California Pizza Kitchen (黃埔天地美食坊)

營業中

休息中

【裝修】店面的裝修風格簡約大方,令人一進門就感覺舒適輕鬆。服務生都很親切,推薦菜單時也會詳細講解每道菜的特色。👍.【特色蒜香欖油意大利麵 $112】意大利麵口感Q彈有嚼勁, 最最重要嘅噉就係蒜香欖油醬!用上欖油同新鮮蒜粒慢煮,蒜香溢出但唔过激,再淋D Q彈麵條上,整體嚼口特別香,蒜香味濃郁但不會過重.【大利辣肉腸Pizza $122】Pizza烤製到金黃酥脆,咬一口聽到脆響,超級開胃! 辣肉腸嘅部份用上正宗意大利進口肉腸,夾成薄片。最重要嘅莫過於芝士!芝士熔化後拉絲,芝士香氣噴喷,配合辣肉腸好match.唔得唔說,呢度嘅pizza真係相當美味,畀你嘅味蕾帶嚟加州嘅風情!快啲嚟試一下吖!💃.【凍檸茶 $33】可以無限Refill~

放假去左黃埔花園探朋友，佢介紹樓下有間食手打pizza 平靚正，所以夜晚就落左黎食。餐廳好大，座位舒服，環境乾淨。可能我地成20:30先落黎食，所以已經唔多人。原味燒烤雞肉薄餅，可以望到師傅整pizza😁, 底薄,整體口感煙煙unun, 而邊位好鬆脆，燒烤醬汁香味濃郁，雞肉肉質鮮嫩多汁，唔會烤到鞋口，仲配上芝士同紅洋蔥，甜甜鹹鹹，每一口都充滿美味層次感， 令人食唔停口。蒜香欖油意粉配雞肉 ，佢個意粉蒜味幾重同佢加左辣油，所以食落好惹味，意粉份量都幾大，雞肉都係好嫩滑， 意粉煮得岩岩好，夠彈牙，整體唔錯。冰凍檸檬茶係無限添飲。岩哂同朋友食完慢慢坐傾計😝

我係一個名副其實的Pizza怪，要整得好食，好的爐具同靚麵粉缺一不可。早排去了黃埔睇戲，係睇戲前就去旁邊的餐廳食Pizza。餐廳環境夠Cozy，枱同枱間的闊度唔會好近。適逢減肥有點成效，唔想咁快反彈，所以沙律is a must！「燒烤雞肉沙律」有黑豆、粟米、新鮮芫荽及羅勒、墨西哥薄脆、芝士，加上雞肉，材料好豐富！沙律的雞肉淋上BBQ燒烤汁，Smoky味好出，配埋Crunchy的雜菜，整體好夾。另外，雞肉唔肥之餘，亦唔會吾「鞋」口，係新鮮之選。去得Pizza店又點會唔試Pizza。餐廳有手拉、經典、環球風味、薄底，應有盡有。而今次我叫了個有蘑菇及辣肉腸的Mushroom Pepperoni Sausage Pizza。Pizza即叫即製，食完個沙律無耐，職員就遞上熱辣辣的新鮮薄餅。Pizza上的芝士係有厚度，而且辣肉腸富咸香味，加上軟硬適中的餅底，好食！到我最開心的環節啦，大家點Pizza或意粉，都可以揾職員為大家的菜式灑上芝士雨，佢係用新鮮芝士刨出來的芝士碎，而非ready made的芝士粉，所以味道亦非常香濃。加埋Pizza底的芝士，口感亦昇華了不少。過厚的餅底會太飽，而且容易口感又

以前公司附近有間California Pizza Kitchen，自從轉工之後就無乜點再食到，有日同朋友去黃埔行街，經過美食坊見到呢間美式餐廳，於是入去懷愐一吓。凍檸茶糖水可以自己落，甜度由自己控制，呢方面幾好。燒烤雞肉沙律(半份)烤雞應該用上雞胸部分，但食落唔嚡，配上多款蔬菜，例如蕃茄、粟米及沙葛，再加上墨西哥薄脆，香蔥及混有香料嘅醬汁，為沙律添上口感及香味，食落好清爽。義大利辣肉腸薄餅薄餅皮咬落煙煙韌韌，雖然只係配上簡單嘅辣肉腸及芝士，但已經好好味。另外，餐廳枱與枱之間嘅距離闊落，所以用餐傾計都好舒適。

位於黃埔天地美食坊頂層嘅依間California Pizza Kitchen，之前成日見水靜鵝飛，最近開番學，午市人流即刻多番好多，仲即刻連個Menu都轉埋，價錢唔同咗，仲要連refill lemon tea都冇埋！！！仲Keep住水準嘅就係佢個墨西哥粟米湯，同carbonara，粟米湯依舊都係咁傑，口感依舊濃厚，意粉依舊都係咁大兜。之前經過都成日黎食，唔過百就有齊前菜、主菜同嘢飲，係依個地段真係吸引，但冇咗無限添飲真係失色不少啊！！！！！！

California Pizza Kitchen (黃埔天地美食坊) (紅磡)紅磡黃埔天地美食坊(第8期)3樓302號舖紅磡黃埔天地美食坊位於紅磡，是一個知名的餐飲區域，提供多種美食選擇。其中一家著名的餐廳是California Pizza Kitchen。今次點左中式宮保意大利粉配雞肉：呢款意大利粉真係有驚喜！佢用中式宮保醬炒，加埋雞肉，味道真係好特別。醬汁唔會太辣，但都有啲微辣嘅味道。意大利粉煮得剛剛好，彈牙又入味。雞肉軟嫩多汁，同宮保醬一齊食真係好開胃！原味燒烤雞肉薄餅：呢個薄餅真係好正宗！底薄餅脆身，外脆內軟，配埋燒烤雞肉，味道好香口。雞肉燒得啱啱好，唔會太乾，每一口都好多汁。仲有啲蔬菜同芝士，增加咗口感同層次感。一定要試下呢款薄餅，絕對唔會失望！飯後飲返杯凍檸檬茶最解渴！呢度嘅凍檸檬茶好濃郁，有檸檬嘅酸甜味同清香。凍得剛剛好，一啖入口，涼爽又開胃。就算食咗好多菜，飲返杯凍檸檬茶都可以消食同提神！總括黎講，California Pizza Kitchen係一間值得一試嘅餐廳。佢嘅中式宮保意大利粉配雞肉、原味燒烤雞肉薄餅同凍檸檬茶都係非常推薦嘅菜品。如果你鍾意特別嘅口味同獨特組合

黃埔自從通了地鐵後，真的旺了很多，食肆林立，真的是個好去處👍 今日約左朋友到黃埔天地美食坊嘅“California Pizza Kitchen” 這裏裝修簡潔，燈光通明，色調配搭得很好，座位寬敞，跟朋友聚會的好去處🤩 意大利辣肉腸薄餅$122上檯號時候熱騰騰的，仲feel到啲芝士跳跳下😅 薄餅面鋪得滿滿是辣肉腸，餅底是薄薄脆脆的，咸度適中，一口咬下都能拉絲呢👍 再加少少辣椒醬更加美味，味蕾又有另一種層次😋😋😋肉醬意粉$119番茄味重、肉醬混合了牛與豬肉，加上芝士焗香氣四溢，濃郁好味的肉醬～配有嚼口的意粉，滋味👍 食左味濃嘅薄餅同意粉，就來一杯簡簡單單，清新的凍檸檬水，清一清味蕾，清一清喉嚨😅 結帳後才留意到可做會員🤪會員有好多優惠：主餐有85折，連套餐、外賣都有95折，仲有多送兩張$100 coupons 同兩張薄餅劵，今次真係後知後覺添🫨 所以提醒下大家下次一定要做左會員先結帳，抵好多😅

🏝️🍕人氣加州比薩店上星期跟友人去了黃埔California Pizza Kitchen 餐廳環境好寛敞，好舒適，非常適合與友人暢聚好地方，跟友人點了兩點經典美食😍✦ 原味燒烤雞肉薄餅薄餅採用秘製的燒烤醬、味道相當Juicy!配搭嫰滑雞肉，配料還有煙高打芝士、紅洋蔥和新鮮芫茜，味道層次好豐富，推介必點這款經典薄餅。✦ 特式蒜香欖油意大利粉 一上枱已經聞到非常誘人的蒜香味道，意粉質感煙韌有口感，帶點微辣，十分惹味。另外可加配雞肉或蝦，而我們同樣選擇了雞肉，肉質沾滿蒜香味道，好滋味。

呢間餐廳近黃埔站，商場亦可泊位，有消費免泊車。叫左個二人餐，野飲有冰紅茶或汽水，可無限添飲。不過每次都要叫佢黎添，然後次次都添唔滿😂😂首先黎左個藜麥沙律，入面有啲乾果同南瓜，酸酸地，有山羊芝士係上面。黎個牛扒都唔錯，七成熟，幾特別地上面個醬料係芝士黎。個pizza正常發揮啦，薄皮嘅。三文魚扒幾得意，用個竹板盛住，熟度啱啱好，配西檸汁正。整體黎講都有水準嘅，啲野食配料好足，菜式都有自己風格，幾獨特，價錢上亦都中肯。

California Pizza Kitchen (黃埔天地美食坊) (紅磡)紅磡黃埔天地美食坊(第8期)3樓302號舖。唔知大家記唔記得細個嗰陣，食pizza 🍕 來來去去都係食2-3間連鎖餐廳，其中一間就係California Pizza Kitchen 😝 嗰陣仲間唔時就會去下旺角家樂間分店食。時至今日，呢間老牌餐廳係黃埔美食坊依然屹立不倒👍🏻。事隔多年無食，今次簡簡單單叫左The Original BBQ Chicken Pizza ($132) 🍕 & Bolognese Spaghetti ($119) 🍝 。仲有就係必叫嘅無限refill凍檸茶🍹，我鐘意糖水另上咁我就可以輕鬆走甜，食pizza通常都會比平時食飯飲得多飲品，無限refill就唔洗慳住慳住飲啦 😍。Pizza餅底仍然保持水準，係我喜歡嘅口感，帶有少少煙靭，厚薄岩岩好 😌

昨晚與朋友去了家有質素的薄餅店～店員全都熱情友善，充滿笑容！！食物以薄餅和意粉為主打菜式，口味配搭亦多元化！！當晚點了店家特別推薦的原味燒烤雞肉薄餅和特色蒜香橄欖油意大利粉兩款食物的味道都很好！！薄餅批底厚薄適中，材料豐富～意粉選配雞肉，份量不少～店員更為我們添上芝士！！！芝士和蒜香味道相配，食落十分惹味！！愛辣的朋友添配辣椒乾後，令層次味道更豐富～Ice tea也很解渴解膩，還有免費添飲呢！！整體來説都令人滿意啊～

昨天晚上與2個朋友，一行三個人來這間餐廳來吃晚飯。坐低咗10分鐘，都冇人來招呼，亦都冇一杯水飲，唔緊要，見到OpenRice嘅食評評價都唔錯，希望用食物去搭救返。我哋三個人叫咗個四人set，價錢嚟講又唔算貴，一個四人set都係五百幾蚊，以間餐廳嘅環境黎講，我覺得真係唔錯。我哋叫咗一個牛油果墨西哥卷餅，一個宮保雞意粉，一個闊條麵，一個Pizza，同埋一個雞沙律，計埋一個4人set 都係五百幾蚊，諗住好抵食。叫完冇耐，本應係前菜嘅墨西哥卷餅未來，但係suppose係主菜嘅宮保雞意粉就馬上來咗，可能我人比較挑剔，就叫咗侍應過嚟問一問，好好奇點解前菜都未上，就上意粉，點知侍應話一句廚房安排就了事。都唔緊要啦，我哋諗住慢慢坐，之後等到個墨西哥卷餅黎到，賣相都算吸引，唯獨口感爭少少，硬咗少少，但overall我哋都覺得呢個牛油果卷餅幾好食。本來我哋都好有期望，再去試嗰個意粉，本來一見到宮保雞意粉，覺得幾得意就去要來試吓，但係煮得真係一啲都唔好食，個芡汁打得太杰，而意粉上面嘅車好似用清水烚熟咁樣，加埋啲宮煲汁真係咸到不得了，同一個問題喺個闊條麵又再一次出現。另外衛生都爭啲，個沙律食食吓見到有隻蟲仔係

好多年冇嚟過黃埔咁啱個朋友過嚟呢邊開會 我又響附近就過嚟食餐午飯我真系估唔到，原來黃埔仲有一啲咁超值嘅午餐 一個湯一個幾大份嘅沙律 再加一杯無限添飲嘅凍檸檬茶 竟然 竟然 竟然都只系$68 簡直打破咗我嘅常識 現今尖沙咀食一個茶餐廳都要$70嘅情況底下 黃埔竟然有啲咁經濟嘅餐廳 真系良心 我如果有機會一定會多多支持 眼見在場都好多學生和家庭來吃飯 佢哋食物嘅水平，亦都遠遠對得住佢嘅價錢 我覺得你餐飯如果系$98我都覺得冇問題 所以值得支持

假期都有set lunch$100左右 包主菜，小食或湯， 無限添飲檸檬茶或汽水，抵食! 本人就喜歡 番茄汁雞肉螺絲粉和 辣肉腸蘑菇pizza另加Chicken Tequila Pasta 呢款啲醬汁比較特別。跟餐小食韓式雞好惹味，十$38 追加咗一碟 Garlic Fries 新鮮炸起熱辣辣好好味.啲音樂係比較大聲, 但係可以叫服務員轉細聲啲。是日座無虛席，眼見服務員人數不足，唯有大家比d耐性等下。 之前冇咁繁忙嘅時段去過，服務態度十分好，會主動添飲和派氣球給小孩。後記小知識: 無論中菜或西餐， 傳菜員係唔會落單架!

今日二人去食午餐，叫左個牛油果🥑脆片，沒什麼特別，一客芝士四重奏的雲吞，味道okay ,但份量超少，一客烤雞pizza，甜甜地幾好，但硬過石頭，食唔到，就再加雞肉大蝦闊條麵，呢個推👍🏻 好味🤤 兩杯牛油果奶昔，算有料，但$56/杯，唔算好值，最後朱古力疏乎厘，連我朱古力控都覺得苦，真係解釋不了，食咁多嘢$700有找，係平，但唔好食，最 最 最 最 最 大問題，在open area 開生日party , 完全失控，噪到連講句說話都聽唔到，受罪，所以環境係零分！！！服務員服務一般般，不過不失啦。