影片
營業時間
今日營業
07:30 - 21:00
星期一至四
07:30 - 21:00
星期五至六
07:30 - 22:00
星期日
07:30 - 21:00
公眾假期
07:30 - 21:00
以上資料只供參考, 請與餐廳確認詳情
沙田新城市一田超市呢層新裝修完，開了好多新餐廳。呢間Delifrance都係新開，裝修幾靚，座位幾舒適。我哋今晚都嚟呢度食晚餐，menu有個 Combo for two 的二人餐幾吸引。二人餐包括：餐湯或沙律（選二）主菜（選二）甜品飲品（選二）..我哋叫了一客餐湯及一客沙律。餐湯係火腿薯仔忌廉湯火腿切到好長又厚身，口感偏韌，但薯仔忌廉湯就幾好飲，係火腿扣咗啲分，同個湯唔太夾。..而沙律係田園沙律有2片番茄、生菜及火箭菜。重點係個蛋黃蜜糖芥末醬，甜中帶少少辣，好味，個醬可以再俾多啲就更好。..2款意粉都係即叫即炒，熱辣辣好香。意式蜆肉意粉 —個醬汁好味，有落好多芝士一齊焗，有熱溶芝士拉絲好惹味；有好多蜆肉！配料有洋蔥粒、蘑菇，好足料👍🏻..香蒜海鮮意粉 —落咗好多蒜粒及洋蔥一齊炒，好濃蒜味，洋蔥爽脆好甜；海鮮包括好多蜆肉及3隻大蝦，蝦肉爽口好食😋意粉軟硬度好好，唔會過硬或過淋。..甜品係曲奇伴雪糕2小塊曲奇中間夾住雲呢拿雪糕，再加朱古力醬；曲奇好脆、好好味！配雪糕好好食👍🏻..飲品我哋揀了檸檬蜜呢度用嘅蜜糖好靚，好清甜好飲。..鍾意呢度環境幾靚、座位舒適；服務員態度親切，服務好好；加上食物都幾好食，值得再嚟幫襯👍🏻
繼續閱讀
星期一晚做咗二人餐，其中叫咗全日早餐，蕃茄有煙味，粟米有毛，餐湯凍，上菜速度慢，好失望，唔抵食。剩係得牛角包好食，環境唔錯，但係人手不足希望之後會改善，食晒一份另一份都未到
繼續閱讀
您可能會有興趣的...