Diamond Blue

營業中

休息中

#石門 #diamondblue AGAIN! 今次試#冬蔭功海鮮意粉 同埋#波菜三文魚意粉#冬蔭功 味好出，又夠辣，好搶口👍海鮮又好多，青口，魷魚，蟹柳，仲有炸魚柳都好多，半邊碗都係🤤意粉就一般#凍檸茶 個茶底係平時西餐廳嘅茶底，英國紅茶味，淡淡地佢地分量唔算多，但係一定食得飽，價錢又唔算貴，高cp值🤩味道: 8/10味精: 6/10價錢: 7/10環境: 8/10服務: 8/10

中午時間，大部分京瑞餐廳都排晒隊。但呢間少人啲，仲有位子！就同男朋友試下！點知就中晒伏！！！啲食物份量好細碟！兩三啖就食完！根本完全唔飽！！！好似食前菜！但成40幾50蚊一份，飲品仲要另外叫半價！仲要加一！！！！！！ ？ 完全唔值！！！！🔥🔥我叫左個黑松露蒜香意粉，男朋友叫左燴飯。另叫個沙律！全部都👎🏻👎🏻👎🏻食物味道啖，燴飯好似稀粥！🤮沙律仲勁！無特登叫配料！但你都唔係$28，比個淨菜我？仲要唔新鮮！！！只至一次！不會再去！！

兩口子去食個晏, 叫左一個西班牙海鮮焗飯, 一個牛柳粒焗意粉, 一杯咖啡, 一杯蜜桃綠茶。落單時, 位小姐嘅態度好唔耐煩。好似未㨂好就咪落單咁...食物來了, 首先個份量好細, 唔係好食得飽... 五十幾蚊個喎....西班牙海鮮飯基本上係南瓜汁同鹹味蓋曬。兩舊青口, 蟹柳, 小小魷魚。焗牛柳意粉個汁太多, 呀太話好鹹...意粉目測太淋, 煮過龍, 無口感, 一個字爛...咖啡好一般, 加啡機出味, 冰茶甜, 收151真係好唔值... 無下次埋單151蚊。

石門好食嘅西餐其實唔多，同埋普遍都比較貴，依家價錢我覺得已經算比較平。肉醬千層麵 $59$59食一個肉醬千層麵真係唔貴，不過我覺得佢份量比較適合女仔，如果男仔食未必夠飽。佢肉醬比較碎，醬汁味都幾濃郁，肉醬同埋千層麵嘅比例啱啱好。忌廉粟米汁魚柳焗意粉 $49佢價錢好似平，但味道就普通啦。佢醬汁好浠，而且味道偏淡，撈埋意粉一齊食真係唔係好足夠。魚柳都有幾大片，但係有啲說雪味，有少少失望。不過我都希望再比次機會佢，始終佢價錢比起石門其他西餐唔算貴，而且環境都唔錯。

門面好靚，但係食物好差，第一次幫襯，亦都係最後一次黑松露忌廉焗意粉，好水，無味，份量又細，女士食都嫌唔夠😨。仲要係$44加一，飲品仲要半價。而我同事食燴飯，$59加一份量少之餘仲要好咸🙈 加埋飲品要$74.8

喺石門真係有好多種類嘅餐廳，不過西餐相對來講比較少。開咗幾個月嘅Diamond Blue一路都冇試過，因為睇裝修以為唔會太平，今日經過望吓個Menu咦好抵喎，就試吓食個lunch。辣香腸肉醬意大利粉 （$48）即叫即焗，上到枱非常熱辣辣。肉醬分量剛剛好，唔會浸死左個面。肉醬味道不錯，唔會太鹹亦唔會過分多嘅芝士，我覺得好食！面嘅咬口正常啦，不過不失，呢個價錢算抵！黑松露雜菌Pizza ($48)一人份量剛剛好。黑松露嘅份量絕對唔少，唔會將貨就價，抵讚。菇類都好入味，餅底食得出係自家製，唔會太厚，不過就冇乜特別。黑咖啡（跟餐加$9）有啲驚喜，因為係即磨咖啡，單叫都只係$18 ，我叫個意粉仲可以用半價跟餐。咖啡味非常濃郁，亦都夠香，不過帶點苦澀味，對我來講係OK嘅，不過如果唔太喜歡咖啡嘅人可能會覺得太苦。

其實一開始冇乜期望🤣純粹因為本身想食個間6點收又咁啱見到試吓估唔到其實都不錯！-「Diamond Blue」-肉醬千層麵🍝圓形嘅賣相好可愛🤣睇圖4可以睇得出好多芝士係入面上菜嘅時候仲係熱辣辣～不過不失咁啦-牛柳粒黑松露燴飯🍚 $59以呢個價錢嚟講真心幾驚喜！啲飯唔會大生太硬或者太軟不過想佢改善嘅位可能係啲牛柳太少🤣🤣 得4舊咋🤧好彩個四舊牛柳個size都叫做可以接受🤣-🔖設有加一服務費

噚日(16-4-2021 Fri)朝因為出咗去,於是唔帶飯,就約女同事NT同PL食晏,原本想去Supine (https://www.openrice.com/zh/hongkong/r-supine-%E6%B2%99%E7%94%B0-%E8%A5%BF%E5%BC%8F-%E6%BC%A2%E5%A0%A1%E5%8C%85-r624239),但full晒同要等成個鐘,咁唯有搵第二間,但間間都多人,嚟到呢間詔有位,原來佢有兩個舖位.我早餐食得好飽,睇吓menu,好彩有小食,咁我就要$28.00嘅黑松露薯蓉,NT同PL分別要$68.00嘅墨西哥薄餅卷,要牛肉同$44.00嘅黑松露忌廉汁野菌雜菜意粉,佢哋都唔飲嘢,咁我就用咗佢哋quota,以半價$12.50要凍芒果綠茶.芒果綠茶味道啱啱好舒服又順滑,不過唔太凍,都好嘅,唔好飲咁多凍嘢,同其實我開頭都想飲熱嘢,但呢個冇熱.味道: 3分之後佢嘅嘢食都到嚟喇,佢哋一食都讚好食.而我嗰個等好耐至到,薯蓉整到3個球狀,感覺似雪糕,食落,味道清淡,淡到唔覺有黑松露味,而佢嘅口感係幼滑嘅.味道: 2.8分呢篇食評嘅味道分唔計同事嘅.抵食係2.5分

之前經過石門，都想試試這間餐廳，今天終於有機會。進入餐廳坐枱位置尚算寬敞、環境亦很整潔。店員帶我們到餐廳另一店舖的位置。人少少，岩晒喜歡寧靜的我們！今天選了以下食物：1. 香草茄蓉煮青口➡️ 茄蓉令青口變得更好味！2. 脆炸巨型雞鎚➡️ 熱辣辣，皮很脆，只係嫌味道不夠！3. 脆炸日本芝士年糕➡️ 芝士味濃，年糕香滑煙韌，但不是自家製。4. 巴馬火腿Pizza➡️ Pizza底做得合我心意，而且不會太大件。5. 泰式冬陰公海鮮湯➡️有點辣，可惜不夠正宗！二人堂食，最後結帳都只係195元，抵食！

#石門 #diamondblue AGAIN! 今次試#太極黑椒汁牛柳粒焗意粉 我承認係俾佢個名吸引咗諗緊佢會點太極法，會唔會畫個太極出黎，原來只係楚河漢界😅 我諗多咗味道方面，食唔出白胡椒味，俾深嗰邊嘅#黑胡椒 搶哂啲味，所以個sauce一般般，不過都creamy嘅面頭嘅芝士好香，同都會拉到芝，應該落咗好芝士，滲到意粉入面，溶埋，最後拉到芝士絲#牛柳粒 唔會靭，紅紅地，又夠熟，牛味充足#意粉 就普普通通，同上次一樣，略腍味道: 8/10味精: 6/10價錢: 8/10環境: 8/10服務: 8/10#vinainshekmun #vinafood #hkfood #hkcafe #spaghetti #bakedpastawithbeefcubesinblackamdwhitepeppersauce #bakedspaghetti #意粉 #焗意 #黑椒汁 #拉芝 #blackandwhitepeppersauce #foodporn #foodie #hkfoodie #f4follow #f4f #likesforlike #l4l #l4likes

石門 diamondblue 估唔到咁好食，每樣野食都好好味廚師好有料#煙肉野菌忌廉汁意粉 超級creamy, 又夠咸，入口即刻覺得好正，係個意粉略腍，分量唔算少，以49蚊黎講#夏威夷pizza 菠蘿夠多，火腿，芝士茄醬同厚Pizza啱啱好夾到，唔會太多，唔會太少，正係啲椰菜鋪係面，唔知做啫，但唔影響味道第三碟個樣好奇怪呢，其實係#肉醬千層麵 好好食，肉醬夠creamy，同埋應該有加薯仔，南瓜，中和咗蕃茄嘅酸，又增添厚實感，令肉醬唔會稀，中間嘅芝士又唔會太多，所有味道同口感啱啱好最後先講嘅#冬蔭功海鮮湯 超級好飲，估唔到咁正，佢辣得黎又真係飲到鮮味，不得了，一入口，啲湯會辣到你成個口腔，最後停留係你舌尖，唔會落喉嚨，之後啲海鮮味就湧出黎，你會覺得用咗好多海鮮先煲到出黎咁，而酸味係一路飲都一路feel到，成個湯超級惹味開胃好飲，仲意外地夾意粉，pizza同千層麵重點係，其實佢唔多味精，成餐食完，唔會要打爛水缸搵水飲味道: 9/10味精: 6/10價錢: 9/10環境: 8/10服務: 8/10

疫情下久末外出食飯，今次試下這家店。雖然没有set lunch, 每件食物也分開點，看到價錢怕食物很細份，點餐後己想定如太細份唔夠食可再叫點什麽。食物未到時來了一碟6件的雞塊，說是滿100元送的，喜出望外，立即打消了 “再叫點什麽” 的念頭。食物到來後看到外觀很給引，雖不很大份，但没想像中的小，美道亦很好。看四周客人點的食物，賣相很給引，下次一定再去，再點其它的食物。

.OMG 又系石門食野啦🤣今次又試新野 去左新開既Diamond Blue形式有少少同薩利亞相似 食物完全唔貴我哋食左4樣野加2杯野飲 埋單都系$250內當然野食味道都好重要啦.黑松露薯蓉 $283大舊薯蓉配上淡淡既黑松露味 不錯！廿幾蚊抵食啦墨西哥薄餅卷(牛) $68好大份 牛肉好腍 卷餅入面既調味酸酸地好開胃加埋炸到脆卜卜嘅薯條 仲有一堆沙律菜 午餐來講絕對抵食！..冬陰功芝士海鮮焗意粉 $58Order時店員會同你講呢個冬陰公會偏辣咖 📣 食落雖然冬陰功味唔算好濃 不過就好香夠辣好嘢味 好滿意！仲有兩隻飽滿青口做點綴 呢個絕對可以再食👍🏼 .牛柳粒黑松露燴飯 $58同卷餅嘅牛肉一樣都係好腍 牛肉都有大概六舊燴飯加上黑松露嘅香味好吸引 呢個價錢食到黑松露算係咁啦.青蘋果綠茶 半價$12.5 (原價$25) 水蜜桃綠茶 半價$12.5 (原價$25) 兩杯嘢飲味道都唔錯 就系cafe飲到既味道 呢個價錢絕對ok！