EXP

營業中

休息中

今朝帶姨甥仔返學，因為之後轉頭11點要去參加學校活動，所以我今日就去左又一城，諗住食住等🥰其實又一城可以食早餐嘅餐廳選擇唔係太多，所以我就㨂左Exp，貪佢坐得舒服，價錢又適中，咁就可以慢慢坐，慢慢等到11點。今日嘅早餐：雞蛋牛肉蕃茄湯麵 加 Cafe Latte, 總共$68，麵嘅味道確實唔錯，除咗食得飽，無論牛肉定蕃茄湯，調味確實做得好好，蕃茄湯係屬於杰身，所以更容易沾上麵條，非常入味。仲有杯咖啡，係有質素㗎，完全對得住個價錢👍🏻

下午茶叫了卡邦尼意粉，來的意粉味道有很濃的芝士味，應該不錯，可惜很硬，未煮熟，所以我退了，過了7/8分鐘煮熟了，質地可以，可惜少了芝士味和带酸味，而且多了很多蒜片，有點辛辣，因為煮得未夠熟。其實卡邦尼意粉會加蒜片嗎？這個意粉只有两種材料，就是蒜片和煙肉。No onion, No mushrooms, 還算是卡邦尼意粉？定是onions and mushrooms are too expensive ？

小朋友要去看溜冰，所以經常到呢間餐廳度食午餐。聖誕節之後，佢哋裝修好，第一次再去。餐廳裝修完之後，餐枱多咗，同埋餐枱嘅方向改變咗，對於向住溜冰場進食嘅顧客，冇咁尷尬。人流多咗，所以有啲時候都需要排隊先至可以入到去。餐牌上面嘅選擇同裝修前有95%係一模一樣嘅，只係得一兩個菜式係唔同咗，選擇同之前差不多。我就選擇咗之前餐牌冇嘅，北海道咖喱湯雞髀烏冬。唔係每個餐廳有咖喱湯烏冬，所以想叫嚟試吓。講真，賣相一般，餸菜擺得有啲混亂，不過味道幾好，係略嫌咖喱偏辣。埋單嘅時候有同職員分享食後感，話個咖喱好似偏辣，反而佢同返我講，話個咖喱係北海道咖喱，所以係偏辣。只怪自己點餐嘅時候冇睇清楚，完全冇理過北海道三隻字，一心以為咖喱湯烏冬味道。

又一城溜冰場附近有好多高質素餐廳，價錢又合理，適合同朋友飯聚。EXP 同埋 Simplylife 都係我既飯堂，今次想食pizza，所以揀咗EXP，可以一邊睇人溜冰，一邊食好野。- 封門牛柳紅酒汁蛋包飯 (Hanger Steak Omurice with Red Wine Gravy)即叫即整，所以蛋包飯仲可以保持半熟，外形好靚。牛柳煎得啱啱好，表面有少少焦，咖哩汁係日式，甜甜地又唔辣，同蛋包飯好夾。- 迷你煙三文魚紅葱薄餅 (Mini Smoked Salmon Red Onion Pizza)驚食唔曬，所以叫咗迷你Pizza；賣相同正常 Size 真係差好遠，下次一定要叫番正常 Size。味道都係一樣咁好食，紅蔥有煮過，同煙三文魚，芝士味道好夾，餅底焗得外脆內軟。- POP (Pineapple, Orange, Passion Fruit)新鮮果汁係推薦飲品，一定要試。POP 係菠蘿，橙，百香果，三種水果混合，冇加其他野。雖然簡單，不過真係好Fresh，好好飲。

九龍塘又一城入面的輕食店在旁更有溜冰場⛸️非常適合有小孩的家庭可以一邊食一邊睇表演😍 《排隊時，記住同侍應要求坐溜冰場旁的位置》大部份食物都要等候20-30分鐘去製作最快的是肉醬意粉，不用等所以嗌咗個蕃茄肉醬意粉俾小朋友食大人就推介嘆燒烤牛肉烏冬性價比非常高👍🏽👍🏽👍🏽 厚切牛肉 肉質鮮嫩食落陣陣炭燒香味 香味非常濃郁冷氣尚可，最欣賞嘅地方係可以喺溜冰場旁欣賞其他小朋友嘅表現。相得益彰😀😀😀

見到勁多人喺門口唔知做咩，同時聞到好勁嘅五青汁味，過去睇吓有咩好野🤣睇到個果汁飲品menu😍好多款都係$37，即打果汁又幾抵喎🤪連平時出面嘅五青汁都係😌所以我就叫咗一杯Deep Green🍀裏面有羽衣甘藍、青蘋果、青瓜、西芹、生薑、檸檬🍏🫚🥒🍋好新鮮，隻杯仲要好靚💚回頭率：👅👅👅👅性價比：👅👅👅👅打卡值：👅👅👅👅

喺又一城行完街，搵嘢食，無意外地都係食返呢間。平時都係食開墨汁意粉，好少何食新嘅嘢，未試過食佢嘅牛柳炒蛋飯，第一次食，感覺幾新奇，又出乎意料幾好食，牛肉唔會太硬，炒蛋都好嫩滑。另外個焗千層味都幾好食，份量好充足，味道都足夠。

嚟咗又一城溜冰場對面嗰間餐廳食午餐～叫左番茄意粉🍝🍅同埋牛排烏冬😋真係冇諗過cafe有湯烏冬😂😂意粉醬汁香濃，意粉好掛啲醬汁，幾鍾意❤️飲料方面，我地叫咗奶茶同芒果冰✨

我－行3人在門口看看餐牌👀下有甚麼食，本來有位職員已經在門口企係到，感覺係似帶位，但突然走左去，於是我哋㩒飛入，好快有另一個職員帶位，坐下後便用Q R code下單，東西也很快便到，叫左一個公司治，喇沙和卡邦尼，全部味道都幾好，來了三杯凍飲，但全部都冇比飲筒，於是我兒子便問職員取，職員便拿給我們，但感覺有點不禮貌，然後我便望向周圍食客，凍飲全都有飲筒，為何職員會這様？我們最後八達通付款，因為阿仔幫我付，他告訴我好似唔知點咁，因為職員的態度，我都喺度觀察，我食緊時也有食客進入，不在我阻住佢哋，我們也是有禮貌的，以前時常帶仔去學溜冰，都係光顧這餐廳，感覺良好，不知今次是甚麼問題

EXP ⛸️.One of my childhood favourites growing up. We used to come here after ice skating lessons and I loved watching what goes on in the rink, from the amateurs to the graceful figure skaters and the motions of the ice resurfacer, I found them all fascinating..They had a different name once and I am so glad they have once again embraced their old name, EXP, with a menu pretty much the same as the food old days. I couldn’t believe my old favourite item was still on the menu, and of course I had

今朝一早帶咗阿仔嚟九龍塘參觀學校，到咗lunch time時間見有啲餓就嚟咗又一成搵嘢食兼行下，見到exp唔算太多人排隊咁就喺度等一陣入去食啦。大蝦牛油果醬薄餅pizza烤得香同鬆軟，同時亦有麵粉既香味，其他配料份量都啱啱好，整個pizza口感都不錯。蟹籽既爽脆亦令pizza多一重口感，不過大蝦份量偏少同細隻，牛油果醬比較稀同唔夠味。燒帶子墨魚忌廉汁意粉墨汁既味道十分香濃，忌廉既香且令意粉食落口更加順滑，意粉整身亦煮得啱啱好，爽口唔會過淋。帶子唔會太細隻同煎得啱啱好，鮮甜爽口。(辣)馬來西亞沙嗲雞串沙嗲汁夠甜唔會太辣，又有花生碎，十分香口。雞串燒得啱啱好。金桔梅子鹹檸檬烏龍茶(凍)成杯野充滿話梅同金桔既味道，配上鹹檸檬令味道更加清爽，烏龍茶既味道就偏淡，不過都好好飲。芒果樂園好重既芒果味，同時亦感受到橙既存在，夠哂凍，正呀！

呢間餐廳係喺溜冰場旁邊，⛸️環境講真都算唔錯㗎！❄️不過，衛生方面就有啲問題喇🥴我見到有啲烏蠅飛嚟飛去，🪰大到我以為係蜜蜂嚟…而且，座位都有陣酸縮味，唔係咁舒服。講返食物，我試咗佢哋嘅巴馬火腿菠蘿薄餅，🍕我一開始以為佢冇俾菠蘿🤔原來都有，但菠蘿嘅份量真係好少得可憐，好失望😔😔😔😔整體味道偏咸，唔太平衡。😕$126再嚟試下佢哋嘅芒果大蝦蕎麥面，啲蝦好味，🦐芒果都好甜，但份量真係好少…賣成$112，物非所值。💸不過，佢哋嘅野飲真係好清新，要散叫，一杯要$37，好適合夏天飲!☀️🍹最後，服務方面係高效率嘅！好快，冇咩等待時間。😗希望我嘅食評可以幫到大家啦！😉餐廳要留意啲烏蠅同酸縮味👎🏽同埋份量有啲少嘅問題，不過野飲同服務都唔錯㗎！🍕🍤🥭

呢度環境最特別嘅就係旁邊有個流冰場～某些位置係可以坐在流冰場旁邊的～各款果汁37蚊杯～佢地嘅果汁係有用心嘅，單是款式就有22款選擇～唔係22款不同嘅水果，而係佢地自行調配嘅口味～下圖有其中4款可以參考一下～另外還有啤酒等飲品可以選擇～大蝦西柚芒果冷蕎麥麵112蚊冷麵夠凍係咪廢話😂但又真係食過啲冷麵唔夠凍ma~口味清新而不清淡～各款配菜都新鮮好味～蝦嘅味道同口感都係有質素！想叫嘅可以一食～如果份量多返啲，我會食得開心啲～巴馬火腿菠蘿薄餅126蚊我本身係唔太鐘意呢個配搭～佢為左唔令菠蘿個味太突出～刻意切到好薄～如果你想像係有一舊舊厚菠蘿嘅，就唔啱你嫁啦～其他各款嘅配菜都係做得好嘅～

我呢間餐廳向來都係又一城其中一間熱門人氣之選，經常性都會見到有人排隊。餐廳位於溜冰場側邊，可以一邊食飯，一邊望住人哋溜冰。餐廳提供多國美食，韓式日式西式或者新加坡菜等等款式都有，所以無論嗰日想食乜嘢， EXP都可以搵到啱食嘅嘢🥹特別推介大家要試吓食佢嘅甜品，我最鍾意嘅就係佢嘅麵包布甸，麵包焗到脆卜卜，配上微甜嘅布甸，上面仲有一球雪糕，食落應該係Movenpick呢個牌子，所以性價比十分之高！如果去又一城又唔知食咩好嘅話，建議大家試吓呢間餐廳。

應該十年冇黎過呢間餐廳，以前可以溜完冰有條樓梯直接上黎食嘢，而家條樓梯已經冇咗了。見佢下午茶茶餐牌都幾抵就入去食。朋友話唔係好餓，於是就點個二人拼盤些牙。薯塊好香脆好食，窩夫有朱古力🍫士多啤梨🍓，細細件唔太甜剛剛好。漢堡扒有芝士係上面，加埋番茄🍅醬唔太咸，很惹味。 我平時唔食生的菜沙律，但係佢個沙律🥗加左一啲粉紅色的汁好好味，蓋過咗草青味，意外地夾又好食。 飲品可以加錢轉鮮榨果汁，我哋冇轉，要咗洋甘菊茶和熱檸水。