影片
港鐵銅鑼灣站 D4 出口, 步行約3分鐘
繼續閱讀
電話號碼
21111707
開飯介紹
主打西、日式的惹味食品，如漢堡、炸物等。裝修則走Retro Pop風格，而戶外露台座位為寵物友善區域，予人年輕時尚的感覺。
繼續閱讀
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
食家推介
銅鑼灣Tower 535有幾間餐廳這次已是二訪這間pet friendly cafe這間以美日Retro Pop為主題嘅樓上cafe將不同類型嘅美日fusion菜式放在一起環境很大座位間空間頗闊落亦有寛敞outdoor area可帶毛孩一起用玉子豆腐做all day breakfast 食材還是第一次見唐揚炸雞楓糖漿班戟亦很好吃放了一會才吃炸雞仍然很脆。唐揚炸雞楓糖漿班戟 …$𝟷𝟸𝟿。日式全日早餐 ...$𝟷𝟹𝟾。接骨木花濃縮咖啡湯力 ...$𝟻𝟶。靜岡焙茶 ...$𝟺𝟾。是日限定甜品（烏龍茶奶凍配雲哩拿雪糕） ...$𝟺𝟾
繼續閱讀
🎯熊妹上次去咗銅鑼灣Tower 535 食飯，見到3樓有呢間Pet friendly Cafe 🐾《Couch Club》，梗係拉埋近期寵物網紅𡃁妹帶埋佢啲毛孩🐶一齊過去chill返個下午啦！📌門口有塊木製屏風掛住一塊寫住「營業中」的木牌🏷，成個日本風味好出哂黎🎎。📌一入到門口左手邊就係大大部咖啡機，已經聞到濃濃嘅咖啡味，真係急不及待叫番杯咖啡醒神吓！📌門口仲有一張木凳仔，相信係好多狗仔打卡位的地方 📸。📌餐廳都幾大，樓底超高，光線充足💡，感覺好開陽。分開左兩邊，一邊係好休閒嘅沙發位🛋，另一邊佈局成露天雅座（但其實都仲係室內😂），可以帶狗狗入嚟一齊進餐。都有好幾台客有幾隻毛孩同大狗仔，成件事好似狗仔聚會咁，非常熱鬧。📌露天雅座仲有一個好舒適嘅corner梳化位，成個裝修格局好美式系🎰，仲有啲美式燈箱同埋滑板🏂，呢種風格好少見。📌食物款式以輕食為主題，係日美式fusion菜，當中日式明太子蛋卷、日式班戟、日式意粉、美式芝士通心粉等等都係招牌菜，另外，仲有一個日式自選便當🍱，自己配搭菜式同主食，又幾特別喎！📌飲品方面，當然有咖啡機沖調嘅拉花咖啡，另外仲有幾款日式甜品🍮，輕食得來都幾多菜式選擇。B.Y.O.B.-Build Your Own Bento，$128呢款B.Y.O.B.咁特別，梗係要試一下啦！B.Y.O.B.-Build Your Own Bento，顧名思義，自己便當自己揀，首先揀一款主食，可以揀日本米或者烏冬，或者加$10有沙律或者加$15有蕎麥麵，然後揀兩款蔬菜或者蛋類，有玉子豆腐、秋葵、南瓜、薯仔沙律、糖心蛋溫泉蛋等等，最後揀埋兩款肉類，有雞肉餅、五花腩片、炸雞，或者加$8有比目魚或者加$10有日式炒牛肉等等。經過一輪討論之後，最後熊妹同𡃁妹卜搥揀咗椒鹽玉子豆腐、糖心蛋、手打雞肉餅配牛油香蒜日式菇汁、味噌比目魚同埋木魚湯烏冬。椒鹽玉子豆腐一碟有三件玉子豆腐，一般食玉子豆腐都係滾湯咁食，椒鹽玉子豆腐輕輕炸起灑上椒鹽，但香味好重淡淡淡香豆腐味好重炸起灑上椒鹽，size都好大一粒，啖啖蛋香玉子豆腐味好重，當小食咁食健康又滋味。糖心蛋合格嘅糖心蛋做法，熊妹不嬲喺屋企都會煮開日本糖心蛋，就係用7分鐘嘅煮蛋方法，所以糖心蛋合唔合格，熊妹一試就知。日本蛋嘅橙黃蛋黃漿耳半凝固嘅狀態，流心得來又會漿住喺蛋黃面，連埋蛋白半隻蛋一蛋啪入口，非常濃郁嘅蛋味同實在的蛋白口感，日本蛋真係唔同啲！手打雞肉餅配牛油香蒜日式菇汁雞肉餅有兩件，驚喜在入邊擺咗冬菇粒🍄，雞肉配香菇味道不嬲都好夾，彈牙嘅雞肉餅入邊慢慢滲透香菇味道，啖啖肉好過口癮，值得一試！味噌比目魚，加$8比目魚size唔算好大一舊，魚皮表面煎得剛好熟透，魚身軟淋好厚實，一啲都唔散，仲要冇骨，加上味噌去燒，蓋過哂魚嘅魚腥味，唔錯！木魚湯烏冬烏冬都唔算好大一碗，熱呼呼♨️嘅木魚湯鹹鹹地，日本烏冬煙靭嘅質地就不在話下，食每一啖烏冬都沾上木魚湯嘅味道，好快地𠽌一聲就食完一碗。唐揚炸雞楓糖漿班戟，$129第二款主食，叫咗呢個招牌班戟，好似鹹食但又好似係甜食，又鹹又甜，都應該幾過癮！炸雞班戟兩塊有厚度，上面擱置咗一件大大件炸雞，炸雞上面仲有一件沾滿了蛋黃醬的benedit egg，望落去已經流哂口水！首先可以拮穿benedit egg令中間蛋黃汁流出來，撈埋炸雞一齊食，炸雞外皮係奇趣炸，非常之脆口而且炸到收緊晒油分，食落口唔會感覺好油膩之餘，卜卜脆嘅口感就好似食緊好厚身嘅脆片，炸皮厚但又keep到內裏雞肉嫩滑，熊妹認為呢隻炸法幾好味。牛油班戟好厚身，唔係空氣感，牛油味適中，口感好鬆軟，再唧上蜜糖一齊食，又鹹又甜。抹茶黑芝麻拿鐵，$50抹茶拿鐵成日飲，黑芝麻拿鐵都飲過，就係未見過有抹茶黑芝麻拿鐵，仲要係熊妹最愛嘅兩款口味，一見到真係心心眼左😍！顏色上面都係以綠色為主題，可能因為黑芝麻粉比較重，所以沈喺底，飲落去，會先飲到淡淡嘅抹茶味再慢慢滲出濃烈嘅黑芝麻味道，但兩者味道又唔會撈埋變成唔知咩味，原來抹茶撞黑芝麻係會有咁既層次效果，等如一杯飲到兩款口味，真係滿足晒熊妹貪吃嘅慾望！美式咖啡，$38𡃁妹今朝好早起身，所以想飲杯美式咖啡醒一醒神！香濃嘅黑咖啡味道會持續縈繞喺口腔入面，就算咖啡放涼了，nutty嘅味道都依然存在，呢杯美式唔錯喎！海鹽奶蓋提拉米蘇，$62甜品方面發現有呢款提拉米蘇，原來係冬日限定款，雖然天氣已經變熱，但要捉緊冬日嘅尾巴就要快啲試吓啦！一個雞尾酒杯呈上🍸，厚厚嘅mascarpone cheese奶蓋包住浸滿espresso的手指餅，面頭仲灑滿咖啡粉，一啖筆入去，香滑的芝士奶蓋撈入濃濃嘅咖啡手指餅極為滋味，最重要係奶蓋面灑上咗啲海鹽，食到最後帶少少海鹽的鹹味，加重了mascarpone cheese🧀本身淡淡的鹹香味，好掂呀！📌喺銅鑼灣Towner 535 咁高檔次嘅地方真係好難得可以有一間咁休閒嘅Pet friendly Cafe，可以讓主人們帶着毛孩們過一個輕鬆懶閒嘅下午✨。
繼續閱讀
最近和朋友到訪一家Pet-friendly的Cafe室內裝修走美日懷舊流行風格不少主人帶著毛孩過來聚餐同場還看到法鬥和博美犬🐶🐶‣ 日式全日早餐 ($138)第一次吃日式的all-day breakfast材料包括番茄、麵包、薯蓉、沙律、藜麥、明太子日式蛋卷和煎魚煎魚就最出色，魚皮香脆，魚肉很香滑～其他食物就正常發揮～‣ Build your own Bento ($128)紫蘇醬油醋蕎麥麵 (+$15)｜明太子日式蛋卷 (+$15)｜椒鹽玉子豆腐｜唐揚炸雞配自家製他他醬｜日式洋蔥炒牛肉 (+$10)這份便當可以自選配料，自由度蠻高的，當中推薦明太子日式蛋卷滿滿的明太子！好吃😋其他食物就正常發揮～‣ 海鹽奶蓋Tiramisu ($62)這份Tiramisu挺出色的！表面的奶蓋奶味香濃Tiramisu的芝士、咖啡和酒味平衡最底下的Ladyfinger做得濕潤整體來說口感豐富，推薦大家試試！💭 C͟o͟n͟c͟l͟u͟s͟i͟o͟n͟如果想在銅鑼灣尋找一間的Pet-friendly cafe而且食物價錢合理、環境舒適這裡是一個不錯的選擇～💰Total: $404.8 ($202.4pp 已包括10%服務費)📍Couch Club｜@couchclub_hk 銅鑼灣謝斐道535號Tower 535 3樓302號舖🚩更多同類餐廳 #foodstep_cafe #foodstep_日本菜🚩更多同區餐廳 #foodstep_銅鑼灣⊂ 喜歡我的分享就收藏、點讚、關注吧❤️⊃📣想看更多美食推介 ☞ Follow @ourfoodstephk_
繼續閱讀
✨鯛魚燒芭菲🍨✨購自:Couch Club(銅鑼灣)價錢:$78推薦度:7.5/10-💚鯛魚燒口感微脆 餡料係滿滿嘅吉士醬 微甜不膩 上層嘅抹茶雪糕🍵茶味香濃 口感軟滑😋 配上綠茶蕨餅 焦糖脆餅 同水果🍓 中間有一層薄薄嘅忌廉 紅豆🫘同啫喱🍮而底下就係穀物脆脆🌾 沾滿抹茶醬 令整體茶香更突出 每層都有唔同嘅口感✅🤎✨奶蓋海鹽提拉米蘇✨價錢:$62推薦度:7.5/10-提拉米蘇整成雪球嘅形狀 賣相精緻 面頭嘅海鹽奶蓋口感軟滑 散發淡淡嘅海鹽味🧂忌廉口感細滑 奶香味突出 整體咖啡味醇厚 ☕️底下嘅手指餅口感濕潤 同時酒香濃郁🥃 鍾意食重酒味Tiramisu嘅朋友可以試吓‼️🤎✨美式咖啡☕️✨價錢:$43推薦度:7.5/10-咖啡入口順滑 微苦不澀 帶有淡淡嘅堅果香 口感清爽😋
繼續閱讀
Weekend同朋友發掘到間好餐廳😎日頭係Cafe夜晚會變成shisha bar☕️🍷最緊要係可以室內咁樣shisha，又可以帶小寵物入嚟，呢度真係好有人情味同埋好flexible，值得一讚🫰🏻明太子蟹肉意粉 ($130) 配料好豐富，有蟹籽魚子同蟹棒，沾上咗明太子creamy sauce真係好好味🍝壽喜燒牛肉炒烏冬拼溫泉蛋 ($128) 呢個係小店嘅熱賣，果然係冇失望😋 牛肉醃得好入味，烏冬好彈牙，配上日式醬汁都好開胃Sweet and sour fried chicken ($78) 用上咗小店嘅秘製醬汁，酸酸甜甜，雞粒亦都炸到好香脆，作為小食真係一流🐥Elderflower espresso tonic ($50) 同平時飲開嘅Espresso tonic 有少少twist😛所以都好特別🫢呢個人落去先係有少少甜，但係後段係會有陣elderflower 嘅味道🌼Flat white ($42) Nutty味嘅咖啡 相信係好多人嘅至愛 🤎仲要一提嘅就係餐廳有室內同室外嘅座位，地方喺銅鑼灣核心中心，但有好有私隱度。可以留意吓佢嘅IG添！因為近排都有唔同嘅promotion，可以趁復活節長假期嘅時候過嚟消遣一下🥳
繼續閱讀