影片
更多
2021-04-26
147 瀏覽
喺石門真係有好多種類嘅餐廳，不過西餐相對來講比較少。開咗幾個月嘅Diamond Blue一路都冇試過，因為睇裝修以為唔會太平，今日經過望吓個Menu咦好抵喎，就試吓食個lunch。辣香腸肉醬意大利粉 （$48）即叫即焗，上到枱非常熱辣辣。肉醬分量剛剛好，唔會浸死左個面。肉醬味道不錯，唔會太鹹亦唔會過分多嘅芝士，我覺得好食！面嘅咬口正常啦，不過不失，呢個價錢算抵！黑松露雜菌Pizza ($48)一人份量剛剛好。黑松露嘅份量絕對唔少，唔會將貨就價，抵讚。菇類都好入味，餅底食得出係自家製，唔會太厚，不過就冇乜特別。黑咖啡（跟餐加$9）有啲驚喜，因為係即磨咖啡，單叫都只係$18 ，我叫個意粉仲可以用半價跟餐。咖啡味非常濃郁，亦都夠香，不過帶點苦澀味，對我來講係OK嘅，不過如果唔太喜歡咖啡嘅人可能會覺得太苦。
喺石門真係有好多種類嘅餐廳，不過西餐相對來講比較少。開咗幾個月嘅Diamond Blue一路都冇試過，因為睇裝修以為唔會太平，今日經過望吓個Menu咦好抵喎，就試吓食個lunch。
辣香腸肉醬意大利粉 （$48）
即叫即焗，上到枱非常熱辣辣。肉醬分量剛剛好，唔會浸死左個面。肉醬味道不錯，唔會太鹹亦唔會過分多嘅芝士，我覺得好食！面嘅咬口正常啦，不過不失，呢個價錢算抵！
黑松露雜菌Pizza ($48)
一人份量剛剛好。黑松露嘅份量絕對唔少，唔會將貨就價，抵讚。菇類都好入味，餅底食得出係自家製，唔會太厚，不過就冇乜特別。
黑咖啡（跟餐加$9）
有啲驚喜，因為係即磨咖啡，單叫都只係$18 ，我叫個意粉仲可以用半價跟餐。咖啡味非常濃郁，亦都夠香，不過帶點苦澀味，對我來講係OK嘅，不過如果唔太喜歡咖啡嘅人可能會覺得太苦。
張貼
