影片
營業時間
今日營業
15:00 - 00:00
星期一至日
15:00 - 00:00
以上資料只供參考, 請與餐廳確認詳情
行咗入嚟睇OpenRice先知中伏，超級多差評，硬着頭皮叫咗兩個甜品，普通到冇得再普通，價錢仲要偏貴😅 坐低唔夠5秒鐘就問我哋食咩，期間係問咗三次， Menu都未睇就一直喺催🙂↔️芒芒燉椰皇 $74呢個椰皇比起平時見嘅偏貴，一嚟到係出晒煙，可能貴咗嘅錢真係打卡影相。太多芒果汁非常酸甜，芒果粒粒唔算好多，燉奶有椰汁嘅香味，不過比較偏甜，你話差唔多$70食真係唔值得，食完唔夠5秒就會催你埋單，過程食咗15分鐘就要急急腳走人，食得咁辛苦😓推薦指數: 0/10不可一不可再以後見到呢個名都唔會行入去，唔怪得OpenRice有咁多差評嘅。
繼續閱讀
❌❌好差，唔會再幫襯1.圖文不符我地嗌左日式「大盛」抹茶蒙布朗，但實際上成個甜品得半個手掌咁細，仲要係用紙碗（嗰底再窄）裝住成個甜品，再擺係細碗入面，勁細碗，嗰餐牌呃人。2.員工態度差我地坐底無5分鐘個店員已經催我地嗌野食，之後我地嗌左個「大盛」甜品，已經同店員講另外幾個我地想再諗下，佢話佢驚我地4個人淨係食一個甜品，係咁催我地嗌野食，又話我地4個人嗌得一份，叫我地起碼要嗌3個，但佢嗰餐牌無寫有最低消費。
繼續閱讀
人生第一次食到咁難食嘅甜品，食到懷疑人生，嗌咗個椰皇燉蛋白，甜品完全冇椰皇味以及甜味，個蛋白好似蜂巢咁一啲都唔滑，口感似老豆腐，然後朋友嗌咗個椰奶紫米露，超級無敵甜，完全食唔落，搵錢買難受！真係超級無敵難食！好好好好好好難食
繼續閱讀
先寫總結：好適合介紹仇家黎食成個環境好窄好嘈，好似工地施工現場咁～店員仲要行來行去唔小心撞左我N 次（唔怪得佢，因為間鋪真心幾逼下🫨🫨🫨），同啲friends逼埋坐，逼到食食下差啲唔記得咗呼吸。甜品賣相唔差，味道如下：1.椰皇燉牛乳：似溶左既蠟燭水2.榴蓮椰皇凍：似三日冇洗嘅抹布鋪左層洗潔精3.焦糖燉奶：最正常，但超細份，唔值呢個價D店員工作壓力應該幾大下，甜品上左一陣，未食完就好急收野，又突然同我地講話限時食30分鐘，話舖租好貴，要10萬蚊個月，食既過程不停用眼神臉色明示暗示你快d走，oh 左嘴🤣
繼續閱讀
難食到不知所謂，想挑戰人性極限嘅可以試吓🤬碗碗糖水完全唔甜啲人態度又唔好，同佢講個咖啡苦到飛起，想要糖水或者焦糖醬，問我個咖啡係咪好濃郁🙄濃唔濃郁我唔知，我淨係知道苦過廿四味點知糖水上到嚟完全係好似白開水一樣🫠知唔知咩叫糖水？食糖水食到一肚氣都係第一次未試過椰皇入邊嘅燉蛋白（我都唔知到底係咪燉蛋白）係鹹嘅，因為喺個蛋白度可以食到椰水味但係又鹹又甜真係完全唔知自己食緊啲乜最垃圾係個雪花冰，未見過人將啲配料擺喺碗底😤
繼續閱讀
您可能會有興趣的...