Café Kool

營業中

休息中

INTRO: 本來只打算book自助晚餐，但一輪格價後，發現staycation package 仲抵，於是改變主意，訂左包早晚自助餐既plan。今日湯有三款，分別係蟲草花馬蹄湯，印度湯，同忌廉蘑菇湯。攞左件包配西湯，可惜無爐烘脆烘熱，無咁好食。腸胃麻麻，海鮮都只係負責剝殼，刺身更加冇份，所以呢part冇點評。每人半隻龍蝦，用籌碼換。熱葷片皮鴨十分有名，但凍左，鴨皮食落唔夠脆，油脂亦偏少，比較一般酒樓貨更差。羊架火侯掌握得好，外焦内嫩，肉質腍滑，好食。印度野試唒，最啱口味係烤雞，微辣，而且香料味足，嫩滑。喇沙湯底椰香突出，辣味中等，偏鹹，口味重既話會好LIKE。個人覺得清湯最好。甜品蛋糕款式多，有切件，亦有原個，比較欣賞特濃朱古力蛋糕，可可味濃，苦苦甜甜。可惜冇抹茶甜品。6款雪糕差唔多試唒，最好味係夏威夷果仁。整體過得去，但唔會再試。

趁暑假最後日子，與家人特登放假休息，嚟食自助午餐。早幾日去過另一間四星酒店食午餐，嚟到呢度，立即感受到強烈對比，無論環境及食物質素，都確認五星級果然係五星級。食材新鮮，款式選擇又多，服務員細心及有禮，用餐體驗非常良好。食物方面，本人特別推介 蟹腳，燒牛肉，印度食品冬陰功，燉湯，焦糖燉蛋。蟹腳非常鮮甜美味，其他海鮮都鮮甜爽口燒牛肉有香料醃味，不用加醬汁也可冬陰功好啱我口味，不會太辣，好香濃各式印度咖哩香料濃郁，Dosa配芝士，好啱本人口味

暑假加上政府推出消費卷之下，自助餐變得愈來愈難book。一時興起想食自助餐，碰一碰運氣，打電話約第二日既自助餐兩位，又真係有位喎。雖然見fb既自助餐群組有部分人比佢既評語好差，但係睇youtube又好似ok。反正之前都有人話w酒店自助餐好差，但其實我自己試完又覺得ok，所以口味既野人人唔同，今次就試下cafe kool先！我本身好喜歡食海鮮，不過cafe kool海鮮種類比較少。當晚有生蠔、翡翠螺、蜆仔、凍蝦、藍青口、小龍蝦。而波士頓龍蝦就限左一人一隻。龍蝦好好食，肉質爽口彈牙又鮮甜，龍蝦鉗已經預先打爆左個殼，不費吹灰之力就可以食埋隻鉗既肉。之前去過playt有任食龍蝦，cafe kool呢隻既質素就好好多，美中不足係只限一人一隻。其他凍海鮮就係呢d，翡翠螺、藍青口同凍蝦都係正常自助餐既質素。小龍蝦我無試，因為一向都唔食😅生蠔每人每次限拎兩隻，成晚我應該食左6隻。size都係細細隻既生蠔，間中有一兩隻特別鮮甜。我覺得自助餐既生蠔黎講，算係咁。男友就覺得比較淡味。姬松茸燉湯呢個都好飲，我飲左兩盅羊架羊架都好正，唔會過熟，肉質夠嫩其實佢都幾多唔同既熟食選擇，扁皮鴨、滷水墨魚係其他自助餐比較

今天去香格里拉食自助餐，慶祝老公生日。雖然匯豐咭有折扣，計埋+1都要$411。又貴、又唔好食、有冇咩嘢食、又嘈吵、又多人、又長龍。食每一啖都抌心口，好唔開心。三文魚刺身細塊到不得了。又冇吞拿魚刺身。印度餐有咖喱，但沒有naan薄餅。食泰國咖喱，又沒有配白飯。食雪糕又要排長龍。食喇沙又好辣。prime rib 嗰舊肉又凍冰冰。總之每樣食物都是不完美。很不愉快的經歷。唯一覺得好一點就是伯爵茶，因為它不是用茶包，而是用茶葉。總之… 好似用左四百幾蚊，飲左杯茶。

早於兩個月前訂枱兩位慶祝媽媽生日， 到媽媽差不多生日前， 想加位啦～～ 可惜滿座了 咁算啦唯有Keep番同媽媽撐枱腳啦是日自制頭盤～ 全海鮮宴咁， 雖然龍蝦每人只有一隻，但一隻都唔細， 啖啖肉肉質有點韌，但是鮮甜的， 不是雪藏貨。 好想再來一客呢生蠔每人人限每次兩隻， 食過了、就可過了。 即不用再拎， 即開是鮮甜海水味的，但細隻到呢... 我只感覺到陣海水味 無肉食..另一推介香煎鵝肝牛柳，煎得香脆的鵝肝，未算太油膩恰好，牛柳都好有牛味北京片皮鴨，尚算OK～ 但係煮得可能太乾身、唔夠油脂，所以比較普通。 一次都夠了。松茸姬燉湯，我個人encore 左... 8次， 實在太好飲啦 （人地個燉盅細咋嘛👉🏻👈🏻）刺身有6款， 不過不失，仲有希靈魚、八爪魚同埋三文魚無食冬蔭公湯： 對於唔食得辣嘅我佢真係好辣，辣到我個胃都覺得有啲辣嘅感覺，即係肚都慶埋人人都讚佢嘅喇沙好食， 我都覺得佢個喇沙係唔錯嘅，椰汁同辣度到恰到好處， 唯一係材料比較少較為喜歡的熱盤天婦羅和冷盤，掃左兩三碟。 款式都不少。甜品方面試咗Opera蛋糕、法式燉蛋和意式白朱古力奶凍， 樣樣都做得好味，唔會過甜、細細件， 可以試好多

buffet ・今次介紹的是九龍香格里拉酒店的晚市自助餐純粹因為買了Staycation Package 以Package 來說價錢與食物的質素是正比但論到5星級酒店提供的食物水評實在未能達標・像很多5星酒店自助餐一樣晚市有提供生蠔   但質素相當一般Size算細兼且單薄  味道很淡很淡  入口完全不知自己在吃蠔這個不吃也擺  如選這款沒有質素的蠔不如索性不提供  較為會留下好印象・除了蠔  其實其他食物都很可取而且款式都多有一般的海鮮凍盤、泰式料理、印度咖喱、中式點心、片皮鴨、粉麵類……大部份的熱葷都不錯最推介是羊架，其次是燉湯我選擇了煎得較生的來吃  帶小小羶味  肉質嫩滑燉湯材料有松茸、淮山、豬肉  味道算清甜  喝起來聞到松茸的香氣兩款都是我較喜歡的・說到甜品方面小件的蛋糕味道太普通  如果沖著是要來吃甜品的話  一定會失望整個切件的蛋糕  應該味道會較為好一些  可依自己喜好揀選 個裝蛋糕我選了Tiramisu 味道都可以  反而小杯的Tiramisu 沒甚麼特別另有梳乎里班㦸及 桶裝Häagen-Dazs 提供・可能預訂前曾爬文  都說自助餐質素未有預期的好所以以packa

Staycation 包的自助早餐，坦白講在香港食自助早餐真係好少有機會，難得放假梗係要放鬆心情去hea住食吓早餐，而且安排左窗口位，望住下面趕住返工的人，而且自己就好悠閑，感覺好free 。 早餐都好豐富，我自制了All day breakfast 俾自己嘆，牛角包🥐好好味呀，仲有點心，有春卷、叉燒包、牛肉、燒賣，味道都吾錯，仲有好多菓汁、西瓜🍉汁、🍊汁、西柚汁，仲有Yogurt,而且有湯粉麵，好多嘢食都吾錯，到尾聲其實都飽了，但見到有生菓酥餅，忍唔住再食,真係好滿足😁😁

今個月生日🎂，所以同男友來staycation 慶祝生日，今晚就食自助晚餐，準時6:30pm入座，好多人所以基本上𢲡任何食物都要排隊，有D失望，不過見到好多美食，可以慢慢嘆😆。海鮮種類繁多，有龍蝦🦞而且好大隻，正、仲有即開生蠔🦪螺、麵包蟹、龍蝦仔、青口、蝦🦐，坦白講食咗海鮮外，已經飽了，所以其餘食物只是淺嚐了少量，但個喇沙一定要試吓，好好味😋。

男朋友生日， book咗九龍香格里拉staycation。成個package包一晚住宿、自助晚餐及早餐$1650。.自助晚餐由6:30開始，冷盤海鮮非常吸引，分別有龍蝦、麵包蟹、蟹腳、蝦、翡翠螺、小龍蝦、龍蝦蟹鉗、蜆等。🍽：龍蝦肉質好韌，有好多膏、食落係新鮮嘅，我自己都食咗兩隻。😆麵包蟹我係第一次食，超多膏，食完一件已經好滯。😅個人唔推薦小龍蝦，覺得好難食。.生蠔每人只限拎兩隻，係由職員即開即洗。🍽：生蠔新鮮有海水味，但真係好瘦，完全唔肥美。不過我都食咗6隻。😂.其實仲有啲壽司🍣魚生，不過試咗啲魚生，感覺唔算新鮮。而熱食方面，我男朋友試咗即叫即整嘅印度烤餅，佢話味道唔錯，但等候需時⋯仲有試咗燒牛肉、片皮鴨、芝士、辣酒煮螺、墨魚等。大家不妨食片皮鴨。👍🏻.甜品方面，有Häagen-Dazs雪糕，要職員幫手，有我最愛嘅紅莓雪芭。❤️其他啲蛋糕都幾高質！值得讚嘅係啲蛋糕好多都分好一件件，而唔係比人自己切。👍🏻仲有好多人排隊即整嘅Pancake，由於太飽，所以我哋就無食到啦！🤣總括來講，呢度嘅自助晚餐選擇都唔少，性價比高，值得推介！

平日去都已經人頭湧湧😳其實六百幾蚊一位在這個疫情時間其實可以好多選擇，不過喺朋友㨂的為我慶祝生日我沒有太多意見😚當晚的食物種類都是很一般的貨色，沒有什麼驚喜也沒有特別的，不過最令我深刻印象就是這裏的生蠔真的細得超級可憐很瘦削🦪個size只係一隻手指尾嘅長度裏面嘅肉只係一隻手指甲咁長🙁仲要每次排隊配給兩隻,我問他們是什麼國家生蠔他說是法國蠔，我相信這是我有生之年食過最迷的法國生蠔，而龍蝦比較硬身可能雪得較耐，至於沙律和刺身選擇很少只有基本的三四款，當晚係會令我望到之後很自然就掉頭走😣其實環境勉強可以因為都坐得比較近，我與隔離枱的距離只有一張凳的闊度，當晚的入座率有九成所以都很多人，至於人手方便比較缺少。

香格里拉40週年大優惠 lunch buffet 6折，先到先得平日也坐冇虚設，香港人始終仍願意尋找優惠優質的地方去消費的，而且食品款式多，食材也優質，折後每位才$250,抵食~冷盤海鮮區~蟹腳，凍蝦 ，翡翠螺 ，蜆，青口， 龍蝦仔。所有海鮮，味道鮮甜~咖哩區~印度厨司主理的,即叫即整薄餅， 亦有多款印度薄脆選擇~燒牛肉~6成孰，牛味濃，肉質新鲜味美~炸天婦羅區~剌身壽司區~因為其食他食品區，太吸引，胃巳沒有所餘空間去試泰式麵食區~材料沒特別，大路貸式，但有大蝦雪榚區~Haagen-Dazs有12款味選擇甜品區 ~太多款， 目不暇給， 不能盡錄， 突然覺得自己有選擇困難障礙。食後感中，日，泰，印，西式區食物選擇非常多 ，食材高質，侍應服務勤快有禮

好耐冇食過自助,慶祝家人移民前就吃餐高級少少中午自助 西冷牛凍蟹腳同甜品都系5星級水平勁多野食 都唔夠位食晒所有野320蚊一位超正 感覺有回本大家可以留意信用卡優惠詳情遲d試埋個晚間自助餐

今日黎到九龍香格里拉大酒店的Cafe Kool，晚餐自助餐得一輪，可以由6點食到9點半，當晚去都幾爆滿，店員安排我地坐窗邊位置，可要求要口罩套，店員服務都不錯👍🏻收碟快，而且多員工.海鮮區有即開生蠔、開邊龍蝦、麵包蟹、蜆、蟹腳、青口等、蝦等等，生蠔偏鹹，每次只可攞兩隻，龍蝦非常推介，多膏新鮮同埋夠爽彈🤤麵包蟹淡而無味，膏多但不太鮮甜🙁蟹腳都不錯，唔會過鹹，亦冇雪藏味餐廳設有印度菜區域，有兩三款咖哩同脆餅，仲可以即叫即點一份類似pancake既食物，可以加芝士、蔬菜同雞肉，味道還好，薄薄地，唔會好膩，但可以留位食其他野🙈鴨肝配牛扒數量非常足夠，牛扒出色過鴨肝😋食落牛味重又軟腍，相反鴨肝油脂感唔太重，有點平平無奇北京填鴨其一一樣本來好期待，但最後失望既食物，由米芝連一星中菜廳提供北京填鴨，鴨唔夠熱同唔夠香口，餅皮亦偏厚，攞左一次就算😖.甜品區呢到甜品種類真係好多，淨係食甜品都飽🥰當中芝士餅、朱古力慕絲我都比較鍾意，不過即整梳乎厘數量得好少，整完一次唔知幾時先會再整，呢方便可以有待改善

反正沙田ALVA都要差不多價錢，不如來九龍香格里拉，不太有印象來過，進來看到門高狗大，氣派不錯門口在上一層的閣樓，門口登記填表或是安心出行，然後先至內進，以為入面應該很大，的確座位不少，亦都有大大盞燈，不過未如我想像中那麼廣闊🤔內裏一方有中式燉湯、烤鴨，另一邊就有泰式東西，以及印度咖喱烤餅，再過啲有人為你煮意粉，另一旁就是日式刺身壽司。刺身質素普通，無論三文魚、吞拿魚、還是希靈魚，質素普普通通，不算太過肥美，也沒有切得太過厚身。龍蝦之外其他的冷凍海鮮都不算太吸引，因此我都只吃了龍蝦，除了最大件的肉之外，還有少許膏，雖然還是比較冷凍，與中式煮的龍蝦在鮮味方面有些分別，但還算可以接受吧。切牛肉亦都沒有試，因為看見旁邊的羊架挺為吸引，平時的烤羊架或是羊鞍，但這兒的羊架，一支支可以見到清晰紋理，亦都有些脂肪，肥瘦均勻，吃落不覺得羊羶味很強，不過肉味挺為香濃，加點薄荷亦都更上一層樓。烤鴨不時會有師傅拿出來，然之後切肉以及皮放在長碟，供食客自己夾選，但是，這些鴨，不算太過肥膩，而且亦都非常細隻，只是用來過下口癮，絕對比不上中說明點，什麼鳴鳴春或是泉章居那些那般美味，不過用外皮包着鴨肉連同鴨皮，再加

相隔咗一年有多，前晚再次到訪香格里拉既Cafe Cool，整體食物、環境同服務水準都保特倒，推薦食物會推介牛扒同羊架，燒得鮮嫩充滿肉汁好食，海鮮類：龍蝦、麵包蟹、凍蝦、青口、 凍蜆、長腳蟹及刺身類同樣保持水準，咖哩吧食物仍然不錯尤其是印度薄餅，唯獨是生蠔吧、燉湯同點心類質素有下滑嘅趨勢，希望以上幾款食物，酒店方面可以作出改善提升返個質素，至於甜品類本人比較鍾意食中式甜品，今晚有個紅豆糕就做得唔錯，我攞咗好多件，我啲friend就好鍾意Häagen-Dazs雪糕，全餐埋單就有訂坐8折優惠， 所以都尚算抵食的。