影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
金鐘呢間人氣店🥖Friendship Market 🥐長期好受歡迎好多人排隊，原來係fresh fresh 旗下嘅新副線，今年年初先開，主打麵包、酥、撻、麻糬、手信等系列. 店面產品款式花多眼亂，包裝全部好精緻搶眼送禮一流，重點係價錢亦好貼地夠晒平民. 今次試左多款😀開心果系列及糯米糍甜點，整體來說，甜點層次豐富、口感創新，估唔到只係用開心果都可以演繹到咁多唔同款式嘅包點🤩，掂‼️⭐️開心果千層酥皮撻 外層酥皮層次分明，咬落香脆不油膩，內餡類似蛋撻，帶有濃郁的開心果香氣，甜度適中。 ⭐️開心果麻糬Q布丁上層是麻糬煙韌Q彈，下層是布丁滑幼滑棉密，開心果味濃郁，面層少許朱古力碎增加口感。 ⭐️開心果QQ 外層是麻糬皮軟糯不黏牙，內餡是開心果醬+脆脆粒，咬下去有「咔滋」感。甜度適中，開心果香氣突出，比一般糯米糍更有層次。 ⭐️抹茶+ 焙茶 脆脆糯米糍抹茶味微苦回甘，中間有脆脆粒，平衡甜度。焙茶味茶香更濃郁，帶焦香風味，口感同樣煙韌。 ⭐️開心果糖 全人手製作，質感類似牛軋糖，堅果香濃郁甜中帶鹹。口感軟硬適中，不會黏牙，適合配咖啡或茶。擺一盒喺公司就最啱啦，口痕𡁻下人都精神啲開心啲. ⭐️脆咔咔1 袋鹹香脆辣帶微辣適合當零食，食到停唔到口.
繼續閱讀
最近返工撘地鐵經常見一間長期多人買蛋糕曲奇餅，我當然都要看看，太開心，有好多開心果產品，見到糯米糍好大個脹卜卜忍唔住立即入手😅 「Everyday is a good day」就因為這一句slogan 吸引到我😍我當然以開心果為主要目標😆我和屋企人大食，不能夠分享，要獨享😅💁🏻♀️開心果千層酥皮撻 不止外層有開心果，清楚看到一層層的酥皮內層好似蛋撻。💁🏻♀️開心果麻糬Q布丁麻糬布甸混合成一個布丁，好似菠蘿包皮包裹醬餡料軟腍腍好q彈好有口感。💁🏻♀️開心果杜拜鹽可頌 1 個有乾朱古力，火個都是開心果麵包好軟熟。💁🏻♀️開心果QQ 1盒2 粒全個都布滿開心果粒粒和花生🥜。💁🏻♀️杜拜開心果脆脆QQ 1盒2粒上層有好多開心果脆脆，有朱古力🍫內層是麻糬餡皮。💁🏻♀️開心果手唧曲奇 100g 全人手的曲奇餅，細細塊易入口。💁🏻♀️開心果糯米糍💁🏻♀️抹茶脆脆糯米糍糯米糍真心好好味，佢個糯米粉好均勻有煙韌，內裡包裹在餡料好豐富。💁🏻♀️開心果糖 1 盒我開心果全人手製作脆卜卜，沒有甜的感覺，好多開心果粒。
繼續閱讀
最近金鐘地鐵站開咗間麵包店見到個麵包櫃好多人排隊🤪 店面琳瑯滿目又有設計感有種去左韓國Cafe既感覺🇰🇷 麵包同各種烘焙產品選擇好豐富賣相吸引仲有蛋捲曲奇等選擇🍪送禮自用都值得一試🎁⭐️ 麻糬QQ布丁 🍮一去到麵包店最鍾意嘅就係QQ既麻糬🩷做到半黏嘅煙韌口感☺️ 最特色嘅係有唔同口味例如朱古力紫薯士多啤梨Tiramisu等等🍠個人覺得開心果口味最濃郁😝 好有創意咁加上布丁既口感更突出🤩我就比較喜歡原味蛋香更濃⭐️ 千層撻 🥧咬落去嘅千層酥皮香脆但係唔油膩🔥 Custard濃郁帶輕微嘅焦糖香🍭 有朱古力開心果同原味三種口味🍫個人鍾意朱古力幾有新意🤎⭐️ 超軟熟糯米糍 🍡果然人如其名糯米糍口感十分軟淋又綿密🤍 切落去份量好多有爆餡既效果😚 試咗阿華田開心果檸檬同埋草莓口味🍋水果口味感覺就比較清新🍓 但係最有驚喜就係阿華田口味🥤同脆脆既口感十分Match⭐️ 加拿大煙肉芝士雞蛋三文治 🥪同時試咗佢嘅鹹麵包🤣 煙肉芝士同雞蛋嘅份量好豐富🥓軟熟既麵包配上芝士既Creamy岩岩好 🧀⭐️ 原味帝皇蛋卷 🍳酥脆嘅蛋捲做到蜂巢狀既紋理口感好滿足🍯原味更能帶出蛋香嘅豐富
繼續閱讀
FreshFresh嘅新副線，就係金鐘站開咗呢間 FRIENDSHIP MARKET，店舖好大間，入面款式選擇又好多，花多眼亂，每樣都想食，最後就買咗兩大袋返屋企，真係好正一盒有6款唔同口味嘅麻糬QQ，包括 杜拜開心果脆脆朱古力、Tiramisu、北海道牛乳、薄荷朱古力、紫菜肉鬆 同 開心果麻糬。每一款口感煙韌又好好味！特別係杜拜開心果脆脆朱古力，濃濃朱古力味，脆脆口感好特別，越食越滿足一盒有4款唔同口味嘅麻糬QQ布丁，包括 草莓、特濃朱古力、紫薯 同 開心果，外層係口感煙韌嘅麻糬，入面就係又香又滑嘅布丁，口感非常得意，真係好驚喜千層酥皮撻有 法式千層朱古力脆脆、法式千層原味 同 法式千層開心果脆脆。佢嘅蛋香味好重，食嘅時候最好用焗爐焗番熱食，口感依然酥脆，就好似新鮮出爐咁，食完一口又一口，根本停唔到手最後就揀咗4款唔同口味嘅超軟熟糯米糍，包括有 薄荷朱古力、柯華田脆脆、草莓脆脆 同 開心果味。口感真係超軟熟，皮薄餡多，食落去口感柔軟又彈牙，甜而不膩，令人回味無窮，由其係薄荷朱古力味，薄荷朱古力愛好者必選餐廳：FRIENDSHIP MARKET地點：港鐵金鐘站ADM 26-27號舖
繼續閱讀
專登嚟到「Friendship Market」辦年貨。呢間店舖真係人氣爆棚，無論係麵包、曲奇，定係撻類，全部都係精美！入到去就聞到一陣香噴噴嘅味道，忍唔住想一次過買晒所有嘢！✾ 新年曲奇禮盒新年禮盒包裝得靚靚地，打開嚟就有各式各樣嘅曲奇，啖啖都係驚喜！有牛油味、朱古力味、仲有果仁味，食到最後根本停唔落口。開心到我差啲想用呢個禮盒做新年裝飾品，咁靚邊捨得食？✾ 新年帝王原味蛋捲新年流流，呢個蛋捲真係好似皇帝咁威！薄薄脆脆，咬落去有種滿滿嘅蛋香，真係好似食住一條金色嘅雲。啖啖都係幸福，啱晒新年送禮，保證送到人心花怒放！✾ 麻薯QQ麻薯真係可以話係QQ得黎又糯，咬落去彈性十足，真係好似食住一個小彈弓，心情瞬間好起來！✾ 麻薯QQ布丁呢個就更加有趣！麻薯同布甸結合，真係一個意外嘅驚喜！食落去先係QQ，再係滑，最尾仲有一啖布甸嘅甜味，已經係一份甜品了。✾ 千層撻可能後生就會比較喜歡麻薯，如果係長輩級嘅我就買幾個千層撻，包佢哋一齊開心。千層撻有多款口味，親戚都食得非常開心，好食又可以打卡，實在一舉多得。✾ 朱古力爆漿牛角酥睇到肚餓，買個麵包嚟食吓先。朱古力爆漿牛角酥一咬落去，朱古力就好似火山噴發咁，爆出嚟！牛角酥外脆內軟，朱古力味濃厚，食完之後心都融化咗。✾ 開心果/阿華田/草莓/薄荷朱古力糯米糍最後買多埋開心果/阿華田/草莓/薄荷朱古力糯米糍畀小朋友，糯米糍色彩繽紛，畀小朋友做選擇就最好不過了。新年要買禮盒，可以嚟依度辦年貨。
繼續閱讀