CHICKEN FACTORY (香港仔中心)

營業中

休息中

去到香港仔都搵咗陣，好少行開呢邊，個位有啲隱蔽，但其實都係商場入口，只係平時好少留意。一入到去覺得似外國啲燒雞店，入去見得兩張檯，原來入去轉個灣別有洞天，仲有幾張檯十幾個位。門口有兩部自助點餐機，勢估唔到呢間貌似外國燒雞店都會有海南雞飯食。我同朋友點咗個二人餐，有隻烤雞、兩個飯、三隻瑞士雞翼、焗薯同埋兩枝飲品。我想講呢個份量直程夠三四個人食，我哋兩個食剩大半隻雞，油飯都唔錯，朋友就話蘑菇飯好食過K字頭嗰間，瑞士雞翼就麻麻哋，烤雞燒得幾香口美味，焗薯都唔錯。另一位朋友點咗海南雞飯，估唔到啲雞又幾滑，似模似樣，朋友都覺得好食。呢個價錢其實幾抵，只係份量太多食唔曬，所以下次三個人share算喇。