Day One Cafe (駱駝漆大廈第三座)

營業中

休息中

是日星期日放假 同老公行駱駝漆開倉 行到攰就入左呢間cafe chill下🤗揀左weekend menu一個A2同A5佢仲有一d高蛋白同生酮既餐揀 岩灑健身人士下次都想試下😍呢個黑松露蛋好好食！熟既程度岩岩好 配埋牛油果、煙三文魚同酸種多士好match!下次會想再encore~飲品跟主食可以減$15 叫左 桂花烏龍茶 同抹茶latte 茶味好濃郁 加左幾次水仲好濃！龍蝦汁鮮蝦扁意粉意粉硬度適中 有4隻大蝦 個龍蝦汁調味岩岩好 唔會死咸！成餐都好滿意 店員都好好服務！下次會再黎😍

今日去左觀塘駱駝漆6樓嘅樓上cafe食晚飯。餐廳黑白灰，裝修風格簡潔，座位都足夠，仲可以見到水吧枱沖咖啡同其他飲品。食物叫左慢煮澳洲肉眼配薯蓉。+ $30 沙律飲品 焙茶鮮奶沙律先到，份量正常，有羽衣甘藍，生菜，車厘茄等。蔬菜新鮮爽脆，沙律醬係檸檬醋醬，分開上，配新鮮沙律菜好夾，醬汁唔會太酸，食落配埋羽衣甘藍獨有嘅香味好清新。主食 慢煮澳洲肉眼配薯蓉(七成熟)擺盤型格，長方型碟裝上，扒已經切好，見到肉中間保持嫰紅顏色。配上簡單嘅鹽同黑胡椒作調味。肉眼咬落肉香味重，肉質軟嫰，鹽同黑胡椒份量啱啱好。店員都有提供鹽同黑胡椒，有需要都可以自行再調味。薯蓉配上燒車厘茄同秋葵，燒過嘅車厘茄咬開爆汁，好惹味。秋葵新鮮。薯蓉冇過多嘅調味，有順滑嘅口感，薯香味濃。焙茶鮮奶，焙茶淡香，配上牛奶口感幼滑。餐廳都氣氛唔錯，食物選擇都唔少，仲有crossover嘅甜品同健康餐得，幾多選擇~

今日黎到官塘, 去左駱駝漆大廈到試下一間cafe，叫做Day One Coffee，環境好舒服，裝潢簡我地叫左2個意粉, 卡邦尼扁意粉，意粉煮得幾好，Q彈有咬口，卡邦尼既醬汁濃郁而且滑順，加埋有煎過既煙肉鹹香，真係好夠味。意粉又掛汁，食落好滿足然後係龍蝦汁蕃茄鮮蝦扁意粉，龍蝦汁都算濃郁，有淡淡既海鮮香味，同蕃茄既酸甜配合得好好好。扁意粉既口感非常好，吸滿左醬汁，每一啖都係蝦味。蝦新鮮彈牙，令人食得津津有味，整體搭配得宜，真係好有水準我地另外仲加左酸種面包，呢個面包外酥內軟，咬下去有一種獨特的酸味，搭配埋蜜糖係上面，味道更上一層樓黎到Cafe，點可以唔試佢既咖啡，我地叫左杯Hot Latte，佢仲有得揀nutty同furity，係用兩隻唔同既咖啡豆，我叫左nutty，咖啡有烘焙香，奶泡滑順，唔錯!總括來講，呢到既野食好食，坐既環境好舒適，會推薦比週未想搵個地方chill下既大家

位於觀塘工廠區的 Day One Cafe，除了是忙碌工廠區內的一隅靜謐之地，更是一個讓味蕾嘗遍創意料理的好去處。這裡的環境簡約而舒適，適合聚會或單獨享受一杯咖啡。或健康之選#### 龍蝦汁番茄鮮蝦扁意粉這道意粉以蝦和濃郁的龍蝦汁為主角，讓人一試成主顧。意粉的口感柔滑，與龍蝦汁的濃厚完美結合，帶來了海鮮的鮮甜味。番茄的酸甜平衡了龍蝦汁的濃郁，讓整個菜式更具層次感。蝦在煮制時保留了彈性，令人每一口都感受到海洋的味道。#### 明太子蟹肉椰菜花飯接下來是明太子蟹肉椰菜花飯，這道菜的創意令人驚喜。椰菜花的米飯替代了傳統的白米，既健康又富有嚼勁。明太子的鮮香和蟹肉的鮮甜交融，為這道菜增添了豐富的風味。每一口都能感受到明太子的咸香，搭配蟹肉的細膩口感，讓人感受到海洋的氣息。這道菜不僅顏色鮮艷。#### Cappuccino最後，讓我來談談他們的 cappuccino。這杯咖啡的拉花工藝非常精美，展現了咖啡師的高超技藝。咖啡的濃郁香氣撲鼻而來，口感絲滑，泡沫輕盈而不膩。每一口都是對味蕾的享受，既能提神又能讓人心情愉悅。搭配剛剛品嚐的美食，這杯 cappuccino 真是完美的結尾。

黎駱駝漆入護膚品，行過見到新餐廳，拉埋朋友仔入去試吓環境舒適地方闊落，侍應有禮貌服務周到, 叫咗嘅幾個餐點都做得唔錯👍招牌蒜香橄欖油煙鴨胸翠玉瓜麵All day breakfast 焙茶拿鐵Espresso tonic蒜香翠玉瓜麵係必食推介，勁重蒜香，好香口，夾埋清爽嘅翠玉瓜麵平衡返油膩嘅感覺同埋佢嘅煙鴨胸做得非常出色，厚切不特止，而且煎得非常香，未食已經聞到超香，食落口有鴨胸嘅油香，但唔會太油膩，好有驚喜飲品方面，杯焙茶latte對我嚟講有少少甜，不過自己比較淡口，好在佢嘅焙茶味係好夠👍朋友話杯Espresso Tonic幾好飲，夏天想飲咖啡又想有少少氣gur 下，真係幾唔錯，下次嚟一定要試

原來觀塘駱駝漆工廈入面除咗有小店都有餐廳㗎喎今日喺駱駝漆買嘢 意外發現入面都有啲Cafe選擇餐牌入面除咗Cafe常見嘅意粉 沙律 咖啡類最令我驚喜嘅係有翠玉瓜麵同椰菜花飯而且食材配搭同調味都好吸引健康得嚟唔會口淡淡我哋分別點咗明太子蟹肉椰菜花飯同煙三文魚牛油果沙律明太子汁似乎有落咗忌廉食落非常香滑Creamy加埋明太子嘅鹹香 食到唔會覺得係低卡嘅椰菜花飯不知不覺咁食得輕盈沙律正常 新鮮想特別稱讚嘅係沙律醬嘅配搭口味偏甜而清爽 唔係好濃密個種醬好對我嘅口味等外賣嘅同時 比Cafe嘅甜品吸引咗呢度除咗有蛋糕之外，都會有牛角包窩夫同埋Tiramisu我哋點咗一下Tiramisu 整體酒味甘醇 絕對唔會甜 配搭埋焦糖脆餅 一流

觀塘駱駝漆大廈又開左間cafe, 上網睇佢話有適合生酮飲食嘅食物，所以就嗌咗外賣同屋企人試吓,整體都幾好食，食物都幾有特色。龍蝦汁番茄鮮蝦扁意粉意粉煙煙韌韌，唔會太軟啱啱好。龍蝦汁嘅味道都幾重，所以醬汁偏Creamy不過佢再加埋蕃茄就啱啱好。Creamy之餘，酸酸尾尾，蝦都有好多隻，所以個醬汁都好有蝦味，而且份量都大。招牌蒜香橄油煙鴨胸翠玉瓜麵呢個就係比我個生酮飲食朋友試嘅，用翠玉瓜做麵條，食落去好清新。咬落去有口感，翠玉瓜都好，配合到蒜香味！煙鴨胸都有好多舊，加咗少少蒜油嘅醬汁，好香口之餘仲有鴨香味！氣炸香烤雞翼雞翼香辣，調味非常足夠，唔會太過油膩，仲有五隻添，夠晒大份，鍾意食辣嘅朋友一定啱！整體來講，食物嘅質素都唔錯，份量都足夠，我見佢仲有啲健康餐沙律同埋生酮飲食嘅嘢。雖然嗌外賣但係溫度同嘢食質素都keep 到。

每次到觀塘駱駝漆大廈都係好多人，行街前先醫飽個肚先，今日搵咗6樓呢間Day one cafe食下西餐。環境都算安靜舒服，至少空間夠，不會太壓迫。食物款式夠簡約清新，都係食意粉、沙律菜之類，不會太複雜，非常適合追求健康簡單的朋友。叫了一個現時時興的黑松露椰菜花飯，把椰菜花切到好像米一樣size 的炒飯，加入黑松露洋蔥，入口非常香，黑松露味道十分濃厚，配上爽脆鮮蝦，每啖飯都很爽脆，這個飯其實一粒米的成份都冇，只有椰荼花，但卻十分飽肚！另一個慢煮雞胸牛油果沙律，雞胸嫩滑、牛油果沙律菜新鮮，是一個健康的菜式。配合2杯顏色美觀的草莓乳酸梳打及雜梅沙冰，完滿的一餐！

📍Day One Cafe (觀塘 - 駱駝漆大廈)友人呢幾日開展左佢嘅減肥大計，於是就揀左間有得食健康啲嘅餐廳，去到睇menu發現連生酮人士都照顧到。坐低左之後，隔離枱都有問有無啲素食餐，咁侍應就表示肉類可以分開上比佢同枱食肉嘅人食。🩵Drink - Mocha ($48)Set drink price (-$15 = $33)🩵 Espresso Tonic ($42)Set drink price (-$15 = $27)每日晏晝同事都飲嘅咖啡🤣 今日就推介左友人試下，精華係上層d bubble💕 煙三文魚忌廉扁意粉🍝 ($108)放盤好靚 有個煙三文魚花材料入面就有啲菇、洋蔥🧅咁一齊炒我就鐘意佢啲忌廉汁唔會太多，但啲意粉又唔會好乾💕招牌蒜香橄欖油煎鴨胸翠玉瓜麵 ($92)友人見佢係翠肉瓜麵咁得意就叫左黎試我就偷左小小試我覺得個麵好爽脆，連啲汁一齊食都似食緊平時嘅蒜香意大利麵💕朱古力醬牛角包窩夫🧇配朱古力雪糕🍦我最愛嘅甜品，最近終於瘦返啲，我可以獎勵自己食返個窩夫餐廳煮緊嘅時候就已經聞到個陣牛油香🧈一出爐就即刻食嘅野，當然特別好食同脆卜卜啦正常份量，食完飯食就岩岩好啦間餐廳同其他

放工後去駱駝漆行一陣，發現一間型格cafe☕，星期六同朋友輕鬆chill，真係好開心！😚慢煮澳洲肉眼配薯蓉呢道慢煮澳洲肉眼已經切好晒，一條條撒上少量海鹽同黑椒粒，無需其他醬汁，簡單調味，食到最原始嘅牛味🥩。配搭有海葵🌊、車厘茄仔🍅同滑滑嘅薯蓉，成碟食哂完全冇剩。肉眼好幼滑、多汁又嫩，隨自己喜好加鹽同胡椒，真係好啱口味，夾埋薯蓉更加好味！ 奶蓋綿花糖牛角包窩夫配雪糕即叫即整，牛角包窩夫外層酥脆，內裡有濃郁香醇嘅芝士奶蓋🧀，食落去滑而綿密，瞬間融化，留下滑膩的餘韻。旁邊有輕盈蓬鬆的綿花糖🍬，暖暖的、煙韌又酥脆，加上滑溜嘅雲呢拿雪糕🍦，形成味覺同口感嘅絕佳衝擊🤩。

駱駝漆大廈有超多餐廳，又有超多小店。係6樓差唔多最盡頭，門口已經有個雪櫃，放滿好多好吸引嘅蛋糕，型格又舒服嘅設計同埋幾大嘅空間。menu都好多款嘢食，於是行完街就嚟試依間café。 傳統卡邦尼意粉 意粉好掛汁好香，蛋汁加埋芝士同香料更加好食，完全唔覺得膩。再加埋煙肉切得大大粒，煎到表層好脆，食落好香口，有咬口之餘又好得意。 香煎澳洲草飼肉眼牛扒配薯蓉 超打卡able嘅擺盤，牛扒已經切好好貼心，上枱前仲已經加好鹽同黑胡椒，另外仲比多咗一樽可以隨口味加，但我覺得就咁已經好好食可以唔洗加。中間部分仲係粉嫩嘅顏色，肉味都好濃。薯蓉好creamy唔會膩都好好食。 仲加咗兩杯飲品，跟餐可以減$15。凍朱古力同埋熱焙荼鮮奶。 凍朱古力好濃郁，表層仲有可可粉。焙荼鮮奶唔止有靚拉花，飲落荼味好出，加埋鮮奶勁好飲。 而且重點要讚職員服務超好，好友善之餘又主動問要唔要碟分碟食，又經常留意大家要唔要加水。 最後被menu上面嘅芝士奶蓋綿花糖牛角包窩夫吸引咗，仲有一球雪糕，可以揀朱古力式者雲呢拿，覺得好似雲呢拿夾啲就揀咗佢。因為坐咗係水吧隔離，一整窩夫就聞到超香嘅味。 賣相已經好吸引，芝士奶蓋同埋綿花糖都落得超

餐廳裝修幾靚，簡潔舒適，燈光柔和，座位闊落，好適合同朋友黎聚餐👍🏻👍🏻👍🏻而且服務態度好好~餐牌選擇唔少，有各種主食、野飲等松葉蟹肉明太子椰菜花飯 $118松葉蟹肉份量比預期中多😋😋😋明太子好香，同蟹肉好夾，椰菜花飯好好食，好fresh~麻醬雞絲蒟蒻冷麵 $108推薦！！麻醬好多，足夠每啖都食到滿滿麻醬，仲可以根據自己所需去落個份量！雞絲一啲都唔柴，蒟蒻冷麵好健康都好好食！野飲叫咗Osmanthus Oolong Tea +$21 同CoffeeLatte +$27🤤🤤🤤

打完風出走一下，去嘆個下午茶～～呢間餐廳有咖啡、小食、主食、蛋糕等等～～下午茶時間嚟食都可以食啲輕食～～多選擇！叫咗一杯草莓蘋果醋梳打，賣相好靚，有士多啤梨🍓飲品顏色都好靚～～味道酸酸甜甜，好爽好開胃～～另外叫咗雞肉串燒，好入味～～雞肉都幾滑又惹味一份有六串～～雞翼一份5隻，味道幾香辣，幾好味～～呢度服務好好，店員又好有禮貌，喺呢度食得開心～～慢慢坐，可以享受一個下午～～下次會嚟試下其他食物～～

初次踏進呢間位於觀塘工廈嘅Café,就即時感受到一股舒適又熱鬧嘅氛圍。雖然佢坐落於工業區,但店內設計簡約得宜,加上寬敞明亮嘅用餐空間,完全感覺唔到外面嘅工業區氣息。相反,呢度彷彿變成咗一個小型的綠洲,令人感到十分放鬆！我同朋友今日黎到呢度,率先試左佢哋嘅招牌菜式「肉眼扒配薯蓉」。一上桌就見到一塊厚實嘅肉眼扒,表面熟度剛剛好,略帶一點焦香,入口即化。佢哋用心將肉眼煎得軟嫩多汁,毫無乾澀感。配搭上薯蓉質地綿密,帶一點淡淡嘅奶香,完全打造出一道美味無窮嘅菜式。另外,我哋仲點咗一份「氣炸炸魚薯條」。魚肉外層炸得酥脆,入口即溶！飽滿鬆化嘅薯條亦係一絕,表面略帶金黃色,內裡蓬鬆有嚼勁。我哋不禁留意到呢間Café菜單上竟然連素食同生酮菜式都有,好明顯係主動迎合健康飲食嘅潮流。除咗呢幾道美味嘅主菜,我哋當然亦唔能放過佢哋嘅星級咖啡。一杯濃郁香醇嘅Flat White飲落,感覺簡直完美,當中嘅咖啡豆風味層次豐富,令人回味無窮。總括而言,呢間位於觀塘工廈嘅Café實在好出色!從環境佈置到食物選擇,仲有專業又親切嘅服務態度,都令我有一種身在異國他鄉嘅感覺。尤其係菜式方面,佢哋為了迎合現今健康飲食嘅潮流,主動

駱駝漆出名多嘢食，同朋友發現呢間cafe，拎住Menu睇，見佢有椰菜花飯、雞胸肉等等啱晒減肥人士食嘅嘢食，就諗住試下🤣🥩香煎澳洲草飼肉眼牛扒配薯蓉塊牛扒一上嚟已經好香，流曬口水🤤，拮落去嗰陣真係見到佢流啲肉汁出嚟，入口幾juicy💦，仲帶住啲淡淡嘅燒香味，配埋個好滑嘅薯蓉🥔，同埋有蘆筍同埋車厘茄，簡單得來好食😙次松葉蟹肉明太子炒椰菜花飯第一次食椰菜花飯，一上枱嘅時候都真係覺得幾似平時食開嗰啲意大利飯，而味道都出乎意料咁好食！啲椰菜花炒到粒粒分明，仲有勁爽口，食落完全唔覺得係「飯」，🦀蟹肉鮮甜，仲加咗明太子嘅鹹香，又健康又有滋味😋，食完仲想再嚟一碟呢間cafe唔單止環境chill，食物仲有驚喜，而且餐廳都標榜食一啲健康嘢食，鍾意cafe但又減緊肥嘅朋友可以一試🤣