Fantasy KiTchen

營業中

休息中

母親節當然要帶家人食好的。年年都係食食食，咩新意今年有同事推薦一間位於沙田的西餐廳，就帶家人去嘗鮮一下。去到真的有點隱世（實情係本人住港島區，傻傻的迷路了）老闆娘很貼心，推介了當天新鮮的食材，加上主廚用心烹調：生蠔（鮮甜無腥味）、牡丹蝦（大大隻又彈牙）、魚下巴（嫩滑多汁）、燒牛舌（食完全家都決再order 多次）、天下第一刀（豬來的，我都唔知係乜部位，但還是嫩的）、威靈頓牛柳（大鄉里出城第一次食）、蘑菇湯、蝦多士......當然唔少得甜品啦：木糠布甸、焦糖燉蛋、百香果蛋糕、心太軟、蘋果批太多好食的，真心推介，誠意推薦！

朋友聚會，第一次光顧這間餐廳，點了三道菜：香煎法國鵝肝、脆皮德國咸豬手、煙三文魚忌廉意大利麵。朋友吃過，都覺得可以encore!先來鵝肝，一上菜就聞到陣陣香味，但因我不嗜鵝肝，所以只試了一小片，味道不錯，油而不膩。再來脆皮豬手，皮真的很脆，斬件上碟大小適中。問了老闆，原來芥末醬是自家調製，難怪吃來不像一般芥末醬般刺鼻，而且微微帶甜，與脆皮很合得來，很好吃！最後是意大利麵，份量不輕，忌廉汁濃郁，三文魚也不是，不是隨便放上幾片就給客人。除了食物味美，最重要是食物的賣相，令人看得出廚師用心去做好一碟菜式。菜式雖然跟其他餐廳分別不大，但味道就是很特別！或者是因為這家餐廳以「家庭式」經營，也就像私房菜一樣，有一種在外邊餐廳吃不到的味道。

今日第一次去呢間西餐廳，位置旺中帶靜。件扒好鬼正🤩 海膽risotto 好濃😋 個磨菇湯好好！麵包有誠意酒店質素，並唔係一般餐包。平時我麻麻地甜品但都俾佢個心太軟KO🤤呢間一定有回頭！

之前去過幾次，都覺得值得推介。今晚特登同老友👩帶埋佢嘅可愛女兒👧去呢間餐廳食晚餐，好舒服，好有家嘅感覺！老闆娘態度親切，大廚出食物夠快！食材一流，特別要一贊用紫薯🥔配主菜🥩，好好味！！小朋友最喜愛心太軟🍮朱古力好濃但唔會太甜，加埋菠蘿雪糕，食到lam Iam脷！我自己就特别鍾意🥰香檸🍋芝士餅🍰同百香果芝士餅🧀！要継續努力呀！恭喜你地快2週年喇！🍀🥂💐💯

母親節來了，所以和太太一起要決定同屋企人食乜嘢～其實之前同朋友們一齊去過呢間餐廳，食物一流，服務態度好，所以決定再次前往～由於有心水菜色同朋友介紹，所以到達餐廳前經已落單，到達後，餐廳負責人再次確認菜色就去準備了，十分細心！一來先上牡丹蝦刺身，鮮甜美味，正！如果你有興趣，重可以留起個蝦頭，用黎酥炸！之後就上蘑菇湯，好足料，你係可以食到一粒粒既蘑菇蘑菇蓉，一啲都唔水！有保證～然後黎個墨魚兩食，將隻墨魚分開兩半，變成墨魚意大利麵+酥炸墨魚，上菜時係無剪開既，所以會俾把剪刀你，鍾意大舊定細舊，完全由你話事～食到咁上下，就上左個威靈頓牛柳，先用火腿包住舊牛肉，再加上蘑菇蓉，最後用酥皮封住，牛柳腍滑，味濃而不油膩，一試難忘，每日限量供應，食完就無～再黎食埋個香焗魚下巴，真係無得頂！是日魚下巴非常大個，滿滿既魚油加上啖啖魚肉，真係返唔到轉頭！最後甜品係熱情果蛋糕、綠茶蛋糕加檸檬梳乎厘，為呢餐晚餐畫上完美句號！

這是我第三次光顧 Fantasy KiTchen 這間家庭式經營的西餐廳。有兩道名菜是我認為可以媲美高級酒店的西餐廳。【威靈頓牛柳】這是英國手工菜，酥皮、蘑菇茸和牛柳，三種食材有三種口感，要做到每種食材獨特而又能互相配合，最考廚師功力。面層的酥皮香脆鬆化，中間的蘑菇茸夠乾身且味道香濃，肉心焗到啱啱好，難度極高呀！我的朋友們要求牛柳要焗至五成熟（最理想是三成熟），呈粉紅色，肉汁豐潤。【法式燒紐西蘭羊架】羊架肉嫩且羊羶味低，五成熟的羊架，外皮微帶焦脆，切開來卻是粉紅色的肉心， 一入口，肉汁像吃橙般，一咬便流出來，十分 juicy，配法式芥辣惹味，亦可配薄荷醬，除了去羊羶效果相當好，也能提昇羊架肉質的美味。還有伴菜紫薯茸，簡直錦上添花，比西蘭花和 baby carrots 更出色好味。【西式甜品總滙】不嗜甜的我，三次餐後甜，使我印象深刻，而我則心儀「熱情果慕絲」，源於其味香甜而含有天然果酸，令食客味蕾清新。Anyway，任何一款甜品也能滿足食客。餐後食評：Winnie Choi

小店位於麗城花園角位位置雖然不顯眼但味道一試難忘絕對物超所值生蚝、羊架、脆烤豬手、安格斯牛扒 。。。選材上盛 老饕1定食得出晚上套餐更是份量充足有餐湯，餐包，前菜，主菜，甜品我食過一次已經不斷推介好友來試吃過的朋友都話我無介紹錯小店由兩夫婦主理與客人有傾有講溫情洋溢食物的質數 看得出 廚師的功力令人驚訝 的是 甜品都是由廚師一力砲製還有老闆提供的啤酒是精選自澳洲及西班牙也有紅白酒提供 所以很方便總括而言值得推介你一定要試

每次幫襯呢間小舖都好有驚喜，好欣賞老闆用心烹煮美食，不斷改進和唸新菜式。今次又食到香脆美味既德國咸豬手，仲試咗新出既威靈頓牛柳，而且每次去都總回味佢既特式前菜紫薯田螺酥&自家製餐包&超足料香濃既什菌湯&黑松露野菌意大利飯，最後仲好瘋狂咁食晒今日賣嗰七款甜品添。真係大滿足。

今天男友來這家小店吃晚餐，叫了兩個套餐。這裡的老闆娘親切地倒茶給我們，喜歡這裡的茶香和人情味。前菜三色拼盤太精緻了吧，菠菜芝士春卷、沙甸魚和番茄法包，非常有特色。蘑菇湯非常香濃配上自家製麵包，實在是讓人滿足主菜有黑松露義大利麵，份量夠兩人吃，極多磨菇，濃濃的白汁味，一試難忘慢煮黑毛豬，賣相一流，肥的部位很滑，但有些部分略硬，對我來說算是很不錯了。最後還有甜品我們點了石榴芝士蛋糕和熱情果慕絲，前者味道偏淡，後者酸酸甜甜。這餐太滿足了。

今日就到沙田，經過河畔花園，發現了一間不顯眼的小餐廳，很想推介一下！這間餐廳叫fantasy kiTchen位於河畔花園旁的勵城花園地下。 這間餐廳主要食意大利菜。 按到門口的餐牌午餐很特別，而且價錢不貴 ，所以 走入去試試。餐廳只有15-20個位 ，星期六下午兩點鐘不算多人， 可能因為已經過了午餐時間 (之後我才發現餐廳原來午市休息時間是三點鐘， 幸好我們趕得上吃這個午餐)。因為我們不算太肚餓， 所以點了一份午餐和一份甜品。首先選了午餐炸原隻軟殼蟹意大利麵($78)午餐是連餐包，沙津/飲品。餐包是法國麵包，外脆內軟，而且是熱熱的。麵包本身已經帶有蒜蓉味，不用搽牛油也很好吃。沙津配黑醋沙津醬，連整個西餐很配合。意大利麵加上磨菇，洋蔥和蒜蓉炒過，很香很美味，而且像以中式方法炒，煮的時間剛好，令意大利麵很彈牙。軟殼蟹是即叫即炸，很脆和很鮮味。整個意粉真的冇得輸！朱古力心太軟($60)賣相不錯，心太軟是心形，外圍以朱古力醬畫上圖案。心太軟外暖內熱，一刀切下朱古力醬便湧出來。朱古力醬不算太甜，味道很好。雪糕有朱古力味和綠茶味選擇，我們選了綠茶味。雪糕不是自家製，但勝在夠凍，不會太快溶掉。 食完

生日食個午餐，好味又抵食，甜品唔太甜，食物有水準。有誠意嘅西餐廳。沙律同麵包美味。牛肩扒佩紫薯蓉，特別。香草蝦意粉好好味。木糠布甸唔太甜。焦糖燉蛋都好好味。下次可以再試。

由前菜開始已經好有誠意，新鮮~麵包有兩款，highlight 一下個湯，唔hea 你，蕃茄濃湯有蕃茄蓉Main course 叫左三款，牛肩排未到，海膽risotto 同埋軟殼蟹意粉先上，都快上。一上菜就聞到好香，忍唔住先食Risotto, 好味呀，味濃唔膩，鍾意食海膽的朋友要試試，另外的軟殼蟹意粉都無令人失望，意粉有麻油香，星期五食到呢個水準的lunch 真係要講句"Happy Friday"~最後期待的牛肩排，嗯～切好上菜係窩心ge,不過乾左dd, 可能自己唔識食，如果可以juicy d 就perfect~ 整體上牛味有ge, 不過就唔太impressed lu~小店好好，本來default 薯菜係好特別的紫薯蓉，朋友食過係好食ge, 不過我都係鍾意薯條，本住問下無壞的心態試下問，店員話可以改俾我，最後都有薯條食，所以又加分啦～

Fantasy Kitchen 點解會去食：2019-01-02 放左十幾日假，新一年開工大吉，唔可以虧待自己，食返餐好嘢，迎接新一年先！食物新鮮程度：⭐⭐⭐⭐🌟每道菜都係等我地食完先再整，非常有食法國菜的感覺，新鮮程度可想而知！沙甸魚沙律又唔會太鹹，配上田螺紫薯炸雲吞，夠晒特別！食物合適溫度：⭐⭐⭐⭐🌟個磨菇湯好香好夠濃，再配埋個外脆內軟的竹炭包，加上牛油同橄欖油同香草的襯托，好味喎！食物驚喜程度：⭐⭐⭐⭐️塊豬扒外脆內軟，又夠厚，肉心微微粉紅色，無諗小舖可以有呢個水準！—————————————————服務員態度：⭐⭐⭐服務員似係老闆娘，但唔算好識serve，而且飲品又只有可樂、雪碧及酒類，呢方面要扣分！發現飲品仲要另加錢！—————————————————最重要系。。。我會唔會再去？重遊指數：⭐⭐⭐⭐

搬左黎附近之後，目標係要試晒咁多間餐廳。尋晚揀左呢間 Fantasy Kitchen。餐廳唔算大，平日去入座率大約八成。環境就一般喇...試埋食物先。Dinner set 有頭盤：多士、魚沙律、焗田螺雲吞。三樣野都好新鮮，熱辣辣，多士好脆。田螺雲吞好有趣，入面有埋紫薯蓉，好飽滿。🍵餐湯：有蕃茄湯 or 蘑菇忌廉湯。我揀左蕃茄湯...真材實料。有少少似茄汁...我個人口味麻麻地...🍝Main dish: 黑松露菌蘑菇意大利麵。好多菇呀，但係黑松露味唔算出。意粉質地適中，唔太淋唔太硬。🍮甜品：有幾種可以選擇。我揀左焦糖燉蛋。個面好脆呀！脆得黎唔燶。入面嘅燉蛋有啲玉桂味，幾好。又唔會太甜。可以encore!整體黎講，食物味道好好，但環境就一般喇～所以性價比就低啲喇。P.S. 原來跟餐無飲品架...原來只收現金。

我的假期將近尾聲，有十個人仔，扮無嘢咁，約我返沙田食 lunch。呢十個人的配搭，平時簡直是南猿北轍，很少機會一齊食 lunch。攪手刻意提早訂位，店鋪面積不大，簡單的佈置，數數座位，得二十多個，我們已佔了一半。座位的舒適到一般，到這裏食lunch ,若不是長時間逗留，還可以。這裏最聞名的是燴咸豬手，豬手燴得夠“林"和入味；另外，紅酒燴牛舌，色香味十足；而牛肩扒亦一樣出色；我認為最no. one 嘅，要算是羊架，出場賣相吸引，份量十足，有3至4件羊架，配搭上紫薯蓉，可比美一些高級餐廳。最重要，最重要，最重要，要講三次，平民化的價錢!!!老闆娘的招呼亦不得不讚，非常勤快，常幫我們加添茶水，亦不辭勞苦幫我們拍照，敬業樂業。不過有一點仍需改進，因這裏只收現今，希望日後可以以電子收費，方便大家。