Curry Boy

營業中

休息中

之前成日見到好多人排，今日見到無人終於可以試到啦，結果不能有太大期望。1. 定價高，一碟咖喱飯平均要90 蚊起跳，一碟牛肋肉咖喱飯要過100但得7-8粒Cube size2. 豬肉餅無味，雖然佢新鮮熱辣煎起，但食落口完全無味3. 飯，咖喱都係微溫，完全唔熱，上枱都唔見有熱汽，全靠塊豬肉先至覺得食緊熱野4. 要對住垃圾桶食5. 咖喱中規中矩，唔會食完覺得驚為天人，非食不可，食一次就好夠希望佢地會有改善，起碼d野要夠熱先，另外餐廳衛生設計都緊要

經KOL介紹 既然係返工附近 就過黎呢到食叫左個牛肋咖哩飯 隻咖啡似係印度果隻 唔係一般日式甜咖哩 汁既份量唔多 飯肉份量剛好 價錢正常 唔收加一另外再叫左份簿餅不過不失 可以番食的

呢間「小店」真係極品，位置已經唔好，上網睇食評見幾好過來試下。原來全部都係假。1. 入到門口都唔知你入左黎，四條佬企哂係度吹水2. ⁠安排座位，垃圾桶就在旁邊，無蓋，雖然眼見無垃圾，但仍有陣陣味道，睇到都唔會開謂3. ⁠落單求其，問有咩飲？無回應4. ⁠個飯來到，成隻碟半邊都係指毛印（如圖）5. ⁠咖哩又臭又酸，飯又硬屈屈，按到d飯扁哂做咩？Stupid design6. 飲品咖啡，茶，都係無味，無叫過走糖，但兩杯都無糖，好似飲水咁，真係細心6. ⁠埋單收加一，當然無服務可言7. 坐左半個鐘都無，已有飛飛兩三次，台上有蟻8. ⁠4條佬都唔知有無做過餐廳，1d基本衛生常識都無9. ⁠食個晏兩個飯兩杯飲品，埋單$270都唔緊要但係好差體驗呢10. ⁠音樂嘈到以為落左酒吧11. ⁠4條佬掛住吹水成班粗口爛蝕，跟住臨走時靜左，原來出哂去食煙唔該幾位出去打返工學下基本餐廳要做既野先，唔好為害人間。

🍽️ 黑啤牛肋肉咖喱飯 $108 🔎 咖喱都辣辣地，大概係老譚5小辣，牛肋肉冇乜肥膏👍🏻 肉味正常發揮 🔎 有少少甜味，但非傳統日式甜味咖喱。用超過20種材料製作，但又唔似印度咖哩咁有好濃烈香料氣味🙈 好特別😯 🔎 略嫌上菜時白飯已經有少少凍，喺夏天食但係啲飯已經接近比室溫暖少少🤏🏻🍽️ 黑毛豬肉餅咖喱飯 $98 🔎 外面煎得好酥脆，裏面嘅豬肉都唔會柴，唔會好油👍🏻🍿霹靂雞軟骨 $38 🔎 好好食！味道好似某出名牌子嘅即叮炸雞翼🙈🥤 梳打水 $12 🔎 平平地解辣一流😂 因為用餐限時60分鐘，出面都好多人排隊，想慢慢嘆嘢飲嘅話出面另外買好似比較好個人覺得可以一試🙆🏻‍♀️因為呢款咖喱做法都幾新穎見到餐廳menu主打「熟成牛油」不過感覺又唔係好食得出咖喱有特別嘅牛油味🙊建議店員可以介紹少少會令食客比較深刻而翻兜當時晚餐時間接近7點頭去排隊已經有人龍🥵都等咗差唔多15分鐘肚餓嘅話記得早少少去排啦👍🏻裝修環境都好靚好新，員工態度友善仲要冇收加一感覺良好☺️推薦指數: 7.5/10 😯😯😯#大圍美食 #大圍 #大圍餐廳#大圍站 #大圍好去處#香港美食 #香港餐廳 #香港好去處 #咖哩飯 #咖喱飯 #咖

之前見到有啲KOL介紹呢一間咖喱，前幾日經過就試吓我哋揀咗黑啤牛肋肉咖喱同埋鼠尾草烤雞咖喱，咖喱味好香濃，忍唔住一啖接一啖，牛肋肉都炆得幾腍，都有少少咬口，烤雞都幾香口，唯一呢兩碟咖喱有個缺點，就係咖喱汁唔夠，如果多少少咖喱汁，成件事就Perfect另外我哋仲叫咗炸蠔，蠔炸得好嫩滑，好Juicy，不過數量得兩件，如果有多一件就Perfect香水檸檬梳打，飲落去唔係好甜，都幾清新下次有機會再嚟，我想試試黑毛豬肉餅，我見都幾多人叫呢個😋

🍛大圍隱藏於小街內的驚喜 27+香料使用熟成牛油咖哩黑毛豬肉餅 味噌燒茄子🍛大圍原來都有隱藏版美食！ 隱藏喺屋苑內街不起眼的小店的一間咖哩屋小店，一不留神就好易錯過咗，內舖裝飾燈光好有feel ,好喜歡特別設計過嘅燈光位置，仲有透明嘅橙黃色的座椅，配合同色餐具互相配搭，可見店主有用心思設計過，而且位置不多全店內外只有加埋12 個座位，想食記得book mark 定下次去🍛小店主打四款主食，黑啤牛肋肉，鼠尾草烤雞，黑毛豬肉餅，味噌燒茄子嘅咖哩，用上超過27 種以上調味香料，以多個工序堅持用上新鮮蔬菜，新鮮蕃茄及車厘茄，煮乾並熟成12小時，味道來自天然味道製成，絕對係心機之作🍛 黑毛豬肉餅 配飯$88用上自家製作的黑毛豬製成的肉餅，經過壓製方法煎至金黃色，表層微焦香脆，內層肉味香濃，有少少似煎肉餅嘅口感帶有肉汁🍛重點配上自家製作熟成12 小時嘅牛油咖喱汁，令咖哩有更幼滑的口感，味道就似食印度嘅Butter Chicken嘅香滑口味，口感creamy 帶新鮮蔬菜蕃茄自身嘅調味，加入了超過27 種香料配搭而成，咖喱汁自帶甜味好有層次感，每一口味道都來得舒服自然，感覺香甜惹味，好快可以食清光🍛

大圍海福花園新開嘅一間咖喱餐廳今次叫咗一個咖喱雞，可以加$10轉做薄餅一個人份量，剛剛好咖喱唔算太辣，味道不錯。另外叫咗一個吉列炸蠔，一份有兩件，食物會配一個黑松露醬，個人覺得個醬有啲酸，可能因為我鍾意食沙律醬多啲🙈但係個炸蠔皮好脆！餐廳座位不是太多，有得揀坐室內或者室外👍🏼而且冷氣好夠涼😋上餐速度好快，因為我當時好肚餓，所以非常之滿意😂餐廳仲有凍水供應！埋單唔使$200不錯不錯！下次會再嚟試吓其他食物！

一入門已有咖哩香味，點左個黑啤牛肉咖哩飯，同我想像中既一樣，唔係日式或港式咖哩，係偏向印度風味既咖哩。白飯軟硬度剛好，咖哩甜辣度對一般人剛好，牛肉無根無骨老人家都食到，整體來說係好味既。因為係咖哩店所以通常客人飲水會較多，店員應多加留意水杯無水加水。食物碟邊有手指紋，多加留意。但無收10%服務费，所以我覺得可接受。另外環境舒適冷氣足夠，有chill的音樂，有電視在播動畫。店員態度良好而且沒有趕急感覺，光線不會過猛過暗。

📍大圍新開業咖喱飯小店‼️· 惹味熟成牛油咖喱😆 — Curry Boy🍛·Follow @pigfoodiexhk for more food!🐷#pigfoodiexhk_大圍#pigfoodiexhk_日本菜=========================小店係dear bakery 舊舖位置，座位唔多但好彩當日早少少唔洗排隊😆小店主打熟成牛油咖喱飯，再用上多種香料煮成，一行入門口就聞到好香～😋——————————————————-⭐️鼠尾草烤雞咖喱飯 $88 （4.4/5）咖喱汁用咗熟成牛油煮，質感香滑，味道濃郁香料味重，食食吓都幾辣下，要撈多啲飯一齊食！🤣雞肉有好多件，肉質腍身😋👍·⭐️黑毛豬肉餅咖喱飯 $88 （4.3/5）豬肉餅外皮煎至微脆，肉質鬆軟，如果油脂香再濃啲會更正😆————————————————-賣相：3.5/5味道：4.3/5性價比：3.5/5推介度：3.8/5————————————————-📍Curry Boy @curryboyhk 大圍積運街2-8號海福花園商場地下22號舖

完咗主日崇拜，會合老友一齊去食晏，誤打誤撞經過Curry Boy。好奇心驅使下，我倆勁有默契，決定試新嘢。餐廳面積細，但五臟俱全。外有雅座，頗帶歐陸Feel；店內則以開放式廚房設計，坐入去唔覺太迫澀。我哋點咗Menu上嘅兩款推介，包括黑啤牛肋肉以及黑毛豬肉餅加太陽蛋咖喱飯。上菜後，由於賣相都算幾有睇頭，致大家都急不及待，衝著為碟飯「打個卡」。至於味道，整體來說，唔錯！牛肋肉中規中矩，反而最令我倆驚喜嘅，係個黑毛豬肉餅…… 咬落口外脆內軟，鮮嫩多汁，不得不由衷讚嘆廚師嘅手藝。我相信呢度應該係最近先至開業。喺用餐期間，偶然發現牙簽筒、埋單皮套，甚至送俾食客去除口氣嘅薄荷糖皆印上食店嘅名字……由此可見餐廳老闆對運作要求一絲不苟，咁有心經營嘅食店，真係要多啲嚟捧場。

講到呢度嘅雞肉咖喱，真係有幾分料到！首先，個咖喱汁濃得嚟唔膩口，香滑得點，一啖落去嘅時候，個味道就喺口腔裏面緩緩展開，有種香料嘅混合香氣，仲有淡淡嘅辣味，正！啲雞肉又煮得啱啱好，嫩滑易嚼，吸滿咗咖喱嘅精華，每一塊都係滋味。但最特別嘅，就係佢哋加入咗熟成牛油去煮咖喱，呢招真係高！個牛油帶嚟嘅香濃，同咖喱汁完美結合，令到成碟菜嘅味道提升到另一層次。食嘅時候，你會覺得唔單止係食緊咖喱，而係一個多層次嘅味覺饗宴。再講吓啲蔬菜，佢哋選擇咗啲新鮮嘅青椒、茄子同洋蔥，响咖喱汁裏面煮到啱啱好，保持咗蔬菜本身嘅清新味道，又能夠同咖喱嘅濃郁融合得好好。啲蔬菜吸滿咗咖喱汁，每一啖都令人感受到咖喱嘅熱情同蔬菜嘅活力。總之，呢個雞肉咖喱，加咗熟成牛油同蔬菜，真係創新又美味，對於愛嘗新嘢嘅食客黎講，絕對值得一試。食完之後，個人都暖笠笠，滿足感滿分！

見到朋友話依間大圍嘅咖喱好正第二日立即忍唔住過嚟試不過位置就有啲隔涉附近冇得停車唯有泊好車再慢慢行過去啦～舖頭只有14個座位兩個吧枱同一張四人枱舖頭細細，不過有溫暖嘅感覺❤️店員都非常之親切禮貌今次叫咗個燒牛骨湯一個茄子咖喱🍛跟飯同埋一個黑豚肉餅咖哩跟薄餅本身想叫多個炸蠔，但係冇，所以叫咗吉列炸魚另外叫咗一杯凍嘅latte 呢個湯我覺得幾好飲嘅夠熱同埋好香不過可能我自己唔太鍾意咁生嘅蔥下次要記得走蔥🤭咖啡都好飲👍🏻真心覺得佢哋用材料真係高質嘅炸魚亦都係外脆內軟仲好好味🥰令我非常期待吉列炸蠔，下次一定要食到😍佢呢個咖喱個底味有少少酸食得出有好多種唔同嘅蔬菜似係深奧版有層次嘅日式咖喱😋不過純粹自己個人感受我覺得個薄餅有少少油左d,下次諗住叫蒜蓉包應該仲好食👍🏻佢個黑豚肉餅好好食，入邊仲有肉汁❤️

睇網媒報道呢間新開嘅咖喱店，好似好吸引，襯夜晚收工就嚟試下喇📝 喺一個少許隱蔽嘅角落小店，都算裝修得幾靚，有少量堂食位置。今日我哋買外賣。 選擇唔算非常多，但叫做照顧咗基本嘅口味。我哋揀咗黑毛豬肉餅同埋鼠尾草烤雞，本身首選茄子，但賣晒。另外再叫咗個怪物炸蠔（雖然唔知點解要叫怪物） 先講重點咖喱，聲稱係加咗牛油同多種配料經過12小時熟成。當然食唔出熟唔熟成同一般咖喱有咩分別🤪但味道係好食嘅👍🏻佢打碎咗好多配料入去，所以有啲碎碎嘅口感，洋蔥同蕃茄味比較突出。整體帶少少蔬果嘅酸甜味，相對清新，辣度幾適中，係一個過癮但唔會食得辛苦嘅程度，非常好送飯😋 豬肉餅都非常唔錯，好juicy，煎過幾香口，口感結實彈牙👍🏻反而雞就幾失色，有啲鞋，切到勁細粒，搞到有啲似下欄咁，亦都冇乜香味☹️ 怪物炸蠔$58一份，打開有啲嚇親，咁貴得2粒？！🤯真係未免太貴，好彩味道係好食，唔腥，多汁，飽滿😋 呢餐味道幾滿意，幾適合做收工後comfort food，少少挑剔係以外賣店定位嚟講價錢有啲進取，份量偏細，如果唔係就可以多啲幫襯🤨 *****多quota評價：😋Quota花得值(🤮<☹️<😐<😋&

之前網上見有人介紹，大圍新開一間專食咖哩餐廳，今日專程去食，地點尚算方便，地鐵站行過嚟5分鐘多dd，一踏入店已經聞到勁香咖哩味。menu上選擇唔多，就係一款咖哩飯，可以揀茄子 / 雞 / 肉餅做餸，每份送一杯冰茶。飯加$10可以轉薄餅，另外餸亦可以加$10揀牛肋肉，因為第一次黎，試佢最基本款式，同女朋友分別叫左茄子同肉餅。賣相相當吸引，茄子好大條，切半煎香，茄子肉好淋，配上咖哩汁好好味，咖哩汁以香氣行先，唔算辣，客人可以自行加辣椒油增加辣度至於肉餅份量亦相當大，兩大塊，肉質好彈牙厚實，加上兩面煎香，同茄子不分上下同女朋友超級滿意，一份已經好夠飽，見佢可以whatsapp落單，之後可以嗌定黎拎

朋友推介大圍有間新開熟成牛油咖哩身為咖哩愛好者既我當然要去試試店入面地方較細 有分吧枱同一張四人枱但座落好寬敞 環境燈光同色調都好舒服落單了一個咖哩茄子 一個咖哩雞預期中是魚香茄子的茄子和雞扒的雞結果是相反 茄子是茄子扒 雞是雞粒茄子係佢地的照牌菜 食落口有入口即化的感覺老婆形容有啲似燒左口魚的口感，配住咖哩同飯食係可以食完一啖又一啖講番主角咖哩先，佢唔似日式又唔似印式咖哩的味道有小小酸，又有小小菜的甜味問過老闆 佢解釋入面的咖哩係用左十幾種蔬菜煮成的。其中有蕃茄，車厘茄，洋蔥蘿蔔等好難得佢落左咁多料 但咖哩的口感唔會變成好多「渣」，食落一樣咁smooth 👍🏻👍🏻👍🏻佢唔似落好重香料好衝擊味蕾的咖哩但係會係一種令你食完一啖又想食多啖的咖哩飯。另外想提一提，當日本身想試下佢啲牛但老闆話佢地焗的牛扒有點過熟 所以今日未能提供牛扒。雖然佢地小店小本經營，但對於品質上既控制都唔馬虎，唔會求其照推出黎！非常抵讚👍🏻