Goobne Chicken (M88) (已結業)

鐵板軟芝士甜辣脆雞(無骨) 呢個同一般韓式炸雞既味道相近都係用甜辣醬, 但佢係烤雞唔係炸, 相對健康d 而且佢唔係好辣既所以唔食得辣既人都可以放心order^^ d烤雞肉好香脆, 沾左d甜辣醬配埋底下既熱溶芝士都幾惹味, 令人唔經唔覺一口接一口咁食 雞肉因為已經去骨兼切成一口大小, 食既時候好方便, 亦更香口脆口 p.s. 記得趁住係上菜之後個鐵板仲係熱辣辣既時候就要食啦如果唔係d芝士凍左硬左就無咁好味啦._. 韓式炒粉絲雞蛋卷 佢比外面一般既雞蛋卷大份足料好多, 大到一啖都食唔哂 入面除左紫菜仲有餐肉,蘿蔔,芝士,韓式粉絲等配料 連埋上面d蜜糖芥末醬同茄汁食都幾滿足幾好味 意大利青醬雞胸肉沙律 雖然只係沙律但一d都唔係hea貨, 底下有好多唔同種類既沙律菜, 好新鮮 而面頭既雞肉份量頗多肉質唔鞋, 沙律醬除左一般既黑醋仲加埋pesto青醬 如果想食得清新d中和番d油膩感呢個會係唔錯既選擇

以前跟朋友食過一次，味道不錯，這裏主要標榜炸雞不用油炸，所以一點也不會油膩。烤雞有多款味道，份量十足，不過要人多去食先可以試得多唔同既味道。蜜糖咖哩烤雞：外層呈金黃色，非常香脆，內裏肉汁豐富，雞肉嫩滑，帶點咖喱味及濃郁的蜜糖香甜味，完全唔油膩，份量十足，有約10件雞件，食完都食唔落其他野。

姑姐從英國回來 就帶左佢地去食韓國野 就係炸雞啤酒 本人去過幾間炸雞店 還是喜歡呢間 今次叫左3款炸雞 份量好大 最後食唔哂 打包拎走左 我地叫左幾款口味 三重芝士，芥末蜜糖，韓式辣味 全部都超好食 但辣味真得超辣 芝士好正 蜜糖個款又好正 另外仲叫左個蛋卷😋😋😋

第一次吃韓式炸雞是在赫德道的Goobne Chicken，當年韓風未如現在熾熱，這店可算是第一代的過江龍，記憶中雞肉烤得皮脆肉嫩、味道不錯，之後介紹不同的朋友前往也得到正面評價。 星期六剛在附近辦完事，時間有點倉促，抬頭見到很久沒吃過的Goobne，心血來潮再到訪。中午時間人不多，裝潢燈光有點老土焗促，幸好能安排到窗邊卡位，相對下較為舒適。 甜辣烤雞 $178每碟烤雞只能點一個口味，對於人少但心多的人們似乎不夠彈性。雞塊明顯有擺盤，面頭灑上少許漏了氣的花生碎，醬汁過多蒜味搶，感覺像在葵廣掃街也買到的出品，不算好吃。 韓式雞蛋卷 $148將菜單翻來覆去都找不到想吃的，隨便點個蛋卷該不會錯。蛋卷一客八件，中間捲入午餐肉、芝士、醃蘿蔔和蟹柳，味道正常，但圖片上的切絲青瓜/紅蘿蔔消失得無影無蹤，連丁點覺得自己付的是手工費的原因也失去，索價百多元實在獅子開大口。  另加兩罐汽水($25@)，埋單免加一$376，性價比太低，不會再來。和人生中很多事情一樣：回憶總是美好，現實卻殘酷。

今晚帶阿仔同一眾舊同事食飯，個個知道仔仔鐘意食雞脾，特登book左呢到，好有仔仔心。一行六人，來到呢到，服務不錯，細路亦食得很愉快，方便晒我哋聊天吹水。呢到份量無花無假，夠足料，岩晒一大班人開心share！我地都唔太好辣，今晚以原味為主。原味烤雞：烤雞調味不錯，不會蓋過雞肉本身的鮮味，外皮香脆，肉質幼嫩，仲有兩隻雞脾，啖啖歡心。韓式豬肋骨：豬肋骨唔會太乾，烤汁香濃，加上芝士，口感豐富。芝士份量亦好多，岩曬我地呢班芝士控。鮮味魚糕湯：湯中有很多魚腐魚旦，爽口彈牙，湯清甜，開胃解渴。鐵板忌廉芝士雞：雞肉肥美厚肉，忌廉芝士濃，好惹味，底層仲有麵，夠曬飽肚。韓式炒粉絲雞蛋卷：雞蛋裏包著粉絲，雞蛋厚蛋味十足，粉絲彈牙，配上青瓜等配菜一起食，囗味佳，層次豐富。是開心的一晚。

又黎到我最鐘意食既goobne原來佢地最近又出左啲新野鐵板軟芝士甜辣脆雞(無骨) $185 依個係佢地新出品 無骨絕對岩哂懶人份量其實都幾大 不過啲雞肉細細舊個人認為食落口感冇食成隻烤雞咁正而依個脆雞係甜辣偏辣但加埋軟芝士一齊食就中和番辣味不過如果唔食得辣 食多幾舊都係會覺得辣haha韓式雞蛋卷 $148 基本上每次去都會叫既蛋卷依然係好足料 味道都繼續保持水準個口細少少都冇可能一啖食哂蜜糖咖哩烤雞 $185 而蜜糖咖哩烤雞係我最愛既味道上次試左新野都係覺得蜜糖咖哩味正啲goobne既雞係烤雞而唔係炸雞除左冇咁油膩健康啲 仲可以做到皮脆肉嫩既效果咖哩香而不辣 配上蜜糖甜甜地簡直係絕配

今日一眾小學雞想一同聚會，幾位兄弟重聚，真是歲月不饒人，有的還把小孩都帶出來，於是找了一間大人小孩都合宜的餐廳。餐廳內的環境寬闊，座位舒適，非常適合一大班人聚會分享美食。原味烤雞：絕對有份量，是一隻肥美的烤雞👍因為有小孩在，我們不敢點辣的，就來一份完美的吧！雞肉外皮很脆，肉嫩，配上檸檬汁亦是滋味。豬肋骨：韓式豬肋骨我是第一次吃，朱肋骨烤得很香口，在底層芝士拉斯的感覺下，非常嘢未。魚糕湯：這份湯鮮甜，內裏有很多魚腐和不同種類的魚蛋，配上蔬菜的鮮甜，能一解食肉獸門的油膩。韓式雞蛋捲：雞蛋蛋味分量十足，內裏包着青瓜、蘿蔔、餐肉等配料爽甜，味道和諧。總結：這一晚在這裏用餐非常合宜，服務好，環境舒適，食物份量絕無花巧，用料足，美味又飽肚。👍

今晚放工後去中環食烤雞，心想是平日的晚上，應該不會太繁忙，沒想到竟然也爆滿，好在一早已訂位，否則不知要等多久才有位。既然來到烤雞店，不用說當然要食烤雞，我們就要了一客果味蒜香烤鷄，烤鷄外皮香脆，肉質嫩滑，味帶點甜，反之蒜味不太濃，成碟鷄看上去差不多有一隻雞，除了頭和腳的部位。心想再叫一碟烤雞，兩個人的胃應該容納不下，於是我們揀選了韓式炒粉絲鷄蛋卷，其實是將炒蛋捲著炒粉絲、黃瓜、紅蘿蔔、午餐肉、芝士和海苔，上面淋上一些醬汁，口感很豐富，我們的選擇絕對是正確的。飲品方面我們要了柚子蜜鷄尾酒，飲下去只覺柚子味，差不多蓋過酒味，很易入口，又配合今晚的食物。餐牌上還有很多不同款式的烤雞，若有多些人便可以嘗試到更多種口味的烤雞，而這間店的烤鷄是不經油炸，是極力推行健康鷄肉新食法，未試過韓式烤鷄的朋友，不妨考慮到這間韓式烤鷄店一試。

見耐冇食又想食炸雞， 仲要同友人行經中環， 即刻去試一試呢間goobne 分店同之前尖沙咀岩岩開要排成個幾鐘既盛況比，加上我地係閒日成八點尾先食，終於唔洗等位坐低望望menu ， 一段時間冇黎果然多左唔少新野可以試，由於仲有個朋友未到，我地叫住一部份食物食住等首先既係新menu 既凱撒沙律，真係超大盤，沙律醬係另上既，隨個人喜好自己加佢有分加雞肉及冇肉版，我地諗住都叫1∼2隻雞就冇要肉∼入面既脆麵包粒堅脆 仲幾香牛油味，有驚喜跟住到既係韓式芝士炒年糕，同圖一樣佢中間係有啲辛辣麵係度既辣味對我黎講稍辣，女友及友人就食得好滋味芝士份量足，而且係拉到絲既∼連埋麵食有啲新奇得黎又幾夾，唔錯之後到韓式壽司卷∼入面既配料好多，同日式既完全唔同，口感同味道都豐富，另一種好味跟住食既係期待已久既主菜~~~韓式BBQ醬煙燻烤雞有分有骨或冇骨可以選擇~基於有手套又覺得連骨既肉好食D, 我地一致同意左要有骨既~黎到未食已經聞到好香既煙燻味~烤雞真係冇叫錯~ d皮下脂肪應該係比人整走左令到成塊皮好脆, 又唔怕食完成口油同肥~肉質好好, 我地有人鍾意食雞胸最「鞋」既部份, 有人鍾意食多骨滑d既部份,唔洗爭~一隻

已經不是第一次光顧Goobne Chicken,由初初尖沙咀新店食到現在幾間分店味道一如以往咁Nice!menu 上的雞有多種口味，甜咸辣都有！已經食過幾款口味，今晚就一於試試哩款未試過的BBQ 雞！分左boneless / typical 的with boneBoneless 岩哂唔想落手食ge 人或者岩岩約新朋友出街哥陣XD但我同朋友都係只顧食的人，所以都係叫番原汁原味的 WITH BONE~ 比較有食韓式烤雞的感覺二脾二翼有背有胸，直成拼得埋一隻雞份量都唔少有膠手套提供BBQ 醬非常入味，唔好以為有醬的烤雞D 皮就唔香，啖啖香烤的味道令一向會MI 走雞皮GE 朋友都忍唔住食埋呀，肉質嫩滑！仲懶清新點左個新出的沙津unexpectable 的大碗可以成個頭放入碗到菜夠fresh, 蕃茄仔好juicy, 仲有爽朗ge 青瓜、脆之餘有牛油香的croutons,可以用「新鮮」泥形容哩兜菜， onside ge sauces 可以自己加減醬ge 份量還點了粉絲蛋Roll, Jumbo size 的Roll很掛住那滿口都是的感覺用蛋皮包著紫菜、韓式粉絲、各樣瓜菜外面淋上少少韓式醬和芝士醬大食

其實炸雞我真係麻麻地，但係友人叫到，實在難推。今次黎呢到食Lunch, 好多人都book定台。今次一行4人無book台，等左大約15分鐘就有位。相當韓國feel叫左韓國粉絲蛋捲，賣相好靚，入口一流。好香濃蛋味包住火腿 醃青瓜同粉絲，仲有d芝士醬，好好味。仲叫左Cream cheese chicken, 好芝士，入邊有意粉 雞柳 韓式年糕 同洋蔥，相信芝士愛好者會好中意。最後仲叫左三重芝士炸雞, 個雞肉好Juicy, 事後飲左幾杯水！係三重味精粉

去完書展，喺中環食韓式烤雞，鍾意呢度夠地道，之前已經食過，但係都唔嫌。今次叫咗韓式BBQ醬煙燻烤雞，仲可以叫有骨或者冇骨，我就叫左冇骨啊，貪佢啖啖肉。上菜嘅時候，除咗碟雞，原來仲有生菜同埋秘製醬汁，我最主要唔想全部都係普通烤雞，唔想全部都咁脆，所以食了這一個煙燻烤雞！食落去，包埋生菜，味道中和下，但仍然很野味，甜甜地，雞肉琳琳地，唔會好熱氣，至於呢個秘製醬汁，就真係一流，我自己好鍾意，每一塊雞都有點這款醬汁！另外，當然要試一下呢度嘅辣味烤雞，辣嘅程度唔算好勁，我哋可以接受，應該比原味更入味，雞皮烤得脆脆地，份量非常之多，有整隻雞所有部位， 十分抵食，雞肉也有那種辣嘅風味，食落好有韓式氣氛。仲有一個叫BBQ醬燒豬肋骨，肋骨燒得好香，吾肥，好有肉，肋骨旁邊有BBQ醬，味道好配合，本人認為除了雞的選擇之外，這個豬肋骨也很不錯。最後便是飲品，我叫了一杯袖子沙冰，柚子味好香，配埋雞一齊食就最啱。其他仲有好多酒精飲品，叫了袖子蜜雞尾酒，好大瓶，可以幾個人share ,酒嘅濃度剛剛好，整體而言係不錯嘅選擇。

如果喜歡食烤雞嘅朋友，呢間韓式炸雞店就一定要試試！不過最好先訂位，有時好多人等位就要等，喜歡烤雞嘅同好嘅特別多！久不久就有啲新款口味推介，朋友推介話韓式BBQ醬煙燻烤雞$185，見都係人氣之作咁一定要吃，除此之外亦點了招牌凱撒沙律$108先上個招牌凱撒沙律，份量絕對夠吃，同平時喺其他地方吃到嘅份量多，而價錢唔會有太大嘅出入，上面撒滿了芝士粉，加埋香脆嘅麵包粒，爽口嘅沙律菜，鮮甜嘅車厘茄，爽口嘅青瓜粒，先清清，再吃烤雞！韓式BBQ醬煙燻烤雞，有兩種選擇有骨同無骨，愛吃肉當然啖啖肉係最好！選了無骨，上枱時碟上放滿了雞肉，首先唔會覺得會好似烤得好乾身，望到雞肉充滿BBQ 醬汁，入口時就感覺得到個陣BBQ醬汁味外，雞肉中亦有煙燻嘅香味，而且肉質嫩滑軟熟，真係懶人嘅首選！食烤雞就加多個Somersby Apple Rita $88，大大杯，一啖肉一啖Apple Rita，夠晒透心涼真係最佳配搭！最後加多個韓式雞蛋捲$148，材料有最愛嘅餐肉，加埋海苔、芝士、爽口黃瓜同蘿蔔通通被蛋捲住，入口蛋卷好香滑，中間嘅材料則好有口感，即時覺得好滿足！有啖啖肉嘅無骨烤雞，飲品又大杯冰凍，清爽開胃嘅沙律，最後加

真係好耐冇食過韓式烤雞，差不多有半年以上真係好回味呢種味道，就算平時食開雞都係炸而不是烤，又唔係隨處都可以食到，而且炸雞肉質比較乾身又油膩，烤雞相對食得比較健康冇咁油膩，今次順路行開知道附近有得食，就會好自然想去食，好彩有朋友同行先可以食得到，一個人就未必可以食到，因份量係以一隻雞為一碟計，而唔係每件計，所以真係可遇不可求難得機會，而餐廳位於中環威靈頓街一座有好多食肆大廈入面係未食之前點番杯藍色沙冰飲吓先，鮮橙加埋糖漿攪勻而成，味道香甜冰涼先來係芝士炒年糕，材料有芝士&年糕&韓國麵同埋雞蛋當然唔小得韓式辣醬，先食件年糕入口爽滑彈口，芝士軟滑又香濃，撈埋一齊食更嘢味，記得呢個一定要趁熱先好食，唔係凍咗芝士就會硬食落去口感冇咁好味再來係我至愛韓式烤雞，點咗呢款韓式BBQ醬煙燻烤雞冇骨，未食已聞到香濃醬味已經流晒口水，入口雞肉肉質嫩滑加上煙燻烤醬汁已入晒雞肉裏面，仲係件件啖啖肉冇骨之餘食得方便又滋味，仲配埋蔬菜藍可以包住食，中和番食得冇咁滯又健康D另一款係BBQ醬燒豬肋骨，熱辣辣燒豬肋骨再加上香滑芝士，香濃BBQ醬汁已黏滿整條豬肋骨未食已知好入味，梗係趁熱先食一件輕輕入口肉質香滑鬆軟肉汁嘢味

7、8月係我過海食飯嘅高峰期，因為勁多獅子座生日飯，食來食去都係火鍋同埋西餐多，又係時候轉一轉試吓其他口味，要去食番我另一至愛佢就係韓國烤雞不過想要食佢都唔係易，因為一般在韓國料理店食開都係炸嘅做法，食入口雞肉肉質會比較乾身而且又熱氣,而烤雞做法食得比較健康，雞肉會嫩滑同埋冇咁油膩，今晚同朋友一齊去中環食我至愛呢間就係正宗韓國烤雞店Goobne Chicken，食店位於威靈頓街一幢食肆大廈裏面因太耐冇來食過唔知而家有乜口味選擇，先看看餐牌見到有D新款嘅口味選擇，咁就要點來食試一下新款味道不過係未食烤雞前梗係點番杯鯊魚之淚飲，得意鯊魚造型配埋香桃同檸檬味道果汁，整杯呈現藍色飲落香甜又清新先來係食新口味韓式BBQ醬煙燻烤雞，有得揀冇骨，所以懶人門即刻舉手讚好出來已見到熱辣辣烤雞肉係碟上仲有陣熱氣升出來，先食一件烤雞肉入口嫩滑香濃BBQ醬汁相當入味香甜，烤雞因爲點咗冇骨，食落啖啖肉相當方便又滋味，而且有埋新鮮生菜，包住食又可以食得冇咁油膩又健康另一款係必食韓式雞蛋卷，材料有芝士，海苔，餐肉，黃瓜同埋醃紅蘿蔔，雞蛋卷入口香滑綿綿蛋味好濃，食落好似好單調，其實咁先至係食到正宗韓國原始風味到最後一