CHICKEN FACTORY (荃新天地2)

營業中

休息中

價錢驚喜！人多叫外賣APP可以52-61蚊連運費食到半隻燒雞？！仲要包一支大大支膠樽飲品宜家好多外送食店寧願唔做跟餐飲品都費事倒瀉比人投訴。呢間直接送你一支膠樽裝冷泡飲品，好有誠意呢。同事選既係檸檬洛神花冷泡飲，飲落唔甜，酸味豐富適合食雞餐解油膩。仲要一讚佢唔係用膠盒裝，紙餐盒感覺環保好多！其中同事叫左：1.麻辣無骨雞飯配紫菜蘿蔔雞湯（折扣後$50.4）原來麻辣汁另上，適合怕唔食得辣既人士同事評價：雞肉少少鞋，但個油飯真係好好食，好香蔥油味，份量亦飽肚。蘿蔔湯細細碗，好濃蘿蔔味。2.牛肝菌烤雞餐（半隻）配烤雜菜+香草焗薯連一支冷泡飲品（折扣後52.2）呢個價錢有半隻雞有配菜仲有一支冷飲，真係無得彈！唔好睇隻雞好似好細，都好多肉，d肉唔乾身，有味醃過，配上醬汁好滋味同事食完雞飯黎試少少烤雞，佢覺得烤雞肉質好食d我就一定要大讚薯仔了，每隻都軟綿而入味食完一隻又一隻！不過都好強既孜然味，我好ok，唔喜歡既朋友要小心揀了呢個份量同配菜同事都捧住肚話好滿足。如果覺得咁樣唔夠飽，可以係三項配料中選擇飯+薯仔，咁就大胃王都夠食了。整體黎講呢間餐廳一定會encore之餘，亦值得搵機會堂食一下！

一個半隻皇牌烤雞餐先$50！食過2次都仲係極度欣賞，半隻已經食到好飽好滿足，堂食岩岩焗好熱辣辣食先正，所有配菜都整得好好味，有種坐左喺個火爐前面食聖誕大餐嘅感覺😂

烤雞肉嫩滑好多汁，只係隻雞及汁醬唔夠熱。我無跟飯只係配薯菜，都食到超飽！麻辣雞飯，肉質好正，只係個汁得個辣，唔夠香。價錢正常，唔貴唔平！環境坐得舒服，枱與枱唔會太逼夾

2-2-2022 (Wed)年初二冇去拜年,晏晝同老公食完嘢,就行嚟如心廣場睇Twin Star裝飾,而經過呢間食雞嘅專門店,睇佢好似好吸引咁,又咁啱,撞正佢原價$68.00原隻烤雞,賣$48.00嘅優惠時間,既然開年要食雞,不如就喺喥買一隻啦,以呢個價錢,都知係春雞嚟㗎喇.買咗後都嗅到幾香.返到屋企到開飯時間喇,拎出嚟唔係好大隻,但切完又好似有好多,先唔蘸佢嘅汁食,都覺得夠味,雞胸肉都唔係好嚡,蘸佢嘅汁食,多咗黑椒嘅辣同濃味,我就覺得可以唔蘸.而我諗,如果即時喺嗰喥堂食,應該幾好食.

寫食評先發現原來荃灣都開多一間🤩🤩，恭喜恭喜🎉🎉～～～海南雞湯米線🍜～～～睇海報以為係分開上，原來係放埋喺湯入面😶😶，雞肉方面我就覺得浸湯嘅比較‘鞋’D，冇之前食嘅海南雞飯、手撕雞咁嫩滑😑😑，可幸係個雞湯汁幾香雞味😃😃～～～豚肉拼餃子🥟湯米線🍜～～～（+2轉酸辣）米線黎到時冇餃子🥟，告訴職員後好快補返，態度好好👍🏻👍🏻酸辣湯底唔會太酸，容易接受！豚肉就比較細塊但有好多塊😝😝，肥肉多過瘦肉，好彩未去到肥淋淋嘅質地😄😄，餃子🥟有三隻正常味道😊😊～～～烏龍茶、黑豆漿～～～烏龍茶味香口解油膩，但佢應該貼錯洛神花茶🥴🥴！黑豆漿好香黑豆味🤗🤗下次試吓去荃灣另一間分店試埋個下午茶先🥳🥳

今日去荃新天地嘆下午茶, 發現咗間食雞專門店。餐廳座落商場1樓, 採用自助點餐機形式經營。 部機支援八達通、支付寶同微信支付相當方便。我點咗個迷你海南雞飯套餐, 連罐裝飲品28蚊, 價錢相當實惠。海南雞斬開好多嚿, 配合餐廳獨有嘅調味料, 相當美味。除咗主要材料海南雞外, 仲配以白蘿蔔、 紅蘿蔔等佐料, 令成碟野色彩更加豐富!

得知荃新天地二期新開一店主力賣雞，小店稍有裝修，著力點明確，出品較易控制，多數唔差得去邊。多數下午四點堂食，有位。有自助點餐機，落單方便。基本上必點都係皇牌煙雞半隻，主力做外賣，堂食都係外賣上，雞同配菜都一早整好，有客點就微波爐翻熱。雞有時就燒得燶咗啲，雞翼位。一般配咖喱汁，有幾香嘅孜然味。點雞油飯，都係唔錯嘅選擇。烤菜都幾多，不過甘荀，四季豆次次都唔淋好硬，同樣有孜然調味。雞肉就不過不失，其實唔係好入味，所以個汁係必須的。啲餐具好鬼渣，試過爛幾支。食過一次海南雞，雞得幾條，唔係好抵，斑蘭香茅個啲味都無乜，唔多海南風味。上面加啲炸蔥豉油，有點睛作用。滑都滑嘅。酸菜，開胃。飯就濕爛咗啲。薑茸都唔香，唔知整咗幾耐？海南雞跟蘿蔔湯，比水好一點。整體而言，48蚊半隻燒雞跟埋嘢飲算抵食嘅，當係一個蛋白質來源。

今日介紹既係「限時特價燒春雞」！原隻燒春雞$68，如果指定時間買仲可以平$20，即係$48蚊就有交易，咁當然先到先得，手快有手慢就無啦，所以買當日未夠鐘數都已經有幾個人排緊隊～講下隻雞先，比我想像中大隻，外層既雞皮搽左蜜糖，食落甜甜地之餘仲脆脆地。入面既雞肉非常嫩滑，一食已經流哂肉汁，就算連雞胸肉既部分都唔會鞋口。真心期待佢優惠可以做到聖誕節🎄

昨晚係‘茶泰’食完飯，出門口隔離就係‘ChickenFactory’ ，同🤴🏻決定今晚就食呢到啦😝😝～～～皇牌滋味二人餐～～～1. 可以揀烤雞或者海南雞，我哋琴晚就喺隔離食咗海南雞今晚食第2D，就自己手撕烤雞😂😂烤雞好香，份量都幾大隻！肉質一啲都唔會鞋而且好入味😊😊2.雞湯油飯（兩碗）油飯令身又唔油又入味😚😚3. 焗薯/經典碗仔翅套餐三樣揀兩樣，碗仔翅就正常！但係個焗薯真心有驚喜，極香薯仔味軟硬適中，一定要叫黎食🥳🥳最後仲包埋兩罐可樂都係$118！好快會成為荃灣嘅新熱點🙂🙂

這間店舖的烤雞，如果啱啱出爐是很好吃的，不過今日唔係新鮮出爐，味道就差啲，今日點了半隻雞加兩份雜菜，加一支洛神花茶，都只係$48， 味道都OK，平時都好多人排隊等外賣，因為座位有限，坐得多唔係太舒服。雜菜我嫌太鹹，味道太重。

烤鸡好看不好吃、不好吃，而且蔬菜和鸡肉是冷的都不热，应该是提前热好放在哪里的，有人下单了就直接打包。建议店家提前热好也要保温好呢！希望可以让客户吃到热腾腾的饭菜了。

上個星期食海南雞飯覺得好正今日介紹埋朋友一齊食點知因為上次食所有汁醬都會分開今次竟然冇汁醬問一下店員先知淋左上面滿心歡喜返去一打開飯盒點解冇蔥油既唔係話俾我知上面啲蔥係蔥油黎掛？精髓冇左酸辣汁又冇應該可以轉飯堂了係估唔到水準跌得咁快等外賣既時候周圍望下衛生方面有待改善見到肥仔哥哥冇帶手套夾住幾隻杯仔（外賣湯碗）手指叉哂入去湯我真係唔敢飲

荃灣放工經過呢間新開嘅雞舖咁啱就黎到6點話有特價$48蚊一隻烤雞(原價$68)，就即管排隊等下條隊唔算多人，好似都係10個人內等左10分鐘到6點正店員就會叫排隊人士去買，即刻比錢唔洗等就有得攞攞左從個紙袋都聞到幾香🥰番到去一開都幾大隻喎，啱哂一家四口用黎加餸拎到番屋企個皮就唔脆架啦，有d似kfc燒雞咁，不過無蜜糖味成隻雞偏咸左少少，仲有兜醬比埋你不過都唔洗點，好濃味雞肉都比想像中嫩，係胸位有少少鞋口，都預左$48蚊都算係幾扺玩👍🏼👍🏼

見新開。。於是lunch去試下～揀了皇牌烤雞餐，見全日供應～可惜食物不太熱。。烤雜菜落了孜然粉，有點像平時食串燒的味道，但配落菜到，味道有點濃～反而個雞油飯。。。好好味～雞揀了配牛肝菌汁。。。見所以食物味道都濃，可以揀不用配汁也可～.檸檬洛神花冷泡茶🍋🍃🍵味道兩樣加起來偏酸。。幸好公司有蜜糖，加了點蜜糖落去，才好喝些😂😂😂.下午茶的餐單～.店內主要供應的餐單。。餐具，飲品自己去拎。。像快餐店🤣