Flames (黃埔天地)

營業中

休息中

☕️️ Cafe for chilling — Flames✨ 格調滿分嘅西餐😙#90cp黃埔篇 #90cp西式篇➖➖➖➖➖之前見到觀塘都有呢間舖已經想試，後來發現原來黃埔都有仲要幾有情調🤣 幽黑嘅環境配搭時尚嘅裝潢，都咪話唔好feel😏美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ SEAFOOD Pizza 🍕 $168用嗰層架浪高左個Pizza令到佢上菜已經份外有氣派，餅底係蕃茄底而且比較薄身嘅，配料亦都非常足料，每一片都有一隻大蝦，配搭住魷魚同埋煙三文魚🤫 以呢個價錢嚟講真係算唔錯，味道方面坦白講就中規中矩未至於太突出✨ KING PRAWN LINGUINE $148反而呢個龍蝦汁意粉我覺得唔錯👍🏻 性價比比起薄餅更加高，大蝦雖然只得兩隻🦐 配上爆漿嘅三文魚子，配料唔算多，但係佢嘅龍蝦汁味道好濃郁，趁熱食嘅時候個口感同埋味道都一流，撈埋三文魚子食就更加係昇華咗，兩者無論係味道定係口感都非常之夾，呢個可以一試😤🍟 Truffle Fries $48薯條作為前菜小食真係會食上癮😂 佢嘅松露味唔算太出，不過勝在夠

倆公婆久違了的拍拖日，唔駛湊囡，梗係要浪漫下👫朋友介紹呢間餐廳，有情調，氣氛唔錯🥰⋯⋯適合一家大細、情侶、閨蜜😚😚食物方面：Pizza 🍕厚薄適中，配上Parma ham 火箭菜，味道一流👍🏻燒春雞肉質鮮嫩、皮脆內軟，最鍾意薯條係用新鮮薯仔🥔切成 😋仲要求叫返杯Tropical Punch 打卡又好飲、Caramel Latte 都好好飲😚😚埋單時，經理話可以入會。如果入會後，散叫嘅食物係有八折😬😬

同朋友👩🏻‍🎨一齊喺黃埔，佢話想食Pizza，咁我即刻喺人肉電腦💻裏邊搜尋一下，搵到呢間，就決定帶朋友👩🏻‍🎨嚟呢度開餐🤩我哋叫咗幾樣食物，諗住全部share 嚟食😋$48 嘅「野菌忌廉湯」：熱辣辣，好 creamy，仲食到啲打碎咗嘅野菌😋$148 嘅「香煎北海道帶子蔬菜沙律🥗」：北海道帶子輕輕煎過，外邊香口裏邊嘅肉質就軟熟😋，沙律菜新鮮 😋$168 嘅「意式辣肉腸薄餅」：材料包括「意大利🇮🇹辣肉腸醬、辣沙樂美腸、俄勒岡葉、聖馬札諾番茄、馬蘇里拉芝士」，Pizza 🍕外邊圓圈部份燒到脆脆哋，裏邊就煙煙韌韌，味道都頗辣，沙樂美腸加埋熱溶咗嘅芝士，惹味😋簡單美味嘅午餐，朋友👩🏻‍🎨同我都食得開心😆

終於攝到時間同爸爸去撐枱腳#flames 嘅2人Dinner Set ,主菜選擇多又豐富STARTER🍲黑松露蘑菇忌廉湯Creamy 又有濃既菇香🥗煙三文魚青瓜乳酪沙律上面既爽脆青瓜，剛剛好中和煙三文魚嘅鹹味MAIN🍖香草紅酒汁燴牛面肉配忌廉薯蓉烤蔬菜牛肉面脥經過長時間嘅紅酒🍷慢煮肉質非常嫩滑，而且仲保留一絲絲肉既質感🦞海鮮忌廉龍蝦汁意大利飯粒粒意大利飯，都吸收晒龍蝦汁嘅鮮甜，生熟程度控制得相當好。大蝦帶子同隻青口都非常新鮮🤤DESSERT🥠自家製泡芙配檸檬吉士脆脆泡芙中間嘅吉士醬，酸酸甜甜，原始又簡單的味道，這組合提昇美味質量。🍰朱古力慕絲蛋糕細滑嘅朱古力慕絲蛋糕，充滿濃郁的朱古力🍫味，一入口即溶化，口感十分軟滑DRINKS PAIRING🍑Peach Dirty Lemonade Lemonade 加入創意的桃味。餐廳創出自成一格的新口味。比傳統lemonade 🍋少咗酸味帶有桃既香，又不會太甜。🥂Prosecco 意大利🇮🇹既香檳🍾️。產自意大利北部威尼托的Prosecco有著濃厚的果香👍

有日收工後，同朋友約左去黃埔dinner，諗起呢間Flame，之前都食過佢地嘅Lunch，味道不錯，環境坐得幾舒服，價錢都合理，記得要join埋做佢地member，因為Ala carte散叫會有8折😍抵上加抵👍🏻今次再黎試下King Prawn Linguine $158三文魚子配大蝦意粉，用左龍蝦汁煮，意粉掛哂D龍蝦汁😍好好味，系幾道菜之中最推薦的一道💯Fish & Chips $158超大份的炸魚，而且新鮮即炸，一切落去聽到清脆嘅脆脆聲Shelter Chicken Wings $78避風塘炸雞翼，呢個配搭幾Fushion，一份仲有成6-7隻雞翼❤️岩哂雞翼控

🥖 Herb Garlic Bread ($48) 麵包一送過嚟已經香噴噴，上面鋪滿左香草🌿同蒜蓉，香脆可口，正🐟 Soy Glazed Orange Roughy Fish FilletRoast Vegetables, Sesame Oil Roasted Corn ($198)照燒汁魚柳份量十足，魚質鮮嫩，仲有炭燒味 🔥仲有唔少嘅配菜，包括薯仔🥔西蘭花🥦椰菜花🥦粟米，等等…🦐 King Prawn Linguine Lobster Bisque, Salmon Roe ($148)賣相吸引，有滿滿既三文魚籽粒粒都卜卜脆同埋肉質彈牙既大蝦🍤，意粉軟硬度適中👍🏻🍹 Tropical Punch ($68)作為Mocktail既佢，有甜甜既熱情果味，真係好sweet❤️🍹 Strawberry Tea ($38)士多啤梨茶，唔會太甜，食飽飯嘆番杯茶，真係幾爽☕️

好耐冇黎黃埔 過嚟做嘢就順便食下野見到有間西餐廳幾靚 就入去試下🥳燒大蝦三文魚籽龍蝦汁扁意粉 $158🦞食落有滿滿嘅大蝦味 口感十分creamy 濃稠🦐大蝦係成隻上 上面放左充滿鹹香味嘅三文魚籽大蝦食落去啖啖肉👍🏻意式辣肉腸薄餅 $168 🍕香噴噴嘅辣肉味😌 切開後可見芝士都唔少🤩拉絲都長😍 呢度嘅Pizza最特別係 佢嘅辣肉碎係放係辣肉腸上面 好好味😋最開心係朋友唔食啦佢都可以撥走d肉碎🤣推薦之一既菜式😋澳式雞鹽薯條🍟薯條上面都係灑上調味粉 味道啱啱唔會太濃 薯條內裏軟滑🤩避風塘雞翼 $78🐥有好多香蒜喺上面 香噴噴又惹味既如果多啲雞翼肉汁就會更加正😊FLAMES📍紅磡黃埔花園2期錦桃苑地下G10B號舖

黃埔都好多野食又唔係經常黎既話會行錯路，今次預早行過黎所以就ok，環境還算是ok，價格還算是可以。點了，燒春雞配薯條，士多啤梨茶，卡邦尼pizza.燒春雞唔算乾同老，有d地方唔知點解整到比較老而且size都算ok，另外橙色醬汁係有點點辣，配燒春雞都還可以的。士多啤梨茶沒有甚麼特別，不過嫌唔夠士多啤梨味。卡邦尼pizza味道有點濃，算是比較地道的pizza吧，不過呢餐比較鍾意食既都係燒春雞。服務還可以，不錯的。 總結第一次黎食，不過不失還可以。

食得日本野多都想食下其他國家嘅菜式，朋友介紹我嚟黃埔花園食好西，一間有情調又好味嘅鋪頭---Flame！佢位於黃埔花園二期,門面裝修得高雅大氣,啱曬靜靜地傾下計。🌞蒜蓉包$48 蒜蓉包烘得好香脆加上歐芹同芝士，香味四溢🌞芝士肉醬焗墨西哥脆片$108濃濃嘅肉醬香令人垂涎欲滴，拉絲芝士加埋脆片，滿足。🌞新鮮黑松露蘑菇扁意粉 $138 扁意粉煮得軟硬適中配上濃濃嘅奶油和黑松露嘅獨特香氣，入口creamy，齒頰留香。 🌞炸魚薯條配他他醬$158炸魚份量超級大，脆漿炸得非常脆，包住鮮嫩嘅魚肉，加埋他他醬令我諗起係英國以前食嘅味道。🌹原來仲有觀塘、牛頭角、鰂魚涌、呢三間分店 ，可以隨時去邊度都有得食！🪴有加一服務費

黃埔天地向來旺中帶靜，屬於舒適嘅生活圈，除咗係居住及購物地點外，仲係美食集中地，當晚去咗黃埔一間西餐叫Flames度晚餐。呢間餐廳環境簡潔闊落，以黑白灰色調為主，燈光柔和，好有格調，餐枱用咗大理石，今次坐喺窗邊用餐，環境帶有氛圍感。葡式香辣燒春雞配薯條燒春雞外皮微辣辛香，幾惹味，撕開後juicy嫩滑有肉汁，如果想濃味啲可以再沾吓葡式紅椒醬，令味道多種層次，此外燒春雞份量十足，啖啖肉，兩個人食都十分足夠。薯條屬於粗薯條，即點即炸，熱辣辣，好香脆。燒大蝦三文魚籽龍蝦汁扁意粉燒大蝦夠大隻，燒至焦香，肉質爽口彈牙，味道鮮甜，此外三文魚籽賣相晶瑩通透，粒粒飽滿，咬落卜卜脆，味道帶鹹香。扁意粉口感煙韌，而且扁意粉容易掛汁，龍蝦汁係今次嘅精華，濃厚嘅龍蝦汁掛滿每條意粉好惹味，食落口感creamy。Butterfly Dreams 飲品紫色到黃色漸變造型吸引，上面仲有菠蘿葉做點綴，呢杯係無酒精飲品，用上蝶豆花、菠蘿汁為主調，再加啲檸檬汁，清新解渴，酸甜開胃，而且整體味道唔會太甜；此外蝶豆帶有花青素，可以抗氧化同對人體提高免疫力。Latte咖啡拉花精亮，入口香濃幼滑，飲落順滑好舒服，另外杯上有粒方糖，好

食飯可以係填飽個肚，亦可以係一種享受。特別係經過一日的辛勞，之後在一間有質素的餐廳同另一伴共進晚膳，就成為了苦中的一點。今次去左黃埔呢間flames，由入門口開始已經有一種高級的感覺，裝修以黑白為主調，再由植物襯托出自然的和諧舒適，在未有野食前已經令人放下日間的緊張工作情緒。而在食物方面，頭盤為loaded nachos ，香口脆片加上肉醬及半溶芝士，口感多元化而且作為頭一味菜式或小食都十分適宜。再叫左個12安士肉眼，表面以燒烤的方式將肉汁鎖緊，再以本身的熱力令肉眼達到7成熟，既可以有肉的柔軟，又唔會充滿血水，值得一讚。再加上露蘑菇意粉，奶油香味再加上蘑菇的香味，口感豐富之餘亦十分飽肚，如果一個人來，我相信呢一個意粉已經可以令我再次光臨。

入黃埔搵朋友，見到原來呢區都好多餐廳選擇，最後去左呢間環境幾decent嘅西餐廳。平日去都8成滿座，幾熱鬧。【大大隻脆皮乳豬】🐷脆皮乳豬西蘭花苗配黄薑蕃茄飯 $298- 無諗過做到幾出色，個脆皮乳豬真係必點！大大隻鋪滿碟，外皮勁薄脆香，食落去每口都好crunchy。- 入面豬肉暖暖的，肉質好嫩好juicy，滿滿豬肉味，啖啖都好正- 的確好難得食到肉質咁嫩嘅乳豬😋個人建議值得一食- 乳豬下嘅飯乾身且蕃茄味濃，texture 煙韌幾特別。🐟炸魚薯條配他他醬 $148- 炸魚大大條，外層薄薄炸皮，好脆，點他他醬+lemon會比較好食- 用上粗薯條，幾香脆見到好多人都會點pizza，下次來要食下！

位於黃埔嘅Flames係以澳洲為主題嘅餐廳 有多款滋味嘅西式小食 味道亦唔錯 餐廳環境好簡潔 氣氛幾舒適 適合一家大細嚟聚餐 餐廳亦設有兒童餐 只需$68就主食同甜品 -🍕新鮮黑松露蘑菇薄餅 $158黑松露味好香濃 未食已經香噴噴 配合足料義大利忌廉芝士乾酪同脆香餅底 味道出色之餘 賣相都唔錯 鍾意睇黑松露嘅朋友唔可以錯過-🦐燒大蝦三文魚籽龍蝦汁扁意粉 $148意粉賣相好掂 面頭鋪滿左三文魚子同埋大虎蝦 彈口嘅扁面配鮮甜又香濃嘅龍蝦汁 格外滋味 -🍲是日餐湯：蕃茄濃湯Flames蕃茄湯貌似南瓜湯 但實質係好creamy嘅新鮮忌廉蕃茄濃湯 值得一試-Drinks: Americano $28Cranberry $38

開了幾間分店的ғʟᴀᴍᴇs，走親民路線晚餐人均消費大概$200 左右菜單的選項包括披薩，沙律、意粉，肉扒，走的是歐陸風格。.
∗ 蟹肉巴馬臣芝士蕃茄忌廉汁通粉 $138長通粉硬度剛剛好，醬汁也給得相當大方蟹肉的海味、蕃茄的酸甜、濃郁奶酪把這盤麵通粉相襯得很恰到好處
.
∗ 美國安格斯西冷扒配忌廉薯蓉 $298西冷扒是這裡的招牌，七分熟的肉扒顯得多汁而軟嫩，肉香醇厚，放縱大口食肉的滿足感！伴菜是綿綿的奶油薯蓉
.∗ 黑松露薯條 $48飯前來份烤炸得熱呼呼的黑松露薯條黑松露醬慷慨地給，香噴噴

本來想訂7位同個仔攪生日飯，掕個蛋糕去切。佢話要收$150切餅費，話如果人頭消費$500可以Waive切餅費；另外又話佢哋有賣細細件蛋糕，話如果成底買晒佢，可以切開12份（我得7個人）我問佢有冇賣蛋糕，佢又話冇，咁我問佢「自己冇蛋糕賣，學咩人收切餅費？」佢竟然答返我「唔通你掕隻乳豬去扒房，人哋又唔會收你額外錢？」兩個Case根本不能夠類比，強詞奪理。我覺得如果你係醒目嘅，Waive我切餅費，我咪俾返一百幾十tips你囉，未見過有餐廳職員咁串嘴。