Espresso Alchemy (美麗華廣場1期)

營業中

休息中

每次黎到尖沙咀都會想黎呢度食野，full meal or have a drink 都好適合！餐廳位於美麗華商場地下果層，座位都算多，同較寧靜，好舒服。煙三文魚沙律沙律菜好新淨！份量好多，尤其是三文魚，平時食過既多數係面有兩三塊，但呢個有五捲，將佢攤開都幾大塊！加上呢款煙三文魚唔太咸，岩晒口味！自家製咖啡燒烤醬雞扒漢堡每次黎都忍唔住食呢個！！佢個BBQ醬好特別，好好味！好香，有少少咖啡既香味，食落甜甜地，唔會太咸，感覺又上有啲蒜蓉既香味。雞扒好大塊，好厚身，啖啖肉！雞扒嫩滑得黎有啲爽口，一啲都唔鞋，所以特別喜歡！！好吸引！啲醬汁充滿住每一部分！不得不提佢個薯角都好出色！佢用左牛油同香草去煎，文同食落都好香，加上外皮脆脆地，好好食！香蒜青醬雞扒長通粉佢個雞扒一如漢堡果個雞甘，好嫩，肉質爽口！！最特別係佢個青醬，係其他地方都少食到，味道好特別，但好夾！一試難忘！雞柳同芝士都好多！最後飲返杯咖啡結尾我叫左伯爵茶咖啡，文落同飲落都有淡淡伯爵茶既香味，唔會太濃，中間夾住咖啡既香味，好味！食物同飲品一齊嗌有88折！抵呀！

好少出街 好掛住all day breakfast 🍳.. all day breakfast 雖然可以喺屋企cook, 但都係出街食先有feel. 呢間經過見到人食緊， 外表幾靚就忍吾住坐底食埋先繼續行。 估唔到除左外表， 樣樣都幾好食。 牛角包🥐又熱又脆... 蛋炒得夠滑。 煙三文魚夠鹹香， 又吾腥。 薯仔炒得香口，仲加咗香草味添。 特別推介嗰件有咖啡味的多士， 味道濃得來好特別， 可以當甜品吃。 連車厘茄都非常之新鮮又甜。 仲有柸earl grey chocolate 奶茶☕️... 吾會過甜， 又香又滑！ 正

美麗華商場入面都有好多高質coffee chop呢間餐廳係地庫 環境好舒服😌自己揾個位坐低再點餐 平時放假傾計relax下都好啱！自己叫咗香蒜青醬雞扒長通粉 $123好好味呀✌🏻青醬多到食完長通粉都可以仲有好多淨每啖長通粉都係啖啖青醬味 好fresh 總係有一種難以抵抗嘅吸引力雞扒份量好多 值得一讚嘅係雞扒煮到好淋😆😆好似慢煮咁 好好味男朋友鐘意食黑松露磨菇意粉 $118意粉上枱已經好香黑松露味🥰🥰黑松露加忌廉 味道creamy 之餘冇飽滯感覺 意粉非常掛汁✌🏻都係推介之一啊！另外叫左一杯抹茶🍵鮮奶同朱古力咖啡☕️咖啡好香 嚟到一定要嘆一杯咖啡！

正當做完運動，想四圍搵下食咩好之制。突然之間比我聽到係電梯後面傳來一陣陣既談話聲，好似好熱鬧咁。好奇上前望下啦，原來有間cafe 係度。 haha.....黎過美麗華咁耐,真係而家先知。我當然即刻衝咗入去，搵個靚位坐低。店舖隱蔽，坐置寬躺。打卡影相位多👍🏻 好啦，放縱時間到。點咗：蟹肉味增扁麵，食到一條都冇剩🤣牛油果多士配鵪鶉蛋配沙律🥗，健康之選👍🏻伯爵茶鮮奶巧克力，夠特別😍加埋個甜品， 咖啡白朱古力西多士。飽曬😋

係肺炎下要同朋友食飯慶祝真係要小心選擇，所以今次我哋揀咗間空氣非常流通，而且位同位之間都有足夠嘅空間，又唔會咁密集，又有outdoor 嘅Cafe開餐 星期一至五晚上惠顧食物再加埋飲品可以享有八八折，咁抵嘅優惠我同朋友當然一人點左一杯熱飲呢杯上面有朵白色嘅花就係牛奶朱古力Regular size，牛奶味濃，朱古力細滑Earl Grey chocolate嘅顏色相對會交淺，因為朱古力又唔可以搶咗伯爵茶嘅味道，所以相對朱古力嘅味道會較淡成餐飯有兩個主菜兩杯飲品再加個甜品都只係三百幾蚊，又唔使+1，非常抵食

行完donki食夠就腳今日同朋友一齊去donki行街，行咗成幾個鐘，好攰想搵個地方近近地食嘢。發現有間幾靚嘅Cafe，而且啲位都好似幾好楚，所以我哋就揀咗呢間試吓。我哋一人叫咗一樣嘢食加嘢飲，俾錢果下先知道原來夜晚仲做緊promotion，一樣嘢食加一杯嘢飲有八八折。頭盤我哋叫咗個煙三文魚沙律，都幾有心機，煙三文魚卷成花花，而且唔係死咸嗰種煙三文魚，感覺都幾厚身。我哋叫咗個蟹肉味增闊條麵我幾鍾意啲闊條麵煮得啱啱好，唔會太淋或太硬。而且都幾香，面頭仲有啲芝士！我哋另外仲叫咗一款大蝦茄汁意粉，估唔到咁嘅價錢會有三大隻大蝦！而且擺盤都幾靚，都算幾抵食下。最後我哋仲叫咗個甜品，黑白咖啡多士，好快就俾我哋消滅左，唔會係好Heavy嗰種多士，有咖啡味，加埋側邊少少藍莓醬，感覺幾新奇。總括嚟講呢間野喺Donki附近都算幾抵食，下次要試埋佢嘅咖啡，可惜今日係夜晚唔飲啦。

係尖沙咀行逛無意中發現嘅cafe位於美麗華廣場B1 位置比較隱蔽 所以變相好清靜 環境亦都幾靚幾舒服 👍🏻 當日去左食晚飯 餐牌選擇唔算好多 但勝在每個category都有齊 岩哂我呢啲選擇困難症嘅人由於好多都好吸引 嗌嗌下 兩個人都食左唔少🤣-🔸Flat white (Large) $42🔸超驚喜 原來一個main再加一杯野飲 個一個套餐人有88折 即刻覺得抵左好多😎-🔸香蒜青醬雞扒長通粉 $123🔸🔸蟹肉味增扁面 $123🔸兩個意粉嘅醬汁都幾creamy! 唔會話好濃味 好適合啲唔鍾意咁重口味嘅人👍🏻雞扒嘅份量都幾多 一碟入面都有7、8舊兩碟意粉食完都唔會有罪惡感😂-🔸煙三文魚沙律 $78🔸佢地將煙三文魚捲成花嘅形狀 幾有心思♥️醬汁酸尾尾 幾開胃✔️-🔸Tiramisu $49🔸食完主食仲叫左個甜品 tiramisu嘅重點係個cream! 幾軟滑同埋好香 係呢餐飯嘅一個good ending 😋

I ordered a cup of coffee, a signature coffee sandwichdessert, and a salad. The salad is quite special with fig and a nice dressing. Thesignature coffee sandwich is always the best! I have tried it severaltimes. The coffee paste smells very good but not too sweet! Toast is very crispywith 4 portions of sandwiches. Must go when I need to work a bit out of the office!

餐廳：Espresso Alchemy (尖沙咀)地址：尖沙咀彌敦道132號美麗華商場B1層B116號舖依家大學轉左做網上上堂之後成日都要搵一個有穩定網絡嘅地方安安靜靜咁上堂💻，cafe不失為一個好地方，可以一邊嘆住咖啡之餘又可以有Wi-Fi供應👻，若果唔係坐滿客仲唔會趕你走一個平日嘅下晝去左尖沙咀美麗華嘅Espresso Alchemy食飯之餘順便上埋online lecture👩‍🏫，叫左個素菜茄醬闊面麵lunch set，有個餐湯送，仲可以揀一杯regular size嘅espresso-based coffee☕️，我就揀左個cafe mochaMocha嘅拉花好靚，幫我係上online lecture果陣提足精神😎，唔講唔知原來Espresso Alchemy其中一個店主仲係香港少數有專業認可嘅杯測師👨🏻‍🍳，為唔同嘅咖啡豆進行評級，相信對於餐廳嘅咖啡都有一定要求，真係唔試唔得

在附近逛完街有點口乾想食點東西 就想起這咖啡廳😆這次去到的時間已經有幾枱了 幸好還有充電位置的枱可以讓靜靜的手機加油一下 看餐牌發現有自家製蛋糕所以就來兩件吃一下素質如何 再來多兩杯飲品休息😝·熱泡沫咖啡 | 熱鮮奶朱古力 HKD$41 兩杯飲品也有美美的心形拉花 真的很吸引打卡不錯耶~咖啡味道香濃很喜歡飲😍 朱古力味道香濃又飽肚飲品這家咖啡廳的咖啡靜靜很喜歡飲🤩 已經飲過好幾次❤·自家製蛋糕 HKD$28 這天的蛋糕有香蕉味和藍莓味道選擇 我們各點了一件跟蛋糕可以選擇牛油/蜜糖拌吃 喜歡甜食/咸食也可選擇兩者比較之下🤔 靜靜喜歡香蕉味多一點 因為很香濃🤤但兩款蛋糕口感鬆軟挻不錯 店員會幫忙加熱的🙂

同朋友行美麗華商場.有啲肚餓但係唔知食咩好見到呢間之前已經試過佢哋嘅咖啡覺得幾好飲.但係未試過主食.所以今次就試吓!.食物方面:⚪️煙三文魚沙律又5朵好靚嘅煙三文魚花.煙三文魚同沙律菜都好新鮮.配黑醋好開胃⚪️蟹肉味噌扁麵上碟見到好多蟹肉.但係味道偏淡.味噌味吾夠.比較乾.不過不失⚪️香茅奶油汁煎魚魚煎得好香口.魚肉都算大件.加埋炒過嘅配菜.加埋奶油汁幾好食⚪️咖啡白朱古力西多士喺多士入邊加咗咖啡白朱古力醬.外貌都幾靚.多士好香脆唔會太乾都幾香咖啡朱古力味👍🏻⚪️意式芝士餅杯底有浸滿左酒嘅餅乾底.好濃郁.一齊食成杯口感好好飲品點左兩杯⚪️宇治抹茶鮮奶⚪️白咖啡味道正正常常.咖啡比較香濃建議飲咖啡整體方面:裝修有特色.影相打卡都好適合.唔單止甜品同飲品好.前菜同主食都唔錯.行到攰去美麗華飲杯咖啡食件餅都係一個唔錯嘅選擇.價錢合理.款式都幾多!

尖沙咀係旺區到，到處人頭湧湧， 朋友介紹呢間cafe 地方寧靜可以 chill下傾下偈，一邊品嚐咖啡美食。同其他咖啡店一樣，先付款點餐後送餐， 剛巧餐廳做緊優惠，套餐主菜加飲品有88折，又確係幾抵！蟹肉味噌扁麵條蟹肉絲 鮮甜爽口 混合味噌 稠口杰身 咸道適中 伴上面闊條麵， 面條煙韌有嚼勁， 都幾有飽足感!雞柳漢堡配自家製咖啡燒烤醬擺盤賣相精緻啱曬打卡， 分量都幾大下 一個人可能食唔曬! 漢堡包軟熟鬆化，雞柳燒烤焦香，鮮甜嫩滑多汁， 獨特之處是自家製咖啡燒烤醬 ，酸甜惹味帶有咖啡味道！伯爵茶鮮奶巧克力拉花做得非常靚，鮮奶泡沫柔軟幼滑，伯爵茶混合朱古力，估唔到出嚟效果又幾好，搽底厚好突出味道濃沃!意式芝士餅用冰凍玻璃杯盛載 冰涼感覺 上面鋪滿 可可粉 中層係滑芝士 和餅蛋糕 食到最底有烈酒，酒味都幾強烈下!

呢間啲咖啡真係好好飲😋今次叫咗凍摩卡，唔會太淡；而且咖啡味香濃，帶點朱古力味。另外叫咗牛奶朱古力，奶味相對地重，幾Creamy好飲！呢度有好多唔同嘅意粉、沙律、蛋糕等，我哋叫左黑松露意粉幾香，而且意粉調味剛剛好，有少少橄欖油，仲有好多雜菇。另外，再叫咗雞肉漢堡。漢堡包都幾大個，兩個人share食就剛剛好。漢堡包嘅醬汁好特別，幾惹味！漢堡包有生菜、蕃茄、洋蔥等等。另外配菜係薯仔，份量都好多。餐廳幾悠閒，適合慢慢食，慢慢坐。

今日逛街行美麗華商場，攰攰哋有啲肚餓去咗地庫嘅 Espresso Alchemy，地方自成一角，環境寧靜唔錯 適合傾計閒聚餐廳出名係Espresso咖啡、朱古力飲料，亦有健康沙律、輕食、fusion西式主菜和甜品。Iced mint chocolate朱古力飲得多加薄荷第一次，口感唔錯，幾清涼有Refresh感覺，令朱古力味更突出。Earl grey chocolate伯爵茶鮮奶巧克力，好重可可濃郁味道 ，然後係伯爵茶，醇厚餘韻回甘嘅感覺，需要細意品嚐!精選全日早餐有滑蛋、香草腸、煙三文魚、牛油果蓉、多士和牛角包，真係幾豐富。佢嘅特色係多士塗上自製咖啡朱古力醬，甘甜脆口，咖啡控至愛。牛油果係superfood，女士養顏佳品，打成果蓉可塗麵包或就咁食，方便細心！香蒜青醬雞扒長通粉雞扒為雞胸部分，健康無脂肪，大件淡啖肉! 加蒜蓉青炒香做醬汁，蒜蓉味香氣撲鼻，每條長通粉都沾滿醬汁精華，十分滋味！

放底小朋友，晚飯約左個妹去食下嘢、行下！行到尖沙咀美麗華揾到間幾好嘅餐廳向地下嗰層「Espresso Alchemy」，環境幾有格調！.行街行到好攰，我哋一坐底即叫左嘢飲先。我叫左杯Iced Cappuccino,妹叫左杯Iced Cafe Mocha，2杯都好味😋咖啡味濃，唔會澀味！.之後睇下menu，事關行街前向街食左小食唔太肚飯嘅關係，我哋㨂左輕量嘅Cheeky (Pork)Hash & Egg,唔好以為平平淡淡嘅炒蛋加炸豬肉粒配多士薯仔。其實佢炸嘅肉豬脆得黎好香口架，有得臘腸feel😁好正！配上炒蛋放向多士上食，真係好野味！.仲有叫埋個意粉🍝免得轉頭肚餓-Spaghetti with Tiger Prawns & Asparagus in Spicy Tomato Sauce個意粉都不錯，唔算辣，唔知係咪食左個重味嘅炸豬粒，顯得個意粉淡味咗啲！不過整體都唔錯，又坐得舒服！咁就嘆左個晚餐番去做🦄盧仔🤣🤣