Fish & Chick (MONTEREY Place)

營業中

休息中

Fish & Chick開到黎將軍澳喇～ 炸魚薯條🍟🐟魚有唔同類別選擇 新鮮魚完全冇雪味 仲有佢哋嘅炸粉唔會好厚 又脆又薄 🥰意粉選擇亦都唔錯！ 有冇人俾我推介餐廳自製Ginger soda 而家新開店仲有外賣炸魚買一送一優惠🤩

星期日，踩單車出去澳南海岸搵嘢食，揀了開業只有兩個月左右的【Fish & Chick】。餐廳的第一間總店10年前於堅尼地城開業，那一年地鐵西港島線還未開通，堅尼地城多楝舊住宅大廈正在拆卸(重建) 。由於部份新大廈已經落成，但仍然保留寧靜老區氣氛，吸引不少外國人入住該區，造就了很多西餐廳進駐，【Fish & Chick】的年輕老闆們睇準機會開業，以求分上一杯羹。選擇結束觀塘分店，進駐將軍澳南係聰明嘅決定。觀塘店原址主力客源只係平日辦公樓白領午飯時段，晚上人流相對稀少；反而隨着將軍澳南的私人屋苑、居屋及公共屋邨已經全部入伙，客源更廣泛、生意更穩定。有別於其他分店只單調地採用鮮黃鮮藍二色粉飾牆身，將軍澳分店採用淡奶白色作為牆身主色，並用藍色畫了許多海洋生物圖案；充滿海洋氣息，亦配合餐廳主打 Fish & Chip。據講，作品出自餐廳其中一位員工手筆，真厲害！午市套餐餐牌簡單，一律頭盤、主菜、飲品各選一款。雖然有幾款意粉及香煎本地鮮魚，但絕大部份客人均選擇炸魚薯條或烤雞。頭盤炸鮮蘑菇沙律的主角肯定係蘑菇。沾滿了麵包糠後炸香的蘑菇外表鬆脆、又沒有油膩感。蘑菇預先沾了牛油，咬落熱辣辣、充滿水份、菇

鍾意食炸魚薯條嘅朋友對呢間以藍色做主調既餐廳 一定唔陌生 今次開到過嚟將軍澳喇🥰我偷聽到隔籬枱嘅食客仲話由西環幫襯到入嚟 喺呢間嘅忠粉😉 一於黎試試係咪真係咁正先～ 真心平時好怕食炸魚(因為好驚雪藏魚個陣味) 但佢地呢間係用新鮮魚 今次點左比目魚 食落好有驚喜 打破左我對炸魚嘅反感🤩另外仲點左兩款意粉(🍝下次想試埋法式烤雞呀～⊶⊶午餐(頭盤+主菜+飲品)ː 自家製粟米蓉湯 ː手打粟米蓉湯味道濃郁好好飲～會想再飲多碗🤭ː 橄欖油炒香蒜片辣椒意粉 ː唔食得辣，可以選擇少辣 意粉好彈牙 加埋香蒜非常惹味～～ː 炸魚薯條 ː肉質好鮮嫩 炸皮好脆口😋配埋扁平嘅粗薯條 鹹鹹地又香口 而且不會太油～ː 熱情果檸檬特飲+$20 ː呢度嘅飲品種類，比起一般餐廳算多 而且好特別 朋友點左薑汁梳打 佢哋連薑都係自己新薑打出黎的👍👍

之前係堅尼地城都已經聽過呢間野，見係將軍澳開左就嚟試下佢有唔同種類既魚可供選擇，店員仲好貼心咁介紹唔同既魚，想食比較有魚味，嫩啲有咬口啲都可以請佢介紹首先嗌左個2人餐，2人餐包2個前菜，2個魚，2個湯/飲品，要左炸比目魚同煎鱈魚炸魚好大舊，底下有好多粗薯條🍟熱辣辣好好食，炸魚脆卜卜，好有魚味好嫩，食得出係新鮮而唔係霉既雪藏既煎鱈魚煎到個皮脆，肉嫩，同炸魚係另一種風格，底下既薯蓉勁好食，好creamy好滑炸物籃，冇乜特別，中等除左魚，佢另外仲有烤雞，2人餐既就可以叫半隻，佢既味道好似平時係酒樓食炸子雞既味道，就算係胸既部分都唔會話好鞋，都有味道

放假同屋企人行去海傍搵嘢食，見Donki隔離條巷好多食店，見呢間Fish n Chick比較光鮮同埋多人就入去食。雖然我一家人多納集嘢，但三大兩細都仍然坐得舒服。午餐價錢合理，揀咗四個set lunch：煎鯛魚配雜菜、炸比目魚配薯條、半隻香草烤雞、與及卡邦尼意粉。另加白酒汁煮蜆。比目魚肉質鮮嫩多汁，皮薄香脆可口，蘸上估計加咗酸瓜碎的沙律醬，我覺得好夾味好好味。而我老婆話呢種就係去外國旅行時啲炸魚既味道。咁即係咩味道？總之大家意會啦。而小朋友就最鍾意食薯條。煎鯛魚賣相立體好看，魚皮煎脆咗好香，肉味濃，配洋蔥三色椒等雜菜味道也很配合，而且隻碟有花心思裝飾過，真係色香味俱全。呢個味道我識形容啦，就係去高級西餐廳食煎魚main course 時有啲賣相的味道。烤雞就皮香肉滑，唔會榎歰歰（鞋烚烚）咬落有雞汁夾少少雞油流出，唔會好重香草味，可以食出雞香。而雞皮都烤出大部份油唔滯口，所以我也忍不住連皮都食埋。問職員啲雞好食係咩地方的雞？得知係清遠雞，唔怪之得。而卡邦尼意粉就無需形容，都係有蛋黃、忌廉、洋蔥、煙肉、芝士。但食落我覺得不錯唔油膩唔滯口，我老婆就好鍾意，佢話成餐最鐘意個意粉，有酒店食卡邦尼

The two-person combo menu is great value for money and has a good variety of choices. We enjoyed the fish and chips just as much as the original branch in K-town. The grilled fish also offers a balanced alternative. The fried seafood basket has a generous amount of squid, prawns, fish fingers and crab croquette - was also a pleasant surprise and addition.

將軍澳澳南附近越嚟越多新餐廳，行過見到新開Fish and Chick, 明顯係走英式料理路線，行過宣傳係西環店嘅分店，好似好有自信，心諗要試吓係乜嘢咁好先，之後總共已幫襯兩次，整體感覺一般，不如open rice上其他朋友所講同想像般咁好，以下係食後感。蜆肉意粉入口只有咸同辣，侍應話D蜆吐D海水所以咁咸，笑咗。炸魚粉䊢冇味，不值$1xx，烤雞唔熟，可能真係新開。只有煎魚比較滿意，侍應招呼尚可，會查詢食物質素，希望之後有改善！

間中會來將軍澳海濱搵嘢食，最近發現多左間新餐廳，在DONKI條橫巷入，經過湊湊火鍋再行一會。但不要行去海邊。首先店員好nice👍🏻有細心介紹食物，同埋好有禮。另外重點當然是食物質素高，每樣食物都好吃，而且食得出用料新鮮講究值得一再回頭嘅餐廳😋炸魷魚圈很新鮮彈牙，配醬都好味😋白酒煮鮮蜆呢個大推介，粒粒都很有鮮味當然要試炸魚juicy又香脆。其實有很多款炸魚，下次要試晒佢烤雞很有驚喜沒想到又淋又入味，必須要試兩款意粉都好吃卡邦尼意粉好creamy但唔會漏蒜片炒意粉勁好食，好香口入味，可惜有少少辣（對我來說），但愛辣的朋友話好正。自家製紅蘿蔔蛋糕🍰呢個蛋糕幾飽都要試，本身寫紅蘿蔔唔係太大興趣，但一吃難忘吃完這個，真的是超完滿的一餐