CHICKEN EGG BOY

營業中

休息中

近期人氣很火的首創菠蘿包雞蛋仔，每粒雞蛋仔上都有一層菠蘿包的脆皮。外層脆卜卜，內裏Q彈蛋香。食完即刻想再 encore ! 另有其他口味特色雞蛋仔，如腿蛋雞蛋仔、餐蛋雞蛋仔、咸牛肉蛋雞蛋仔等，都值得一試。場入面仲有好多打卡位，打卡之餘。其實我覺得最重要係可以做埋善事。佢哋會將全數捐作慈善用途，用美食傳遞愛心！⭐️溫馨提示⭐️ 排隊需要大約15-30分鐘唔想排隊，早好未開門前排定或差不多關門的時間去比較好。

香港街頭美食最近見到上環一間新開雞蛋仔店成日排長龍，我哋又即刻排隊去買來試吓菠蘿包雞蛋仔好特別啊，係每日限量架～成底雞蛋仔好似好多個迷你菠蘿包每粒雞蛋仔上邊鋪上酥脆菠蘿皮再烤焗，開放式廚房可以欣賞到成個製作過程，真係花盡心思🙌🏻新鮮製造，一出爐熱辣辣真係好香菠蘿包味外皮酥脆香甜，口感鬆軟，雞蛋仔口感Q彈，一啖塞落口，係一種好難形容嘅全新口感，除咗招牌菠蘿包味，仲第一次試到鹹牛肉蛋雞蛋仔，鹹香惹味，每一粒都有滿滿嘅餡料，脹卜卜，非常足料，仲可以選擇午餐肉同腸仔兩款雞蛋仔都係第一次試，估唔到雞蛋仔都可以有咁多款式，呢度都有幾張枱凳，落完order可以坐低飲住咖啡等，即叫即整，製作需時，下次好想試吓其他口味

去左差唔多一個月日本之後，又開始想念香港既美食，尤其係雞蛋仔，所以知道有間近日好火既排隊店就即刻來了。為了不用排隊，所以店家未開門就來了，今次我就點左菠蘿包雞蛋仔（$59）（只接受電子支付），攞完飛仔就可以坐低等食（店內有4張枱），由於餐廳係用到開放式廚房，所以整個制作過程都睇得好清楚，我就因此感覺到店家好用心去制作雞蛋仔，因為原來個過程都幾繁複，整好左個雞蛋仔之後要先放涼，然後再將菠蘿包皮以人手一塊一塊咁貼上雞蛋仔上面，最後仲要放入烤廂烤一陣先可以完成，所以新鮮出爐既雞蛋仔，質感好香脆，而表面既菠蘿包皮就甜甜地，個人認為有少少似維他奶味，好好食呢！

喺香港嘅街頭美食入面，雞蛋仔一直係我最鍾意嘅經典小食！最近俾我發現到呢間新野有「菠蘿包雞蛋仔」嘅岀現！呢個咁創新嘅組合，我當然即刻要去食啦😎呢間店唔單止以雞蛋仔為主題，仲融入咗街頭文化，打造咗一個懷舊又新潮嘅氛圍😌真心大推佢哋嘅「菠蘿包雞蛋仔」‼️每一粒上面都有迷你菠蘿包嘅脆皮，外面酥脆，裡面柔軟，口感獨特又好食！👍 除咗傳統嘅甜味雞蛋仔，仲有創新嘅鹹甜交錯口味，好似餐蛋治雞蛋仔同鹹牛肉雞蛋仔，等你喺品嚐中挑戰味蕾極限😁但係我個人就比較鍾意食甜味嘅雞蛋仔，所以今次就嗌咗菠蘿包雞蛋仔，朱古力雞蛋仔同埋原味雞蛋仔，決定要下次再食埋佢哋嘅鹹味雞蛋仔😉最後比我發現到呢度嘅雞蛋仔師傅又大隻又靚仔！唔單止技藝高超，仲識得拉咖啡花！真係好有驚喜呀🤩

最近見都好多post介紹呢間整菠蘿包雞蛋仔所以趁假期得閒就去試下去到門口無論係外賣定堂食（佢仲有野飲可以叫）都要係門口外面排隊排左15分鐘就可以入去裡面有部機比你自助落單落左單之後大約等左10分鐘左右就有得拎都算係快拎到上手係暖暖地賣相唔錯既可能真係幾期待到左食個下其實係無咩菠蘿酥皮味加上佢無左雞蛋仔個種口感，佢係偏硬食左幾舊之後覺得好膩時間耐左會再偏硬身唔係差既，但我會寧願食番傳統口味既雞蛋仔價錢$59一底拎黎打卡係幾得意既但無必要都唔會再買

菠蘿包雞蛋仔合2為1⁉️兩樣都係香港香港經典食品，究竟係點，雞蛋仔出模之後，放上菠蘿皮，再入焗爐焗，所以製作時間頗長，但係出爐之後香噴噴好鬆脆，都值得等待，雙重口感，細細粒菠蘿包仔好cute。另外，試左咸味雞蛋仔，自選 「三拼」組合口味，將茶餐廳經典配料餐肉、腸仔、鹹牛肉、雞蛋，自由配搭，食落比較濕潤，鹹香午餐肉、鹹牛肉，雞蛋，好有港式茶餐廳風味。 仲有港式奶茶，檸檬茶等飲品。店內有座位可以慢慢嘆，裝修新潮，有打卡位，打破雞蛋仔只可以外賣。佢仲係由慈善基金運作，所有盈餘捐贈許善慈善基金 承傳非遺項目、關顧弱勢社群，為社會添一份溫暖，值得支持。（相片有收據）

雞蛋仔係我最鍾意食嘅港式小食🍳見到呢間新開嘅小食店將雞蛋仔發揮左唔同創意Elevate做唔同既口味🎨 特別係菠蘿包雞蛋仔超有特色💛仲可以配唔同飲品有D似Cafe咁坐低體驗好出色值得一試☺️⭐️ Q版菠蘿包口味雞蛋仔 🍍店主特別講要用15分鐘慢慢焗果然顯得出心思🧡 焗香嘅菠蘿皮好酥脆帶牛油香🧈複製到新鮮出爐菠蘿包既口感🥹 配上雞蛋仔鬆軟但唔會過甜既口味🤣 有創意而且好好味⭐️ 自選雞蛋仔 🧇同時試咗佢嘅鹹味雞蛋仔好有趣🤪 好似三文治咁加入咗鹹牛肉火腿同雞蛋🥩配上芝士既鹹香🧀竟然意外同雞蛋仔好配搭☺️⭐️ 美式咖啡 ☕️⭐️ 無花蜂糖潤咳茶 🍯估唔到雞蛋仔都可以配咖啡😋美式咖啡好香濃🖤 更有特色嘅係一系列嘅養生茶🍃無花果入口感覺清甜又滋潤🎍

補完習就見到上環開咗間新嘅街頭小吃店面充滿香港特色設計好啱打卡主食係雞蛋仔雞蛋仔嘅口味多樣，除了傳統的原味，仲有港式風味!腸蛋包、餐蛋治、腿蛋治& 鹹牛肉蛋治味~~仲有每日限量推出嘅「Q版菠蘿包口味嘅雞蛋仔」小朋友叫咗至愛嘅hershey’s朱古力味粒粒雞蛋仔充滿朱古力味道相當豐富原味好重雞香味入口感到軟軟蓬蓬，咬下去每一粒都很足料仲有雞蛋仔套餐可以配咖啡、養生茶、花茶、港式飲品佢哋嘅港式奶茶係冰鎮設計添

一到店，店員好心地提醒，菠蘿包雞蛋仔賣曬，要等好一段時間。我心諗，沒問題，照排隊等。如果真係無，就試下普通味，反正店家話做慈善嘛。等咗超過一個鐘，終於可以入到店！還是充滿期待，但進去之後，點完 餐蛋雞蛋仔等咗再超過20分鐘，結果拿到一份凍嘅腿蛋雞蛋仔！當時傳說中嘅菠蘿包雞蛋仔都有幾底起到貨比後面其他客人！這樣的營業方式真是讓人無言！完全係排個幾鐘 等咗個吉！花了三十幾蚊，以及珍貴嘅時間，卻吃到這種凍冰冰的食物，實在是太失望了！一定不會再光顧！

星期六一開門就要排個半鐘，已經好搞唔掂雞蛋仔本體真係好一般，條邊硬到會刮親條脷同上齶雞蛋仔中間係冇煙靭嘅感覺，好似食緊一個包咁又甜又膩，食咗兩粒已經唔想食菠蘿皮又厚又唔脆仲要實的的，完全冇菠蘿包個皮嘅感覺腸仔蛋味好少少，條邊依然係好硬係一個唔合格嘅雞蛋仔，可以唔使食🙂得三個雞蛋仔爐頭，焗爐淨係用一兩層個職員話要等半個鐘，結果要等個半鐘好心啲人唔好再喺度吹噓呢間咁嘅嘢唔好再相信IG上面嗰啲垃圾foodie，簡直係貼錢買難受，嘥錢又嘥時間

隱身於上環永樂街的「CHICKEN EGG BOY」，以融合港式小食與潮流藝術的慈善咖啡店定位迅速爆紅。店內主打「菠蘿包雞蛋仔」限量款，每粒雞蛋仔頂部手工鋪上酥脆菠蘿皮，再經二次烘烤，外層呈現雙重酥脆感，內裡保留傳統雞蛋仔的Q彈與蛋香，口感創新卻不失經典風味即使定價$59仍吸引排隊人潮，甚至有食客甘願等候40分鐘品嚐。 除了招牌菠蘿包口味，店家亦推出「餐蛋治雞蛋仔」、「鹹牛肉蛋雞蛋仔」等茶記主題創意，將港式早餐元素融入街頭小食，鹹甜交織的風味令人驚喜。飲品方面則跳脫傳統框架，提供養生茶系列如「紅棗桂圓茶」與「牛蒡三色豆茶」，溫潤甘甜且無添加糖分，與酥脆雞蛋仔形成絕妙平衡

由細到大我都鍾意食雞蛋仔，沙膽都唔例外！最近發現有間日日排晒隊嘅Chicken Egg Boy！「雞蛋仔店」！今次終於有時間嚟睇吓有咩咁特別先！雖然今次由排隊到送上食物大約兩個鐘～不過真係值得👍🏻老闆知道天氣熱要排隊，即刻準備冰凍Lemonade 比我地消暑解渴！勁窩心☺️入到去，店內大大個霓虹燈招牌已經好吸睛，牆上嘅插畫，仲有大大隻figure, 成間鋪都滿佈打卡位！🌟主打限量菠蘿包雞蛋仔 🍍🥚：一定要食嘅限量菠蘿包雞蛋仔！呢個創意組合真係無得輸！外層有菠蘿包嘅香脆口感，裡面係軟滑嘅雞蛋仔，咬落去每一口都好有層次，真係別有一番風味！😍原味雞蛋仔 🥚 雖然話有咁多選擇，但原味雞蛋仔始終係經典，外脆內軟，超級好味，熱辣辣脆卜卜！下次要試埋佢地個咸牛肉雞蛋仔先得！仲有呀！呢度嘅奶茶超香滑👍🏻大愛👍🏻 更加不得不提嘅係呢度每賣出一個雞蛋仔，佢哋都會捐出一部分收益做慈善，真係良心小店，支持下都好開心！❤️

.我一定要試食晒全港特色嘅雞蛋仔🙃由細到大都最鍾意食雞蛋仔‼️呢一間必定推俾你地🍭【Chicken Boy雞蛋仔終極測評】🔥 港式小食控必收！💥✨菠蘿包雞蛋仔✨👉 爆款混血王炸💥 菠蘿包脆皮➕雞蛋仔本體=神仙打架組合！🍍×🥚外殼酥到掉渣渣💥咬開瞬間奶香核爆💣 中間軟fufu像雲朵☁️ 甜度剛剛好👌🏻 熱食脆到鄰桌回頭率100%👀 冷吃居然有冰淇淋口感🍦 一款兩吃超會玩🤯🌟必殺技：頂層焦糖菠蘿皮🔥脆到爆！咔嚓聲治癒強迫症🎧🍼原味雞蛋仔🍼經典永動機YYDS‼️ 古早味暴擊回憶殺💘 蛋香濃到像在咬太陽蛋🍳 外脆內Q彈💫 每顆小球都在嘴裡跳華爾滋💃 樸實無華但殺人無形🥷 涼了照樣軟萌不硬核👍🏻💡隱藏吃法：撕著吃/捲著吃/夾雪糕吃🍨 自帶10086種解鎖姿勢🔓📍溫馨提示：新鮮出爐燙嘴警告⚠️ 但忍住不吃算我輸！🤤 快tag吃貨姐妹衝🏃♀️💨 #雞蛋仔天花板 #香港人DNA動了

約咗朋友真係咁啱行過，原來呢度開咗間雞蛋仔，我見到入邊勁多人，出於好奇心之下就梗係入去望吓啦，有乜咁特別入邊係自助嘅，有部機俾你自己買嘢食，我見到第一版最特別嘅係佢嘅Q版菠蘿包雞蛋仔，雖然價錢唔平，但係我都決定要買一個試吓，因為人多嘅關係，佢話要等半個鐘先至有Q版菠蘿包雞蛋仔佢每一粒上面都有菠蘿包個皮，好可愛，睇得出個雞蛋仔好考功夫，因為為新鮮製造，口感酥脆，淡淡菠蘿包味道，雞蛋仔口感，真係幾特別，等半個鐘都值得我見佢仲有鹹味嘅雞蛋仔，下次經過要試埋其他款先，臨走經過廚房，見啲職員大大隻幾靚仔，唔知係咪都係人多之一尼😆仲有場內係有座位可以坐喺度食㗎

最近風魔全港嘅菠蘿包雞蛋仔 ，賣相真係唔錯，相機食先就緊架喇；聞落香、咬落脆，味道同口感真係似菠蘿包，建議大家影相唔好搞太耐，熱食係最正。唔好睇少佢，一塊有30個小菠蘿包，非常飽肚，好彩冇眼闊肚窄叫兩塊。地舖有幾張枱，可以坐底食，裝修有心思配合港式情懷。飲品我推薦桂圓紅棗補血茶，清甜又解膩。排隊時見到腿蛋治雞蛋仔、鹹牛肉蛋治雞蛋仔料足到滿瀉，想試，at least 可以翻兜多2次哈哈。價錢少貴，但我見佢手工真心繁複，係手工錢呀！支持！