Concept 品穀

營業中

休息中

本人原本一心想去幫襯下呢間店，誰不知D員工態度極之惡劣，只係想問下呢個咩包 個員工就黑晒面，我再問多句唔該想問下呢個係咩包，佢就勁晦氣，咁答左一下咪乜乜包囉！放咗喺前面你睇唔到㗎！好啦，我再望吓個麵包櫃睇極都睇唔到！我再望多佢一眼佢已經超級黑面唔想理我！咁我當然唔會幫襯啦😠😠😠😠😠你D麵包又未有牌show出嚟，咁自然顧客就會問啦！既然你想做新派麵包店，但又唔願解釋，咁你咪排列得好啲！顧客自然會自己睇！今時今日你咁嘅藍店麵包舖 ，價錢又貴態度又差！我幫襯小店都唔會幫襯你！我真心相信都唔會做得耐！ 所有街坊都唔會幫襯你呢間黑心麵包舖！只係系統一定要我比⭐️如果唔係我一粒⭐️都唔會比！差差差差差😡😡😡😡😡😡

-麻糬月餅系列《Big Grains品穀》💕一睇到佢個page個廣告就比佢吸引住🤭再加上一見到係有麻糬餡 點忍手呢🤲🏻一盒六個裝，有三款口味🤗($268)🍶伯爵茶麻糬月餅外皮係法式曲奇皮，奶黃金沙餡料包住軟糯的椰香麻糬🤤伯爵茶味好濃！可焗至軟心狀態更好吃👍🏻☕️咖啡麻糬月餅曲奇皮咬落超勁咖啡味🧐係炭燒咖啡的味道，好香🥰蛋黃流沙餡配麻糬真係好夾！🍳流心奶皇麻糬月餅最原始的款式，加上椰香麻糬🥚呢款肯定冇上面嗰兩款咁有驚喜但都好食🤗焗到表面窿窿地仲好🤫今次呢個《法式三層金莎月餅》比好高分🤭特別係伯爵茶味🤤🥮中秋節快樂呀各位🥮

行開去灣仔街市 見到有間好似好新既面包店就入去睇睇啦 見到面包都係大大個 錦就買返去試試佢 估唔到有驚喜第一個 紫薯麻薯包🍠🍞 入面既餡料佔左7成 紫薯微甜 加左麻薯彈下彈下既口感 加上面包用料好足 唔會有空氣感 食起黎好實在 面包上曬上紫薯粉增添甜味 我見面包表面有幾個 义 既洞洞 應該係令面包唔會發漲到爆既做法？令表面好睇d?第二個係貝果🥯好實的的 但就係因為錦所以有排咬 原味黎講真係食唔太出係咩味 只可以形容係甜味同實在既口感色澤好靚最後係紅莓合桃麵包🌹🍓🥜🥖一食洛口有一陣玫瑰🌹既香味 紅苺帶有玫瑰露既味 合桃都比好多下 用料十足 加上佢有法包既表面 好味又夾到 入面仲有濕潤既口感 好充實總結 ：-價位可能高左d但用料實在可以體諒-希望可以再創造多點新包出黎會有期待感-有少許失望 剛好去個日想買綠茶味個隻🥯但又話拎曬麻薯做月餅🥮so sad 錦希望下次去會仲有貨啦 加油呀

想係香港食好味嘅包真喺十分艱難。平時去買美心聖安娜嗰啲，真係食空氣咁，一㩒落去，即刻扁晒，食完真係一肚氣，重要畀近十蚊食空氣！😠😠😠今日咁啱行過呢間，見鋪頭新新地，就好奇入去睇下。見到有幾個排隊畀錢嘅人都買呢個包，就跟大隊買妮試食下😂 買到返屋企，都過咗五六個鐘，㩒落個包，竟然喺會即刻彈返上妮😱 食落去‘煙煙銀銀’咁，勁Jeng，同平時啲貨式真喺差九條街咁遠💕 $35咁大個包，重有粒粒芝士，個人認為絕對抵食！

熱愛香港地，為自己喜愛的地方，你會作出怎樣的貢獻？香港仍然有不少人，願意努力為理想及目標而付出。看過報導，品穀係由一對兄弟創辦，最令我印象深刻的係因為他們鐘意食麵包，一日可以食好多個，原因唔係為食，係因為食過很多麵包店 都係空氣包，很快感到餓亦彷佛無吃過一樣。這點的確令人稀虛，麵包可以令人填肚，但現在香港地大部分連鎖麵包都在偷偷減少用料，同埋用的材料往往是大量生產，添加不少不必要化學劑對人體增加負荷的東西等等。今次路經灣仔，終於嘗到他們自家製麵包。夾上手已覺份量十足呢！價格以一個有份量麵包來說，其實也挺合理。我選了芝士粒合桃麵包（忘了正確名稱）這款麵包軟身，鬆軟但是吃到實在的豐盈的，不是輕飄飄的（你懂的）裹面餡料都好豐富，粒粒芝士，不少的核桃碎粒，都算怖滿麵包裹面，夠哂足料。身體很誠實，其實食到一半已開始有飽肚感，真的真材實料！檸檬朱古力牛角酥上網見牛角酥係有給強力推介的，果然沒錯，厚厚酥層好鬆化，但不會易散開，層層也吃到有朱古力醬，味道不甜。中間夾著有檸檬果肉，帶點清香酸味，一甜一酸十分配合。食完一個有種好滿足感覺，不會再找東找西再找野食。我也很喜歡吃麵包蛋糕，除左填肚之餘亦貪其方便

係度試過好多款唔同的包 最出名係牛角包但唔係我杯茶Bagel 同埋earl grey scone 先係 Bagel 食得出佢既扎實但不是死實實 仍然有空氣感Earl grey scone 全因為佢個香味可以唔駛加jam or clotted cream 仲好好食 但當然咁樣食會乾少少

前幾日先食完過江龍🇹🇼嘅牛角包🥐，呢日又剛剛經過呢間位於灣仔新開無幾耐嘅本土麵包🥖舖，咁當然要買番個佢哋最出名嘅牛角包🥐比較一吓啦！🤣.其實呢間本土麵包舖都幾出名👍🏼，佢哋第一間舖位於佐敦，聽人講佢哋嘅麵包通常4-5點就已經賣晒🤦🏻‍♂️，由於阿叔👨🏾少蒲佐敦，所以一直都未試過佢哋主打嘅牛角包。.灣仔分店開咗半年左右，今次終於有機會親臨😙，呢間舖同佐敦有少少唔同，佢特設茶飲🥤專櫃，可以一邊食包🥖，一邊飲茶🍵。.買咗個（$23）番屋企做宵夜，仿效八月堂建議，包上加點水，放入焗爐焗一焗，一分鐘後，熱辣辣、香噴噴嘅牛角包🥐即時上碟。先講外型，本土嘅雖然貴啲啲，不過佢又真係大啲嘅。口感方面，佢嘅酥皮非常鬆化🤤，而且帶點煙韌口感，味道有好重嘅牛油味，阿叔非常鍾意，個人認為更勝台灣幫！LOL！😝😝😝

因為係附近做gym，成日都會經過品穀。唔想食咁飽，食少少野，買個包就啱晒～加上佢主打用健康材料做麵包，感覺更加好。大大話話都試過好多款品穀造嘅麵包。試過伯爵茶鬆餅、提子鬆餅、超多蔥包、合桃nuts大包、抹茶牛角酥、原味牛角酥...伯爵茶鬆餅係我最鍾意嘅。本身鍾意伯爵茶，呢個鬆餅做得充滿伯爵茶味，唔會好淡。👍🏻提子鬆餅就正常..但冇伯爵茶咁出色。合桃大包係我經常會食嘅一種包，感覺好健康，周不時都會想返嚟買。份量又大，絕對可以分幾餐食。今日食咗個新款伯爵茶包，個形狀好似個鎖匙圈咁樣，但食落冇咩伯爵茶味，失望😞

之前已經試過佢d croissant 系列，真係好好食，好特別！有keep住follow 佢ig ,有好多都想試🤤見今日放假就走去試下。未試過佢d tart系列，就買左個lemon yuzu tart,佢lemon個味好出，食落好有層次好有口感！最最要係食完唔會好溜既感覺！食得出係用心之作，highly recommended !👍👍👍仲試埋佢個earl grey scone, earl grey味都幾出，但我略嫌食完個口好張住張住，有d乾。

之前睇過飲食雜誌介紹過呢間麵包店，咁啱得咁橋有一日經過「藍屋」，再打算行返出修頓途中，居然見到呢間麵包店🥐，立即入去睇下有冇牛角包買。見到有幾款，就買了原味牛角包試一試，嗯.........可能唔係剛出爐，所以牛角包唔熱，但尚算外脆，但牛油味不重，有點失望🙍🏻下次會試下甜品類

起初以為得甜品賣，原來仲有好多麵包種類作為麵包愛好者嘅我梗係唔錯過啦！最後揀左以下三樣：開心果撻$32：底有開心果脆脆～ 中間有開心果mousse! 上面就係一大pat開心果cream😌 唔會好甜又有淡淡開心果香👍🏻 不過我覺得味道可以再濃啲紫薯．麻糬包$16：紫薯好rich 配上煙韌麻糬，口感極佳🤤 敗筆...係個包，好諧好乾😖經典牛角包$23：外面非常酥脆！！入面係蜂巢型嘅結構🐝 雖然話係以低溫發酵引出牛油香，不過食落又唔覺好重牛油味～um...今次食感覺甜品出色過包～ feel到好有心機去研發食品種類，但性價比一般～

Inspired by Chicken Katsudon, the bread gives off a pleasantly savoury scent. The poached egg looks perfectly smooth and glossy. Together with a fair amount of slices of chicken and shallots, the bread is simply a hard-to-resist. The soft and puffy bread soaks up the half-runny-half-fudgy yolk nicely. Combined with reasonably flavoured toppings, the bread is definitely a go-for for people craving for Chicken Katsudon! 

在佐敦的品穀一直都有幫襯開 已有一定的信心保證知佢近來在灣仔再另開分店 經過開一定要支持一下灣仔店的空間更大 最愛佢地的酥皮系列 超級草莓閃電酥 $32買完已急不及待食 令人十分驚喜一口咬落去係有酥脆的聲音 加上表面鋪左士多啤梨粒再配以佢地自家製的紅莓果醬 酸酸甜甜果然如佢地介紹所講集牛角包及閃電泡芙於一身如果鐘意食酥皮類的朋友 一定要試佢呢個系列有機會要再試埋其他口味的閃電酥 朱古力檸檬酥 $27再試近來另一新出品 已經係再隔左好幾個鐘先食打開都無出油 食落仍然酥脆入面有朱古力及檸檬餡 都係好味之作 用心小店製作高質無添加麵包食落就知係值呢個價

為踢走Blue Monday，每個星期一我都會喺公司附近搵下有無好食嘅早餐，務求食得開心心情好。，上網睇到公司附近開咗呢間品穀，仲係我最喜歡嘅牛角包，我已經決定呢個星期一即去！而開舖時間算早，8點就開，我9點幾去就應該無問題吧。可惜我9點幾去到，無乜麵包款，牛角包就得原味，無其他味。我睇上網介紹嗰啲特別味道，全部都未有，有啲失望。明明麵包就係早餐，就應該早早就有吧。無辦法就淨係夾咗個原味牛角包。另外，我仲比佢嘅品茶系列吸引到。見到牆上掛住嘅疑似奶蓋系列嘅玫瑰茶好正咁，就叫咗杯熱嘅。但係一開始店長話要睇下準備好未先知可唔可以做到比我。其實都已經開左個幾鐘舖，都未準備好嘅話我係有少少驚訝，佢係咪做早餐架。我等左陣，佢最後都係有嘅，好彩。買咗番公司食，個牛角包，說實在係比較普通，脆又唔算好脆，牛油香都係正常。佢係比一般麵包店好食，但以專賣黎講就一般，可能我對佢期望高咗啲。而個玫瑰茶，噢，我仲以為我會飲到熱嘅奶蓋，點知原來淨係得茶。好失望，如果佢提醒我熱嘅無奶蓋，我就叫其他呢。不過味道係無問題。其實算好飲，香味同口味都一讚，只不過係expectations 問題。唔..我都要考慮下下次嘅早餐仲

媽媽話經過見到d蛋糕勁吸引忍唔住就買左好多返黎~我好耐無食件裝cake啦見到d蛋糕咁精緻都變晒心心眼😍午後的尾巴 $50可可的尾巴 $52咖啡的尾巴 $52起嘅名幾特別🤔♪ 午後的尾巴係伯爵茶慕絲蛋糕嘅茶味好濃好滑！好有驚喜！♪ 而可可的尾巴有非常濃厚嘅朱古力味☺️朱古力係我最愛 簡直係一啖接一啖食唔停♪ 咖啡的尾巴就略遜色一點咖啡味有但不夠濃郁 我比較愛另外兩款其實價錢係略貴架但好在佢質量味道都算對得起依個價食完有滿足感♥︎