Chef's Movement

營業中

休息中

值得推介元朗特色cafe,在鳳琴街體育館對面馬路，轉角位。店內沒有太大空間，座位相對較少。真心推介三文魚班尼迪蛋，火候控得得剛剛好，不會太熟，入到口蛋汁即流入喉嚨，喜歡食流心蛋既朋友不容錯過❗其餘食材都很出色，咖啡亦都很香濃，❗整體算高質素

餐廳環境唔錯，裝修獨特，有啲似工業風。食物整體水準都好高，叫咗兩個一人set，一個主菜要牛柳五成熟，另外一個叫咗蟹肉蕃茄意大利麵。前菜嘅沙律好新鮮，柚子醋食落好開胃，係好特別嘅前菜，配上一個濃滑嘅南瓜湯，已經好滿足。主菜方面，牛柳生熟度控制得唔錯，牛肉本身都高質，唔使沾醬汁都好好味。意粉爽口彈牙，蟹肉份量好多，鮮茄醬酸酸甜甜，加埋茄肉同埋洋蔥一齊食，食落唔覺得膩。最後仲送咗一個甜品， tiramisu嘅咖啡味好香濃，cream好細膩。整體上菜速度同埋服務態度都好好，食物質素高，性價比高，一定會再去食。

下午2點半來到仍然滿座，好彩咁岩有人埋單，我地唔洗等就入座喇我地兩個人叫左和牛漢堡同雞扒漢堡，送餐湯同包個湯還可以，好足料，蘑菇打得好碎啖啖都食到餐包好大塊！成舊磚咁！可惜係日式香香甜甜個種空氣包，我覺得配西餐有啲怪，同埋佢冇查牛油就去煎，食落冇咩香味，如果配法包會更好個沙律配左柚子醬，甜甜地好好味呀等左半個鐘終於到喇！個秘製醬汁原來係上面嘅牛油果醬！我平時唔鍾意食牛油果嘅，但今次佢個醬整得幾好食，冇牛油果嘅草青味，同埋有啲牛油果碎肉幾有咬口個雞扒係奧爾良雞扒個隻味呀，好香口不過好細塊，兩舊加埋先係半塊雞扒咁上下薯條炸得好香！食落同麥當勞一樣味好神奇呀！當然佢唔係空心啦，仲要係粗炸，加曬分呀其實成個餐都好細份，但最後都會好飽同場加映朋友嘅和牛漢堡，佢個餐仲細份，不過佢都食唔曬

元朗區一向都有好多出色小店，今日黎到雞地呢間餐試吓佢哋嘅All day breakfast。我叫左Deluxe既版本，係圖上高既係2個Egg Benidict，佢個醬味道唔錯，加上煙三文魚同Muffin ，整體係幾夾。另外佢仲有一條英式豬肉腸同法蘭克福腸，份量係足夠既。再講講個沙律，佢地加左醋去撘配，不過味道有點酸，如果調整一下會更好。最後當然仲有炸粗薯條，熱度ok，係新鮮即炸出黎。總括然而，賣相4/5，味道4/5，環境4/5，性格比3.5/5。

早餐正常都係早上食，但呢排我成日訓醒覺都11-12點，想落街食早餐都轉左午餐，當我絕望之際，竟然見到呢間有全日早餐去到4點30。我就叫一份食下，大家都睇到有大大粒的黑松露炒蛋，巧脆的牛角飽同薯條，仲有新鮮生菜加醋，如果唔要醋變沙律配生菜應該樂食d,仲有炒磨菇同大大條脆皮腸，雖然有生果好健康，但配3舊凍橙就有d9唔搭8，但都開心可以食到好似m記的全日早餐，最後免費飲品只可選4種熱飲就比較小，可以多d免費飲品選擇會好d,價錢如果可平d就更佳

食物以西餐為主，午餐的款式選擇豐富，漢堡、意粉、沙律、牛扒、意大利飯都有。而且會附送餐湯沙律及飲品，性價比高。秘制烤雞扒芝士漢堡(伴粗薯條)• 由於當日漢堡售罄了的關係，餐廳用了牛角包作為代替。• 漢堡的大致架構分成三層：牛角包、雞扒、蔬菜，其中雞扒之間更夾住了一片芝士。• 雖說用了牛角包代替，但是滋味的程度有增無減，包的外面香脆可口、內裡鬆軟。• 雞扒肉質緊緻香嫩、醃得極之入味而且帶點微辣，燒的程度亦恰到好處，配上醬汁和芝士後更加惹味。• 番茄和生菜爽口新鮮，表面没有多餘的水份，番茄亦不會有草青味，配合以上食材一次過食，口感非常豐滿有層次。• 薯條是粗身厚切的類型，炸得鬆脆而內裡依然保持薯仔獨有的粉嫩口感。熱情果梳打• 吃漢堡的好選擇，味道清新帶點微酸，熱情果味突出、甜度適中，可以平衡一下。

今日黎呢間餐廳試一試All day breakfast,首先，疫情關係，職員會幫客人量體溫及提供酒精洗手液，並安排坐位，算闊落，幾舒服。然後，今日簡左2set All day，份量算係大大份，味道亦唔錯，特別係黑松炒蛋好香，唯牛角麵包普通，埋單220，值得一試。

上年已經黎過一次食夜晚，覺得d 食物都唔錯，但因為個位要特別兜過黎，所以無再食甘岩星期日經過就試埋佢lunch我地兩個人一人一個lunch setmenu 同侍應放低都無講係咩湯，飲落似甘筍南瓜之類，食得出係打成蓉既質地，唔錯餐包亦都烘得夠脆口而且好厚身，好岩點湯食先上漢堡包，個包好高身，但個牛肉size 就。。。細過片芝士一截甘牛肉味都濃，男友唔食洋蔥，事前已經問左侍應有無洋蔥，佢話無，我地先叫。可惜舊肉有加到洋蔥一齊blend,,,最後成舊肉都係我食。。雞翼有三件，但隻味一d 都唔水牛城.水牛城應該會濃到少少刺鼻，同埋辣依個味道完全唔係個回事，但都係好味既，只係同想像中有落差意粉煮得岩岩好，配料都幾足價錢依個質素算性價比高，但係味道就唔夠正宗

上次食完佢嘅鵝肝覺得幾好味，所以今次中午專登去試下漢堡的質素😆漢堡的外層有微微烘過，但烘耐小小脆口啲會更好🍔內層的餡料有生菜、芝士、蕃茄等🧀🍅夾在中間的手打和牛雖然肉汁滿滿，但牛味略為不夠😣粗薯外脆內軟，而且好重薯味🍟.落單時店員話意大利飯本身的菠菜汁無曬🙅🏻‍♂️所以轉左做松露汁😝松露聞落幾香，但味道唔算太濃🙁滿足唔到C小姐的「黑松露癮」😣.跟餐附送的餐湯、沙律和餐包都好好味✨餐湯係羅宋湯，味道濃郁而且唔辣😋材料有粟米、蕃茄、洋蔥等等，口感好豐富😍沙律應該係用左柚子醋汁，食落酸酸MayMay咁，非常好開胃，岩哂做前菜🥗😈

鵝肝的份量幾大件，聞落帶有微微的香味，食落味道鮮美，切開時啲油脂仲咇哂出來😱。雖然未去到入口即溶的層次，但味道足以令C小姐回味。相比起鵝肝，黑松露飯的味道反而比較淡，如果味道可以更濃，相信會更加好味🤤。..餐湯係南瓜湯，味道亦頗為濃郁，但如果可以食到啖啖南瓜蓉的話，口感會更好。跟餐仲附送一個微微烘左的餐包，食落好軟熟，沾一沾南瓜湯再一齊食真係唔錯😋

第三次進餐的元朗小店，可在西鐵元朗站或大棠路輕鐵站走過來，處較靜街巷，可能會就此錯過，小店以玻璃成牆，採光不錯，但不是曬；整店座位不多，部分位置像在樓梯底，服務人員都頗親切，兩次早餐都由同一女店員招呼，有問必答！第三次獨自到訪吃早餐，再點All Day Breakfast，第一次和朋友到訪時點這個是用長方形木板盛食物的，拍照很有田園風；這次用瓷碟，對海軍藍牆拍照還是很有感覺，食物種類同樣豐富！個人覺得$88連飲品（基本飲品）真係好豐足，而且食得出材料新鮮！整碟食物質素平均，本人最愛炒菇及牛角包，期待再訪！All Day Breakfast($88): 煙三文魚不腥，煙薰度適中，份量比想像多，有厚度；炒菇入味，非常好吃，真想跟廚師學習如何炒得如此入味；松露炒蛋，松露味幾突出，蛋炒得不油膩，如再滑點更好，可夾牛角包吃；薯條新鮮炸，保留到薯仔味，第一次吃朋友大讚，有附茄汁，這次部分位置稍嫌焦硬；牛角包鬆脆；橙及沙拉菜都十分新鮮！

很想試下呢度嘅午餐，於是便在這個平日到這裡試吓。餐牌上有意粉，意大利飯，全日早餐，小食等。今次我想食意粉，我又唔想食墨魚汁，又唔想食卡邦尼，又唔想食茄汁的，所以便叫了菠菜蘑菇燒肉汁扁意大利粉。我阿妹就叫了碎蛋沙律呑拿魚牛角包。餐湯很特別，係甘荀薑湯。我食的意粉好大碟，夠晒食，夠齋，唔會肥，汁有燒肉味。呢個原本叫碎蛋沙律呑拿魚牛角包話未發現到碎蛋，薯條好脆好好食，再加埋沙律，飽晒！呢度不用加一，真係幾好！

9-10-2019家人生日飯, 又幫襯我家既飯堂😍😍店舖位於街既角落位, 所以有兩邊靠窗, 跟窗外既行人簡直係"零距離接觸"😂 我地一行6人坐在近窗邊既大枱, 七點左右客人不多, 但到8點差不多坐滿了。建議早一點去拎位, 或電話留座。以下係我地點左既菜色:。帶子鮮蝦墨汁意粉 (x2): 家人唔太喜好黑黑既墨汁, 所以走左汁, 但無減帶子同埋蝦既鮮味, 好足料。燒羊架配薯條: 有5塊羊肉, 份量算多; 連2歲大既小朋友都食得津津有味。德國鹹豬手配日本紫薯煎餅: 稍嫌豬手既皮唔夠脆, 同埋唔夠酸菜, 因為酸菜係配豬手既最好拍檔; 反而紫薯煎餅好香脆, 值得一試。安格斯肉眼: 每次必叫既餸菜, 好多肉汁, 又夠大塊, 最適合大家share由於儲左一定數量既印花, 店主仲送左一碟秘汁雞翼同埋特色 tiramisu, 為家人生日飯劃上完美感嘆號💪💪

我係一個鐘意食野 但又好懶既人 成日都想整個all day breakfast黎食下 如果再加埋杯熱朱古力 會覺得係一個完美既一日但我真係太懶 又要預備材料又要洗碗 所以都係 不了哈 咁岩同個朋友傾開想食all day breakfast 佢就推薦左呢一間餐廳比我 重陪我黎食睇到 餐廳都差唔多滿座 我記得係我等緊野食果陣 出面已經要排隊 可想而知佢都幾多客人 想食就記得早少少到喇 呢間餐廳有一樣我唔太鐘意既係 有d迫坐既時候 同隔離檯好近 如果想要番少少私隱度既話 就唔太適合喇 不過呢 佢都另外有佢既特色 佢行vintage風格 會見到佢既擺設都係有種懷舊風 如果鐘意呢種風格既你 可以黎呢度食下野影下相 講番食物先咁我同朋友就各點左一份all day breakfast我最期待係個egg Benedict 我有上網睇過要點整 但我真係懶人黎所以唔會自己整好味呀我覺得呢度既egg benedict 個汁都調較得適中 唔會太酸 另外重有沙津菜 配埋個salad source 唔錯不過件橙 我就無食喇 因為我驚我一咬落去 d汁會噴到隔離檯...另外要講下件牛角包 好正呀我覺得 熱辣辣 加埋塊

遲來的生日飯，平時都會去大商場的食肆，不過今次朋友説近排經濟麻麻，所以想幫襯下小店。佢甘有心就即管試下未去過的小店。我預早了幾日訂位，但原來去到門口才知有90分鐘限時，不過伙記一早同我講左繁忙時間才會實施。講真，這裡的價錢真係唔平，唔怪得知除了我地之外，只有三兩個人在食野，過左一個鐘之後才再有一兩個人入來，生意真難做。我地六個人，最初叫了四個餐，但太細碟，於是叫多了一個小食。套餐包餐湯及熱飲。餐湯是甘筍湯，很棉很滑。仲有沙律和麵包，沙律都好食。煙三文魚火腿凱撒沙律，很奇怪，唔知點解有麵包，沙律都算大碟，都新鮮的。這個不是餐，加三十蚊改做餐。明太子蟹肉意大利飯，真係幾好食，不過太細碟了，不夠食。朋友就話太鹹，我覺得都可以接受。龍蝦墨魚汁飯，因為飯太少，我只食了一啖，都幾好食。龍蝦算大隻了，味道都好。西冷牛扒配薯條，這個都幾貴，牛扒味道幾好，薯條都好食。這個雞翼很重口味，很燶，不過幾好食，這個不是餐，是小食而已。總結，味道好但有少少重口味，店舖細，枱面都細，叫得多野食有些麻煩。不過我會再來的，希望下次試下午餐。