Cocolo Tokyo Cake Factory (西貢海傍街)

營業中

休息中

睇到報導 介紹店主上網睇到好評如潮聞說店內所有蛋糕同蘋果批都係日本製作再空運到港所有食材都用日本本地貨雞蛋係用和歌山雞蛋蘋果用日本青森縣既蘋果蘋果粒粒都切成2立方厘米每個蘋果批都有30-32克蘋果每一個step都非常講究一聽到 我就超級想試因為本身都好鍾意食蘋果批但因為時間就唔到既關係 黎左幾次都賣曬食唔到今次 去前就打電話問定 就到出爐時間即刻飛奔過黎買 終於 終於 終於 都比我買到喇終於 終於 終於都試到喇買左4個同屋企人一齊分享一打開個盒就聞到淡淡蘋果批既味道咬落好鬆化有蘋果淡香 食落唔酸 味道唔會過甜有口感食完一個都唔會有膩既感覺值得一試

Cocolo Tokyo Cake Factory (西貢）📍.假日到西貢閒逛既時候見到一間主打蘋果批既小店🥧好似幾吸引 決定入去試試店內主打蘋果批同芝士蛋糕標榜全部都係係日本料同日本製作🇯🇵.🍎蘋果批（$33）蘋果批外皮酥脆 裡面粒粒蘋果同吉士醬 酸甜恰宜 食落一啲都唔油膩😋蘋果批加$15仲可以配杯野飲🥤有latte coffee 個啲揀 飲品質素都合理 可以一試👍🏻.宇治抹茶奶茶+日式焗芝士蛋糕🍰（$35）口感幾滑溜 帶有淡淡檸檬香味🍋食落一啲都唔滯🤙🏻.總括而言 食店既蘋果批同蛋糕都幾高質 味道唔太甜 好味🤤只不過坐位唔多 室內室外位夾埋都係得五張台 有興趣既朋友要有心理準備可能要外帶或者揀企位食啦👆🏻.人均消費：$41美味指數：😋😋😋😋😋😋😋😋 （8/10）抵食指數：💰💰💰💰💰💰💰 （8/10）打卡指數：📷📷📷📷📷📷📷📷（8/10）.店名：Cocolo Tokyo Cake Factory (西貢)地址：西貢西貢海傍街9號地舖.

入到嚟西貢，朋友介紹一定要試呢個青森蘋果批！去到岩岩新鮮出爐❤️❤️雖然$33都唔平，但食落係有驚喜既！外層酥皮夠酥脆，內裡真係有蘋果肉，少少酸，唔太甜，配上吉輕醬完全冇得輸！

西貢市中心一向出名多嘢食🤤呢排就多咗樣西貢名物：🤩用日本🇯🇵青森蘋果🍎整嘅蘋果批😋，外層鬆化，入邊嘅蘋果🍎肉又甜又香又軟滑😍。有時仲有其他期間限定口味，各位入去西貢市中心的話值得去試吓～

之前有好多報道介紹西貢蘋果批 而且我係第2次先買到黎食，因此對佢抱有好大期待，畢竟$33一個批 期待會有同等既價值比返我。而店內做緊d 優惠 買3件$88蚊。山長水遠 都要入黎試試既。而叫咗期間限定 和歌山橘子批、藍莓批同青森縣蘋果批。蘋果批出色 餡料真係食到蘋果肉 而且甜度適中 蘋果嘅鮮味加上吉士醬配搭到極點當然佢嘅酥皮都真係好脆口 和歌山橘子批行了用上橘子醬 但覺得似係果jam咬唔到橘子肉 只係食到我就橘子味嘅jam蓉並不是太過好食藍莓批由於哩一件係我第二朝先食無加熱 批既脆口度雖然係減少咗 但都有保留到既麵粉既咬勁依然存在。 而藍莓味都保留到，只係無咩特別。

呢間蘋果批位於西貢海傍街嘅盡頭，係let’s jam嘅正對邊，門面係綠色同木造嘅設計，加上一個好似龍貓入邊嘅巴士站牌，令人有一種去咗森林小屋嘅感覺入邊嘢食就唔多，主打青森蘋果批，有時會有期間限定嘅栗子批、橘子批、藍梅批等等第一次嚟食嘅時候仲係啱啱開幕，當時佢會大概儲起一批五至十個order, 再放入爐焗，咁每位客人都可以拎到新鮮熱辣出爐嘅蘋果批每個蘋果批都充滿住又香又甜嘅青森蘋果粒，再配埋酥脆嘅外皮同香滑嘅吉士醬，係會令人一啖接一啖燙口都會不停食😋😋無花果抹茶幾好飲，飲得出係日本抹茶粉開唔係用啲綠茶粉沖嘅，都好香好解渴因為太好食嘅關係，所以前前後後都再去多咗幾次，好可惜最近呢次，個蘋果批真係令人有啲失望😢個批扁咗好多，入邊嘅蘋果餡都變到得返以前嘅1/3😣 希望佢只係一時失手之後會變返以前咁啦😔

原來西貢都真係好多嘢行好多嘢食㗎，今次就行到海鮮街附近嘅青森蘋果批，點解會食呢間呢，係因為佢個外型真係好吸引，一見到佢個樣好日系，我就好想去入去食啦。你會睇到個外面，原來真係好日系，所以就俾佢吸引左，買咗呢一個青森蘋果批黎食啦。入到去好多人排隊，每一個蘋果批都係新鮮出爐，所以呢好熱辣辣，而且啲人排完隊之後都即刻賣晒，所以好新鮮好熱好好食。講吓個蘋果批，個蘋果批個酥皮好脆，裏面啲餡係日本嘅清心蘋果果肉，配合埋個吉士醬，仲要係好多嘅吉士醬，新鮮出爐嘅蘋果批熱辣辣，成個感覺好吸引好好食好新鮮。

今次係第一次行海塝街，原來呢邊有好多小店同cafe shop，下次有機會我地可以過嚟試吓其他。言歸正傳，我哋行緊海塝街嘅時候見到呢間舖頭啲蛋糕做得好精緻同好靚，所以想買來試吓。由於間舖頭好細，所以我哋都係外賣左件蛋糕，坐喺海邊食。佢哋有個抹茶套餐，一件蛋糕加一杯抹茶嘢飲就$35。-凍抹茶奶茶呢杯嘢個顏色就唔錯好似好重抹茶味咁，可惜飲落個抹茶味好淡，差唔多飲唔到抹茶味。另外就係呢杯叫做抹茶奶茶但完全飲唔到茶味只係覺得自己食緊鮮奶。啲抺茶味完全俾啲鮮奶蓋過晒，抹茶粉同鮮奶嘅比例錯咗。希望下次佢哋會改善啦。-日式焦糖芝士蛋糕呢一個芝士蛋糕又係令我好失望，首先個芝士蛋糕一啲都唔重芝士味，反而有好重益力多嘅味道。另外，個芝士蛋糕唔夠柔滑。真係好失望😞總括來講，我係有啲失望因為芝士蛋糕同抹茶奶茶都係啲好容易整嘅甜品，可能我哋叫咗佢哋啲唔係拿手嘅甜品所以就出咗事。

週末和朋友去西貢市行下，漫無目的左穿右插看看附近的小店，發覺西貢除左食海鮮外都有幾多食店喎。咁啱經過此店發現大大隻字寫住日本青森蘋果即時心心眼，難得有果批當然要試下，見在場也有不少人幫襯。日本青森蘋果批 $35價錢貼地食一兩件都OK，果批新鮮焗製拎上手熱辣辣，內餡超熱好燙口，涼一陣先好食。酥皮鬆化脆口不太油膩 ，果批餡好多青森蘋果肉足料，填滿吉士醬入口軟滑味道清甜，算得上特式小食，來西貢值得一試 。

行開西貢見到呢間店好多人圍住咁就梗係要趁下熱鬧睇吓係乜嚟🙈🙈.見到門口貼左一啲報道介紹佢哋嘅青森蘋果批又話係日本直送咁樣又聞到有啲批ge香味既然係咁 就排隊買黎試下喇😛.入邊唔係話好大但都有啲位置俾你喺嗰度食嘢坐嘅位唔多但係唔介意嘅話都可以企喺店入面度食又放咗啲消毒洗手液真體貼..我地叫咗一個青森蘋果批同埋一杯涷的抹茶奶茶蘋果批熱辣辣咬咗第一啖好脆d 皮入邊啲蘋果肉真係唔同d唔會話似出邊啲蘋果批咁 得個甜字係有種清新嘅感覺好特別餡料分量亦很好每一啖都會食到蘋果唔怪之得會排晒隊.杯抹茶奶茶都唔錯抺茶加左奶抺茶味唔會話太濃男朋友平時唔太飲抺茶 但呢杯佢都話好飲但夏天食批覺得太熱嘅時候就飲番啲涼涼地嘅嘢啦...

雖然疫情仍然嚴重，但之前在家工作了二個月，都沒郊遊過，今天復活節假，就到幾年都沒去過的西貢郊遊遊一下。行到下午茶時間，見到這間有抹茶蛋糕加抹茶奶茶套餐，好像很不錯，非常適合當下午茶，當排隊到付款處時，突然改變主意，因為有復活節限定，$88三款批(藍莓、和歌山橘子、青森蘋果)加$18有布丁凍咖啡(少冰，真係堅比少冰)，口味全都是我最愛，試齊3款主打，何樂而不為呢批皮脆而不油，蘋果很清新爽甜，配上吉士醬(我估是吧)，好味!而藍莓就比較普通，與平時食到的藍莓醬味道差不多。最後食橘子，很重果味，味道特別，不是周圍食得到，是最好味的一款! 布丁咖啡挺重咖啡味，但可能先食左三款果味，布丁味就道變得薄弱了，或許布丁糖水落少了，只嘗到丁點布丁味道。下次去可以再試試有咩新口味

之前黎西貢經過幾次都覺得呢間鋪好靚好有特色🧡今次先知原來係賣蘋果批😝🥧由日本製作後再空運黎香港新鮮焗製🇯🇵有一定既質素保證呀😋💓🍏青森蘋果批 $33 （8/10）新鮮出爐 拎上手熱辣辣～😍🔥披皮入口酥脆鬆化 ，內餡豐富香甜🍏✨用上北海道牛油🧈味道香濃突出！披皮表面亦有掃上糖漿，甜絲絲的好好味😋內餡粒粒青森蘋果🍏味道酸酸甜甜好清新！每啖都食到，份量都唔少架👅混入既吉士醬亦有加入青森縣蘋果製成入口軟滑creamy，甜而不膩(๑´ڡ`๑)除左蘋果批，有時仲會推出藍莓批/栗子批仲有芝士蛋糕、抹茶等選擇✨黎開西貢都好值得黎試下😚

上一次去幫襯剛剛開業，餐廳位置雖然隱蔽但已經好多人！上次見到報導話生意小左，打算再去，今次假日下午茶大約四點去到都仲係好多人，見到仲多左新d產品粟子批同梳打水。當然要食佢既出名既蘋果批，青森蘋果香甜，蘋果批表面酥脆，加上新鮮出爐熱辣辣，必食！另外叫左一個雙層牛乳芝士蛋糕，蛋糕牛奶味好濃，蛋糕好滑！好好味！加多一支新產品柚子梳打，出奇地同個蛋糕，蘋果批勁夾，三樣野大約100蚊，唔算平，但係值得！支持小店！會再去幫襯！

🍰我每次去西貢，經過呢間嘢都好想試！今次試咗佢嘅青森蘋果批、香橙芝士蛋糕同朱古力！我個人就覺得蘋果批不過不失，可能我食過日本嘅Ringo，我覺得呢間無乜特別，但我家姐就不斷話好好食！☺️不過，其實都幾香嘅😆而香橙Cheese cake就係我啲嘢喇！我不斷話好好食，就好似我家姐讚個蘋果批一樣！佢係有少少乳酪味，個質地比較特別，佢有少少冰感，相信攤耐少少，個味會更出！朱古力就無特別，甜咗少少！但不得不講嘅係：佢啲嘢飲伏到爆！超！級！難！飲！佢個無花果抺茶係一啲無花果味都無，就連抺茶嘅味都唔出，只可以講係飲緊沖劑咁🙈咖啡、朱古力都一樣，用粉沖嘅味！所以大家如果想試呢間嘢，千祈唔好飲嘢！蘋果批、cake係可以試吓嘅！☺️

首先本人認為，星期六日唔係一個入西貢的好時機😌除非你一大清早入，晚上才離開。路程：一出一入一條路，無其他路入，所以無論入西貢，離開西貢，亦會塞車，來來回回2小時一定唔少得🤮環境：另一個油尖旺，人山人海，搭車排隊，食嘢排隊，去廁所排長龍⋯⋯😒所以為咗食嘢「可以去到幾盡」我一定唔會係最盡，就以為上路程及環境因素，我會好珍惜今次星期日的經驗，好好品嘗「青森蘋果批」出奇地，好彩地，3點入到西貢，不用排隊就買到蘋果批，但店內店外的位子，已經坐得滿滿的，所以我帶走，一路行一路食。由於人流多，蘋果批一出爐就賣出，所以件件批也十分新鮮，熱辣辣，仲要係辣口的程度。提提大家，果蓉好熱，小心一咬爆汁辣親嘴呀🤪果蓉不會過甜，口感十分淸新，批皮亦十分脆口👍🏻