影片
港鐵佐敦站 B1 出口, 步行約3分鐘
繼續閱讀
電話號碼
91717811
營業時間
今日營業
14:30 - 00:30
星期一至日
14:30 - 00:30
以上資料只供參考, 請與餐廳確認詳情
在油麻地電影中心看電影後，通常想找個地方，與朋友吃點東西，分享電影細節。最近在佐敦找到一個好地方—— Doux，品嚐了令人難以忘懷的甜點榴槤燉椰皇與法式焦糖燉蛋配乳酪雪糕，甜品全自家精心製作，絕不是外購預製食品，為味蕾帶來一場絕妙饗宴。首先，我們試的是榴槤燉椰皇。用上原個椰子殼裝著綿密的榴槤蓉和奶凍，散發出誘人香氣。第一口榴槤便將我帶入榴槤天堂，跟接每口都能品味到榴槤的鮮甜與椰漿的滑順，榴槤的香氣與濃郁的椰香完美融合，令人陶醉。榴槤肉夠滑夠香口，仲有絲絲果肉！接下來，我們又品嚐了法式焦糖燉蛋配乳酪雪糕。這道甜品以一個特色載盤送到客人跟前，首先以其出色的外觀吸引了我的目光，加上蛋燉得剛好，口感極為綿密細膩，配上焦糖糖衣，糖衣在口中化開，釋放出層層綿密的焦糖香氣，與蛋的滑順口感完美結合。乳酪雪糕的微酸感與燉蛋的香甜形成了一種絕妙的平衡，令人驚艷。榴槤燉椰皇與法式焦糖燉蛋配乳酪雪糕令人驚艷，呈現出豐富的口感和層次，每一口都讓人陶醉其中，Doux的甜品絕對叫人值得一試！doux (佐敦)地址：佐敦白加士街62號鴻運大廈地下K號舖
繼續閱讀
前排見網上都幾多人討論呢間甜品店，今日咁岩經開就過嚟試吓係咪真係咁正先🥰餐廳位於佐敦白加士街，都幾方便易搵，而且門口有個好有feel嘅情侶心型坐位😍好岩情侶過嚟打卡👍入到去地方唔算好大，但係尚算坐得舒適，仲有好多好可愛嘅太空人，加上店舖以黑色為主色調，令人有置身宇宙嘅感覺😈至於Menu,佢哋選擇都幾多，一時之間我都唔知點揀好😜最後揀左我最愛嘅果王，摇摇貓仙草榴槤芋圓同鮮奶雪燕燉桃膠😍menu多到絕對可以再回訪😍摇摇貓仙草榴槤芋圓搖搖貓超級cute🤩搖搖下好得意呀，真係唔忍心食佢🤣榴槤好正，啖啖肉，超香超綿滑👍加埋滑捋捋嘅仙草同煙煙韌韌嘅芋圓，仲有小丸子、紅豆蓉，口感豐富，超級滿足😍鮮奶雪燕燉桃膠奶白奶白嘅鮮奶，加埋雪燕燉桃膠，真係女人嘅恩物，非常飬顏🥰🥰仲有日式小食，好窩心😊😊📍doux (佐敦)佐敦白加士街62號鴻運大廈地下K號舖#甜品 #高質甜品 #甜品店推介 #佐敦甜品 #必食甜品 #yummy #sweet #佐敦 #情侶打卡 #環境舒適 #超高質 #糖水 #中式糖水 #西式糖水 #fusion #foodie #relax #love
繼續閱讀
係佐敦食飽飽晚飯，附近周圍行吓，見到有間新開張既甜品店🤤有我最愛既燉椰皇鮮奶，即刻心心眼😻😻一於拉埋個朋友入去試吓先🤟🏻🔹榴槤丸子燉椰皇登場方式仙氣十足，好吸晴💡超足料榴槤肉口感綿密無比，芳香濃郁帶點甘甜味，肉厚又飽滿🤪配以好有咬口、煙韌又軟糯既小丸子，底部仲有燉椰皇鮮奶，香濃幼滑，夾雜淡淡椰香味💁🏻♀️🔹鮮奶桃膠雪燕燉椰皇秋冬天氣最適合食滋補甜品，呢款鮮奶桃膠雪燕燉椰皇就岩哂我🥰同樣以仙氣十足方式登場，即刻影相打卡📸面部鋪滿桃膠及雪燕，份量超多超澎湃✨桃膠軟滑清香、雪燕一梳梳都幾有口感，底有椰皇燉鮮奶，清甜香滑，滋補養顏一流💌doux✨📍佐敦白加士街62號鴻運大廈地下K號舖
繼續閱讀
今日一家人喺佐敦行街街，之後經過呢間甜品店見到好吸引就去試吓，果然冇令我失望！舖頭喺佐敦地鐵站一出行大約兩至3分鐘，之後喺白加士街嘅街頭位就會見到呢入到去舖頭嘅感覺好似去咗個迷你太空咁，有好多小吊飾好似太空人啊其他星球啊🌎好可愛！榴連飄香好濃郁嘅榴槤西米露，加上一大球榴槤雪糕，榴槤嘅味道齒頰留香，非常好味Tiramisu很有特色嘅一個甜品，雪糕仲可以揀味道，雪糕：曲奇/抹茶/士多啤梨/榴槤/芒果/牛奶/咖啡/朱克力我專登揀返咖啡味襯返！Tiramisu下面放著乾冰飄著一陣陣煙隆重登場，很有仙氣味道同我喺五星級酒店食嘅亦都係一樣，甚至味道仲好！手指餅浸住一啲酒加上cream cheese咖啡粉，食完一啖又一啖！配埋雪糕簡直100分士多啤梨酥皮拿破崙配雪糕＄79Strawberries Mille Feuille Napoleon with Ice-Cream超級香脆嘅拿破崙酥皮，包住一啲士多啤梨果肉同埋士多啤梨jam，酸酸甜甜又配吓雪糕...簡直食到停唔到口！拿破崙有兩大件，一大班朋友share就最開心
繼續閱讀
係尖沙咀食完韓國嘢😆之後同老公行咗去佐敦，經過見到呢間『甜公館』有得食椰皇，所以入咗去試吓😋老公叫咗楊枝甘露丸子椰皇🥥賣相好靚，仲有煙霧效果😍芒果好甜🥭椰汁蛋白好滑🥥椰汁蛋白加楊枝甘露一齊食超好食👍🏻丸子好煙韌☺️我叫咗榴槤椰皇🥰榴槤肉勁多，仲好甜，椰汁蛋白都好好味😋整個甜品，甜度啱啱好，唔會好甜👍🏻2個椰皇都好大個😍呢度用咗啲星球和太空人做裝飾，座位都好舒適，重點係冷氣夠凍，甜品好食😋賣相好靚😍推介大家嚟食💖
繼續閱讀
您可能會有興趣的...