影片
港鐵柯士甸站 A 出口, 步行約4分鐘
繼續閱讀
電話號碼
23882240
營業時間
今日營業
全日休息
星期一至二
17:30 - 02:00
星期三
全日休息
星期四至日
17:30 - 02:00
以上資料只供參考, 請與餐廳確認詳情
相關文章
跟朋友久違的約食宵夜 ， 近番公司就簡左柯士甸道既「糖水檔1987」食下宵夜。 餐廳唔算好大，但勝在夠地道🙂↕️店員超有禮貌☺️餐廳除左甜品糖水外，都有啲小食、套餐簡， 夜左食飯都可以叫啲麵黎食醫肚！ 🍽️ 脆皮燒賣 （$26） ： 一份8粒，岩哂我依個燒賣控。食落去表面脆卜卜， 口感唔錯😌🍽️ 香脆餃子配甜酸醬（$26） ： 可以揀八隻或者四隻，我哋兩個人唔係食到好多嘢就揀咗四隻。 餃子皮勁香脆，點埋甜酸醬成件事好開胃🤤！🥣 椰汁丸圓（$45） ： 椰汁西米露加上芋圓同小丸子， 好香椰汁味又有咬感🤤小丸子同芋圓好煙靭😈🥣 芒果大滿足（$56） ： 一個甜品滿足晒所有願望🥴 當選擇困難症嘅人好想食唔同配料，但又貪心嘅時候呢個甜品就啱晒🫣 有齊芒果、芋圓、仙草、椰果、小丸子等配料，之後自己依照愛好份量倒入牛奶， 超級無敵邪惡😈😈 🥣 擂沙湯圓（$29）：芝麻湯圓配上自家配制的黃豆粉， 口感軟糯糯，好好味😋 我地簡左6粒， 都可以簡4粒架
繼續閱讀
嗰日去西九影完日落，行咗過嚟呢度買外賣。雖然店小小，入面有3張枱左右，但係餐牌上有好多嘢食，我估有60-70款糖水及小食，真係包羅萬有！˚✧₊⁎ 糖水 ⁎⁺˳✧༚ 🤍🫅 白馬王子(HK$56/凍)· 是雪耳桃膠腐竹糖水配燉蛋白，呢個組合新穎又養生！· 一大舊雪耳、勁多桃膠，好足料，腐竹糖水非常香濃、清甜，燉蛋白滑溜滿蛋香🥭🥚 椰汁芒果爆珠西米燉蛋白(HK$56/凍)· 真係爆多料的組合，有甜蜜的芒果粒、清甜椰汁西米露、爽脆多汁的爆珠珠、仲有滑溜滿蛋香的燉蛋白！🩶👸 灰姑娘(HK$39/凍)· 黑麻麻嘅生磨芝麻糊配白雪雪嘅燉蛋白的組合· 芝麻糊是非常滑溜，味道香濃、甜而不膩，原來配搭燉蛋白都夾得好好👍🏼˚✧₊⁎ 小食 ⁎⁺˳✧༚ *🥩 鹽燒牛粒 (HK$36/1份7粒)· 牛肉軟嫩、多汁，一口大小· 建議趁熱食，凍咗會有啲韌喔！🍢 XO醬炒燒賣（HK$32/1份6粒)· 燒賣炒得香辣美味，切半令燒賣入味啲· 伴有好多鮮甜多汁的芽菜
繼續閱讀
今日中同聚會，原來其中一人係八文樓嘅舊街坊，佢話講起呢度，特別記得一間糖水舖，由細食到大，好想回味，於是由佢帶路嚟到呢度。行到舖頭門口，佢話似乎唔係自己食開果間，但又有d似曾相識嘅感覺，由於明天大家都要返工，所以不想再花時間去搵，決定就喺度食。脆皮燒賣(8粒) $26炸得火喉啱啱好，外皮微脆、唔硬，口感非常好。如果灑面調味嘅椒鹽再多一點，就更惹味了。XO醬炒麵 $35.00又係香口嘢。炒麵熱辣辣上枱，顏色非常深，應該落左唔少老抽去上色，而且味道極濃郁。芒芒丸圓(凍) $49餐牌聲稱係用呂宋芒製成，所以芒果食落唔酸，而且有啖啖香味。芋圓係我最愛，入口非常煙韌軟糯；小丸子同樣有嚼勁；配搭楊枝甘露同食，非常有驚喜，呢個值得大推。桃膠木瓜雪耳(凍) $38另一款滋潤糖水，大愛晶瑩剔透嘅桃膠；木瓜又夠甜，每一啖入口都感覺到在被滋潤著。炸三色小芋圓 配煉奶(25 粒) $29餐牌寫三色芋㘣，手機下單卻寫雙色，上枱還是有三色的😁。作為芋圓控嘅我，都係第一次食炸芋圓，我覺得芋圓始終都係凍食才會夠煙韌彈牙，不過呢個另類烹調，配上煉奶同食，口感同味道都屬合格以上嘅分數。後記，中同覺得有似層相識嘅感覺，原來因為呢間舖真係佢食開果間舖頭，只係因為前老闆腳患而將小店，以及所有煮糖水嘅秘技傳左俾熟客接手經營，新老闆為尊重及傳承前老闆，故繼續沿用舊舖名字“糖水檔”，並加上舊舖嘅創業年份1987。點解我會知？餐牌有寫㗎嘛!😂
繼續閱讀
深夜口痕，想食甜品又想食啲鹹香野，好彩遇到呢間小店，小食糖水一應俱全，唔使轉場就可以鹹甜都食晒，一站式食飽飽，可以拍拍囉柚返屋企大覺瞓～🌖119. 香辣椒鹽雞球 $29一份四件炸雞球，外層香脆而入面仲保留咗好多肉汁，香口惹味，十分推介👍🏻。🌗411. 燒汁蒜香牛粒 $37一份有七粒牛肉，肉質較韌，不過肉汁都幾多。🌖403. XO醬炒燒賣（6粒）$32燒賣係魚肉燒賣，質感煙韌，唔會太重麵粉感覺；燒賣全部開半，令更多XO醬可以包裹喺燒賣表面，叫咗加辣都唔算好辣；燒賣以外仲有大量芽菜，食落清新爽脆，今宵夜嘅罪惡感減半😛。🌖626H 白雪女皇（熱）$49白雪女皇實質係腐竹桃膠糖水配燉蛋白，蛋白滑溜，甜度適中；腐竹煲到完全化開，不見一點腐竹嘅痕跡；桃膠份量都唔少，滋補養顏，啱曬女皇🤭。另外+$12 加咗兩粒芝麻湯圓，單價較貴，好在芝麻餡尚算重芝麻味，而且流心唔係實的的，質素可以接受。🌖645 芒果王子（凍） $56芒果王子即係啲楊支甘露+椰果+蘆薈+桃膠，另外再+$9 得到一份份量超多嘅芒果爆珠，實行口質大爆發！味道方面，楊支甘露唔會太甜，芒果都幾香濃，唯一不建議加爆珠，因為味道太甜，蓋過糖水嘅味道。-#soso_foodie2025 #soso_hk2025#soso_50元以下 #soso_50至100元 #soso_100至200元 #佐敦 #渡船角 #糖水 #楊支甘露 #燉蛋白想睇同區食店介紹？可以參考👇🏻👇🏻#soso_九龍 #soso_佐敦 想睇同類食物介紹？可以參考👇🏻👇🏻#soso_港式 #soso_中式 #soso_小食 #soso_甜品
繼續閱讀
宵夜唔知食咩好？今次就介紹一間位於佐敦嘅宵夜聖地比大家！佢就係「糖水檔1987」啦！佢地除左糖水之外，仲有各種唔同嘅炸物同小食，就連炒麵都有呀！啱曬宵夜唔想齋食糖水嘅你呀！我地今次都食咗唔少嘢！🍧桃膠木瓜雪耳$38- 雪耳滑嫩，桃膠Q彈，整體口感清甜！🥭芒果女皇$49(楊枝甘露+芒果爆珠+蘆薈)- 甜度恰到好處，加上芒果爆珠同蘆薈，令口感更豐富，簡直係夏季必試嘅甜品呀！🥘XO醬炒腸粉$33- 鋪頭特製XO醬，色澤吸引，香氣撲鼻，腸粉口感順滑！🍗香辣椒鹽雞球$29- 外酥內嫩，鮮嫩多汁，加上淡淡香辣椒鹽味，忍唔住一啖又一啖！🧂香辣椒鹽豆腐$27- 豆腐外酥內滑，食落非常驚喜！想體驗各種唔同宵夜嘅朋友一定要黎試下！一黎齊支持傳統港式口味啦！
繼續閱讀