Day One Cafe (駱駝漆大廈第三座)

營業中

休息中

每次做完運動都想找一個舒適的地方休息一下食個簡單健康的lunch同朋友傾吓計，終於在觀塘找到一個很不錯的地方。這裏環境寬敞，枱與枱之間有相當的空間，黑白灰色調好chill，地方清潔。職員親切態度服務細心。手沖咖啡豆好新鮮，價錢相宜。已經光顧了三次，每次order的食物都有驚喜。雞胸嫩滑，蒟蒻麵好清爽夏天最佳選擇。雖然是白汁，但一點也不太重奶油味。另外大蝦椰菜花飯，味道很清新。簡單食材，食得出廚師的用心製作推介

平時少行駱駝漆依邊，香港天氣太熱行行下見到環境幾好冷氣好足入左去坐下，環境黎講好舒服唔會太逼，我個星係星期日，星期日當日下午非常繁忙，但店員都好有禮貌抵讚，好有耐性介紹產品比我，叫左杯朱古力咖啡同All day breakfast ，份All day breakfast 好大份同好靚咖啡我叫左朱古力咖啡，首先個拉花好靚平時比較少飲咖啡，覺得依杯幾岩我甜甜地，好香朱古力味同埋唔太甜個牛奶好滑，整體來講很好，下次再幫襯。

星期日無乜客，一入去就有位招呼都好好兩杯long black 真心似咖啡渣再啤出黎既咖啡色水，一件咖啡蛋糕，上枱真心似廚剩...硬度係冰箱出黎，落單兩樣野都唔值得用金錢換取絕對不宜推介

環境衛生，清靜，座位舒適，空間適中。服務員態度非常良好，當日點左4份午餐，各有特色，賣相及味道非常有水準，套餐更包一大杯Earl Grey tea, 香味濃郁，值得推薦及再去

朋友喺觀塘返工 話見到駱駝漆有間新開嘅coffee shop 裝修好靚 又岩Keto diet 想去試下 我當然冇問題啦，最鍾意試新餐廳😎去到門口 已經感受到一股型格風 黑灰Tone食物方面，都幾有驚喜 蒜香欖油煙鴨胸翠玉瓜麵 初頭以為係用翠玉瓜汁造麵，原來係直接將翠玉瓜做到意粉甘樣一條條 ，感覺好清新好甜 ，再加上蒜香同微辣 ，呢個化學作用真係幾夾，煙鴨胸食得出唔係平價貨 因為好多肉汁同埋咸香味剛好濃蝦汁鮮蝦扁意粉🍝每條麵都掛滿濃濃既蝦汁 而大蝦亦煎得好香好彈牙 又係推介因為好想食水波蛋 所以叫多個 煙三文魚水波蛋配酸種多士  肥美既煙三文魚鋪滿晒成塊酸種麵包 ，水波蛋切開後 ，流出黎既蛋漿真係好治癒~ 油醋醬汁偏杰身 ，食落好香好開胃 飲品方面 叫左杯Dirty 朋友話飲落好有層次 ，Expresso帶fruity口味 ，岩晒佢喜好 。我叫咗杯Mixed Burries Smoothie ，好足料 ，意粉未到我都差唔多飲晒

觀塘工廈有不少隱世美食，但環境舒適、設計新穎的餐廳並不多。Day One Cafe是少數同時擁有健康餐單和高質咖啡的舒適cafe，喜歡健康飲食和生酮飲食的人士非常適合。午市套餐會送是日餐湯，這次是忌廉蘑菇湯，大大粒的蘑菇配上幼滑的忌廉湯，不錯！日本帆立貝明太子意粉餐廳選用大大粒日本帆立貝，配搭日式香煎和簡單調味，保留帆立貝鮮味。而且大大粒的帆立貝口感十足，非常推介！意粉煙韌度適中，明太子醬汁不會太鹹，貫徹餐廳健康風格。煙三文魚忌廉蘑菇蒟蒻麵第一次嘗試蒟蒻麵，口感Q彈，新鮮感十足！生酮飲食人士不能錯過，這個真是健康之選👍🏻👍🏻配上煙三文魚和蘑菇，是營養均衡又健康的午餐。牛油果奶昔香濃的牛油果味，原來製作做奶昔也很合適，fresh得嚟又無乜邪惡感嘅奶昔Dirty咖啡也是這間餐廳的主打，dirty層次分明，咖啡香濃。最後餐廳送上兩杯hand drip coffee，為豐盛的一餐畫上完美句號。

妹妹話帶我去食好西，平日無肉不歡，無飯食都會頭暈嘅我，聽到食Keto 都怕怕，但係妹妹叫到就試試佢啦！但係因為初次體驗，唔敢食晒全部都係Keto , 所以叫兩款share嚟食1. 日本帆立貝明太子扁意粉 $112帆立貝好大粒，夠彈牙，扁意粉加入咗明太子嚟炒，有淡淡鹹香👍🏻2. 煙三文魚忌廉蘑菇雜菌蒟蒻麵 $108煙三文魚份量好夠，蒟蒻麵被想像中彈牙同飽肚3. 鮮牛油果沙冰 $50平時唔會主動叫牛油果嘅我，第一次叫牛油果嘅飲品，飲落有少少似豆腐味，不過都幾清新👍🏻呢間餐廳開咗唔係好耐，位都好闊落，環境亦都好好，灰黑色嘅主調，型格👍🏻

今日在觀塘駱駝漆行街，到下午茶時間想找吓嘢食，行吓行吓見到6樓新開一間Cafe店，門口餐牌寫有低碳生酮飲食，睇落好似好啱口味，諗住食吓新嘢心情入內，內裡裝修以灰色并黑色，好有格調，座位坐落感覺舒服，叫了一碟煙鴨胸脆肉瓜麵和一杯少甜雜莓沙冰，脆肉瓜刨絲口感唔錯，份量和味道適中，唔會過咸和過油，見自己無食澱粉就order一份芝士旦糕，旦糕又唔會太甜，整體食物不錯，好啱我這個糖尿病患者口味，食得好滿足，服務態度又好，細心聆聽客戶要求，讚！值得下次再嚟

做完運動， 想搵輕食， 見到呢間新開cafe 就入去試下， 有keto all day breakfast, 正！ 朋友叫雞胸牛油果沙律， 都幾好食。 試左杯hand drip (fruity) , okay, 平過出面。朋友杯peach 烏龍茶都幾好。 服務好好， 見我地飲完烏龍茶， 主動加熱水， 可以再飲多轉。下次會再試下其他菜式。

同朋友行開駱駝漆見到間做生酮飲食嘅餐廳我地就入去試試😊😊😊一入到去個感覺就好乾淨企理！地方都夠晒闊落！個人比較怕侷促！見到幾個後生靚仔主理（唔知係咪老細😂）總結佢哋嘅食物嘅質素都唔錯個蒟蒻麵同埋個翠玉瓜麵幾特別，同埋做得幾好味！意粉就做得好好！尤其飲品嘅質素係高😊ps 怕凍嘅朋友，記得帶件褸仔可能新餐廳啲冷氣較凍！😂😂😂佢地做緊新張優惠8折！唔知做到幾時！呢間我會bookmark 再黎！

今日中午同朋友行過觀塘駱駝漆大廈，見到呢間Cafe新開張，餐廳環境幾闊落，啲咖啡味又幾香於是去試下～坐底睇menu原來呢間Cafe主打低碳&生酮飲食+手沖咖啡！我習慣Lunch食得light d ，所以我揀左個低碳慢煮雞胸牛油果黑醋沙律嚟試下，不過我見睇到隔離台嘅雞排脆肉瓜麵都好吸引，我就問侍應哥哥可唔可以轉雞排試下，佢地又好好人幫我轉喎💕上到台果然好吸引，雞排外脆內嫩，雞排應該係即叫即整，上台仲有熱氣出緊👍🏻 個黑醋汁應該經過調配，比起一般黑醋汁濃厚，多啲層次，唔係一般餐廳嘅黑醋另上👌🏻 呢個位有意外地加分～🥗🥗🥗另外～barista 哥哥係度沖緊手沖咖啡，唔怪之得咁香咖啡味‼️我就唔執輸叫左個Hand Drip-Nutty，Day One 嘅 Hand Drip 係用聞香杯上，最大程度比客人感受翻咖啡嘅香味，令我對杯咖啡充滿期待！雖然我第一次飲Hand Drip，但係Barista 哥哥會細心介紹咖啡豆嘅特色，飲落去嘅口感同香味，幫你揀最啱自己嘅咖啡，佢沖嘅咖啡嘅唔會太苦太濃、入口順滑，比到我好唔錯嘅體驗👍🏻👍🏻😉