CHICKEN FACTORY (香港仔中心)

營業中

休息中

今日一人晚餐食咗一件燒雞份量幾豐富燒得入味惹味而且有點雞油唔會好乾另外加點了薯仔整體份量好飽肚。價錢合理唯獨是外賣時候忘記了餐具服務質素可以提升多一點便會更好了

烤雞套餐Chicken Factory是一家知名的連鎖烤雞餐廳，提供各種美味的烤雞套餐。他們的烤雞套餐通常包括烤雞、配菜、沙拉和飲料。烤雞通常以不同的調味料和口味烹製，例如原味、香草、辣味等，以迎合各種口味喜好。配菜部分可以包括炸薯條、烤蔬菜、蒜蓉麵包等。沙拉通常是用新鮮的生菜葉子、蔬菜、水果和各種醬汁調製而成。飲料方面，他們提供各種飲品選擇，如汽水、果汁、茶和咖啡等。Chicken Factory的烤雞套餐以其美味的烤雞和多樣化的配菜而聞名。他們致力於提供高品質的食材和新鮮的食物，以確保顧客的滿意度。

今日買咗個1/4烤雞餐，拎到返公司一開，只見雞髀，以前食開都有一忽雞胸位，拎返去同問店員，佢話1/4下壯不嬲都係雞髀位對入，雞胸屬於上壯，以免有既可以係職員比多左，咁我食咗十幾次都係你哋比多左我？我以後不會再幫襯！

夏天恐怕真到了！一額頭的汗水，不分路線的滴下爬滿面龐。和朋友躲進了冷氣間，隔絕了驕陽的洗禮，這是個寧靜愜意的星期四下午。小店開在熱閙街區的邊上，堂食人流不多，更多的是外賣。與朋友開心share了一個二人餐（$138），包括一隻燒雞、薯仔、粟米、雜菜、兩客飯和兩杯飲品，陣容鼎盛；列隊整齊，食物都放在那些杯非杯；碗非碗的器皿內，不很環保，低聲為地球叫屈！「乜咁㗎....」！這套餐真是抵食！兩個人各分了半只雞，熱騰騰的它容易解構，塑膠刀輕輕一划，皮肉馬上分離，味道很好，建議別淋醬汁，雞肉已經足夠咸。朋友吃油飯，我則挑了蘑菇飯，賣相和味道都是後者較佳，不及肯德基；卻也不俗，只是蘑菇汁份量太少太摳門，不夠拌飯。三小碗/杯中，薯仔最好，有7-8块，吃完已飽了九成；雜菜擺盤比較潦草，是不經意之作；粟米最一般。飲品可樂正常；冷泡茶很不錯。

中午12點幾去到叫咗個海南雞米線、轉頭個店員同我講冇哂米線得返飯當堂o哂嘴、中午就冇哂米線、冇預貨開鋪嘅咩？（而且冇米線你應該喺個牌度貼住賣晒唔係我俾完錢之後先我講冇、迫我要飯囉）我同佢講話唔想食飯、可唔可以換其他野俾我、講完一輪後佢話換餃子然後退返幾蚊俾我、原來佢係取消我個海南雞米線重新落個湯餃子（可能我哋溝通唔到有啲誤會啦）如果佢態度好啲我都冇咁嬲、但啲店員全程都係一副冇米線呀～食材係會賣晒㗎啦你食唔食吖咁嘅態度、正宗貼錢買難受呢間嘢永遠blacklist冇下次

中午叫左個海南雞飯配紫菜湯，個飯味道一般不過係少少暖唔熱，個湯係凍嘅都算仲要淡而無味。堂食咁嘅質素真係差，如果外賣送到黎已經係凍曬。試過一次冇下次，評價只係可以比1星

其實間唔時都有幫襯，因為香港仔唔多好野食今日同平時一樣都係叫海南雞飯，食到半路揭開D 雞肉，哇，血紅色...出去同職員講，點知佢咁回應我：熟架，冇可能唔熟架，可能入面有D 色素所以先係咁喂阿姐，你第一日食雞肉咩？ 入面血紅色好大機會係未熟透啦，你當我傻仔？ 仲話入面有色素，咁我仲食唔食好？呢間分店永世blacklist

去到香港仔都搵咗陣，好少行開呢邊，個位有啲隱蔽，但其實都係商場入口，只係平時好少留意。一入到去覺得似外國啲燒雞店，入去見得兩張檯，原來入去轉個灣別有洞天，仲有幾張檯十幾個位。門口有兩部自助點餐機，勢估唔到呢間貌似外國燒雞店都會有海南雞飯食。我同朋友點咗個二人餐，有隻烤雞、兩個飯、三隻瑞士雞翼、焗薯同埋兩枝飲品。我想講呢個份量直程夠三四個人食，我哋兩個食剩大半隻雞，油飯都唔錯，朋友就話蘑菇飯好食過K字頭嗰間，瑞士雞翼就麻麻哋，烤雞燒得幾香口美味，焗薯都唔錯。另一位朋友點咗海南雞飯，估唔到啲雞又幾滑，似模似樣，朋友都覺得好食。呢個價錢其實幾抵，只係份量太多食唔曬，所以下次三個人share算喇。

Chicken Factory超多分店，以前係沙田食過一次，覺得好好味😋終於終於！開到黎香港仔啦！Chicken Factory最有代表性嘅應該就係$58一隻烤雞🤣性價比超級高👍🏻👍🏻 啱啱烤完嘅雞鮮嫩多汁，唔會柴，啖啖肉真係好爽😄不過隻雞偏向淡口，但係佢有搭配左醬汁（如果多d醬就好啦），mix埋一齊口味非常唔錯😋因為今次係無意中發現開左，咁本身都準備左其他野食，所以今次就淨係嗌左隻烤雞，下次會試下佢個海南雞🤩相信應該都唔會失望😋