cafe TOO

營業中

休息中

港島香格里拉  自助餐買二送一‼️ 6月1日至30日晚餐平日折後$563 一位😳而家加入香格里拉會會員係有買二送一優惠!!! (可惜我當時只有7折🥺)◇ 香港地道美食🇭🇰๑ 一樂燒鵝：每碟兩件，肥美油嫩無膻味，配埋鵝油撈飯食一流🤞🏻๑ 夏宮叉燒：表面幾靚但肉質偏乾硬，幾失望🤨๑ 安利魚蛋粉麵：魚蛋雲吞都大粒彈牙好味！◇ 海鮮🦞🦀🦐๑ 椒鹽龍蝦鉗🦞：成餐最好食嘅熱食品項，一定要留肚食，肉質比凍龍蝦嫩滑，椒鹽好入味無得輸🤤๑ 泰式火灸焗三文魚：成餐第二好食嘅熱食，熱辣辣好鮮嫩又多汁，大大條任你夾😙๑ 凍海鮮🦞🦀：有兩款龍蝦，肉質唔錯 ; 麵包蟹超級多膏！但肉質麻麻，仲有海蝦、青口、螺 ; 美中不足無長腳蟹同生蠔~๑ 即切時令刺身：厚身色澤晶螢，特別推介深海池魚同油甘魚๑ 限量蒸龍蝦🦞：雖然有個大蒸籠裝住仲要限量排隊攞，但質素都係平平😕情願食多幾隻椒鹽龍蝦鉗🥰◇ 甜品🍰🧁如果你係甜品控一定要試一次港香buffet，款式多到你想像唔到，真係my eyes are bigger than my stomach！🤰🏻成個中央位置都係甜品區，以森林花園為主題🌳🦌款款小巧精緻又可愛，睇到都心花怒放🌸🌻🌼

過往是常客的我都忍唔住要分享昨天的失望。 常見嘅煎和牛，片皮鴨，長腳蟹，羊，火焰雪糕全部冇咗，熱龍蝦出咗一次大排長龍後吾再出，凍龍蝦亦冇refill ，自助餐必食嘅燒牛肉乾到見到都吾開胃。 所有熱食窩𥚃只有三兩件看似廚餘但又冇refill, 甜品沒甚麽選擇之餘就連綠茶雪糕出咗一次都冇refill 。除食物差到一個點之外，連洗手間都不堪入目，設施壞咗爛咗唔維修😡。雖然會員有七折但呢啲價錢同食低價food court 冇分別。

今年母親節家人特別安排到金鐘食buffet地方整潔、環境舒服😌服務態度一流👍🏻食物方面選擇頗多❤️欣賞熱食質素👍🏻海鮮方面就比較選擇少，美中不足沒有生蠔沒有特別母親節活動安排🤔臨走前特意到酒店走廊打卡影相📸️

家中長輩生日，今次終於幾個family 可以一齊大聚餐慶祝，今次去遠d，過海😂😂適逢酒店做緊promotion，會員買二送一，計落平均每人 五百幾因為同行有小朋友，所以主要都係free左小朋友事關今次搞手不是我，所以唔清楚自助餐有冇主題，但根據食物選擇，用「環球美食」也不為過西式肉類：燒春雞、牛扒、豬脾仔 特色沙津：瑪莎拉 Masala、鷹嘴豆沙律等，整體偏近中東風格，甚有風味正完印度咖喱：有成5、6款咁多👍🏻👍🏻，兼且有印度脆薄餅，配咖喱食一流港式地道小食：咖喱魚蛋、蘿蔔、碗仔翅（估唔到五星級酒店都有得食😂）粵式燒味：叉燒、油雞，燒鵝，連埋燒鵝汁，仲有燒鵝炒飯(鵝油芳香撲鼻呀）仲有泰式專區：冬蔭功湯，還有青檸鱸魚，yummy 今次自助餐最吸引我的，係一入門口的蒸海鮮，大大個蒸籠，裏面擺放咗多款海鮮，瀨尿蝦、大海螺、沙白、海蜆等蜆可能因為開晒口，所以d汁會流走左，不過味道都係清甜，冇咩砂；但瀨尿蝦真係冇得輸，超鮮甜，但剝瀨尿蝦我仲未掌握到開蝦技巧，要靠老人家指導，長輩果然食瀨尿蝦多過我食米，工多藝熟😂海鮮冷盤雖然冇生蠔，但選擇都唔少，而且水準都唔錯，長腳蟹鮮甜，海蝦彈牙有即叫即製的菜式

疫情後第一次去cafe too. 之前水準已下降，今次見有和本地品牌合作再俾次機會。首先有一樂燒鵝，但切出來件件肉不多，一係肥膏或骨。之後有自家香宮叉燒，表面幾靚，實質好硬身，如果在香宮食一定投訴。燒牛柳有焦香味唔錯。點心蝦餃和燒賣皮好厚。安利魚蛋好硬實，牛腩碎濕濕咁。有泰國station 咖哩炒蝦幾好味，另有泰式燒三文魚。7:15pm 有限量蒸龍蝦和燉湯。甜品個泰昌蛋撻好味，最後見原來每晩切四條魚做魚生，但口感硬身，太浪費。Cold cut 款式小。全場只有六七成枱滿，8pm已開始不少人已走。再不改善可能捱不住。

未去港島香格里拉食自助餐之前已經聽過係好好味今次難得黎staycation 就決定黎試試一坐低已經見到好多唔同款式甜品同包點🧇🥐反而覺得最好味一定要試既係中式食物廚房整既叉燒賣相好靚而且仲好好味有少少肥肉 唔會得瘦肉 所以唔會好硬口加埋d秘製叉燒汁 真係食過最好味既叉燒另外仲有唔同味道既乳酪 唔同牌子既雪糕同沙律可以拎黎食🥗🍰🧁但實在太多野食 根本唔會食得哂咁多野當日差唔多滿座 座位之間都寬敞😙

慶祝仔仔生日，揀咗嚟香港島嘅香格里拉酒店Cafe TOO. 好老實，如果你一心諗住喺度食海鮮，會令你失望，因為無生蠔，蟹都只係得麵包蟹同長腳蟹，魚生刺身嘅選擇都唔多。但正正因為今次係同仔仔慶祝生日，反而餐廳入邊其他嘅地道主題，例如：一樂燒味，安利魚蛋粉，蒸龍蝦，小朋友Corner，就fit晒啦！最後呢，反而有啲驚喜嘅係，好好味啊雪糕蛋糕！Island Shangri-La Cafe Too dinner buffet! Adequate choices, delicious food!安利魚片牛肋腩撈粗👍🏻👍🏻👍🏻

今天有幸來到港島的香格里拉7樓食自助午餐。老細請客！餐廳內非常寬敞，每張枱都不會太近，坐得舒適。至於食物種類亦非常多，就算每樣試一點點都無可能試得完。選擇多到令人眼花撩亂，多國菜式數之不盡，見到都令人非常興奮！若果是甜品控，真的推介要來試一試，款式比想像多，而味道都不錯。這個櫃就是放滿甜品，不只這一邊的櫃放滿，另外三邊的櫃也同樣放滿。壽司是少不了的菜式，還有刺身。雖然刺身選擇不算多，但質素都不錯，而且厚切。這個迷你刺身飯本來想試，拍下了照片，但卻因為太多食物選擇而忘記了它。下次有機會再試。甜品款式多，值得一試！講到沙律，都不只這幾盤。相裏的是泰式沙律。另外亦有素食沙律，印度沙律等。至於熟食還有很多選擇，串燒，牛肉，扒類，海鮮！海鮮選擇亦有不少。好快就忍不住要試甜品。每件都很欣賞。每款都食得出落了心機去做，無論味道及口感都會食完想ENCORE再食。檸檬撻特別清新，抹茶芝士撻口感濃，抹茶味重，櫻花及紅桑子的蛋糕有幾個層次，還有一款，沒記錯是香蕉杏仁的組合，無諗過味道都比想像的好及夾，有驚喜！朱古力甜品同樣好多款！曲奇味香濃，蛋糕的朱古力味重而不會太流，蛋糕中心有加配酸酸甜甜的果醬及果肉或

已經幾年冇嚟，因為呢間啲食物平平無奇，今次因為有買二送一，所以嚟幫襯食個假日午餐餐廳裝修同幾年前冇大分別食物車有爆谷、炸雞、曲奇等吸引小朋友，可惜當日冇乜小朋友。今次自助餐的新意係有米芝蓮星級食品 -夏宮蜜汁叉燒：肉質同味道都普通。玫瑰豉油雞：雞肉滑，夠入味。兩款燒味同以前食過都差唔多，以前冇標榜夏宮，唔知係唔係同一個師傅！一樂燒鵝：每碟兩件，皮香肉嫩；仲有妹記生滾粥、泰昌蛋撻等。唔使週圍去，呢度坐得舒服，慢慢食多幾碟熱食選擇唔多，醬爆龍蝦，醬汁唔太濃，龍蝦大隻啖啖肉其他真係蒸住嘅海鮮（細瀨尿蝦、大蜆、螺），冇蒸魚，好在新鮮冇沙。唯一要排隊攞嘅燉湯，雖然夠熱，但太清淡了。凍食都係例牌蝦、蟹腳、青口、一般壽司，冇生蠔。梳乎厘似係甜品主角，每次焗好一條，就會有人手搖鐘，叫人去攞。甜甜的，中間夾住雪糕。綠茶撻較吸引我，綠茶味濃，朱古力偏甜。飲品只包咖啡、茶，如果以原價$738嚟講，有些餐廳會包多一杯汽水、果汁或有汽酒，唔使另外加錢。抵唔抵食就見仁見智啦！

港島香格里拉酒店Cafe TOO最近以可持續綠色餐飲自然天成做主題，推出自助晚餐🤗廚師團隊特別到訪本地有機農場，精心挑選新鮮蔬果、香草同合法眷養既肉類產品，打造從農場到餐桌既體驗😘🍀多款自助餐特色菜品亦以依規範捕撈既可持續海鮮、時令鮮魚等優質食材入饌，令大家可以係品嚐美味健康既美食之餘，同時實踐永續生活既環保概念🙌凍盤方面可以任食啖啖肉凍龍蝦同麵包蟹！仲有海蝦、青口、螺等；沙律吧採用本地有機蔬菜，滋味新鮮又健康！❤即切時令刺身十分新鮮，色澤好晶螢，厚身鮮味！仲有深海池魚同油甘魚～連壽司款式都好多，而且造型精緻，搞到K款款都想試下吖🤭最近餐廳仲同本地多間知名老字號合作，將本地人氣美食帶入自助餐😋當中包括米芝蓮星級餐廳夏宮中菜廳既蜜汁叉燒同玫瑰豉油雞、每日新鮮烤製皮脆肉嫩既一樂燒鵝、安利魚蛋粉麵、妹記生滾粥品同泰昌餅家既熱辣辣出爐蛋撻！熱食有人氣既蒸龍蝦🦞彈牙既龍蝦肉鮮味又多汁！咖哩Corner有好多款特色印度食品同埋脆餅＆Nann；泰式火灸焗三文魚鮮嫩多汁😚仲有港式點心等等，都唔錯的～甜品區同樣吸引，一入黎就比勁大個display雪櫃吸引住😚放滿哂色彩繽紛既甜品，款款都好精緻🥰細細件可以

當日主題一樂燒鵝 / 安利魚蛋 , 雖然出名 , 但其實亦只係不過不失 , 簡單D講 , 自己去佢地度食都得啦 , 何苦要去自助餐 , 記憶中一樂燒鵝全隻都只係600咁上下 , 任你再大食都食唔到一隻 , 而且燒鵝肉質唔算嫩 , 水平一般 . 安利魚蛋就更加唔值錢 . 有魚片雲吞牛丸墨魚丸揀 , 當中雲吞最差 , 蝦爽但冇豬肉香亦唔夠味 .海鮮冷盤主打龍蝦 , 但波士頓龍蝦向來味淡肉粗 , 尤如嚼蠟 , 如果可以揀我都係揀蟹腳比較好 . 凍肉盤有3種煙三文魚 , 其中兩款質素比較好 (厚切既黑椒三文魚同紅菜頭三文魚), 但好快就冇再REFILL . 風乾火腿唔錯 , 有油香唔死咸 . 熱食好多款都唔得 , 牛仔肉太硬 , 牛柳亦唔嫩 , 燒牛肉較好 , 但牛肉味不夠 . 比較推薦既反而係即炸魚塊同燒虎蝦 , 炸魚新鮮炸起外脆內嫩同平常炸好多時既完全唔同 .  點心仲有多款 , 但基本上同一般酒樓水平無異 , 但對比起其他自助餐粗製濫做既好 , 有蝦餃燒賣粉果鳳爪牛肉球及幾款包 . 甜品款式雖然多 , 但味道太一致 , 如果盲試既話 , 有唔少款式除左口感唔同之外 , 味道真係分唔出邊款

明明寫住有鴨肝 來到知後突然間話轉左牛因為本人唔食牛 同羊佢問有冇野想食 我當然系想試下佢地的鴨肝 佢哋7:30有燉湯 我排隊排了十分鐘左右回座位一飲 好似飲緊鹽水甘 勁喊同經理反應 佢話佢地湯系甘既味道選擇小就算了還要非常難食 仲衰過三星酒店的自助餐 800蚊一位 比三星酒店500蚊一位更加差非常不知所謂的一間自助餐

📍cafe TOO金鐘金鐘道88號太古廣場二座港島香格里拉酒店7樓其實幫襯過幾次呢間酒店自助餐，但今次卻叫人感到失望了，食物無論種類同水準都大不如前。諗住趁年頭book個自助餐做團年飯，餐廳除了提供一個舒適寬敞的位置供家人用餐之外，沒有甚麼食物叫大家難忘！要是接近$800-HKD一個人的消費，真係覺得差了點！餐廳引進幾個本地餐廳食物，例如燒鵝，魚蛋粉，蛋撻等，感覺有些奇怪。點解餐廳自己唔製造多些自己的特色食物呢？燉湯相當咸😵‍💫只欣賞餐廳的西餅類，賣相造型吸引。

食物選擇少 呢個價錢令人失望用港式做主題 但係乳豬cut左 本身蒸魚亦欠奉 以香格里拉的名號來說 實在寒酸炸物方面 只有炸魚 薯條 過往的天婦羅卻缺席沙律竟然只有凱撒醬 合理嗎？！冷盤方面 有蝦 龍蝦仔 麵包蟹 長腳蟹 算是比較多款式比較合理甜品方面 pan cake 以及疏乎里亦沒有提供 如果主題是香港主題的話 當晚只提供蛋撻以及一般蛋糕 卻沒有雞蛋仔 格仔餅 整體方面 以這價錢來說 食物選擇真的不合格 絕對不值得食希望酒店方面可以反思一下增加食物選擇 例如以往有的乳豬 羊架 沙律醬汁不應該吝嗇

好彩唔係自己畀錢 ,  係人哋請我去,    自己畀錢食d咁嘅嘢,  一定唔嚟! (同場幾個同事都係咁講,    唔係淨係得我一個咁講㗎, 香格里拉品牌夠大,    但啲嘢食唔掂呀)晚上自助餐     起碼都七百蚊以上卦.   唔好意思問人哋幾錢,     但叫得香格里拉    都唔慌平.最頂唔順就係,     竟然係啲cheap到暈嘅食物!   大佬, 食一樂燒鵝、泰昌蛋撻、安利粉麵........我使乜畀幾百蚊喺度食呀? 燒肉類   只得一啲鞋都飛起嘅燒牛肉,   (上面好似話有和牛喎.   但唔見有囉)   好似仲有火雞,    但我真係冇乜興趣.雪糕唔知乜嘢牌子, 冇留意,     但甜到飛起  ,  食過一次已經唔想再食  , 嗰啲甜品蛋糕又係過份甜,   只係攞咗一轉. 生果係一樽樽擺好曬,  冇得揀. 蜜瓜西瓜都唔係甜,     菠蘿酸到爆,   食咗一轉,   咪搞!一大堆蒸瀨尿蝦, 蜆,    花甲,   蒸到冇曬味    食落口都唔知係乜!   竟然仲有蒸燒賣,    大佬,  呢啲燒賣值幾錢呀?   喺呢度食?   真係冇嘢好講!燉湯,   就喺泰昌餅家嗰個位嗰度