醬就更加正👍🏻👍🏻

今日突然想食韓國野，但炸雞又好似太熱氣，所以第一時間諗起Goobne!! Goobne 是用無油烤箱去烤雞，非常健康，能滿足胃口之餘食得多都唔會有罪惡感。蜜糖蒜香烤雞烤雞口味很多，真係花多眼亂，樣樣都想試，最後見到蜜糖蒜香烤雞是 “Hit” 的菜式，就揀呢款啦!! 香濃醬油配上蜜糖和蒜蓉烤制而成，醬汁能沾滿每一舊雞，很惹味，外皮薄脆，能鎖住肉汁，雞肉嫩滑，啖啖都得滋味。韓式雞蛋卷食韓國野點少得雞蛋卷。雞蛋卷非常足料，有青瓜，醃蘿蔔，餐肉，紫菜和芝士。口感非常豐富而且充滿蛋香，加上茄汁和芥末醬，非常美味。鯊魚之淚是檸檬配上香桃的飲料，味道甜得來又帶點酸，非常開胃，飲品亦可選有酒精/無酒精。加上鯊魚非常吸晴，睇得又飲得。

放工同朋友仔去旺角行街，肚餓個陣去咗瓊華中心醫醫肚。咁啱想食韓國菜，聽講話呢間 Goobne Chicken幾出名又幾好食所以試吓。餐廳設計簡約, 服務態度好好。韓式海鮮湯 $158平時食嘢通常實際份量同menu睇到嘅會有出入，但呢個海鮮湯係真係落足料。有原隻大蝦兩隻, 蝦仁、魷魚、青口、蛤蜊份量超級多, 仲有D蔬菜添。個韓式湯底加埋海鮮、蔬菜，啖湯飲落好鮮甜。韓式炒牛肉粉絲 $128本身Goobne Chicken最出名食係雞，但朋友話佢上次食完想試吓其他菜式。今次就叫咗呢個韓式炒牛肉粉絲，味道一樣咁正,冇令人失望。牛肉份量唔算好多，但麻油嘅味食落好香，建議撈勻先開始食。芒果沙冰 $58超濃芒果味，飲落口又滑又軟綿綿

今次嚟到旺角，再次到訪呢間人氣烤雞專家🍗🥳 一如其他分店，座位十分寬敞，坐得舒服👍 果味醬香蒜香烤雞 (無骨)🍗 $205呢款烤雞層次豐富😝😍🤤 ，蘋果檸檬醬汁伴以濃香蒜味，融入烤雞後，味道甜甜酸酸，十分開胃😋 鐵板芝士煙肉蝦仁炒飯🍳🥓🍛 $128望住d芝士喺鐵板上，慢慢融化，非常邪惡😚😈 煙肉、蝦仁同埋煎蛋上嘅魚籽，令整個炒飯口感昇華🥳 Goobne Chicken (瓊華中心)旺角彌敦道628號瓊華中心15樓

食店: Goobne Chicken張梁點餐👦🏻👧🏻1）$《凱撒沙律》評分（10分滿分）：7️⃣食評💬：每次出街最鍾意就係嗌沙律食，覺得一定要有啲菜咬下🤣佢個凱撒沙律其實都幾抵食，因為真係好大兜，大兜到可以瘋狂咬菜😗唔會話靜係比幾片蛋你咁孤寒！沙律仲「嬸」左啲芝士粉，都算係咁👍🏻2）$135《炸醬炒年糕》評分（10分滿分）：8️⃣食評💬：雖然未真係響韓國食過炸醬麵，但係呢個炸醬炒年糕都值得一試，之前食過幾次都唔見有呢味菜，估計應該係新菜式黎🤣除左有年糕之外，其實仲有韓式拉麵墊底，食落去韓式炸醬個味係我唔識形容嘅😂甜甜地又咸咸地咁，總之係香港食唔到嘅味道，但又幾好味🤪重點係拉麵同魚糕索鬼哂啲汁🤤諗返起都想食3）$《蟹子沙律醬芝士雞蛋卷》評分（10分滿分）：7️⃣食評💬：超愛食蛋嘅我專登試左佢個明太子蟹子玉子燒，玉子燒入面啲芝士係多到漏出黎😝其實玉子燒通常都ok，冇乜嘢可以挑剔，最緊要係個蛋煮得夠嫩😂而佢係合格嘅👍🏻

無論有冇《魷魚遊戲》，韓風一直捲席全港，其實都唔關事嘅，韓國嘢真係好好味，先可以喺香港屹立不倒呢間韓國炸雞連鎖店，喺香港同樣長做長有帶埋喺韓國工作多年嘅胃民一齊食，呢度令佢諗起喺韓國嘅日子。唔知嗌咩嘅，點都要嗌盤炸雞嚼吓呢盤果味醬油蒜香烤雞，外表脆卜卜，醬汁入晒味落啲肉度，每一啖都食到成口醬咁邪惡，間唔時食啲大根漬物消消膩，確實不錯另外一樣邪惡嘅嘢係芝加哥pizza，其實佢餅底唔係厚，只係整到批底咁形狀啫焗到好酥化，冇濫竽充數嘅感覺。餡料更係不得了，五重芝士值得芝士控挑戰吓，五倍嘅快感加上辣茄醬，小心把持唔住仲有啲酸瓜同醬料畀你加料，更加快樂炸雞嘅好朋友就係啤酒，大胃好鍾意呢個韓國牌子嘅啤酒清清地幾甘口，好適合女士嘅口味

朋友話同我食生日飯🥰，我就揀咗個好鍾意食嘅炸雞店，今年好似已經食第五六次啦，因為佢keep住都有新嘅Menu，所以食極都未厭。今次嘅新Menu係我好鍾意食嘅多重🧀芝士pizza加咗海鮮🍤呀！一定要試吓啦，同平時嘅多重🧀芝士pizza比，今次嘅口感會比較豐富，話晒都有啲蝦🍤🦑之類，唔單止係有🧀芝士嘅豐富口感，我覺得海鮮味冇咁膩，就算食到第三片 ，都仲覺得係好味嘅。我次次黎親都會揀烤雞🍗，因為冇咁熱氣，今次食嘅係🍯蜜糖味烤雞，我揀咗冇骨，因為又多肉又容易啲食，份量真係好多，我覺得兩個人食一盤都有啲多，可以三至四個人share嚟食。🍯蜜糖味有一啲清甜嘅感覺，中和左雞嘅鹽味，會越食越想食，真係會食上癮㗎。本身我哋食完雞🍗，其實諗住搵下場去飲吓嘢嘅，見到Menu上面呢度有韓式米酒🍶，就叫咗一渣嚟試吓啦，我哋嗌嘅蜜桃味🍑非常之好飲，有少少似飲益力多嘅感覺，甜得嚟唔會好過分，飲完之後勁唔夠喉，於是又嗌多一揸西柚味，非常之清甜，有少少酸酸地，好適合食到咁飽嘅我哋，過咗一晚非常愉快嘅夜晚💕米酒酒精含量又唔會太高，好適合朋友一路傾偈，一路飲♥️

好姐妹係韓國忠粉，去完旺角行街shopping，梗係又要食韓國菜啦！ Goobne Chicken嘅旺角店位置喺瓊華中心，menu除左有十幾種烤雞炸雞之外，店員話最近新出左新菜式，有鮮蝦芝加哥薄餅🍕UFO番茄奶油炒年糕鍋🍅，仲有幾款新口味年糕，樣樣都好吸引！🍯🌶️甜辣烤雞🍗 $205烤至薄脆嘅外皮，雞肉嫩滑仲好juicy，加上面層薄薄嘅醬汁勁香甜帶點微辣，啖啖雞肉都有醬汁包住，甜度辣度均勻，香味濃郁又唔會過咸，帶骨嘅雞肉份量好足！烤雞果然係冇咁油膩！而且外皮焗到香脆，平時唔食雞皮嘅我都會食哂👍👍👍 🌶️辣年糕湯🍜  $145 天氣涼涼地，特意揀左餐牌展示3隻辣椒🌶️🌶️🌶️嘅年糕湯，正宗辣炒年糕醬汁，辣道比一般的韓式甜辣炸雞來得刺激，後激較強且辣得過癮，拌入煙韌的年糕同韓國魚糕一齊食更香口惹味！配菜有新鮮芽菜、洋蔥等蔬菜🥬，輕輕減少油膩感！最後配上一罐可樂簡直完美！