EXP

營業中

休息中

呢幾日香港日日下雨☔️🌧️反復無常 天色都唔太好所以晚飯決定同朋友 喺地鐵站附近嘅商場吃-去左又一城溜冰場旁邊嘅EXP🍽️唔知係咪禮拜五加落雨嘅關係超級多人排隊👭👬p好在 前面雖然有二十檯 但排半個鐘就入到呢間已經唔係第一次食一直很鍾意佢嘅Pizza🍕之前叫過醃三文魚同帕爾馬火腿披薩今次叫左肉丸披薩薄餅旁邊脆脆香香 餅底硬度啱好 芝士依舊穩定發揮非常香濃拉絲而且都冇膠膠嘅口感仲叫左一個紅酒燴牛肉蛋包飯牛肉只有四片有啲少 但味道都OK醃制非常入味 而且表面有炭烤香氣其他就中規中矩啦～味道不錯 但就唔係超級驚艷-價錢方面感覺是性價比OK嘅餐廳作為日式西餐 又開在九龍塘商場兩個人食大概350 對我黎講都算價錢合理啦

呢間喺又一城溜冰場隔離嘅餐廳EXP, 嘢食唔貴, 水準又好, 對住溜冰場, 睇住啲教練教小朋友溜冰, 個個小朋友都咁可愛😻, 邊睇邊食好開心🥰叫咗兩個下午茶餐, 韓式炸雞溫泉蛋石鍋飯, 同埋下午茶拼盤, 石鍋飯熱辣辣, 大家食嘅時候要小心石鍋燙🤌, 將溫泉蛋跟紅蘿蔔絲、大豆芽、韓式泡菜一起拌勻, 辣辣地好惹味下午茶拼盤裏面有; 芝士蕃茄汁漢堡扒、酸忌廉薯塊、草莓竹炭窩夫、沙律, 鹹點、甜點、沙律都有齊曬, 好豐富🤩, 平時薯角都係點茄汁, 呢度係點酸忌廉, 更加好味, 窩夫都焗得好脆口👍

第一次叫咪你pizza，之前食過正常size，今次叫迷你版，完全睇唔到蝦，問伙記，攪幾下見到所講大蝦，完全違反商品說明條例！大佬70幾蚊放隻正常蝦會死人嗎？完全失望！

今日又去食exp: 今次又係坐bar枱，（其實次次都係坐bar枱🤣🤣。今日餐牌卒之轉左啦。午餐有 柚子芒果大蝦日式冷麵，馬來西亞喇沙油麵，韓式辣炸雞泡菜石碢飯。新餐牌新口味，今次個柚子配合芒果大蝦冷麵，味道方面非常之清新，感覺就好似係日本食緊冷麵咁😍 而馬來西亞喇沙，湯底有非常強烈嘅海鮮味😍用料上乘，另外個韓式炸雞亦都炸得好脆，而飯入面嘅配料亦都非常之多。淨係食配菜都好飽❤️❤️。總結呢度啲午餐係相當之足料

今日一行幾人無聊冇嘢做走咗去又一城食又食咗呢間EXP嘅餐廳，我哋今次分別叫咗春卷皮炸蘆筍，白咖喱雞飯，韓式泡菜章魚石鍋燒，同埋一個馬來西亞海鮮喇沙，日色冷烏冬………..最後就係海膽帶子墨魚麵。今次我哋又係坐喺吧枱點解呢？因為可以一路食住嘢，一路睇住人溜冰，講返你個餐廳嘅食物先，佢呢度採用手機落單半自助形式去點餐，點餐速度同埋想食物嘅速度亦都非常之好，餐廳職員亦都好有禮貌，食物質素固然之唔使講啦係非常之好，所有叫嘅食物佢份量都好大份，可以話大件夾抵食。最值得推薦嘅就係白咖喱雞飯，佢採用日本優質嘅白咖喱，配上韓式炸雞….呢個配合簡直係非常絕配

送完小朋友返學，可以同朋友一齊抖一抖，吹下水。唔係間間餐廳都開咁早，而且可以坐得舒服，唔趕人走，EXP都係好選擇。8:00開門，我哋7:45到咗餐廳門口，等咗一陣就可以喺門口落單，之後俾個電子牌你，自己搵返個靚位，放個電子擺喺感應器度，就可以等送餐。我叫咗個韓式辣湯麵，早餐食辣麵，實在太刺激。朋友叫咗個豬柳早餐，超多嘢食，應該唔使食午餐。唯獨是早餐Menu長期唔轉，都食咗幾年，好似冇轉過，其實可以考慮轉一兩樣，多啲選擇會開心好多。

📍EXP九龍塘達之路80號又一城UG層23號舖••••••••••••••••••••••••••••••💝煙三文魚紅蔥薄餅 $108💝PAP (Pineapple, Apple, Passion fruit)每檯必點的Pizza，而味道亦確實高質💓以前其實冇試過三文魚+紅蔥的配搭👀但今次食完覺得兩者確實好夾😚三文魚帶有鹹香，與芝士融為一體🧀畫龍點睛的紅蔥令整體更豐富😌炒過的紅蔥微甜，更有助去腥🧅另外餅皮焗得啱啱好，食落幾有咬口🫓外皮不會過硬而內裏口感鬆軟🤤••••••••••••••••••••••••••••••💝大蝦西柚芒果冷蕎麥麵 $108💝ABC (Green apple, Beetroot, Carrot, Lemon)因為擔心2個人食完成份pizza會膩🤧第二個主菜就揀左呢個清新嘅蕎麥麵✨有韌勁的麵條搭配酸甜油醋汁，十分開胃🫶🏻另外仲有爽口彈牙的大蝦🦐同三款蔬果 - 西柚、芒果、蕃茄🥭食落幾light幾健康🥗啱啱好平衡翻個邪惡(但美味的) pizza👻••••••••••••••••••••••••••••••#medmad_forfood_kowloontong #煙三

-肉丸薄餅 meatball pizza $116呢款pizza份量好多，味道唔會太咸，加埋肉丸好好食🤤封門牛柳紅酒燒汁蛋包飯 Hanger Steak Omurice $118牛柳夠淋，咖哩汁又唔會好辣，蛋又滑👍🏻 大蝦西柚芒果冷蕎麥麵Mango Prawn Soba呢款蕎麥麵好fresh，配大蝦🍤同芒果 成個配搭好有新鮮感🤭韓式章魚🐙温泉蛋石鍋飯octopus bibimbap $112最鍾意食石鍋飯既飯焦，再加埋滑滑温泉♨️蛋既汁同章魚🐙仲有泡菜同芽菜，唔會太甜或太咸 好食唔油膩👍🏻啤酒Stella Artois $39Overall, 呢間餐廳既味道唔錯，分量岩岩好🫶🏻📍 EXP (九龍塘)九龍塘達之路80號又一城UG樓UG-23號舖📞: 22658298

又一城有不少不同類型的餐廳選擇，但一間比較大眾的，有果汁飲又望到溜冰場的餐廳一定非EXP莫屬。EXP之所以這樣多年也「屹立不倒」絕不有其原因，除了舒適環境外，食物的質素和果汁的選擇也是至勝的關鍵。當天我和朋友選了兩個午餐，分別是： 🐔日式白咖哩炸雞飯炸雞夠鬆脆嫩滑，日本咖哩不會辣，但咖哩味香濃和甘甜，加上炸雞和飯，味道相當不錯。🫙海鮮忌廉湯意粉海鮮有蜆、蝦、帶子、魚等食材，味道不錯，配合忌廉湯令意粉更加入味。最喜歡Exp有多種新鮮果汁選擇，每種配搭都很有心思，顏色又鮮艷，味道又夠fresh，飲完有一種很健康、很開胃醒神的感覺。值得推介ABC 由青蘋果、紅菜頭、甘筍、檸檬🍋攪成。味道酸酸甜甜，又有益。而粉紅蘋果由士多啤梨、紅蘋果、橙攪成鐘意士多啤梨及粉紅色的朋友一定要試

星期日晚，和太太和小孩去了九龍塘EXP 食晚飯。同日又一城冰球場，咁啱有小朋友進行冰球比賽舉行。服務員很細心，詢問了我們要不要座在溜冰場旁邊，以便欣賞球賽。我們選擇了座在溜冰場旁邊座位，令我們可以一邊享受美食，一邊欣賞精彩嘅比賽。是日小朋友看比賽看得很開心，也食得很滿意。兩大人一小孩點了以下食品：1. 蜆肉意粉2. 牛柳蛋包飯3. 牛油果小pizza4. 特飲 - 綠能量5. 特飲 - 香橙烏龍茶份量剛好，味道剛好，適合一家大小。

下午茶時間黎食 好多位 有set 我揀左下午茶set叫左洋甘菊熱茶，有隻冇耳仔既玻璃杯。當我斟左d熱茶落隻玻璃杯個到，我拎起隻玻璃杯既時候，會有d咩感覺？蕃茄意式煙肉迷你簿餅，我見到係即order就製作，一隻手掌咁大，唔香脆，好多芝士，好拉絲，d煙肉唔係死鹹，夠厚有個問題，就係切左少少出黎食，就見到好多水，蕃茄遇熱出水，可能個dough含水量太多，可能烤爐唔適合，搞到簿餅底都濕哂。最後，埋單舉左幾次手，有個女staff，明明見到都扮見唔到，到最後佢同我講話揾人幫我埋單個時都係冇望過我。

🦐大蝦西柚芒果冷蕎麥麵配上水果嘅清涼冷麵清甜開胃，大蝦鮮美，當前菜也可，推介😋👍🏽🐙韓式章魚温泉蛋石鍋飯食物熱辣辣，味道不錯平日晚上等5分鐘已有位，亦可預先喺Gulu App拎籌，餐廳採用手機落單，十分方便📱 部分座位望向溜冰場，食飯時望住啲人溜冰，感覺幾有趣

下午茶之《EXP》今日同女女去左又一城溜冰，溜冰後來個下午茶先，餐廳好多人，門口都要等5-10mins，章魚沙津 $83：非常之多章魚粒，菜好新鮮，個沙津汁幾特別，幾開胃，炸薯條 $42：大大條，脆卜卜，唔會炸到燶同乾，菠菜意式煙肉薄餅 $62：面頭超多芝士，pizza底唔算厚，口感好煙韌，煙肉我就覺得少左d，燈汁燒鴨冷烏冬 $88：呢個冷烏冬個汁我覺得不錯，酸酸甜甜，不過好多燈皮，我家小姐唔太like，整體野食都好好。

好早開始覺得fresh fruit juice, 新鮮pizza, 墨汁帶子意粉 都係我既最愛，但隨住慢慢轉餐牌，墨汁意粉變墨汁+意粉，fruit juice 再唔係即整，上面既toppings 變左一堆泡泡，好多菜PC值都慢慢降低，希望暫時保持到水準既pizza同水牛城雞翼可以keep到。

大蝦牛油果醬薄餅$116食咗幾次大蝦都算大隻 彈牙唔怕霉牛油果醬加千島醬仲有小小蟹籽食成個pizza都唔怕乾韓式雞肉薄餅$112韓式醬夠味但雞肉太乾 唔推薦燒帶子墨魚忌廉汁意粉$112剩係得帶子有啲單調不過好彩意粉好夠味 墨魚汁好濃就咁食都可以軟殼蟹炒意粉$102軟殼蟹另上返到屋企用氣炸鍋焗一焗依然好脆✨炒意粉有加大量紫椰菜同洋蔥加埋燒汁 木魚碎 好有日式炒麵風味😂外賣有8折另外煙鴨胸蟹肉蘆筍炒飯都試過整體味道唔差係雞肉無下次🫡🫡Psizza無得雙拼，係同屋企人一齊share